សណ្ឋាគារ​ក្រោម​ដី​ដែល​ខុស​ប្លែក​ពី​គេ​ កំពុង​ត្រូវ​បាន​សាងសង់​ឡើង​នៅ​ទីក្រុង​សៀង​ហៃ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
រចនា​សម្ព័ន្ធ​នៃ​សណ្ឋាគារ​ក្រោម​ដី​ដំបូង​បង្អស់​នៅ​លើ​ពិភពលោក​ឈ្មោះ​ថា Sheshan Shimao Quarry Hotel ត្រូវ​បាន​គូស​បញ្ចប់​នៅ​ទីក្រុង​សៀងហៃ​។ Gao Erqiang / China Daily

ការ​ទន្ទឹង​រង់ចាំ​អស់​រយៈពេល​ជាង​មួយ​ទសវត្សរ៍​កំពុង​តែ​លេច​ឡើង​ជា​រូបរាង​បន្តិច​ម្តងៗ​។ ការ​រៀបចំ​រចនា​សម្ព័ន្ធ​របស់​សណ្ឋាគារ​ក្រោម​ដី​ទី​១ របស់​ពិភពលោក ត្រូវ​បាន​បញ្ចប់​ហើយ ហើយ​ម្ចាស់​សណ្ឋាគារ​បាន​ប្រកាស​ថា គ្រោង​នឹង​បើក​ដំណើរការ​នៅ​ទីក្រុង​សៀងហៃ នៅ​ឆ្នាំ​ក្រោយ​។

សណ្ឋាគារ​ក្រោម​ដី Sheshan Shimao (Sheshan Shimao Quarry Hotel) ដែល​មាន​ទីតាំង​ស្ថិត​នៅ​ភាគ​និរតី​នៃ​ទីក្រុង​នេះ​កំពុង​តែ​ត្រូវ​បាន​សាង​សង់​ឡើង​នៅ​ក្នុង​អណ្តូង​រ៉ែ​ដែល​គេ​បោះ​បង់​ចោល​មាន​ទំហំ​ស្មើ​ទីលាន​បាល់​ទាត់​ចំនួន ៥​។ ការ​ចំណាយ​សរុប​នឹងមាន​តម្លៃ​លើសពី១​ពាន់​លាន​យ័ន (ប្រហែល ១៥១​លាន​ដុល្លារ​) នៅ​ពេល​ដែល​​ផ្ទៃ​សណ្ឋាគារ​ខាង​ក្នុង​ត្រូវ​បាន​បំពាក់​ចប់​សព្វគ្រប់​ហើយ​។

ដោយ​មាន​១៦​ជាន់ សម្រាប់​ការ​ស្នាក់​នៅ នៅ​ក្រោម​ដី​ក្នុង​ចំណោម​ជាន់​សរុប​ ១៨ ​ជាន់ សណ្ឋាគារ​នេះ​ត្រូវ​បាន​គេ​ដាក់​នាម​ថា ជា​ភាព​អច្ឆរិយៈ​ដ៏​អស្ចារ្យ​មួយ​នៃ​វិស្វកម្ម​ទំនើប​។

ប្រធាន​វិស្វករ​លោក Chen Xiaxiang បាន​ឲ្យ​ដឹងថា ខណៈ​ពេល​ដែល​គម្រោង​ជា​ធម្មតា​ប្រើប្រាស់​បច្ចេកវិជ្ជា ដែល​ធ្លាប់​ត្រូវ​បាន​គេ​សាកល្បង​ហើយ​ដើម្បី​ស្ទូច​សម្ភារៈ​ទៅ​លើ គម្រោង​មួយ​នេះ​វិញ​ទាមទារ​ឲ្យ​មាន​ដំណោះស្រាយ​ប្លែកៗ ដើម្បី​បញ្ជូន​អ្វីៗ​ចុះ​ក្រោម​វិញ​។

លោក​បាន​រៀបរាប់​ពី​ផលវិបាក​ថា ​៖ «​វា​គឺជា​ការ​ប្រយុទ្ធ​តទល់​នឹង​ទំនាញ​ផែនដី​មួយ​»​។

ការ​«​ប្រយុទ្ធ​» មួយ​នេះ បាន​ប្រមូល​ផ្តុំ​ស្ថាបត្យករ វិស្វករ អ្នក​រចនា និង​កម្មករ​ជាង​ ៥,០០០ ​នាក់ ចាប់​តាំង​ពី​ការ​រៀបចំ​រចនា​ប្លង់​ដំបូង​នៅ​ឆ្នាំ​ ២០០៦ រហូត​ដល់​ការ​តុបតែង​ផ្ទៃ​ក្នុង​នា​ពេល​សព្វ​ថ្ងៃ​នេះ​។

ក្នុង​អំឡុង​ពេល​ជាច្រើន​ឆ្នាំ​នោះ ក្រុម​របស់​លោក Chen បាន​ចុះ​បញ្ជី​ប៉ាតង់​ចំនួន​ ៣៩ និង​បង្កើត​បច្ចេកវិទ្យា​ថ្មី​រាប់រយ។

ឧទាហរណ៍ ការ​ច្នៃ​ប្រឌិត​ថ្មី​មួយ​បាន​ដោះស្រាយ​បញ្ហា​បាញ់​បេតុង​ចុះ​ក្រោម​ជម្រៅ ៧៧​ ម៉ែត្រ ដោយ​គ្មាន​ការ​រាំង​ស្ទះ ឬ​ការញែក​នៃ​ល្បាយ​ដីខ្សាច់ និង​ស៊ីម៉ងត៍ ដោយ​ផ្លាស់​ប្តូរ​សមាមាត្រ​នៃ​វត្ថុ​ធាតុ​ផ្សំ និង​បន្ថែម​ឧបករណ៍​ធ្វើ​ឲ្យ​សើម​។

លោក Chen បាន​បន្ត​ទៀត​ថា​ ៖ «បញ្ហា​ជាច្រើន​ដែល​យើង​ជួប​ប្រទះ គឺ​មិន​​ធ្លាប់​មាន​ពី​មុន​មក​ទាល់​តែ​សោះ​។ ហេតុ​នេះ​យើង​មិន​មាន​បច្ចេកវិទ្យា​ដើម្បី​ប្រើប្រាស់ ឬ​ចម្លង​តាម​នោះទេ​»​។

សណ្ឋាគារ​នេះ គឺជា​ការ​រចនា​របស់ Atkins ដែលជា​ក្រុមហ៊ុន​ទីប្រឹក្សា​ផ្នែក​វិស្វកម្ម និង​ស្ថាបត្យកម្ម​នៅ​ពី​ក្រោយ​សណ្ឋាគារ Burj Al Arab នៅ​ក្នុង​ទីក្រុង​ ឌូបៃ យ៉ាង​ណា​មិញ​ក្រុម​ការងារ​ចិន​ឯណោះ​ទេ ដែល​បាន​ធ្វើ​ឲ្យ​ការ​ឌីហ្សាញ​នេះ​​ក្លាយជា​ការពិត​។

នៅ​ពេល​ដែល​អ្វីៗ​ត្រូវ​បាន​បញ្ចប់​សព្វ​គ្រប់​វា​នឹង​មាន​បន្ទប់​ធម្មតា និង​ស្វ៊ីត ចំនួន ​៣៣៦ ​បន្ទប់ ភោជនីយដ្ឋាន​ក្រោម​ទឹក​ និង​រួម​ទាំង​បរិក្ខារ​ទាំង​អស់​ដែល​មាន​សម្រាប់​សណ្ឋាគារ​លំដាប់​ផ្កាយ​ប្រាំ​។

ក្រុមហ៊ុន Shanghai Shimao បាន​វិនិយោគ និង​អភិវឌ្ឍ​រចនា​សម្ព័ន្ធ​ខណៈ​ដែល​ក្រុម​បដិ​សណ្ឋារកិច្ច InterContinental នឹង​គ្រប់គ្រង​អចលនទ្រព្យ​នេះ​នៅ​ពេល​ដែល​វា​ត្រូវ​បាន​សាងសង់​ហើយ។

ឧទ្យាន​ដែល​មាន​ឌីហ្សាញ​បែប​គំនូរ​ជីវចល​មួយ​នឹង​មាន​នៅ​លើ​បាត​រណ្តៅ​ថ្មី​នេះ​។ ទិដ្ឋភាព​ដែល​ខុស​ប្លែក​ពី​គេ​នេះ​នឹង​អនុញ្ញាត​ឲ្យ​ភ្ញៀវ​ចូលរួម​ក្នុង​ទីលាន​កីឡា​ទ្រង់ទ្រាយ​ធំ រួម​ទាំង​ការ​ឡើង​ភ្នំ និង​ការ​រំអិល​ខ្លួន​តាម​ខ្សែ​ជាដើម​។

យោង​តាម​ក្រុមហ៊ុន Shanghai Shimao លោក Xu Rongmao ដែល​ជា​ស្ថាបនិក និង​ប្រធាន​ក្រុមហ៊ុន​បាន​រក​ឃើញ​កន្លែង​ជីក​យក​ថ្ម​នេះ ខណៈពេល​កំពុង​ធ្វើ​ដំណើរ​ទស្សនកិច្ច​គម្រោង​អចលនទ្រព្យ​របស់​លោក​នៅ​ក្នុង​តំបន់​នោះ ហើយ​លោក​ក៏​បាន​ស្រមៃ​មើល​នូវ​ពិភព​ដ៏​អស្ចារ្យ​មួយ​ដែល​អាចធ្វើ​ការ​ប្រកួត​ប្រជែង​ជាមួយ​នឹង​សណ្ឋាគារ​នៅ​ទីក្រុង​ឌូបៃ​បាន​។

នៅ​ពេល​សណ្ឋាគារ​នេះ​បើក​ដំណើរ​ការ​ហើយ បន្ទប់​ខាង​ក្រោម​នឹង​មាន​កម្ពស់​ទាប​ជាង ប្រមាណ ​៦០០ ​ម៉ែត្រ​បើ​ធៀប​ទៅ​នឹង​បន្ទប់​ស្វ៊ីត ប្រធានាធិបតី​នៅ​ជាន់​ទី ១០៩ របស់​សណ្ឋាគារ J Hotel នៃ​អាគារ Shanghai Tower ដែល​ជា​អគារ​ខ្ពស់​ជាង​គេ​លំដាប់​ទី​ពីរ​នៅ​លើ​ពិភពលោក​។

សណ្ឋាគារ​ទាំង ​២​ នេះ​បាន​ពន្យារ​ពេល​បើក​ដំណើរ​ការ​ជាច្រើន​ឆ្នាំ​៕

Xu Junqian / China Daily

Source From : Khmer Post

 

Latest News

LATEST EXCLUSIVE LISTING

Villa For Sale
Niroth,Meanchey
USD 1,100,000.00
Flat House For Sale
Prek Pra,Meanchey
USD 68,000.00
Flat House For Sale
Dangkao,Dangkao
USD 73,000.00
Flat House For Sale
Boeng Keng Kang III,Chamkarmon
USD 295,000.00
Apartment For Sale
Chrang Chamres 1,Russey Keo
USD 168,000.00

CVEA MEMBERS