Sansiri នឹង​ពង្រីក​ការ​វិនិយោគ​របស់​ខ្លួន​ឲ្យ​កាន់​តែ​ធំ​ជាង​មុន

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ប្លង់​​អគារ​មួយ​ដែល​ក្រុម​ហ៊ុន Sansiri គ្រោង​នឹង​សាង​សង់​នៅ​ក្នុង​ឆ្នាំ​២០១៨ នេះ​។ រូបថត សហការី

SANSIRI PLC ដែល​បាន​ចុះបញ្ជី​ក្នុង​ផ្សារ​ហ៊ុន​នៅ​ប្រទេស​ថៃ មាន​ផែនការ​បង្កើត​លំនៅឋាន​ថ្មី​ចំនួន​ ៣១ ​កន្លែង​ក្នុង​ឆ្នាំ​ ២០១៨ នេះ​ក្នុងតម្លៃ​សរុប​ ៦៣,២​ ពាន់​​លាន​បាត​ (២០១០​ លាន​ដុល្លារ​អាមេរិក​) ដែលជា​ចំនួន​ខ្ពស់​បំផុត​ចាប់​តាំង​ពី​ការបង្កើត​ក្រុមហ៊ុន​។

ក្រុមហ៊ុន​មាន​គោល​បំណង​លក់​មុន (Presales) ឱ្យ​បាន​ប្រាក់​ចំនួន​ ១ ៤៣១​ លាន​ដុល្លារ​ក្នុង​ឆ្នាំ​ ២០១៨ ដែល​ចំនួន​នេះ​គឺ​កើន​ឡើង​ ២៤​ ភាគរយ បើ​ធៀប​ទៅនឹង​រយៈពេល​ដូចគ្នា​ កាលពី​ឆ្នាំ​មុន​។

លោក Wanchak Buranasiri នាយក​ផ្នែក​ហិរញ្ញវត្ថុ​របស់​ក្រុមហ៊ុន Sansiri Plc បាន​និយាយ​ថា ទឹក​ប្រាក់​ដែល​ទទួល​បាន​ពី​ការ​លក់​ទាំង​អស់​នា​ឆ្នាំ​នេះ​នឹង​ក្លាយ​ជា​កំណត់ត្រា​ថ្មី​មួយ​សម្រាប់​ក្រុមហ៊ុន​។

លោក​បាន​អះអាង​ថា ​៖ «​ការ​លក់​មុន (Presales) កាលពី​ឆ្នាំ​ ២០១៧ មាន​ចំនួន ​១ ២២៨ ​លាន​ដុល្លារ ខ្ពស់​ជាង​តម្លៃ​ដែល​យើង​បាន​កំណត់ ដែល​មាន​ចំនួន​ ១ ១៨៦ ​លាន​ដុល្លារ​។ ជាមួយនឹង​និន្នាការ​វិជ្ជមាន​ជាច្រើន​ដែលមាន​នៅក្នុង​ឆ្នាំនេះ យើង​សង្ឃឹម​ថា​ការ​លក់​នៅ​ឆ្នាំ​ក្រោយ​នឹង​ឈាន​ដល់ ​១ ៥៩៤ ​លាន​ដុល្លារ​»​។

និន្នាការ​នេះ​រួម​បញ្ចូល​ផ្នែក​សេដ្ឋកិច្ច​ទាំង​មូល ដែល​ត្រូវ​បាន​គេ​ព្យាករ​ថា នឹង​មាន​កំណើន​៤​ភាគរយ​ផង​ដែរ​។

ផែនការ​របស់ Sansiri ក្នុង​ឆ្នាំ​ ២០១៨ គឺ​ទទួល​បាន​ប្រាក់​ចំនួន​ ៤១៣ ​លាន​ដុល្លារ​ពី​ការ​លក់​ទៅ​ឲ្យ​ជនបរទេស ដែល​អតិថិជន​សំខាន់ គឺ​ជន​ជាតិ​ចិន និង​ហុងកុង ដោយ​ពួក​គេ​ទាំង​នោះ​មាន​តម្រូវ​ការ​ខ្ពស់​សម្រាប់​ខុនដូ​នៅ​ក្នុង​ទីក្រុង​បាងកក​។

ក្នុង​ឆ្នាំ​ ២០១៨ នេះ​ក្រុមហ៊ុន​ក៏​មាន​គម្រោង​នឹង​បើក​សាខា​នៅ​ទីក្រុង ​ហុងកុង ដែល​ទីនោះ​នឹង​ក្លាយជា​សាខា​ទី ​៦ នៅ​ក្រៅ​ប្រទេស ខណៈ​កន្លង​មក​ក្រុមហ៊ុន​មាន​៤​សាខា​រួច​មក​ហើយ​ក្នុង​ប្រទេស​ចិន គឺ​នៅ​ទីក្រុង​ប៉េកាំង សៀង​ហៃ គ័ងស៊ូ និង​ស៊ិន​ជាំង និង​មួយ​កន្លែង​ទៀត​ក្នុង​ប្រទេស​សិង្ហ​បុរី​។

ក្រុមហ៊ុន​សង្ឃឹម​ថា នឹង​ទទួល​បាន​ចំណែក​ទីផ្សារ​ថ្មី​ចំនួន​៣​បន្ថែម​ទៀត គឺ​ប្រទេស ​ជប៉ុន កូរ៉េ​ខាង​ត្បូង និង​កោះ​តៃវ៉ាន់ បន្ទាប់ពី​ទទួល​បាន​ជោគជ័យ​ពី​ការ​លក់​ទៅ​ឲ្យ​អតិថិជន​នៅ​ប្រទេស​ចិន ហុងកុង សិង្ហ​បុរី និង​ម៉ាឡេស៊ី ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ​។

លោក Uthai Uthaisangsuk ប្រធាន​ផ្នែក​ប្រតិបត្តិការ បាន​ឱ្យ​ដឹង​ថា នៅ​ឆ្នាំ​នេះ​ក្រុមហ៊ុន​នឹង​ចាប់​ផ្តើម​គម្រោង​ខុនដូ​ថ្មី​ចំនួន​១២​កន្លែង ដែល​មាន​តម្លៃ​សរុប ​១ ០៦៥​ លាន​ដុល្លារ ដោយ​ខុនដូ ចំនួន​៧​ស្ថិតក្នុង​ទីក្រុង ​បាងកក ក្រៅពី​នោះ​មាន​នៅ ឈៀង​ម៉ៃ ហួ​ហ៊ីន ប៉ាតាយ៉ា ភូកេត និង​ហាត់​យ៉ៃ​។

កាល​ពី​ឆ្នាំ​មុន​ក្រុមហ៊ុន​ទទួល​បាន​ប្រាក់​ចំនួន​២៨៣​លាន​ដុល្លារ ពី​ការលក់​ខុនដូ​នៅ​តាម​បណ្តា​ខេត្ត ដែល​គម្រោង​ទាំង​នោះ​បាន​បញ្ចប់​រួចរាល់​ហើយ​។

នៅ​ទីក្រុង​បាងកក គម្រោង​ខុនដូ​ចំនួន​៤ ទៅ​៦ នឹង​ក្លាយ​ជា​ការ​បណ្តាក់​ទុន​រួម​គ្នា​ជាមួយ​ក្រុមហ៊ុន BTS Group Holdings ឬ​ក្រុមហ៊ុន​ជប៉ុន Tokyu Corporation​។​

យ៉ាង​ហោច​ណាស់​គម្រោង​ចំនួន​២ នឹង​ត្រូវ​បង្កើត​ឡើង​ដោយ ក្រុមហ៊ុន Sansiri ស្ថិត​នៅ​ក្រោម​ម៉ាក​ថ្មី។

នៅ​ក្នុង​ឆ្នាំ​២០១៨​នេះ ក្រុមហ៊ុន​នឹង​ចំណាយ​ថវិកា​ចំនួន​៤៧៨​លាន​ដុល្លារ​សម្រាប់​ទិញ​ដី ខណៈ ​កាល​ពី​ឆ្នាំ​ ២០១៧ ក្រុមហ៊ុន​ចំណាយ​ទៅ​លើ​ការ​ទិញ​ដី​អស់​ចំនួន​ ៥១០ ​លាន​ដុល្លារ​៕ PS

Source From : Phnom Penh Post

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Ou Saray,Tram Kak
USD 18.00/SQM
Land For Sale
Chorm Chao,Porsenchey
USD 470,000.00
Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00

CVEA MEMBERS