អគ្គនាយកដ្ឋាន​រតនាគារ​ជាតិ​ថៃ ​ចាប់ផ្តើម​សង់​គម្រោង​ដែល​បាន​ពន្យារពេល

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
អគារ​ផ្ទះ​ចាស់ Customs House នៅ​បណ្តោយ​ទន្លេ​ចៅប្រាយ៉ា និង​មជ្ឈមណ្ឌល​សន្និបាត​ជាតិ Queen Sirikit ដែល​នឹង​ត្រូវ​ផ្លាស់ប្តូរ​ទៅ​ជា​សណ្ឋាគារ​ទំនើប​។ រូបថត​ដោយ SMARN SUDTO

អគ្គនាយកដ្ឋាន​រតនាគារ​ជាតិ​ថៃ​នឹង​ជំរុញ​ការ​សាងសង់​គម្រោង​ខ្នាត​ធំៗ​ចំនួន​ពីរ​ដែល​ត្រូវ​បាន​ពន្យារពេល​ជាយូរ​មក​ហើយ​នេះ​បើ​យោង​តាម​សម្តី​របស់​លោក​អគ្គនាយក​។

គម្រោង​ទាំង​ពីរ​នេះ​រួម​មាន​សណ្ឋាគារ​ប៊ូទិក​ស្ថិត​នៅ​ដីឡូត៍​ដ៏ធំ​មួយ​នៅ​ត្រើយ​ខាង​កើត​នៃ​ទន្លេ​ចៅប្រាយ៉ា និង​ការ​កម្ទេច​មជ្ឈមណ្ឌល​សន្និបាត​ជាតិ Queen Sirikit National Convention Center ហៅ​កាត់ QSNCC ដើម្បី​សាងសង់​សណ្ឋាគារ​ថ្មី​មួយ​ទៀត​។

កុងត្រា​សម្បទាន​ដី​សម្រាប់​ធ្វើ​សណ្ឋាគារ​ដែល​ត្រូវ​វាយ​រំលំ QSNCC ត្រូវ​បាន​ផ្តល់​ជូនទៅ​ក្រុមហ៊ុន N.C.C. Management & Development Co., កំពុង​ស្ថិត​ក្រោម​ការ​ត្រួតពិនិត្យ​ពី​សំណាក់​ការិយាល័យ​គណៈមេធាវី​នេះ​បើ​យោង​តាម​សម្តី​លោក Patchara Anuntasilpa អគ្គនាយក​នៃ​នាយកដ្ឋាន​រតនាគារជាតិ​។

N.C.C. ជា​ក្រុមហ៊ុន​របស់​មហាសេដ្ឋី​គ្រឿង​អាល់កុល​គឺ​លោក Charoeun Sirivadhanabhakdi គ្រោង​នឹង​ចំណាយ​ទំហំ​ទឹកប្រាក់ ៦ ​កោដិបាត​ (​ប្រហែល​ ១៨៧ ​លាន​ដុល្លារ​) ដើម្បី​កែប្រែ QSNCC ទៅ​ជា​សណ្ឋាគារ​ចំនួន​ ៤០០ ​បន្ទប់ ជា​សណ្ឋាគារ​លំដាប់​ថ្នាក់​ផ្កាយ​ ៤ ​ឬ​ ៥ ដែល​មាន​ចំណត​អាច​ដាក់​រថយន្ត​បាន​ ៣០០០ ​គ្រឿង និង​មាន​ផ្ទៃដី​ទំនេរ ២៨០០០ ​ម៉ែត្រការ៉េ​ត្រៀម​ទុក​ជា​ស្រេច​សម្រាប់​សកម្មភាព​ពាណិជ្ជកម្ម​ផ្សេងៗ​ផង​ដែរ​។

លោក Patchara បាន​ថ្លែង​ថា U City ដែល​ជាប់​ក្នុង​បញ្ជី SET ដែល​ជា​គម្រោង​ដី​សម្បទាន​ដ៏ធំ​នៅ​ជ្រោយ​ទន្លេ​ខាង​កើត​នៃ​ទន្លេ​ចៅប្រាយ៉ា​បាន​យល់​ព្រម​បង់​ទឹក​ប្រាក់​ចំនួន​ ១,៣ ​កោដិបាត​ទៅ​រាជរដ្ឋាភិបាល​ថៃ​។ លោក​បន្ត​ថា​ក្រុមហ៊ុន​នឹង​ចំណាយ​ទឹកប្រាក់​ប្រមាណ ៩០០ ​លាន​បាត​ដើម្បី​កែច្នៃ​គេហដ្ឋាន​អាយុកាល ១០០ ​ឆ្នាំ​ទៅ​ជា​សណ្ឋាគារ​ទំនើប​ជំនួស​វិញ​។

Natural Park ត្រូវ​បាន​ប្តូរ​ឈ្មោះ​ទៅ​ជា U City វិញ ក្រោយ​បាន​បំពេញ​នូវ​កិច្ចសហប្រតិបត្តិការ​ជាមួយ​ក្រុមហ៊ុន BTS Assets Co., និង Kamkung Properties Co., មកពី​ក្រុមហ៊ុន BTS Group Holdings ហើយ​ក្រុមហ៊ុន​របស់​ខ្លួន​មួយ​នេះ​បាន​ទទួល​កុងត្រា​ដីសម្បទាន​ចំនួន​ ៣០ ​ឆ្នាំ​ដោយ​ជោគជ័យ​ពី​អគ្គនាយកដ្ឋាន​រតនាគារ​ជាតិ​កាលពី​ឆ្នាំ​ ២០០៥ ដើម្បី​អភិវឌ្ឍ​សាងសង់ និង​គ្រប់គ្រង​សណ្ឋាគារ​ប៊ូទិក​ដែល​មាន​ចំនួន​ ៣៣ ​បន្ទប់​នៅ​លើ​ផ្ទៃដី​ចំនួន​ ៥ ​រ៉ៃ ស្ថិត​នៅ​បណ្តោយ​ផ្លូវ Charoen Krung បើទោះ​ជា​ធ្លាប់​មាន​មន្ទិលសង្ស័យ​រឿង​បញ្ហា​ហិរញ្ញវត្ថុ​ក្តី​។

គម្រោង​ទាំង​នេះ​គឺជា​ផ្នែក​មួយ​នៃ​គម្រោង​ខ្នាត​ធំៗ​ចំនួន​ ៣ ​របស់​អគ្គនាយកដ្ឋាន​នេះ​ដែល​មាន​ទឹកប្រាក់​វិនិយោគ​សរុប​រហូត​ដល់​ទៅ​ ៣៣,៨ ​កោដិបាត​ (​ប្រហែល​ ១០០៦ ​លាន​ដុល្លារ​អាមេរិក​) ដោយ​ពុំ​បាន​ដំណើរការ​ជា​បន្តបន្ទាប់​អស់​រយៈពេល​ជា​យូរ​មក​ហើយ​នោះ​។

គម្រោង​ទីផ្សារ​ដែល​ជា​គម្រោង​អគារ​ស្នាក់នៅ​នៅឯ Mor Chit នឹង​ត្រូវ​ប្រើ​រយៈពេល​ថែម​ទៀត​ដើម្បី​ចាប់ផ្តើម​សាងសង់​ដោយសារ​តែ​មាន​ការ​ផ្លាស់ប្តូរ​ប្លង់​សាងសង់​។

គម្រោង Mor Chit ដែល​មាន​តម្លៃ ២៦,៩០ ​កោដិ​បាត​នេះ​នឹង​រួម​មាន​អគារ​លក់​ទំនិញ​អគារ​ការិយាល័យ​ជួល អាផាតមិន និង​សណ្ឋាគារ​ដែល​អគារ​ទាំង​នេះ​ស្ថិត​នៅ​លើ​ផ្ទៃដី​ទំហំ​សរុប​ ៦៣ ​រ៉ៃ​។

ដោយឡែក​នៅ​ក្នុង​គម្រោង​សាងសង់​មួយ​ទៀត​លោក Patchara បាន​ថ្លែង​ថា​ទោះ​ជា​យ៉ាង​ណា​លោក​ចង់​ឃើញ​អគារ​ស្នាក់នៅ​តម្លៃ​ទាប​មួយ​សង់​នៅ​លើ​ដី​រដ្ឋ​ក្នុង​តំបន់​នីមួយៗ​នៅ​លើ​ទឹកដី​ប្រទេស​នេះ​។

អគ្គនាយកដ្ឋាន​រតនាគារ​ជាតិ​រំពឹង​ថា​នឹង​ត្រូវ​ចំណាយ​រយៈពេល​ ១ ​ខែ​ទៀត ដើម្បី​រៀបចំ​ចំណុច​លម្អិត​សម្រាប់​គម្រោង​លំនៅដ្ឋាន​តម្លៃ​ទាប​សម្រាប់​ប្រជាជន​ដែល​មាន​ចំណូល​ទាប និង​ប្រជាជន​ដែល​បាន​ចុះ​ឈ្មោះ​ទទួល​ជំនួយ និង​សម្រាប់​ការ​រស់នៅ​ពី​រាជរដ្ឋាភិបាល​ថៃ​ផង​ដែរ​។ អ្នក​ចុះឈ្មោះ​ចំនួន​ ១៤,១០ ​លាន​នាក់​ដែល​បាន​ចុះ​ឈ្មោះ​ក្នុង​កម្មវិធី​នេះ​នឹង​ទទួល​បាន​សិទ្ធិ​ជា​អាទិភាព​សម្រាប់​ទិញ​ផ្ទះ​ទាំង​នេះ​។

អគ្គនាយកដ្ឋាន​រតនាគារ​ជាតិ​ក៏​បាន​ស្នើសុំ​ដល់​សហព័ន្ធ​ឧស្សាហកម្ម​ថៃ (Federation of Thai Industries) ឲ្យ​ស្វែងរក​ក្រុមហ៊ុន​សំណង់ និង​អ្នក​វិនិយោគ​លើ​គម្រោង​លំនៅដ្ឋាន​តម្លៃ​ទាប​នេះ​ផង​ដែរ ខណៈ​ពេល​ដែល​ធនាគារ Government Savings Bank និង GH Bank នឹង​ផ្តល់​កញ្ចប់​បង់​រំលស់​ជាមួយ​នឹង​លក្ខខណ្ឌ​ងាយស្រួល​ផង​ដែរ​។

លោក​បន្ត​ថា​អ្នក​ដែល​ទិញ​ផ្ទះ​តម្លៃ​ចាប់​ពី ៤៥០០០០ ​បាត​ឡើង​ទៅ​ពី​គម្រោង​នេះ​នឹង​អាច​បង់ប្រាក់​ត្រឹម​តែ ២៥០០ ​បាត​ប៉ុណ្ណោះ​ក្នុង​មួយ​ខែ​៕

Wichit Chantanusornsiri/ Bangkok Post

ce From: Phnom Penh Post

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Chroy Changva,Russey Keo
USD 1,090,000.00
Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month
Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00

CVEA MEMBERS