ក្រុមហ៊ុន Orange Tee និង Edmund Tie នឹង​រំលាយ​បញ្ចូល​គ្នា​ដើម្បី​ក្លាយ​ជា​ទីភ្នាក់ងារ​អចលនទ្រព្យ​ធំ​ជាង​គេ​នៅ​ប្រទេស​សិង្ហបុរី

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
(​ឆ្វេង​) លោក Steven Tan ប្រធាន​គ្រប់គ្រង​ក្រុមហ៊ុន Orange Tee និង​លោក​ស្រី Ong Choon Fah នាយក​ប្រតិបត្តិ​ក្រុមហ៊ុន Edmund Tie & Co ក្នុង​ពិធី​បើក​សន្និសីទ​សារ​ព័ត៌មាន​ស្តីពី​ក្រុមហ៊ុន បណ្តាក់​ទុន​រួម​គ្នា​នៅ​សណ្ឋាគារ Amara កាល​ពី​ថ្ងៃទី​២៨ ខែ​សីហា​។ រូបថត JONATHAN CHOO / the strait times

ក្រុមហ៊ុន​អចលនទ្រព្យ OrangeTee និង Edmund Tie & Company កំពុង​ចូល​រួម​សហការ​គ្នា​ក្នុង​ការ​វិនិយោគ​រួម​ថ្មី​មួយ ដែល​ពួក​គេ​សង្ឃឹម​ថា នឹង​តាំង​ខ្លួន​ជា​កំផែង​ការពារ​ប្រឆាំង​នឹង​ការ​រំខាន​ផ្នែក​បច្ចេកវិទ្យា និង​ការ​កើន​ឡើង​នៃ​ដៃគូ​ប្រកួត​ប្រជែង​។

ក្រុមហ៊ុន OrangeTee & Tie(JV) ដែល​ជា​ឈ្មោះ​នៃ​ក្រុមហ៊ុន​រួម​ទុន​ជាមួយ​គ្នា​នេះ នឹង​រួម​បញ្ចូល​សាខា​ទីភ្នាក់ងារ​របស់​ក្រុមហ៊ុន OrangeTee ដែល​មាន​ភ្នាក់ងារ​ចំនួន​២,៩៣៨ និង​ភ្នាក់ងារ ១,១២២ របស់​សាខា​ទីភ្នាក់ងារ Property Network របស់​ក្រុមហ៊ុន Edmund Tie & Company​។

បើ​យោង​តាម​សម្តី​របស់​ក្រុមហ៊ុន​ទាំង​ពីរ​នេះ​នៅ​ក្នុង​កិច្ច​ប្រជុំ​រួម​មួយ​នៅ​សណ្ឋាគារ Amara កាលពី​ម្សិលមិញ​ការ​ច្របាច់​បញ្ចូល​គ្នា​នេះ នឹង​ត្រូវ​បាន​បញ្ចប់​នៅ​ថ្ងៃ​សុក្រ ហើយ​ក្រុមហ៊ុន​ថ្មី​នេះ​នឹង​ចាប់​ផ្តើម​ដំណើរការ​ពេញលេញ​នៅ​ថ្ងៃទី ១ ខែ​មករា ដែល​នឹង​ធ្វើ​ឲ្យ​ក្រុមហ៊ុន​មួយ​នេះ​ក្លាយ​ជា​ទីភ្នាក់ងារ​អចលនទ្រព្យ​ធំ​ជាង​គេ​ទី​បី​របស់​ប្រទេស​សិង្ហ​បុរី​។

ការ​បោះ​ជំហាន​នេះ​ធ្វើ​ឡើង​បន្ទាប់​ពី​ការ​រួម​បញ្ចូល​គ្នា​នៅ​ក្នុង​ខែ​មិថុនា នៃ​ក្រុមហ៊ុន PropNex Realty និង​ភ្នាក់ងារ​របស់ Dennis Wee Group ដោយ​ការ​រួម​បញ្ចូល​នេះ​បង្កើត​បាន​ជា​ទីភ្នាក់ងារ​ធំ​បំផុត​ដែល​មាន​ភ្នាក់ងារ​ជិត ៧,០០០​ក្រុមហ៊ុន នាំ​មុខ​ក្រុមហ៊ុន Era Realty ដែល​មាន​ភ្នាក់ងារ​ប្រហែល​ជា​៦,២០០​ក្រុមហ៊ុន​។

លោក Steven Tan នាយក​គ្រប់គ្រង​នៃ​ក្រុមហ៊ុន OrangeTee បាន​ថ្លែង​ថា​៖ «​វិស័យ​អចលនទ្រព្យ និង​សេដ្ឋកិច្ច​ទ្រង់ទ្រាយ​ធំ កំពុង​តែ​ឆ្លង​កាត់​ដំណាក់​កាល​ផ្លាស់​ប្តូរ​រចនា​សម្ព័ន្ធ​»​។ ការ​ធ្វើ​ឌីជីថល​កម្ម និង​វប្បធម៌​ចែក​រំលែក​ការ​កាន់​កាប់​សេដ្ឋកិច្ច ធ្វើ​ឲ្យ​មាន​ការ​រំខាន​ដល់​បែប​បទ​ធ្វើ​ពាណិជ្ជកម្ម​តាម​ប្រពៃណី​ហើយ​ទីផ្សារ​បាន​ឆ្លើយ​តប​ការ​ផ្លាស់​ប្តូរ​នេះ​ដោយ​ការ​បញ្ចូល​គ្នា និង​ការ​ធ្វើ​សនិទាន​កម្ម​»​។

លោក​បាន​កត់​សម្គាល់​ថា ជំនួញ​អចលនទ្រព្យ​ប្រពៃណី​នៅ​តែ​ពឹង​ផ្អែក​លើ​សេវាកម្ម​ក្រៅ​ប្រព័ន្ធ​អ៊ីនធឺណិត ហើយ​ដោយ​មាន​អ្នក​ប្រឡូក​ផ្នែក​បច្ចេកវិទ្យា​នៅ​ក្នុង​ទីផ្សារ​នេះ​ចូល​មក​កាន់​តែ​ច្រើន តួនាទី​មួយ​ចំនួន​អាច​នឹង​ក្លាយ​ជា​អត់​ប្រយោជន៍​លុះ​ត្រាតែ​ក្រុមហ៊ុន​អចលន​ទ្រព្យ​ព្យាយាម​អភិវឌ្ឍ​តាម​សម័យ​កាល​។

លោក Tan បន្ថែម​ថា ឧទាហរណ៍​ក្រុមហ៊ុន​បច្ចេកវិទ្យា​អចលនទ្រព្យ​កំពុង​ព្យាយាម​កាត់​បន្ថយ «​អន្តរ​កម្ម​ផ្ទាល់​ជាមួយ​អតិថិជន​» ដូច្នេះ​គេ​សង្កេត​ឃើញ​ថា មាន​ភាព​រួស​រាន់​មួយ​ក្នុង​ការ​ធានា​ថា​ភ្នាក់ងារ​ត្រៀម​ខ្លួន​បាន​ត្រឹម​ត្រូវ​សម្រាប់​ការ​ផ្លាស់​ប្តូរ​បែប​នេះ​។

ផលបត្រ​រួម​បញ្ចូល​គ្នា​មាន​ន័យ​ថា OrangeTee & Tie មាន​គម្រោង​លំនៅឋាន​ចំនួន​ជាង​៥០​គម្រោង​នៅ​លើ​ដៃ​ស្រាប់​ដូច​ជា Corals នៅ Keppel Bay បាន​និង​កំពុង​តែ​ធ្វើ​ការ​យ៉ាង​ហោច​ណាស់​ក៏​លើ​គម្រោង​ចំនួន​៤ ដែល នឹង​ចាប់​ផ្តើម​ដំណើរការ​នា​ពេល​ខាង​មុខ​នេះ​រួម​មាន​ទាំង South Beach Residences ផង​ដែរ​។ ពួក​គេ​ក៏​នឹង​មាន​កម្មវិធី​បណ្តុះ​បណ្តាល​ក្នុង​ក្រុមហ៊ុន​ជាង​៥០ ដែល​មាន​រយៈពេល​ជាង​១,៤០០ ម៉ោង​ក្នុង​មួយ​ឆ្នាំ សម្រាប់​ភ្នាក់ងារ​។ ចំនួន​ទឹក​ប្រាក់​ដែល​ក្រុមហ៊ុន​នីមួយៗ​កំពុង​វិនិយោគ​ក្នុង​ការ​បណ្តាក់​ទុន​រួម​គ្នា និង​ថា​តើ​ភាគហ៊ុន​របស់​ពួក​គេ​មាន​ចំនួន​ប៉ុន្មាន​ត្រូវ​បាន​ទុក​ជា​ការ​សម្ងាត់​។

ក្រុមហ៊ុន​មេ​របស់​ក្រុមហ៊ុន Edmund Tie & Company Property Network គឺ​ក្រុមហ៊ុន​ពិគ្រោះ​យោបល់​ផ្នែក​អចលនទ្រព្យ​ពេញ​សេវា​ដែល​មាន​បទពិសោធ​នៅ​ក្នុង​ការ​ផ្សព្វផ្សាយ​ទីផ្សារ​ឲ្យ​គម្រោង​ផ្សេងៗ និង​ផ្តល់​សេវាកម្ម​មួយ​ចំនួន​ទៀត​។ OrangeTee ចាត់​ទុក​ខ្លួន​ថា​ជា​សហគ្រាស​អចលនទ្រព្យ​ហើយ​កំពុង​តែ​ផ្តោត​ទៅ​លើ​ការ​ប្រើប្រាស់​បច្ចេកវិទ្យា​។

One initiative គឺជា​ច្រក​ផ្លូវ​មួយ​សម្រាប់​ការ​ចុះ​បញ្ជី​អចលនទ្រព្យ​ថ្មីៗ​។ ពូក​គេ (One Initiative) ក៏​កំពុង​ធ្វើ​ការ​លើ​វេទិកា​ឌីជីថល​ដែល​ត្រូវ​បាន​គេ​ស្គាល់​ថា Property Agents Review ដែល​នឹង​ធ្វើ​បញ្ជី​រាយ​ឈ្មោះ​ភ្នាក់ងារ​របស់​អតិថិជន​“list agents' ដើម្បី​វាយ​តម្លៃ​និង​ផ្តល់​ការ​ឆ្លើយ​តប​។

ផែនការ​ដែល​បាន​គ្រោងទុក គឺ​តម្រូវ​ឲ្យ​ភ្នាក់ងារ​របស់ OrangeTee & Tie ទាញ​យក​បច្ចេកវិទ្យា​បែប​នេះ​និង​ទទួល​បាន​ឧបករណ៍​ល្អៗ រួម​ទាំង​លទ្ធភាព​ទទួល​បាន​ការ​ស្រាវជ្រាវ​ស៊ី​ជម្រៅ​ដែល​ក្រុមហ៊ុន​មេ​ទាំង​ពីរ​បាន​ផ្តល់​ជូន​ក៏​ដូច​ជា​អ្វីៗ​ផ្សេង​ទៀត​ជាច្រើន​។

ទន្ទឹម​នឹង​នេះ​ដែរ​លោក Ismail Gafoor នាយក​ប្រតិបត្តិ​របស់​ក្រុមហ៊ុន PropNex បាន​ប្រកាស​កាល​ពី​ថ្ងៃ​ម្សិលមិញ​នូវ​ផែន​ការ​អភិវឌ្ឍន៍ និង​បណ្តុះ​បណ្តាល​ដែល​មាន​ទឹក​ប្រាក់​ចំនួន $៥​លាន ហើយ​ដែល​ក្នុង​នោះ​រួម​មាន​កម្មវិធី​ជាច្រើន សម្រាប់​អ្នក​លក់​ថ្មី និង​ចាស់​។

លោក​បាន​និយាយ​ថា ៖ «​ខ្ញុំ​ជឿជាក់​ថា ទីផ្សារ​សព្វ​ថ្ងៃ​នេះ​ល្អ​បំផុត​អាច​អនុញ្ញាត​ឲ្យ​មាន​ភ្នាក់ងារ​ធំៗ ចំនួន​៤ ប៉ុណ្ណោះ ដែល អាច​ប្រតិបត្តិការ​បាន​ដោយ​ជោគជ័យ​។ ក្នុង​រយៈពេល​បន្ទាប់ពី​នោះ​ទៀត​មាន​តែ​ភ្នាក់ងារ​ពីរ​ទេ​ដែល​នឹង គ្រប់គ្រង​ឧស្សាហ​កម្ម​នេះ​»​។

ខណៈ​ពេល​នេះ ទីផ្សារ​អចលនទ្រព្យ ដែល​មាន​ការ​ប្រកួត​ប្រជែង​ខ្ពស់ ត្រូវ​បាន​គេ​សង្កេត​ឃើញ​ថា​មាន​សញ្ញា​នៃ​ការ​រីក​ចម្រើន​ឡើង​វិញ​។ នាយក​ប្រតិបត្តិ​ក្រុមហ៊ុន Edmund Tie & Company លោកស្រី Ong Choon Fah បាន​និយាយ​ថា វេទិកា​បច្ចេកវិទ្យា​និង​ឧបករណ៍​សម្រាប់​ភ្នាក់ងារ គឺជា​គន្លឹះ​នៃ​ការ​ត្រួត​ពិនិត្យ​បុគ្គលិក​នា​ពេល​អនាគត​។

លោក​ស្រី​បាន​កត់​សម្គាល់​ថា ៖ «​អ្នក​ដែល​មាន​ការ​ចាប់​អារម្មណ៍​ចង់​យក​អចលនទ្រព្យ និង​ការ​លក់​ជា​អាជីព​នឹង​មាន​ការ​ស្វិតស្វាញ​ខ្ពស់​ក្នុង​ការ​អភិវឌ្ឍ​ខ្លួន​ឲ្យ​ទៅ​ជា​ទីប្រឹក្សា ដូច្នេះ​ពួក​គេ​លែង​គ្រាន់​តែ​ជា​ឈ្មួញ​ជើង​សា​សុទ្ធសាធ ដែល​ទិញ​លក់ និង​ជួល​អចលនទ្រព្យ​នោះ​ទេ​។ ឥឡូវ​នេះ គឺមាន​វេទិកា​ពិភាក្សា​រវាង​អ្នក​ធ្វើ​ការ​ក្នុង​វិស័យ​ដូចគ្នា​ច្រើន (Peer-to-peer platforms) និង​វេទិកា​ដែល​បច្ចេកវិទ្យា​អាច​កាត់​បន្ថយ​ចំនួន​ឈ្មួញ​កណ្តាល ដូច្នេះ​យើង​ចាំបាច់​ត្រូវ​កែច្នៃ ខ្លួន​ឯង​ឡើង​វិញ បើ​មិន​ដូច្នោះ​ទេ យើង​នឹង​ចុះ​តាម​ផ្លូវ​របស់ Kodak»៕

Rachael Boon

Source From : Phnom Penh Post  

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Ou Saray,Tram Kak
USD 18.00/SQM
Land For Sale
Chorm Chao,Porsenchey
USD 470,000.00
Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00

CVEA MEMBERS