MCEA នឹង​ចាប់​ផ្តើម​គម្រោង​សាងសង់​ផ្ទះ​តម្លៃ​ទាប​ សម្រាប់​មន្ត្រី​ចូល​និវត្តន៍

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
សំណង់​ប្រទេស​មីយ៉ាន់ម៉ា

​សមាគម​សហគ្រិន​សំណង់​ប្រទេស​មីយ៉ាន់ម៉ា (MCEA) ក្រោម​កិច្ចសហការ​ជាមួយ​រដ្ឋាភិបាល នឹង​ចាប់​ផ្តើម​សាងសង់​គម្រោង​ផ្ទះ​តម្លៃ​ទាប​សម្រាប់​ប្រជាជន​ដែល​មាន​ប្រាក់​ចំណូល​ទាប​នៅ​ក្នុង​ឆ្នាំ​នេះ​។

បើ​យោង​តាម​ប្រសាសន៍​របស់​មន្ត្រី ជាន់​ខ្ពស់​មកពី​ស្ថាប័ន​នេះ​បាន​ឲ្យ​ដឹង​ថា​ ៖ «​រដ្ឋាភិបាល និង MCEA នឹង​ចាប់​ផ្តើម​គម្រោង​សំណង់​ផ្ទះ​តម្លៃ​ទាប​ដែល​នឹង​ជា​គម្រោង​ផ្ទះ​សាធារណៈ និង​ផ្ទះ​សម្រាប់​ជួល​នៅ​ក្នុង​ឆ្នាំ​នេះ​»​។

លោក KyawKyawSoe លេខាធិការ​របស់ MCEA បាន​ថ្លែង​ថា​ ៖ «​រដ្ឋាភិបាល​នឹង​ត្រួត​ពិនិត្យ​គ្រប់គ្រង​លើ​សំណង់​ទាំង​នេះ ខណៈ​ដែល MCEA មាន​តួនាទី​ជា​អ្នក​សាងសង់​»​។

ជា​ធម្មតា ក្រសួង​សំណង់ គឺជា​អ្នក​អនុវត្ត​ការ​សាងសង់ ដែល​លក់​ផ្ទះ​ទាំង​នេះ​ក្រោម​គម្រោង​បង់​រំលស់​រយៈពេល​១០​ឆ្នាំ ជាមួយ​ធនាគារ Construction and Housing Development Bank។

នេះ​គឺជា​លើក​ទី​១ ហើយ​ដែល​ក្រុមហ៊ុន​សំណង់​ឯកជន និង​រដ្ឋាភិបាល​បាន​សហការ​គ្នា​ក្នុង​ការ​សាងសង់​គម្រោង​ផ្ទះ​តម្លៃ​ទាប​នេះ​តាម​រយៈ​សម្ព័ន្ធភាព​ដៃគូ​ឯកជន និង​សាធារណៈ (PPP) ក្នុង​វិស័យ​អចលនទ្រព្យ​របស់​ប្រទេស​មីយ៉ាន់ម៉ា​។

សម្ព័ន្ធ​ដៃគូ​ឯកជន និង​សាធារណៈ​រវាង​ភ្នាក់ងារ​រដ្ឋាភិបាល និង​ក្រុមហ៊ុន​ឯកជន​នេះ អាច​ប្រើ​ការ​បាន​សម្រាប់​ផ្នែក​ហិរញ្ញវត្ថុ ផ្នែក​សាងសង់ និង​គ្រប់គ្រង​គម្រោង ដូចជា​ផ្សារ​រាត្រី និង​ផ្លូវ​ថ្នល់​សាធារណៈ​ជាដើម​។

លោក U KyawKyawSoe បាន​ថ្លែង​ថា អគារ​ផ្ទះ​តម្លៃ​ទាប​នេះ នឹង​មាន​កម្ពស់ ៦​ជាន់ ហើយ​ផ្ទះ​នីមួយៗ​នឹង​មាន​ជម្រើស​រវាង​ទំហំ​ចាប់ពី ៤៥០ ទៅ​៦០០​ហ្វីត​ការ៉េ (​ប្រហែល ៤១ ទៅ ៥៧​ម៉ែត្រការ៉េ​) ដែល​នឹង​មាន​តម្លៃ​ចាប់ពី ១០​លាន​ក្យាត រហូត​ដល់ ២០​លាន​ក្យាត (​ប្រមាណ​៧៣០០ ទៅ​១៥០០០​ដុល្លារ) សម្រាប់​ផ្ទះ​នីមួយៗ​។

ដើម្បី​អនុវត្ត​ការ​សាងសង់​គម្រោង​ផ្ទះ​សាធារណៈ​នេះ​បាន រដ្ឋាភិបាល​ត្រូវ​រៀបចំ នូវ​ការ​ស្ទង់​មតិ​មួយ​ពី​បុគ្គលិក​រដ្ឋាភិបាល​ដែល​នឹង​ចូល​និវត្តន៍​នៅ​ឆ្នាំ​ក្រោយ ហើយ​ជ្រើសរើស​គម្រោង​ប្រភេទ​ណា ដែល​ពួក​គេ​ចង់​ទៅ​រស់នៅ​។ ការ​ស្ទាបស្ទង់​មតិ​នេះ បាន​ធ្វើ​ឡើង​៥០​ភាគរយ​ហើយ​។

លោក​ថ្លែង​បន្ត​ថា ផ្ទះ​សាធារណៈ​នេះ នឹង​ត្រូវ​សង់​ឡើង​នៅ​ទីតាំង​ណា​ដែល​ប្រជាជន​ចង់​ទិញ ដោយ​គម្រោង​ចែក​ជា​តំបន់ៗ ហើយ​របស់​រដ្ឋាភិបាល​ក្រុង​យ៉ាំងហ្គោ​ន ក៏​នឹង​សម្រេច​ពិចារណា​សាងសង់​គម្រោង​នេះ​ផង​ដែរ​។

ទោះ​ជា​សមាគម MCEA ជា​អ្នក​សាងសង់​គម្រោង​នេះ​ក្តី ក៏​ក្រសួង​ដែនដី និង​សំណង់ នឹង​ត្រួតពិនិត្យ​គ្រប់គ្រង​លើ​អាគារ​ទាំងនេះ ហើយ​ក៏មាន​តួនាទី​ជា​អ្នក​លក់​ផ្ទះ​ទាំងនេះ​ផងដែរ​។

លោក U KyawKyawSoe​ បាន​ថ្លែង​​ថា អគារ​ផ្ទះ​សាធារណៈ​នេះ​នឹង​លក់​តាម​រយៈ​ប្រាក់កម្ចី​ធនាគារ ហើយ​នឹង​មិន​ប្រើ​ថវិកា​របស់​រដ្ឋាភិបាល​នោះ​ទេ​។

​លោក​បាន​ឲ្យ​ដឹងថា​៖ «​យើង​មិន​សាង​សង់ផ្ទះ​ទាំង​នោះ​ដោយ​ប្រើ​ថវិកា​រដ្ឋាភិបាល​នោះទេ​។ យើង​នឹង​ប្រើ​ប្រាក់​កម្ចី​ពី​ធនាគារ​ជំនួស​វិញ​»​។

លោក​បាន​បន្ថែម​ថា​ ៖ «​ឥណទាន​កម្ចី​ភាគច្រើន​ទាំង​សម្រាប់​វិនិយោគិន និង​អតិថិជន​នឹង​យក​ពី​ធនាគារ​សេដ្ឋកិច្ច​មីយ៉ាន់ម៉ា និង​ធនាគារ​ឯកជន​ផ្សេង​ទៀត»។

លោក​បន្តថា រដ្ឋាភិបាល​និង MCEA កំពុង​តែ​ធ្វើ​ការ​ចរចា​អំពី​ចំនួន​ប្រាក់​ដែលត្រូវ​កក់​ដំបូងសម្រាប់​រយៈពេល​រំលស់ និង​ការកំណត់​អត្រា​ការប្រាក់​សម្រាប់​ផ្ទះ​ទាំងនោះ​។

«​យើង​កំពុង​ចរចា​អំពី​ភាគរយ​នៃ​អត្រា​ការ​ប្រាក់​នៃ​ផ្ទះ​នីមួយៗ ដែលមាន​មាន​ចំនួន១៥​ភាគរយ ឬ​២០​ភាគរយ​។ ការធ្វើ​បែប​នេះ នឹង​ផ្តល់​ភាព​ងាយ​ស្រួល​ដល់​អ្នកទិញ​»​។

​លោក​បន្ត​ទៀត​ថា​ ៖ «​យើង​ក៏​កំពុង​តែ​ព្យាយាម​បន្ថយ​អត្រា​ការ​ប្រាក់​ពី១៣​ភាគរយ​ក្នុង​មួយ​ឆ្នាំ​ផង​ដែរ ដែល​នេះ​ជា​អត្រា​ការ​ប្រាក់​របស់​ធនាគារ​។ ប្រសិន​បើ​យើង​អាច​កាត់​បន្ថយ​អត្រា​ការ​ប្រាក់​បាន ហើយ​បង្កើន​រយៈពេល​បង់​រំលស់​វិញ អ្នក​ទិញ​នឹង​មិន​បាច់​បង់​ប្រាក់​ប្រចាំ​ខែ​ច្រើន​នោះ​ទេ​»​។​

​ផ្ទះ​សាធារណៈ​នេះ​មិន​ត្រឹម​តែ​សង់​នៅ​​ទីក្រុងYangon ទីក្រុង Mandalayនិង ​ទីក្រុង Nay Pyi Taw នោះ​ទេ ប៉ុន្តែ​ក៏​មាន ​នៅ​ទីប្រជុំជន​ធំៗ​ផ្សេងៗ​ទៀត​ផង​ដែរ​។​

​លោក​បាន​មាន​ប្រសាសន៍​បន្ត​ ៖ «ផ្ទះ​សាធារណៈ នឹង​សង់​ឡើង​ក្នុង​ទីក្រុង​ទាំងឡាយណា​ដែល​ត្រូវការ​ផ្ទះ​បន្ថែម និង​មាន​​ចំនួន​ប្រជាជន​ច្រើន​។ ដូច្នេះ​ផ្ទះ​ភាគច្រើន នឹងត្រូវ​សង់​ឡើង​ក្នុង​តំបន់​ដូច​ជា​ទីក្រុង Yangon, Mandalay និង Nay Pyi Taw​។ យើង​នឹង​ចាប់ផ្តើម​ដំបូង​ក្នុង​ទីក្រុង Nay Pyi Taw ដែល​ជា​ទីក្រុង​រដ្ឋបាល​»​។​

​លោក U KyawKyawSoe បាន​ថ្លែង​ថា ផ្ទះ​សម្រាប់​ជួល​អាច​ជួល​បាន​ក្នុងតម្លៃ ៣​ម៉ឺន​ក្យា​ត (​ប្រហែល ២២​ដុល្លារ​) ក្នុង​មួយ​ខែ ហើយ​នឹង​សង់​បន្ទាប់​នៅក្នុង​ទីក្រុង Yangon និង Mandalay ដោយ MCEA ក្នុង​ឆ្នាំ​នេះ​ដែរ​៕

Myanmar Times/ Tin YadanarTun

Source From: Phnom Penh Post

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Chroy Changva,Russey Keo
USD 1,090,000.00
Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month
Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00

CVEA MEMBERS