យ៉ាំងហ្គោន​មាន​ផែនការ​សង់​លំនៅឋាន​តម្លៃ​ថោក

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

Sat, 17 January 2015 The Myanmar Times

1 IN

រដ្ឋាភិបាល​ទីក្រុង​យុំាងហ្គោន បាន​ដាក់​ផែនការ​បញ្ចេញ​ប្រាក់​ចំនួន ​១០០​ ពាន់​លាន​ខ្យាត ​(៩៧​ លាន​ដុល្លារអាមេរិក) ដើម្បី​អភិវឌ្ឍ​គម្រោង​សាងសង់​លំនៅឋាន​ ១០​ កន្លែង ក្នុង​ឆ្នាំ​ ២០១៥-២០១៦​។ នេះ​បើ​យោងតាម​មន្ត្រី​ជាន់ខ្ពស់​មួយ​រូប​ក្នុង​នាយកដ្ឋាន​អភិវឌ្ឍន៍​លំនៅឋាន​។

មូលនិធិ​ខាងលើ​នឹង​មាន​ការ​បញ្ចូល​គ្នា​ជាមួយ​ទុនវិនិយោគ​មួយ​ចំនួន​ទៀត សម្រាប់​អភិវឌ្ឍ​គម្រោង​សាងសង់​លំនៅឋាន​ដែល​មាន​តម្លៃ​ទាប​ក្នុង​ទីក្រុង ​យុំាងហ្គោន រួមទាំង​ក្នុង​ទីក្រុង Pathein និង Mawlamyinណ្តe ផង​ដែរ​។

ផែនការ​នោះ​រួមមាន​ការ​រចនា​សំណង់ និង​ការ​ប៉ាន់ប្រមាណ​អំពី​តម្លៃ ខណៈ​ក្រុមហ៊ុន​ឯកជន​ជាច្រើន​នឹង​ត្រូវ​អញ្ជើញ​ឲ្យ​ចូលរួម​ក្នុង​ការ​ស្នើសុំ​ជា​ផ្លូវការ​នៅ​ប៉ុន្មាន​ខែ​ខាង​មុខ​។

មន្ត្រី​ជាន់ខ្ពស់​ខាងលើ​បាន​ថ្លែង​ថា​៖​«ផែនការ​ខាងលើ​នឹង​ភ្ជាប់​ជាមួយ​នឹង​គោលនយោបាយ​នៃ​ការ​មិន​រក​ផលចំណេញ​របស់​រដ្ឋាភិបាល​ផង​ដែរ​។ ពិត​ណាស់​មូលនិធិ​នេះ​នឹង​មិន​គ្របដណ្តប់​ទៅលើ​គម្រោង​ទាំង​១០​នោះ​ទេ ដោយ​គម្រោង​ទាំងអស់​មាន​ចំនួន ​១៨ ០០០ ​យូនីត។ យើង​នឹង​សាងសង់​អគារ​មួយ​ចំនួន​ជា​មុន ហើយ​បន្ទាប់មក​យើង​នឹង​យក​ប្រាក់​ដែល​បាន​មកពី​ការ​លក់ ដើម្បី​ទៅ​សាងសង់​អគារ​ជា​បន្តទៀត​»។

គម្រោង​នីមួយៗ​អាច​ចំណាយ​ពេល​ប្រហែល​ជា​ពីរ​ឆ្នាំ​ក្នុង​ការ​សាងសង់ ដោយ​ក្នុង​នោះ ​៧ ​គម្រោង​ស្ថិត​នៅក្នុង​ទីក្រុង​យុំាងហ្គោន ហើយ​ ៣​ ទៀត​ក្នុង​តំបន់ Ayeyardy និង Mon State។

វា​ហាក់បី​ដូចជា​លឿន​ពេក​ក្នុង​ការ​កំណត់​តម្លៃ​ពិតប្រាកដ​ថា ផ្ទះ​នីមួយៗ​លក់​ចេញ​ក្នុង​តម្លៃ​ប៉ុន្មាន ខណៈ​គម្រោង​ទាំងនេះ​នឹង​សាងសង់​លើ​ដី​ជា​ទ្រព្យសម្បត្តិ​របស់​រដ្ឋ ដូច្នេះ​តម្លៃ​ដី​នឹង​មិន​ត្រូវ​បាន​គិត​បញ្ចូល​ទេ។

តម្លៃ​នឹង​ត្រូវ​បាន​កំណត់​ចេញ​តាមរយៈ​តម្លៃ​សាងសង់ ការ​ផ្គត់ផ្គង់​ទឹក និង​អគ្គិសនី ដោយ​ផ្តោត​លើ​តម្លៃ​ដែល​សមរម្យ ហើយ​ធានា​ថា រដ្ឋាភិបាល​មិន​ខាតបង់​ប្រាក់​នោះ​ទេ។

ផ្ទះ​នីមួយៗ​អាច​លក់​ចេញ​ក្នុង​តម្លៃ​ប្រហែល ​៩ ៨០០ ​ដុល្លារ​អាមេរិក ខណៈ​ការ​សាងសង់​ផ្ទះ​នីមួយៗ​អាច​ចំណាយ​ប្រាក់​ ៧ ៣០០ ​ដុល្លារ និង​ការ​កសាង​ហេដ្ឋារចនាសម្ព័ន្ធ​បន្ថែម​អាច​មាន​តម្លៃ ២ ៥០០ ​ដុល្លារ​។

ការ​សាងសង់​ផ្ទះ​ទាំងអស់​ត្រូវ​បាន​ប្រកាស​ចាប់​តាំងពី​ពាក់កណ្តាល​ឆ្នាំ​២០១៤ ដោយ​ក្រសួង​សំណង់​។

ផែនការ​នេះ​ធ្វើ​ឡើង​ក្នុង​គោលបំណង​ដោះស្រាយ​ការ​ខ្វះខាត​លំនៅឋាន​ដែល​មាន​តម្លៃ​ទាប ដោយ​មិន​មែន​ត្រឹមតែ​ក្នុង​ទីក្រុង​យុំាងហ្គោន​នោះ​ទេ ប៉ុន្តែ​ថែម​ទាំង​នៅ​ទីក្រុង​ដទៃ​ទៀត​ផង​ដែរ។

មន្ត្រី​ជាន់ខ្ពស់​នៃ​នាយកដ្ឋាន​អភិវឌ្ឍន៍​លំនៅឋាន ខាងលើ​បាន​ឲ្យ​ដឹង​ទៀត​ថា មាន​គម្រោង​សាងសង់​លំនៅឋាន​ក្នុង​ទីក្រុង​យុំាងហ្គោន ចំនួន​ ៩៨​ បាន​បញ្ចប់​ការ​សាងសង់​ក្នុង​ចន្លោះ​ពី​ឆ្នាំ​ ២០១៣-២០១៤ ខណៈ​បច្ចុប្បន្ន​មាន​គម្រោង​សាងសង់​ចំនួន​ ២៩៤ ​កំពុង​ដំណើរ​ការ​ក្នុង​ទីក្រុង​នេះ ហើយ​ ៧៩ ​ទៀត​ក្នុង​ទីក្រុង Mandalay ទីក្រុង Monywa និង​ទីក្រុង Magwe។

មន្ត្រី​ដដែល​បាន​និយាយ​ថា មាន​គម្រោង​សាងសង់​ច្រើន​ជាង​១០០​ទៀត សម្រាប់​ប្រជាជន​ដែល​មាន​ចំណូល​មធ្យម ដូចជា ក្រុម​អ្នក​ធ្វើ​ការងារ​រដ្ឋ និង​ក្រុម​កម្មករ​ជាដើម​។

លោក​បាន​អះអាង​ថា​៖ «​នឹង​មាន​លំនៅឋាន​ដែល​តម្លៃ​អាច​ទទួល​យក​បាន​នា​ពេល​អនាគត»។

អ្នក​ទិញ​ដែល​មាន​ចំណាប់​អារម្មណ៍​នឹង​ត្រូវ​ទាក់ទង​នៅពេល​គម្រោង​ទាំងនោះ​ត្រូវ​បញ្ចប់​។ លោក​បាន​ប្រាប់​ទៀត​ថា ជាទូទៅ​ពាក្យ​ស្នើសុំ​ជាច្រើន​ត្រូវ​បាន​ទទួល​ដោយ​មាន​ការ​ចាប់​យក​អ្នក​ដាក់​ស្នើសុំ​ដែល​មាន​សំណាង​នឹង​អាច​ទិញ​ផ្ទះ​បាន​៕ M.times/SM

 

 Source From: Khmer post   (  17 January 2015 )

 

 

 

 

 

 

 

 

 

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Villa For Rent
Niroth,Meanchey
USD 600.00/Month
Shop For Rent
Niroth,Meanchey
USD 700.00/Month
Land For Sale
Chroy Changva,Russey Keo
USD 1,090,000.00
Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month

CVEA MEMBERS