ទីក្រុង​ហិរញ្ញវត្ថុ​ប្រទេស​ឥណ្ឌា ​សម្បូរ​ដោយ​អគារ​ម៉ូដ Art Deco

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
រថយន្ត​បើក​កាត់​មុខ​អគារ Art Deco នៅ Marine Drive ក្នុង​ទីក្រុង​បុម​បៃ កាលពី​ថ្ងៃ​ទី​៨ វិច្ឆិកា​កន្លង​មក​។ PUNIT PARANJPE/AFP

ឆ្នេរកោង​មាត់ សមុទ្រ​ដ៏​ស្រស់​ត្រកាល​បង្អួត​សម្រស់​ជាមួយ​នឹង​អគារ​ពណ៌​ស្រស់​ឆើតឆាយ​មាន​សំយាប​ចេញ​មក​ខាង​ក្រៅ​ជាមួយ​ការ​រចនា​យ៉ាង​ទាក់ទាញ​ក្រសែភ្នែក​មហាជន ប៉ុន្តែ​នេះ​មិន​មែន​ជា​តំបន់ Art Deco ដ៏​ល្បី​នៅ​ទីក្រុង Miami គឺ​វា​ស្ថិត​ក្នុង​ទីក្រុង​បុមបៃ​។

បុម​បៃ ដែល​ជា​អតីត​ឈ្មោះ​ទីក្រុង​នៅ​ឥណ្ឌា ដែល​គេ​និយម​ហៅ​នោះ មាន​កិត្តិនាម​ល្បីល្បាញ​ដោយ​សារ​តែ​សំណង់​អគារ​ធំៗ ម៉ូដ​សម័យ​ចាស់​បុរាណ​បែប​វិកតូរៀ ជាជាង​អគារ​ទំនើបៗ​តូចៗ​ល្បីៗ​នៅ​បណ្តា​ប្រទេស​អឺរ៉ុប និង​សហរដ្ឋ​អាមេរិក ក្នុង​ទសវត្សរ៍​ឆ្នាំ​១៩២០ និង​១៩៣០​។

ប៉ុន្តែ​បច្ចុប្បន្ន​នេះ ក្រុម​អ្នក​ដែល​ស្រឡាញ់​សំណង់​បែបនេះ​កំពុងតែ​សាងសង់​អគារ​រាប់រយ​នៅ​បុមបៃ ដែលមាន​ម៉ូដ ដូច​អគារ Deco ដែល​រួម​មាន​ទាំង​សំណង់​លំនៅដ្ឋាន ការិយាល័យ​សម្រាប់​ជួល រោងកុន និង​មន្ទីរពេទ្យ ដែល​មាន​កិត្តិនាម​ល្បីល្បាញ​ដូច​កាលពី​ជំនាន់​សតវត្សរ៍​ទី​១៩ ដូច្នោះ​ដែរ​។

គម្រោង​អគារ Art Deco Mumbai គ្រោង​នឹង​រក្សា​ទុក​កំណត់ត្រា​អំពី​រាល់​អ្នក​ស្នាក់​នៅ និង​ណែនាំ​ដល់​អ្នក​ស្នាក់​នៅ​ទាំងអស់​អំពី​ភាព​ដើម​របស់​អគារ​នេះ ដើម្បី​ធានា​ដល់​ការ​អភិរក្ស​រដ្ឋធានី​ហិរញ្ញវត្ថុ​របស់​ប្រទេស​ឥណ្ឌា ដែល​សម្បូរ​ទៅដោយ​អគារ​ដែលមាន​ម៉ូដ «​ទំនើប​»​។
លោក Atul Kumar ជា​អ្នក​អភិរក្ស និង​ជា​ស្ថាបនិក​អគារ Art Deco Mumbai បាន​ថ្លែង​ប្រាប់ថា AFP ថា ៖ «​ទីក្រុង​បុម​បៃ មាននូវ​បណ្តា​អគារ​បែប Art Deco ជាច្រើន​នៅលើ​ពិភពលោក​។ វា​គឺជា​បេតិកភណ្ឌ​ជាតិ​ដ៏​អស្ចារ្យ​បំផុត​»​។

ដើម​ត្នោត​យោល​តិចៗ​ប្រប​តាម​មាត់​សមុទ្រ​ប្រវែង​៣​គីឡូម៉ែត្រ គឺជា​កន្លែង​ដែល​អគារ​ពណ៌​លឿង​ទំហំ​ប៉ុនៗ​គ្នា ជាមួយ​នឹង​បន្ទាត់​បញ្ឈរ​ពណ៌​ទឹកក្រូច​បង្ហាញ នូវ​ភាព​ទាក់ទាញ​យ៉ាង​ខ្លាំង​នៅតាម​ផ្លូវ​កាច់​ជ្រុង​ក្នុង​តំបន់​នោះ​។

«​វា​ជា​អគារ​និមិត្ត​រូប​ដ៏​អស្ចារ្យ​មួយ ដែល​មើល​ទៅ​ហាក់បី​ដូចជា​កប៉ាល់​មួយ​កំពុង​ពុះ​ជ្រែក​ទឹក​រលក​ដូច្នេះ​ដែរ​» នេះ​បើ​យោង​តាម​សម្តី​លោក​អ៊ំ​ប្រុស​ម្នាក់​ក្នុង​វ័យ​៧០​ឆ្នាំ ឈ្មោះ Mehernosh Sidhwa​។ លោក​គឺជា​សមាជិក​ជំនាន់​ទី​៣​នៃ​គ្រួសារ​របស់​លោក ដែល​បាន​រស់នៅ​ក្នុង​អគារ​នេះ​ក្រោយ​ពេលដែល​ជីតា​របស់​លោក​បាន​សាងសង់​អគារ​នេះ​ឡើង​ក្នុង​ឆ្នាំ​១៩៣៧​។

នៅ​ម្តុំ​ផ្លូវ​កាច់​ជ្រុង​នោះ មាន​អគារ​កម្ពស់​៥​ជាន់ ដែល​មើលទៅ​មាន​លក្ខណៈ​បែប Deco រចនា​ដោយ​ក្រាល​ថ្ម​ម៉ាប​លើ​ឥដ្ឋ និង​មាន​ជណ្តើរ​រមួល​ខាងមុខ​ទីលាន Oval Maidan ដែល​នៅ​ក្បែរ​នោះ គឺ​រោងកុន Eros និង Regal ដ៏​ពេញ​និយម​។

សេចក្តី​ប៉ង​ប្រាថ្នា​
តំបន់​ទាំង​នេះ​គឺជា​ចំណុច​ចំ​កណ្តាល​បេះដូង​នៃ​តំបន់ Art Deco ទីក្រុង​បុម​បៃ ដែល​កាលពី​ឆ្នាំ​២០១២ តំបន់​នេះ​ត្រូវ​បាន​ស្នើ​ទៅ​អង្គការ​យូណេស្កូ សម្រាប់​ការ​ទទួល​បានជា​នាម​ក្នុង​សម្បត្តិ​បេតិកភណ្ឌ​ពិភពលោក​។ មិន​ឆ្ងាយ​ប៉ុន្មាន​ពី​ឆ្នេរ​នេះ គឺ​មន្ទីរ​ពេទ្យ Breach Candy ក៏​មាន​ម៉ូដ​បែប Deco ផង​ដែរ​។

«​ក៏​មាន​នូវ​បណ្តា​អគារ​បែប​អឺរ៉ុប​បន្សល់​ពី​សម័យ​ដើម ដូច​ជា​ម៉ូត Art Deco និង Bombay Deco​។ អ្នក​ក៏​អាច​មាន​សំយាប​ខាង​មុខ​បែប ziggurat ដែល​មាន​រាង​កោង មាន​ពណ៌​ត្នោត និង​មាន​ម៉ូដ​បែប​អេហ្ស៊ីប ក៏ដូចជា​ការ​រចនា​បែប​ឥណ្ឌា​ផង​ដែរ​»​នេះ​បើ​តាម​សម្តី​របស់​លោក Kumar ថ្លែង​ដោយ​រីករាយ​។

អគារ​ទាំង​នេះ​ត្រូវ​បាន​សាងសង់​ឡើង​ក្នុង​ចន្លោះ​ដើម​ទសវត្សរ៍​ឆ្នាំ ១៩៣០ និង​ដើម​ទសវត្សរ៍​ឆ្នាំ​ ១៩៥០ ក្រោយ​ពេល​ដែល​សេដ្ឋី​ជនជាតិ​ឥណ្ឌា បាន​បញ្ជូន​វិស្វករ​របស់ខ្លួន​ទៅ​កាន់​ទ្វីប​អឺរ៉ុប ដើម្បី​សិក្សា​អំពី​ការ​រចនា​បែប​ទំនើប​ដែលមាន​លក្ខណៈ​ខុសគ្នា​ទៅនឹង​ការ​រចនា​របស់​ប្រទេស​អ្នក​ដាក់​អាណានិគម​។

ពួក​គេ​បាន​ចុះ​ទស្សនកិច្ច​នៅ​ពេល​ដែល​ការ​រចនា​បែប Deco មាន​ការ​ពេញ​និយម​ខ្លាំ​ង​នៅ​ប្រទេស​លោក​ខាង​លិច បន្ទាប់ពី​ការ​តាំង​ពិព័រណ៍​នៅ​ទីក្រុង​ប៉ារីស ក្នុង​ឆ្នាំ​១៩២៥​។

«​អគារ​ម៉ូដ Deco នៅ​ទីក្រុង​បុមបៃ​មានការ​រចនា​បែប​សម័យ​វិក​តូ​រៀ​ជំនាន់​មុន ដោយ​ជនជាតិ​អង់គ្លេស​» ដូចជា​ស្ថានីយ​រថភ្លើង​ធំ សារមន្ទីរ និង​តុលាការ​កំពូល​ផងដែរ នេះ​បើ​យោងតាម​សម្តី​របស់​លោក Kumar​។

«​អគារ Art Deco ក៏​មិន​ខុស​គ្នា​ដែរ​។ វា​មាន​ពណ៌​ចម្រុះ​ជាច្រើន មាន​ម៉ូដ​បែប​ទំនើប​ដែល​បង្ហាញ​ពី​ការ​រចនា​ម៉ូត​ជំនាន់​ថ្មី​ទាំង​ស្រុង​មួយ​។ ប្រទេស​ឥណ្ឌា​ពេល​នោះ​កំពុង​ស្ថិត​ក្រោម​អាណា​និគម ហើយ​នេះ គឺជា​ប្រយោគ​ថ្មី​មួយ​មិន​ធ្លាប់មាន​នៅក្នុង​វិស័យ​ស្ថាបត្យកម្ម​»​។

មគ្គុទេសក៍​ទេសចរណ៍​មាន​ភាព​រីករាយ​យ៉ាង​ខ្លាំង​ក្នុង​ការ​ថ្លែងប្រាប់​ទៅ​អ្នក​ទៅ​ទស្សនាចរ​នៅ​ទីក្រុង​បុ​ម​បៃ ថា​មានតែ​ទីក្រុង Miami ប៉ុណ្ណោះ ដែល​មាន​អគារ​បែប Deco ជា​លក្ខណៈ​អន្តរជាតិ​ច្រើន​ជាង​គេ​។ ព្រឹទ្ធាចារ្យ​ដែល​រស់រាន​មាន​ជីវិត​បាន​ថ្លែងថា ទីក្រុង​ឥណ្ឌា​នៅ​តំបន់​មាត់​សមុទ្រ​មាន​អគារ​ប្រភេទ​នេះ​ជាង ២០០​កន្លែង​។

លោក Kumar និង​ក្រុម​តូច​មួយ​របស់​លោក ដែល​មិន​សម្លឹង​ដល់​ផល​កម្រៃ​ចំណេញ​នោះ កំពុងតែ​ខិតខំ​យ៉ាង​ស្វិតស្វាញ​ក្នុង​ការ​ធ្វើ​កំណត់ត្រា​ច្បាស់លាស់​ជា​លើកដំបូង​បង្អស់​ដោយ​សិក្សា​ស្រាវជ្រាវ​ទីក្រុង​ទាំងមូល និង​បញ្ចូល​រាល់​អគារ Deco ក្នុងប្រទេស​ខ្លួន​ទៅលើ​ផែនទី Google map នៅលើ​គេហទំព័រ​របស់ខ្លួន​។

ការ​អភិរក្ស​
​លោក Kumar ថ្លែងថា ៖ «​យើង​ចង់​បង្កើត​នូវ​តួលេខ​ច្បាស់​លាស់ ព្រមទាំង​ធ្វើ​ឲ្យ​ទីក្រុង​កាន់តែ​មានកេរ្តិ៍ឈ្មោះ​កាន់តែ​ល្បីល្បាញ​»​។ លោក​បាន​បន្ត​ថា លោក​បាន​រាប់​អគារ​ចំនួន ១៣៦​កន្លែង​រួចហើយ ក្នុង​រយៈពេល​១៨​ខែ ដោយ​មាន​តំបន់​ក្បែរៗ​នោះ​ប៉ុន្មាន​កន្លែង​ទៀត​ដែល​នឹងត្រូវ​សិក្សា​បន្ត​។

អ្នក​ជំនាញ​ផ្នែក​ហិរញ្ញវត្ថុ​ម្នាក់​បាន​បន្ថែម​ការជឿជាក់​មុនពេល​ប្រមើល​ឃើញថា តួលេខ​អាច​លោត​ដល់ ៣០០​កន្លែង «​ច្បាស់​ណាស់​ថា អគារ​ទាំងនេះ​មាន​ចំនួន​ច្រើនជាង ២០០​កន្លែង​»​។

ក្រុម​របស់​លោក​ធ្វើការ​ពិភាក្សា​ជាមួយ​ម្ចាស់​អគារ ដើម្បី​ស្វែងរក​ថា តើ​អគារ​ណា​ខ្លះ​ជា​អគារ​បែប Deco​។ ពួក​គេ​ធ្វើ​ការ​កត់ត្រា​ឈ្មោះ​ស្ថាបត្យករ និង​ព័ត៌មាន​អំពី​អគារ កាលបរិច្ឆេទ​នៃ​ការ​សាងសង់ ចំណុច​ទីតាំង​លើ​ផែនទី និង​ចំណុច​ដែលមាន​លក្ខណៈ Deco​។

បន្ទាប់​មក​ពួកគេ​នឹង​បង្ហោះ​ព័ត៌មាន​លម្អិត និង​រូបភាព​ទៅក្នុង​កន្លែង​ស្តុក​រូប​លើ​គេហទំព័រ www.artdecomumbai.com​។ រូបភាព​ដោយមាន​ចំណងជើង​លម្អិត​ក៏មាន​នៅលើ Twitter និង Instagram ដែរ​។

លោក Kumar ថ្លែងថា ៖ «​យើង​ច្បាស់​១០០​ភាគរយ តែ​ម្តង​។ ប្រសិនបើ​យើង​មិន​ច្បាស់​ទេ យើង​នឹងមិន​ដាក់​អគារ​ណាមួយ​ចូល​បន្ថែម​នោះ​ទេ​»​។ លោក​ក៏​ជា​អ្នករៀបចំ​គម្រោង​ដំណើរ​ថ្មើ​ជើង​ដើម្បី​ពង្រីក​វិសាលភាព​នៃ​អ្វី​ដែល​លោក​ធ្វើ​ផងដែរ​។

លោក​បង្ហាញ​នូវ​ក្តី​សោកស្តាយ​ថា ដោយ​សារ​តែ​កង្វះខាត​នៃ​ការយល់ដឹង​បានធ្វើ​ឲ្យ​អគារ Deco ខ្លះ​ត្រូវ​វាយកម្ទេច​ចោល ឬ​ធ្វើការ​កែច្នៃ​ផ្លាស់​ប្តូរ​។ អ្នក​វិនិយោគ​ផ្នែក​អចលនទ្រព្យ​ផ្តល់នូវ​ទឹកប្រាក់​សម្រាប់​ទិញ​យក​អគារ​ទាំងនេះ ដោយ​សង់​ជា​អា​ផាត​មិន​ទំនើប​ជំនួស​វិញ ហើយក៏​បានធ្វើ​ឲ្យ​មាន​ការ​កម្ទេច​ចោល​អគារ​ទាំង​នេះ​ផង​ដែរ​។

«​គោលដៅ​ចម្បង​របស់​យើង​គឺ​ការ​អភិរក្ស​អគារ​ទាំង​នេះ​។ នៅ​ពេល​ដែល​យើង​និយាយ​ពី​រឿងនេះ​ទៅ​មហាជន ពួកគេ​មាន​មោទនភាព​យ៉ាង​ខ្លាំង ហើយ​បានធ្វើ​ឲ្យ​ពួកគាត់​ចូលរួម​អភិរក្ស​ផងដែរ​» នេះ​បើ​តាម​ការ​អះអាង​របស់​លោក Kumar៕

Source From : Phnom Penh Post

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00
Land For Sale
Chorm Chao,Porsenchey
USD 140,000.00
Land For Sale
Kakarb,Porsenchey
USD 130,000.00

CVEA MEMBERS