ទីក្រុង​បាងកក​ នឹង​មាន​ការ​កើន​ឡើង​នូវ​ការ​ផ្គត់ផ្គង់​ខុនដូ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ទិដ្ឋភាព​មើល​ពី​លើ​អាកាស​នៃ​អគារ Baiyoke Tower II​។ យោង​តាម REIC បាន​បង្ហាញ​ថា ចំនួន​ខុន​ដូ ៦៣,៦៥៨​យូនីត នៅ​ទីក្រុង​បាងកក និង​ខេត្ត​ទាំង ៥​ទៀត​នៅ​ក្បែរ​នោះ គឺ​ពុំ​ទាន់​លក់​ដាច់​ទេ​។ រូបថត PATIPAT JANTHONG

ទីផ្សារ​ខុន​ដូ​លំនៅឋាន​ដ៏​ធំ​នៅ​ទីក្រុង​បាងកក​នឹង​បន្ត​រីក​លូត​លាស់​កាន់​តែ​ខ្លាំង​ខណៈ​ពេល​ដែលមាន​តម្រូវការ​កើន​ឡើង​ជា​លំដាប់​នៅ​ទីតាំង​ដែល​មាន​បណ្តាញ​ផ្លូវ​ឆ្លងកាត់​ធំៗដែល​នេះ​បាន​ជំរុញ​ឲ្យ​មាន​ការ​ផ្គត់ផ្គង់​ជាច្រើន​នៅ​ខេត្តនុន​ថា​បុរី និង​ខេត្ត​សមុត​ប្រា​កាន​។ នេះ​បើ​យោង​តាម​សម្តី​របស់​អ្នក​ពិគ្រោះ​យោបល់​ផ្នែក​អចលនទ្រព្យ​របស់​ក្រុមហ៊ុន Colliers International Thailand​។

លោក Surachet Kongcheep នាយក​ផ្នែក​ស្រាវជ្រាវ​នៃ​ក្រុមហ៊ុន Colliers Thailand បាន​ឲ្យ​ដឹង​ថា ទីផ្សារ​ខុនដូ​នៅ​ខេត្ត​ទាំង​ពីរ​នេះ​ទទួល​បាន​នូវ​អត្ថប្រយោជន៍​ពី​ការ​ពង្រីក​បណ្តាញ​ផ្លូវ​ឆ្លង​កាត់​ធំ​។

លោក Surachet បាន​មាន​ប្រសាសន៍​ថា ៖ «​អត្រា​លក់​ខុន​ដូ​នៅ​ខេត្ត នុន​ថា​បុរី កំពុង​ស្ថិត​នៅក្នុង​សភាព​ដ៏​ល្អ​ក្នុង​​អត្រា​៧១​ភាគរយ ប៉ុន្តែ​ចំនួន​នៃ​យូនីត​ដែល​មិនបាន​លក់​ដាច់​នៅមាន​ចំនួន​ខ្ពស់​នៅឡើយ គឺ​ប្រមាណ​១៣,៨០០​យូនី​ត។​ នេះ​ជា​ចំនួន​ដែល​ខ្ពស់បំផុត​នៅ​ក្នុង​ចំណោម​ខេត្ត​ទាំង​៥ ដែល​នៅ​ជិត​ទីក្រុង​បាងកក​»​។

មជ្ឈមណ្ឌល​ព័ត៌មាន​អចលនទ្រព្យ (REIC) បាន​រាយការណ៍​ថា ចំនួន​សរុប​នៃ​ខុន​ដូ​ដែល​មិន​បាន​លក់​ដាច់​នៅ​ទីក្រុង​បាងកក និង​ខេត្ត​ដែល​នៅ​ជិត​ទីក្រុង​នេះ​ទាំង​៥ គឺមាន​ចំនួន​៦៣,៦៥៨​យូនីត ក្នុង​ចំណោម​ខុនដូ​ទាំង​អស់​ដែល​មាន ២៤២,៨៥២​យូនីត នៃ​គម្រោង​៤៣៧​នៅ​ក្នុង​អំឡុង​ពេល​ពាក់​កណ្តាល​ឆ្នាំនេះ​។

ខេត្ត​ទាំង​៥​ ដែល​នៅ​ជិត​ទីក្រុង​បាងកក​គឺ នុន​ថា​បុរី​, បាធុម​ថានី​, សាមុត​ប្រាកាន​, សាមុត​សាឃុន និង​ណា​ឃុន​បាធុម​។

​ចំនួន​យូនីត​ខុន​ដូ​ដែល​លក់​មិន​ដាច់​ច្រើន​ជាង​គេ គឺ​នៅ​ទីក្រុង​បាងកក ដែល​មាន​ចំនួន​៣៤,១៩៩​យូនីត បន្ទាប់​មក​គឺ​ខេត្ត​នុនថា​បុរី ចំនួន​១៣,៨៦៦​យូ​នី​ត ខេត្ត​សាមុត​ប្រាកាន ចំនួន​៨,៧២៥​យូនីត ខេត្ត​បា​ធុម​ថានី មាន៥,៤៣៤​យូនី​ត និង​ខេត្ត​ណា​ឃុន​បាធុម ចំនួន ១,០៣៦​យូនីត​។

លោក Surachet បាន​និយាយ​ថា អត្រា​នៃ​ការ​លក់​យូនីត​ខុន​ដូ​នៅ​ខេត្ត​សាមុត​សាឃុន គឺ៧៣​ភាគរយ នៅឯ​ខេត្ត​ណា​ឃុន​បា​ធុម គឺ៧០​ភាគរយ ខេត្ត​សាមុត​ប្រាកាន គឺ៦៦​ភាគរយ និង៦០​សម្រាប់​ខេត្ត​បា​ធុម​ថា​នី​។

លោក​បាន​បន្ថែម​ថា​ ៖ «​ទីតាំង​ដែល​មាន​ភាព​ទាក់ទាញ​សម្រាប់​ក្រុមហ៊ុន​អភិវឌ្ឍន៍​អចលនទ្រព្យ​នៅ​ក្នុង​ខេត្ត​ទាំង៥​ជិត​ទីក្រុង​បាងកក នេះ​គឺ​ទីតាំង​ដែល​នៅ​ជិត​បណ្តាញ​ផ្លូវ​ធំ តំបន់​ពាណិជ្ជកម្ម និង​ផ្លូវ​យន្ត​បទ​(​ផ្លូវ​ល្បឿន​លឿន​)»​។

លោក Surachet បាន​ថ្លែង​ថា ខេត្ត​សាមុត​ប្រាកាន មាន​ទីកន្លែង​កម្សាន្ត​អារម្មណ៍​ជាច្រើន​ដូច​ជា ផ្សារ​ទំនើប​ធំៗ អគារ​ការិយាល័យ រថភ្លើង​អាកាស BTS និង​ព្រលាន​យន្តហោះ​សុវណ្ណ​ភូមិ ជាដើម​។

លោក​បាន​បន្ត​ថា​ ៖ «​ខេត្ត​ដែល​មាន​ទីតាំង​នៅ​ជិត​ទីក្រុង​បាងកក ក៏​បន្ត​មាន​ការ​រីក​ចម្រើន​យ៉ាងខ្លាំង​។ ទីតាំង​ដែល​ពេញ​និយម​ជាងគេ គឺ​ទីតាំង​ដែល​នៅ​ជិត​បណ្តាញ​ផ្លូវ​ឆ្លង​កាត់​ធំៗ​»​។

«​ទីផ្សារ​ផ្ទះល្វែង​ទោល និង​ផ្ទះ​នៅ​ក្នុង​ទីប្រជុំជន​នឹង​ពង្រីក​កាន់​តែ​ធំ​បន្ថែម​ទៀត ខណៈ​ពេល​ដែល​លំនៅឋាន លក្ខណៈ​ខុនដូ​នឹង​បន្ត​ទាក់ទាញ​ការ​ចាប់​អារម្មណ៍​នៅ​ទីតាំង​ដទៃ​ទៀត​»​។

លោក Peerapong Jaroon-ek នាយក​ប្រតិបត្តិ​នៃ​ក្រុមហ៊ុន SET ដែល​បាន​ចុះ​ក្នុង​បញ្ជី​ឈ្មោះ​ថា Origin Property Plc មាន​ប្រសាសន៍​ថា ខេត្ត​សាមុត​ប្រាកាន គឺជា​ទីតាំង​មួយ​ក្នុងចំណោម​ទីតាំង​ដែលមាន​សក្តានុភាព​ខ្ពស់បំផុត​សម្រាប់​ការ​អភិវឌ្ឍ ដោយសារតែ​វា​មាន​ទីតាំង​ជិត​ផ្លូវ​សុខុម​វីដ និង​ផ្លូវ​រថភ្លើង​អាកាស BTS»​។

តម្រូវការ​លំនៅឋាន​ភាគ​ច្រើន​នៅ​ក្នុង​ខេត្ត​សាមុត​ប្រាកាន បាន​មក​ពី​អ្នក​ដែល​​ធ្វើការ​នៅ​ខេត្ត​នោះ ជា​ពិសេស​អ្នក​ធ្វើការ​នៅក្នុង​វិស័យ​ឧស្សាហកម្ម និង​អ្នក​ដែល​ធ្វើការ​នៅ​តាម​បណ្តោយ​ផ្លូវ​សុខុម​វីដ​»​។

យោង​តាម REIC បង្ហាញ​ថា ចំនួន​គម្រោង​លំនៅឋាន​នៅក្នុង​តំបន់​ពាណិជ្ជកម្ម​នៅ​ទីក្រុង​បាងកក ដែល​នៅ​ទីនោះ​មាន​យ៉ាង​ហោច​ណាស់​ក៏មាន៦​យូនីត​ដែរ ដែល​ដាក់លក់​មិន​ដាច់​នៅតាម​ទីតាំង​នីមួយ​ៗ​ប្រមាណ​១,៥៦៣​កន្លែង ដែល​សរុប​ទៅ​មាន​៤៥១,០៨៩​យូនីត នៅ​ក្នុង​រយៈពេល​៦​ខែ​ដំបូង នៃ​ឆ្នាំ​នេះ​។

នៅ​ក្នុង​ចំណោម​ការ​ផ្គត់ផ្គង់​សរុប ចំនួន​១៤១,៨៧៧​យូនីត គឺ​ត្រូវ​បាន​លក់ដាច់​។ លំនៅឋាន​ដែល​លក់​មិនសូវ​ដាច់​ជាងគេ​គឺ​ប្រភេទ​ខុន​ដូ ដោយ​មាន​នៅ​សល់​រហូត​ដល់៦៣,៦៥៨​យូ​នី​ត បន្ទាប់​ពី​នោះ​គឺ​ផ្ទះ​ក្នុង​ក្រុង​ដែល​នៅ​សល់ ៤១,៤៥១​យូ​នី​ត និង​ផ្ទះល្វែង​ទោល​នៅសល់​ចំនួន ២៥,៣៥៦​យូ​នី​ត​។

លោក Vichai Viratkapan អគ្គ​នាយក REIC បាន​ថ្លែងថា អត្រា​លក់​នៃ​ផ្ទះ​ទាបៗ​ដែល​មាន​ដូចជា ផ្ទះ​ល្វែង​ទោល ផ្ទះ​ក្នុង​ក្រុង ផ្ទះ​ភ្លោះ និង​ផ្ទះ​ល្វែង​តៗ​គ្នា គឺ ៦២​ភាគរយ ហើយ​តម្លៃ​របស់​យូ​នី​ត​ដែល​នៅ​សល់​បាន​ធ្លាក់​ពី ៣៤០.១៤ ពាន់​លាន​បាត ទៅ៣២៨.៤៧ ពាន់​លាន​បាត​៕

Source From : Phnom Penh Post

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Villa For Rent
Niroth,Meanchey
USD 600.00/Month
Shop For Rent
Niroth,Meanchey
USD 700.00/Month
Land For Sale
Chroy Changva,Russey Keo
USD 1,090,000.00
Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month

CVEA MEMBERS