អគារ​យក្ស​ដ៏ឯកោ​នៃ​បន្ទាត់​ទីក្រុង ​តៃប៉ិ បន្តិច​ទៀត​នឹង​មាន​អគារ​មួយ​ទៀត​មក​កំដរ​ហើយ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ប្រសិន​បើ​អ្វីៗ​ទាំងអស់​ដំណើរការ​បាន​ល្អ អគារ​ថ្មី​បំផុត​ដែល​នឹង​ផុស​ឡើង​នៅ​លើ​តំបន់ Xinyi គឺជា​អគារ​ ៥១ ​ជាន់ និង​មាន​កម្ពស់​ ៩១៩ ​ហ្វីត​មាន​ទីតាំង​ស្ថិត​នៅ​ខាង​ជើង Nan Shan Plaza រួម​ជាមួយ​នឹង​អគារ​ ៥២ ​ជាន់ និង​មាន​កម្ពស់ ៨៧៣.៨ ​ហ្វីត ឈ្មោះ​ថា Fubon Group Xinyi​។ វា​មាន​រយៈពេល​ដប់​បី​ឆ្នាំ​ក្រោយ​ពី​អគារ​តៃប៉ិ​ ១០១ បាន​ក្លាយ​ទៅ​ជា​អគារ​ខ្ពស់​ជាង​គេ​នៅ​ក្នុង​រដ្ឋធានី​តៃវ៉ាន់ (​និង​ក្នុង​អំឡុង​ពេល​មួយ​រយៈ វា​ជា​អគារ​ដែល​មាន​កម្ពស់​ខ្ពស់​បំផុត​នៅ​លើ​ពិភពលោក​) ត្រូវ​បាន​ចូលរួម​ដោយ​អគារ​ខ្ពស់ៗ ផ្សេង​ទៀត​ដែល​នឹង​បង្កើន​កម្ពស់​នៃ​បន្ទាត់​ទីក្រុង​មួយ​ដែល​ធ្លាប់​តែ​ពោរពេញ​ដោយ​អគារ​ទាបៗ ។ រូបថត Sam Yeh / AFP

អគារ​តៃប៉ិ​ ១០១ ដែល​មាន​កម្ពស់​ខ្ពស់​ជាងគេ​នៅ​លើ​ពិភពលោក​រយៈពេល​ ៥ ​ឆ្នាំ​បាន​គ្រប​ដណ្តប់​លើ​រដ្ឋធានី​តៃវ៉ាន់​អស់​រយៈពេល​ជាង​មួយ​ទសវត្សរ៍​មក​ហើយ​។

អគារ​មួយ​នេះ​គឺជា​ការ​វិនិយោគ​ដ៏ប្រថុយ​ប្រថាន​មួយ​ដោយ​មាន​កម្ពស់​រហូត​ដល់ ​១,៦៦៦.៧ ហ្វីត ហើយ​ត្រូវ​បាន​សាងសង់​ឡើង​នៅ​តំបន់​ដែល​មាន​សំណង់​តិច​បំផុត​មួយ​ក្នុង​ទីក្រុង ដែល​មាន​ឈ្មោះ​ថា​តំបន់ Xinyi ជា​និមិត្តរូប​នៃ​កោះ​តៃវ៉ាន់​ដែល​ទំនើប និង​មាន​មហិច្ឆតា​ខ្ពស់​។

ដប់​បី​ឆ្នាំ​ក្រោយ​មក Xinyi បាន​ក្លាយ​ជា​មជ្ឈមណ្ឌល​សម្រាប់ ហិរញ្ញវត្ថុ អាជីវកម្ម ការិយាល័យ​ធ្វើការ និង​ហាង​លក់​ទំនិញ​នៅ​ក្រុង​តៃប៉ិ​។ ហើយ​ដោយសារ​តែ​អគារ​តៃប៉ិ​ ១០១ បាន​សម្រេច​បេសកកម្ម​របស់​ខ្លួន​ក្នុង​ការ​ទាក់ទាញ អគារ​ខ្ពស់ៗ​ផ្សេង​ទៀត​ក៏​កំពុង​តែ​ត្រូវ​បាន​គេ​សាងសង់​ឡើង​នៅ​តំបន់​ក្បែរៗ​នេះ​ផង​ដែរ ដែល​នេះ​ធ្វើឲ្យ​មាន​ការ​ផ្លាស់ប្តូរ​មុខមាត់​ទីក្រុង​ដែល​ត្រូវ​គេ​ស្គាល់​ថា​សម្បូរ​តែ​អគារ​ទាបៗ​។

អគារ​ថ្មី​ដំបូង​បង្អស់​ក្នុង​ចំណោម​នោះ​ដែល​មាន​ ៤៨ ​ជាន់ និង​កម្ពស់​ ៨៩២ ​ហ្វីត ឈ្មោះ​ថា Nan Shan Plaza គ្រោង​នឹង​បញ្ចប់​នៅ​ចុង​ឆ្នាំ​នេះ​។ តែ​អគារ​នេះ និង​អគារ​ដែល​នឹង​ត្រូវ​បាន​សាងសង់​ថ្មីៗ​ទៀត​នោះ​នឹង​ឈរ​ប្រហែល​ពាក់កណ្តាល​នៃ​កម្ពស់​អគារ​តៃប៉ិ​ ១០១ តែ​ប៉ុណ្ណោះ ដែល​អគារ​នេះ​នឹង​នៅ​តែ​ជា​អគារ​ដ៏លេចធ្លោ​ប្រចាំ​តំបន់​សម្រាប់​ប៉ុន្មាន​ឆ្នាំ​ខាង​មុខ​ទៀត​។

ឈ្មោះ​របស់​គម្រោង​នេះ​គឺ​បាន​មកពី​ក្រុមហ៊ុន​ធានា​រ៉ាប់រង​ជីវិត Nan Shan​។ Nan Shan បាន​ទទួល​សិទ្ធិ​លើ​ការ​ជួល​រយៈពេល​ ៥០ ​ឆ្នាំ​នៃ​អតីត​តំបន់​សាល​ទី​ ២ នៃ​មជ្ឈមណ្ឌល​ពាណិជ្ជកម្ម​ពិភពលោក​តៃប៉ិ ជាមួយ​នឹង​ទឹកប្រាក់​ដេញ​ថ្លៃ​ចំនួន ៨៩៤ ​លាន​ដុល្លារ​អាមេរិក​។

«Xinyi» គឺជា​ពាក្យ​ចិន​ដែល​មាន​ន័យ​ស្រដៀង​ទៅ​នឹង «​ជំនឿ​ល្អ​» ដែល​បាន​បត់បែន​គោលបំណង​នៃ​ការ​រចនា​គម្រោង​នេះ​ឲ្យ​ទៅ​ជា​ការ​ថ្លែង​អំណរគុណ​ដល់​តៃវ៉ាន់​។

ស្ថាបត្យករ​នៃ​គម្រោង​នេះ​គឺ​លោក Yasuhiro Sube មកពី​ក្រុមហ៊ុន Mitsubishi Jisho Sekkei ដែល​មាន​មូលដ្ឋាន​នៅ​ទីក្រុង​តូក្យូ​បាន​ឲ្យ​ដឹង​ថា​អគារ​មេ​ដែល​មាន​រាង​ជា​ត្រីកោណ​ទ្រវែង​មាន​បំណង​ចង់​បង្ហាញ​ពី​ដៃ​ទាំង​ពីរ​ដាក់​ចូល​គ្នា​ជា​កាយវិការ​នៃ​ការ​អរគុណ និង​ការ​អធិដ្ឋាន​សុំ​ឲ្យ​សំណាង​ល្អ​ធ្លាក់​មក​លើ​តៃវ៉ាន់​។

លោក Sube ក៏​បាន​និយាយ​ទៀត​ថា​លោក​ក៏​មាន​ចំណែក​ជា​របៀប​ល្បែង​អុក នៅ​ក្នុង​ចិត្ត​នៅ​ពេល​លោក​គូរ​រូប​អគារ​នេះ​ដែល​នៅ​ក្នុង​នោះ​អគារ​តៃប៉ិ​ ១០១ ជា​ព្រះមហាក្សត្រ និង Nan Shan Plaza ជា​ព្រះមហាក្សត្រ​យានី​។

លោក Sube បាន​ថ្លែង​ថា៖ «​បញ្ហា​ប្រឈម​ដ៏ធំ​បំផុត​គឺ​​មាន​អគារ​តៃប៉ិ​ ១០១ នៅ​ជាប់​នេះ​រួច​ជាស្រេច​ហើយ​ប្រសិន​បើ​យើង​គ្រោង​នឹង​សាងសង់​ព្រះមហាក្សត្រ​យានី​របស់​អគារ​នេះ នោះ​យើង​ត្រូវ​តែ​ធ្វើ​យ៉ាង​ម៉េច​ឲ្យ​មាន​ភាព​ស៊ីសង្វាក់​គ្នា​ក្នុង​ការ​រចនា​របស់​យើង​។ លើស​ពី​នេះ​ទៅ​ទៀត​យើង​មាន​គំនិត​ក្នុង​ការ​ផ្តល់​អំណរគុណ​ដែល​តម្រូវ​ឲ្យ​យើង​ពិចារណា​ថា​ត្រូវ​ប្រើប្រាស់​ទម្រង់​ខាង​ក្រៅ​នៃ​អគារ​ដើម្បី​បង្ហាញ​ពី​គោលបំណង​របស់​យើង​ដូចម្ដេច​»​។

បើ​មើល​ពី​ទិដ្ឋភាព​តាម​ដង​ផ្លូវ​វិញ Nan Shan Plaza ពិតជា​មាន​ភាព​សម​គ្នា​ទៅ​នឹង​មជ្ឈដ្ឋាន​ជុំវិញ​របស់​ខ្លួន​ពិតមែន​។ វា​មាន​ទីតាំង​នៅ​ខាង​ចុង​តំបន់​សម្រាប់​អ្នក​ថ្មើរជើង និង​ងាយស្រួល​ជិះ​កង់​ដែល​នៅ​ចន្លោះ​អគារ​នេះ និង​អគារ​តៃប៉ិ​ ១០១ ហើយ​នៅ​ភាគ​ខាង​លិច​របស់​វា​បន្តិច​នោះ​គេ​ឃើញ​មាន​មជ្ឈមណ្ឌល​ដើរ​ផ្សារ​ដែល​មាន​ដូចជា​ហាង Apple ដំបូង​គេ​បង្អស់​នៅ​តៃវ៉ាន់​ផង​ដែរ​។ បើ​រាប់​មួយ​ប្លុក​ទៅ​ភាគ​ខាង​ជើង​គឺ​ស្ថានីយ​រថភ្លើង​ក្រោម​ដី​នៃ​សាលាក្រុង​តៃប៉ិ​គ្រប់គ្រង​ដោយ​ផ្សារ​ទំនើប Breeze Songgao និង Shin Kong Mitsukoshi​។

ដោយសារ​តែ​ទីតាំង​ដ៏សំខាន់​របស់ Nan Shan Plaza ថ្លៃ​ជួល​នៅ​ខាង​ក្នុង​ក៏​មិន​មាន​តម្លៃ​ថោក​ដែរ​បើ​គិត​តាម​ស្តង់ដារ​តៃប៉ិ ប៉ុន្តែ​ថ្លៃ​ជួល​នេះ​នៅ​តែ​មាន​តម្លៃ​ត្រឹម​តែ​មួយ​ភាគ​តូច​ប៉ុណ្ណោះ​បើ​ធៀប​ទៅ​នឹង​តម្លៃ​ការិយាល័យ​នៅ​តំបន់​ត្រូវ​ប៉ាន់​នៅ​ទីក្រុង​សៀងហៃ សិង្ហបុរី ឬ​ហុងកុង​។ អាស្រ័យ​លើ​ជាន់ និង​ទេសភាព ថ្លៃ​ជួល​អាច​ប្រែប្រួល​ពី​ ៣,៥០ ទៅ​ ៤,២០ ក្នុង​មួយ​ហ៊្វូត​ការ៉េ​។

ជា​ជាង​ការ​ធ្វើការ​ជាមួយ​នឹង​ភ្នាក់ងារ​ណា​មួយ​នោះ Nan Shan Life ​គ្រប់គ្រង​លើ​ប្រតិបត្តិ​ការ​ជួល​ដោយ​ខ្លួនឯង​។

លោក Jason Chen អនុប្រធាន​នៃ​នាយកដ្ឋាន​អចលនទ្រព្យ​នៅ Nan Shan បាន​និយាយ​ថា៖ «​យើង​ជឿជាក់​ថា​អគារ​ការិយាល័យ​នេះ​គឺ​សមស្រប​បំផុត​សម្រាប់​ទីបញ្ជាការដ្ឋាន​ថ្នាក់​ជាតិ​ ឬ​តំបន់​»​។

«​បច្ចុប្បន្ន​យើង​កំពុង​ធ្វើការ​ចរចា​ជាមួយ​គ្រឹះស្ថាន​មីក្រូហិរញ្ញវត្ថុ ក្រុមហ៊ុន​បច្ចេកវិទ្យា​ និង​ក្រុមហ៊ុន​ផ្តល់​សេវាកម្ម​ជំនាញ​ជា​សកល​មួយ​ចំនួន​ទៀត​»​។

លោក Chen និង​សហការី​របស់​លោក​មាន​ភារកិច្ច​ក្នុង​ការ​បំពេញ​លម្ហ​ពាណិជ្ជកម្ម​ទំហំ ៥៧០,០០០ ​ហ្វីត​ការ៉េ នៅ Nan Shan Plaza រួម​ទាំង​ផ្សារ​ទំនើប​ជា​មូលដ្ឋាន និង​កន្លែង​បរិភោគ​អាហារ​នៅ​ជាន់​ទី​ ៤៦ ដល់​ទី​ ៤៨​។ នៅ​ទី​នោះ​គេ​ក៏​ឃើញ​មាន​លម្ហ​ការិយាល័យ​ទំហំ​​ ១,១៣ ​លាន​ហ្វីត​ការ៉េ រវាង​ជាន់​ទី ៦ និង​ទី​ ៤៣​។

លោក Andrew Huang ជា​នាយក​រង​នៃ​ការិយាល័យ​តៃប៉ិ​នៃ​ក្រុមហ៊ុន​ទីប្រឹក្សា​អចលនទ្រព្យ Knight Frank ដែល​មិន​មាន​ការ​ពាក់ព័ន្ធ​ទៅ​នឹង​ការ​ជួល​នៅ Nan Shan Plaza បាន​និយាយ​ថា​តំបន់ Xinyi គួរ​តែ​នឹង​ទទួល​បាន​អត្ថប្រយោជន៍​ពី​ការ​ផ្គត់ផ្គង់​លម្ហ​ការិយាល័យ​ថ្មីៗ​។

លោក Huang បាន​ថ្លែង​ថា៖ «​មនុស្ស​ជាច្រើន​មាន​ការ​ព្រួយបារម្ភ​ថា​នឹង​មាន​បញ្ហា​ការ​ផ្គត់ផ្គង់​លើស​កំណត់ ដោយសារ​តែ​មាន​ការ​ផ្គត់ផ្គង់​ថ្មីៗ​បន្ថែម​ទៀត​មាន​ច្រើន​ពេក​រួមមាន​លម្ហ​ការិយាល័យ​ទំហំ​ ១ ​លាន​ហ្វីត​ការ៉េ​»​។

«​ប៉ុន្តែ Nan Shan បាន​ចាប់ផ្តើម​លក់​តាំងពី​ឆ្នាំ​មុន​ហើយ​តម្លៃ​ជួល​របស់​ពួកគេ​ក៏​មិន​ខ្ពស់​ដូច​ដែល​យើង​រំពឹង​ទុក​នោះ​ឡើយ​»​។

លោក​បាន​បន្ថែម​ថា​ភាព​ជោគជ័យ​ដំបូង​របស់​ក្រុម Nan Shan ក្នុង​ការ​ចុះ​ហត្ថលេខា​លើ​មជ្ឈមណ្ឌល​ប្រតិបត្តិ អ្នក​ផ្តល់​សេវាកម្ម​ការិយាល័យ និង​គណនេយ្យ​អន្តរជាតិ​នឹង​ជួយ​ទាក់ទាញ​អ្នក​ជួល​មក​បន្ថែម​ទៀត​៕

Chris Horton, The New York Times

Source From: Phnom Penh Post

 

CVEA MEMBERS