HSL Group គ្រោង​នឹង​សង់​អគារ​ខ្ពស់​ជាង​គេ​នៅ​ប្រទេស​មីយ៉ាន់ម៉ា

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

Mon, 9 February 2015 អត្ថបទ ​ The Myanmar Times

2e

ក្រុមហ៊ុន HSL Group បាន​ប្រកាស​ពី​គម្រោង​សាងសង់​ដ៏ធំ​មួយ​ដែល​ស្ថិត​នៅក្នុង​ទីក្រុង Tarmwe ដោយ​ក្នុង​នោះ​រួមមាន​ការ​សាងសង់​អគារ​ខ្ពស់​ជាង​គេ​ក្នុង​ប្រទេស​មីយ៉ាន់ម៉ា​ផង​ដែរ​។

ដំណាក់កាល​ទី​១ នៃ​គម្រោង របស់ Polo Club Asia គឺ​ ការ​សាងសង់​អគារ​មួយ​មាន​កម្ពស់ ​៣៤​ ជាន់ ស្មើ​គ្នា​ជាមួយ​អគារ​របស់​គម្រោង Diamond Inya Palace ដែល​កំពុង​សាងសង់​នា​ពេល​នេះ​ផង​ដែរ។ អគារ​ខ្ពស់​ជាង​គេ​នៅក្នុង​ប្រទេស​ មីយ៉ាន់ម៉ា នា​ពេល​បច្ចុប្បន្ន​មាន​ឈ្មោះ​ថា Centrepoint Towers ដែល​មាន​កម្ពស់​ ២៥ ជាន់​។

លោកស្រី Ma Wah Wah Hlaing ប្រធាន​ផ្នែក​នៃ​គម្រោង Polo Club Asia បាន​និយាយ​ថា ដំណាក់កាល​ទី​២​របស់​គម្រោង Polo Club Asia នឹង​មាន​ការ​សាងសង់​អគារ​ការិយាល័យ និង​អាផាតមិន​សម្រាប់​ជួល ចំណែក​ដំណាក់កាល​ទី​៣ គឺ​ការ​សាងសង់​សណ្ឋាគារ​លំដាប់​ផ្កាយ​៥។

ក្រុមហ៊ុន HSL បាន​សម្រេចចិត្ត​ចូលរួម​ជាមួយ​ក្រុមហ៊ុន​អចលនទ្រព្យ Golden Glory Group នេះ​បើ​តាម​គេហទំព័រ​របស់​ក្រុមហ៊ុន​។ ក្រុមហ៊ុន​ទាំង​ពីរ​នេះ​ត្រូវ​បាន​ដឹកនាំ​ដោយ​អ្នក​ជំនួញ​ម្នាក់​គឺ​លោក U Khin Maung Aye ដែល​ជា​ស្ថាបនិក​រោងចក្រ​កាត់ដេ Lat War។

គម្រោង Polo Club ទាំង​មូល​នឹង​ត្រូវការ​រយៈពេល​៦​ឆ្នាំ​ដើម្បី​ធ្វើការ​អភិវឌ្ឍ ដោយ​ក្នុង​នោះ​មាន​អគារ​ស្នាក់នៅ​ចំនួន ​២ នឹង​អាច​ចាប់ផ្តើម​បើក​ដំណើរការ​ក្នុង​ខែ​មិថុនា ឆ្នាំ​២០១៨។ អគារ​ទាំង​២​នោះ នឹង​មាន​បន្ទប់​ស្នាក់នៅ​ចំនួន​៣៧៣​យូនីត និង​មាន​ផ្សារទំនើប​នៅ​ជាន់​ផ្ទាល់​ដី។ ផ្នែក​ចុងក្រោយ​ដែល​នឹង​ត្រូវ​បញ្ចប់ គឺ​សណ្ឋាគារ។

ដី​របស់​គម្រោង​នេះ​កាលពី​មុន គឺជា​ទីតាំង​របស់​បណ្ណាល័យ​ជាតិ ដែល​បាន​បើក​ដំណើរការ​កាលពី​ឆ្នាំ​២០០២ ប៉ុន្តែ​វា​ត្រូវ​បាន​បំផ្លាញ​ទៅវិញ​ដោយសារ​ខ្យល់​ព្យុះ Cyclone Nargis កាលពី​ឆ្នាំ​២០០៨ មុន​ពេល​គេ​ផ្លាស់ប្តូរ​ទៅកាន់​ទីក្រុង Yankin។

លោកស្រី Ma Wah Wah Hlaing បាន​និយាយ​ថា អតីត​បណ្ណាល័យ ត្រូវ​បាន​កែលម្អ​ជាថ្មី​ដោយ​ជាន់​ផ្ទាល់​ដី​ត្រូវ​ប្រើប្រាស់​ជា​កន្លែង​ដាក់​តាំង​វត្ថុ​មួយ​ចំនួន និង​ផ្នែក​នៅ​សល់​ត្រូវ​ប្រើប្រាស់​ជា​ការិយាល័យ​ជួល ឬ​ជា​ភោជនីយដ្ឋាន។

លោកស្រី​បាន​បន្ត​ទៀត​ថា វា​ទំនង​ជា​ត្រូវ​បាន​រំលាយ​ចោល​ដើម្បី​សាងសង់​សណ្ឋាគារ លំដាប់​ផ្កាយ​៥ បើ​ទោះ​ជា​ការ​សម្រេច​ចុងក្រោយ​មិន​ទាន់​ត្រូវ​បាន​ធ្វើ​ឡើង​ក៏ដោយ​។

កន្លែង​ស្នាក់នៅ​ក្នុង​គម្រោង Polo Club Asia បាន​បើក​លក់​កាលពី​ខែ​ធ្នូ ឆ្នាំ​២០១៤។ មន្ត្រី​ម្នាក់​ប្រចាំ​ក្រុមហ៊ុន​ប្រាប់​ថា គម្រោង​ខាង​លើ​លក់​ចេញ​បាន​៩០​យូនីត​ហើយ ដោយ​មាន​តម្លៃ​ចាប់ពី​ ២ ៥០០ ​ទៅ ​៤ ៥០០ ​ដុល្លារ​ក្នុង​១​ម៉ែត្រការ៉េ ហើយ​បន្ទប់​មាន​ទំហំ​ចន្លោះ​ពី ៦៥​ ទៅ​ ២៤១ ​ម៉ែត្រការ៉េ។

ដី​នេះ​ជា​កម្មសិទ្ធិរបស់ Myanmar Economic Corporation មាន​ន័យ​ថា អតិថិជន​នឹង​ចុះ​កុងត្រា​ជួល​បាន​រយៈពេល​៧០​ឆ្នាំ។

គម្រោង Polo Club Asia នេះ​ត្រូវ​បាន​ធ្វើ​ឡើង​ក្រោម​កិច្ចសហការ​ជាមួយ​ក្រុមហ៊ុន​អន្តរជាតិ​ជាច្រើន​ដូចជា​ក្រុមហ៊ុន China State Construction Engineering Corporation និង​ក្រុមហ៊ុន​ជាច្រើន​ទៀត​ដែល​មក​ពី​ប្រទេស​ សិង្ហបុរី​ ផង​ដែរ​៕

 

Source From: Phnom Penh Post  

 

 

 

 

 

 

 

 

 

 

 

 

 

 

 

 

 

Latest News

តបតាមការអញ្ជើញរបស់សមាគមភ្នាក់ងារអចលនវត្ថុប្រទេសហ្វីលីពីន កាលពីថ្ងៃទី ៤-៦...

LATEST EXCLUSIVE LISTING

Land For Sale
Trapang Krasang,Porsenchey
USD 420.00/SQM
Land For Sale
Phnom Penh Thmei,Sen Sok
USD 285.00/SQM
Land For Sale
Chorm Chao,Porsenchey
USD 150,000.00
Flat House For Sale
Boeng Salang,Tuol Kork
USD 398,000.00
Land For Sale
Phnom Penh Thmei,Sen Sok
USD 155,000.00

CVEA MEMBERS