ពន្ធ​អចលន​ទ្រព្យ​ថ្មី​កំពុង​ស្ថិត​ក្នុងការ​ពិចារណា

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

Thu, 11 June 2015 Bangkok Post

3

បាងកកៈ ​ពន្ធ​លើដី​លក់ និង​គម្រោង​សាងសង់​អគារ ត្រូវបាន​រំពឹងទុក​ថា​នឹង​ស្ថិតនៅលើ​ចំណុច​លើ​គេ​នៃ​របៀប​វារៈ​របស់​គណៈ ​រដ្ឋមន្ត្រី​នៅ​រយៈពេល​ពីរ​ខែក្រោយ បន្ទាប់ពី​មានការ​ពន្យារ​ពេល ចាប់តាំង ពី​ខែ​មីនា ដោយមាន​ព្រួយ​បារម្ម​ពី​សំណាក់​សាធារណជន​លើ​បន្ទុក​ពន្ធ​។​

​លោក Sommai Phasee មន្ត្រី​ផ្នែក​ហិរញ្ញវត្ថុ បាន​ឲ្យ​ដឹងថា​ សេចក្តី​ព្រាងច្បាប់​លើ​ពន្ធ​អចលន​ទ្រព្យ​ថ្មី​កំពុង​ពន្យារ​ពេល​ការពិចារណា​របស់​ក្រសួង​ហិរញ្ញវត្ថុ មុនពេល​ទទួល បាន​ការ​អនុម័ត​ពី​គណៈរដ្ឋមន្ត្រី និង​សភា​នីតិ​បញ្ចេញ​ញាត្តិ​ជាតិ​។​

​លោក​បាន​និយាយថា ម្ចាស់ផ្ទះ​ក្នុង​ទីក្រុង​គឺ​តម្រូវ​ឲ្យ​បង់ពន្ធ​អចលនទ្រព្យ​ប៉ុន្តែ​តម្លៃ​បង់ពន្ធ​មិនគួរ​ជា​បន្ទុក​ដ៏​ធ្ងន់​ទេ​សម្រាប់​ពួកគេ​។ ផ្ទះ​ដែលជា​កម្ម​សិទ្ធិរបស់​កសិករ​នៅ​ខេត្ត​ដាច់ស្រយាល​គឺ​ត្រូវបាន​លើក​លែង​ពន្ធ​។​

​នាយករដ្ឋមន្ត្រី លោក Prayut Chan-o-cha បានសម្រេច​ចិត្ត​ពន្យារពេល​លើសេចក្តី​ព្រាងច្បាប់​នេះ ដោយ​យោងតាម​ស្ថានភាព​សេដ្ឋកិច្ច​បច្ចុប្បន្ន និង​ការប៉ះទង្គិច​លើ​អ្នកមាន​ចំណូលទាប​។ ពន្ធ​អចលនទ្រព្យ​ថ្មី​នេះ​គឺជា​អាទិភាព ដោយសារ ចំណូល​ពន្ធ​ត្រូវការ​យ៉ាងខ្លាំង​ក្នុងការ​ផ្តល់ថវិកា​លើ​ការ​វិនិយោគ​ហេដ្ឋារចនាសម្ព័ន្ធ​ដែលមាន​ទឹកប្រាក់​រាប់ពាន់​លានដុល្លារ ហើយ​ក៏​ដូចជា​ជួយ​សម្រេច​គោលដៅ​របស់​រដ្ឋាភិបាល​ក្នុងការ​សម្រួល​ដល់​ស្ថានភាព​សេដ្ឋកិច្ច​បច្ចុប្បន្ន​។​

​រដ្ឋាភិបាល ប៉ាន់ប្រមាណ​ថា ពន្ធ​ថ្មី​នេះ​នឹង​បង្កើត​ប្រាក់ចំណូល​រដ្ឋ​បាន ២០០ ពាន់លានបាត​ក្នុងមួយឆ្នាំ​។​

​ដោយ​ផ្អែកលើ​ការស្នើ​សុំ​ថ្មី​នេះ​របស់​ក្រសួង​ហិរញ្ញវត្ថុ ម្ចាស់ផ្ទះ​ត្រូវបង់​ ០.១​ ភាគរយ​នៃ​តម្លៃ​ផ្ទះ​ដែល​ត្រូវបាន​វាយតម្លៃ​រួច​។ ដី​កសិកម្ម​គឺ​ត្រូវ​បង់ ០.០៥​ ភាគរយ និង​ដី​ពាណិជ្ជកម្ម​ត្រូវ​បង់​ ០.២​ ភាគរយ​។​

​ផ្ទះ​ដែលមាន​តម្លៃ​ត្រឹម​ ២ លានបាត​នឹង​ទទួលបាន​ការលើកលែង​ដល់​ ៧៥​ ភាគរយ ដោយ​ក្នុង​ ១​ លានដុល្លារ ម្ចាស់ផ្ទះ​ត្រូវ​បង់ ២៥០ បាត​។ ផ្ទះ​ដែលមាន​តម្លៃ​ចាប់​ ២ ទៅ​ ៤ លានដុល្លារ​នឹង​ទទួលបាន​ការលើកលែង ៥០ ភាគរយ ដោយ​ម្ចាស់​ផ្ទះ​ត្រូវ​បង់​ ៥០០ បាត​ក្នុង​មួយ​លានដុល្លារ ខណៈ​ផ្ទះ​ដែលមាន​តម្លៃ​លើសពី​ ៤​ លានដុល្លារ នឹង​តម្រូវ​ឲ្យ​ម្ចាស់ផ្ទះ​បង់ ១០០០​ បាត​។​

​ដី​កសិកម្ម​ដែល​ត្រូវបាន​វាយតម្លៃ​តិចជាង ១.៥ ​លានដុល្លារ​នឹង​ត្រូវបាន​លើកលែង​ពន្ធ មានន័យថា កសិករ​ដែលមាន​ចាប់ពី ​២០ ទៅ ៣០ រ៉ៃ​នៅ​តំបន់​ដាច់ស្រយាល​នឹងមិន​ជាប់​បន្ទុកពន្ធ​ទេ​។​

​លោក Sommai បាន​ថ្លែងថា ក្រសួង​ហិរញ្ញវត្ថុ​គ្រោង​នឹង​បង្កើន​ពន្ធ​ប្រាក់ចំណូល​ដើម​ឲ្យ​សើ្ម​នឹង​ ២០​ ភាគរយ​នៃ​ផលិតផល​សរុប​នាពេលខាងមុខ ដោយ​កាលពីមុន​ធ្វើបាន ១៧​ ភាគរយ​៕

Source From: Phnom Penh Post

Latest News

LATEST EXCLUSIVE LISTING

Villa For Sale
Niroth,Meanchey
USD 1,100,000.00
Flat House For Sale
Prek Pra,Meanchey
USD 68,000.00
Flat House For Sale
Dangkao,Dangkao
USD 73,000.00
Flat House For Sale
Boeng Keng Kang III,Chamkarmon
USD 295,000.00
Apartment For Sale
Chrang Chamres 1,Russey Keo
USD 168,000.00

CVEA MEMBERS