វិស័យ​អចលនទ្រព្យ​នៅ​អូស្ត្រាលី​​ ស្ទុះ​ឡើង​ខ្លាំង​ធ្វើ​ឲ្យ Wall Street ចូល​ដេញ​ថ្លៃ​ក្រុមហ៊ុន​បោះពុម្ព​កាសែត

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
គម្រោង​សំណង់​ជាច្រើន​នៅ​គ្រប់​ទីកន្លែង​នៃ​រាជធានី​ភ្នំពេញ​។ ហេង ជីវ័ន

Wall Street នៅក្នុង​ទីក្រុង​ញូវយ៉ក​បាន​ចាប់​ផ្តើម​សង្គ្រាម​ដេញ​ថ្លៃ​ក្រុមហ៊ុន Fairfax Media ដែល​ជា​ក្រុមហ៊ុន​អូស្ត្រាលី ដ៏​មាន​ភាព​ល្បីល្បាញ​ខាង​បោះពុម្ព​កាសែត​។

អ្នក​ស្រី Deanna McMath ជា​ម្ចាស់​ក្រុមហ៊ុន​បោះពុម្ព និង​ឌីហ្សាញ តូច​មួយ កំពុង​តែ​ព្យាយាម​ដាក់​តម្លៃ​ផ្ទះ​របស់​ក្រុមហ៊ុន​ខ្លួន ដែល​បាន​ទិញ​កាលពី​ឆ្នាំ​២០០៩ នៅ​ជាយក្រុង​ស៊ីដនី ក្នុង​តំបន់ Stanmore ហើយ​កំពុង​គិតថា គួរតែ​លក់ ឬ​គួរតែ​វិនិយោគ​បន្ថែម​ខណៈដែល​វិស័យ​អចលនទ្រព្យ​កំពុងតែ​កើន​ឡើង​ខ្លាំង​។

អ្នកស្រី​ធ្លាប់​គិតថា នឹងដាក់​លក់​លើ​កាសែត Sydney Morning Herald របស់ Fairfax​។ ពេលនេះ​អ្នកស្រី​កំពុង​ចង់​ដាក់លក់​លើ​ទំព័រ​លក់​អចលនទ្រព្យ​ចំនួន​ពីរ​គឺ Realestate.com.au ដែល​ជា​អាណាចក្រ​កាសែត​អន​ឡាញ​ដ៏​ធំ​របស់​លោក Rupert Murdoch ជា​កម្មសិទ្ធិ​របស់ News Corps និង Domain ដែល​​បាន​ក្លាយជា​កាសែត​អន​ឡាន​របស់ Fairfax ដ៏​ពេញនិយម​។

អ្នក​ស្រី​បន្ថែមថា​ ៖ «​នេះ​ជា​កាសែត​តែ​​ពីរ​គត់​ដែល​ខ្ញុំ​បាន​ទាក់ទង​។ បើ​នៅលើ​កាសែត Herald មិន​មាន​អ្វី​មើល​ទេ ហើយ​​គេ​លែង​យក​មក​មើល​វា​រៀងរាល់​ថ្ងៃសៅរ៍ អំពី​អចលនទ្រព្យ​ដែល​ត្រូវបាន​ដាក់លក់​ដូច​មុន​ទៀត​ហើយ​»​។

ទីក្រុង​ធំៗ​បំផុត​របស់​ប្រទេស​អូស្ត្រាលី គឺ​ទីក្រុង​ស៊ីដនី និង​មែលប៊ន កំពុងស្ថិត​ក្នុង​គម្រោង​ពង្រីក​ក្រុង និង​តម្លៃ​អចលនទ្រព្យ ដែល​កំពុងតែ​ឡើងថ្លៃ​យ៉ាង​គគ្រឹកគគ្រេង ហើយ​សម្រាប់​វិនិយោគិន​អន្តរជាតិ​វិញ Fairfax គឺជា​តម្រូវ​ការ​ដ៏​ចាំបាច់​បំផុត​ដើម្បី​ទទួល​បាន​ព័ត៌មាន​អំពី​រឿង​ទាំង​នេះ​។

ក្រុមហ៊ុន​ឯកជន​ខ្នាត​យក្ស​ចំនួន​ពីរ​របស់​អាមេរិក គឺ TPG Capital និង Hellman & Friedman កំពុង​ដេញ​ថ្លៃ​ទិញ Fairfax ដែល​បាន​ឲ្យ​តម្លៃ​ដល់​ទៅ ៣​កោដិ​ដុល្លារ​សហរដ្ឋ​អាមេរិក​។ តម្លៃ​នេះ​មិន​មែន​ជា​រឿង​អាក្រក់​សម្រាប់​ក្រុមហ៊ុន​មួយ​ដែល​ទើប​តែ​ប្រកាស​កាលពី​ប៉ុន្មាន​សប្តាហ៍​មុននេះ​ថា នឹង​កាត់បន្ថយ​ចំនួន​បុគ្គលិក​ដើម្បី​រក​ផល​ចំណេញ​នោះ​ទេ​។

វិស័យ​អចលនទ្រព្យ​របស់​អូស្ត្រាលី ដែល​​កំពុង​តែ​ស្ទុះ​ឡើង​យ៉ាង​គំហុក​ត្រូវ​បាន​​គេ​ដឹង​ថា ជា​កត្តា​មួយ​ដែល​ជម្រុញ​ឲ្យ​មាន​ការ​ដេញ​ថ្លៃ​កា​សែត​ទាំង​នេះ​។

«​ពួក​គេ​បាន​បង្កើត​នូវ​ចំណុច​ទាក់ទាញ​ការ​វិនិយោគ​មួយ ដែល​ធ្វើ​ឲ្យ​អចលនទ្រព្យ​ទាំង​នេះ​មាន​តម្លៃ​ថ្លៃ​» នេះ​បើ​យោង​តាម​សម្តី​លោក Damien Tampling ដែល​ជា​ដៃគូ​ក្រុមហ៊ុន Deloitte Australia ផ្នែក​សារព័ត៌មាន និង​បច្ចេកវិទ្យា ដែល​ជា​អ្នក​ដេញ​ថ្លៃ Fairfax​។

រឿង​នេះ​បាន​ចោទ​ជា​ក្តី​បារម្ភ​ឡើង ក៏​ព្រោះតែ​ការ​ផ្តោត​លើ​ការ​ឡើង​ថ្លៃ​នៃ​អចលនទ្រព្យ​ខ្លាំង​ពេក​អាច​នឹង​ធ្វើ​ឲ្យ Fairfax បាត់បង់​អចលនទ្រព្យ​ជាច្រើន ដូច​ជា​កាសែត​ធំៗ រួម​មាន​ទាំង Sydney Morning Herald និង The Age ដែល​មាន​ការិយាល័យ​ក្នុង​ទីក្រុង​មែលប៊ន​។

​បុគ្គលិក​នៅ​ក្រុមហ៊ុន​កាសែត​ទាំង​នេះ បានធ្វើ​បាតុកម្ម​អស់​រយៈពេល​មួយ​សប្តាហ៍​កាលពីខែ​មុន ដើម្បី​ប្រឆាំង​នឹង​ការ​កាត់បន្ថយ​ចំនួន​បុគ្គលិក ហើយ​ពួកគេ​បារម្ភ​ថា អ្នកដេញថ្លៃ Fairfax នឹង​រឹតតែ​កាត់បន្ថយ​ការ​បោះពុម្ព​ផ្សាយ​ដើម្បី​វិនិយោគ​ទៅលើ​ការផ្សព្វផ្សាយ​លក់​អចលន​ទ្រព្យ​បែប​ឌីជីថល​នៅ​លើ​ប្រព័ន្ធ​អ៊ិន​ធើណិត​​ជំនួស​វិញ​។

សង្គ្រាម​ដេញថ្លៃ​នេះ ក៏បាន​បង្កើតជា​សមរ​ភូមិ​ក្តៅ​មួយទៀត​ផងដែរ​រវាង​ក្រុមហ៊ុន News Corp., ដែលជា​ក្រុម​ហ៊ុន​សារ​ព័ត៌មាន​ដ៏​ធំ​បំផុត​មួយ​របស់​ប្រទេស​អូស្ត្រាលី និង​វិនិយោគិន​មកពី Wall-Street ដែល​មាន​ថវិកា​យ៉ាងច្រើន ដែល​កំពុងតែ​សម្លឹង​រកមើល​ផលចំណេញ​ពី​តម្លៃ​អចលនទ្រព្យ​កំពុង​ឡើងថ្លៃ​របស់​ប្រទេស​អូស្ត្រាលី​។

​ប្រទេស​អូស្ត្រាលី​កំពុងតែ​ជួបនឹង​បញ្ហា​ធ្លាក់​ចុះ​តម្រូវការ​រ៉ែ ធ្យូងថ្ម ទឹកដោះ​គោ និង​ធនធាន​ផ្សេងៗ​ទៀត ដែល​ខ្លួន​នាំ​ចេញ​ទៅ​ប្រទេស​ចិន និង​ប្រទេស​នានា។ ខណៈដែល​សេដ្ឋកិច្ច​របស់​ប្រទេស​អូស្ត្រាលី​មាន​សម្ទុះ​យឺតយ៉ាវ​ជាង​មុន ធនាគារ​ជាតិ​អូស្ត្រាលី បាន​កាត់​បន្ថយ​អត្រា​ការប្រាក់​ដើម្បី​រក្សា​តុល្យភាព​នៃ​ការ​លូត​លាស់​សេដ្ឋកិច្ច​របស់​ខ្លួន។

យ៉ាង​ណា​មិញ ទីក្រុង​ស៊ីដនី និង​មែលប៊ន បាន​បង្ហាញ​នូវ​ភាព​ខុស​ប្លែក​គ្នា​ធ្វើ​ឲ្យ​ប្រទេស​នេះ​មាន​ជន្ទល់​សេដ្ឋកិច្ច​ពីរ​។ ទីក្រុង​ទាំងពីរ​នេះ​កំពុង​តែ​មាន​កំណើន​ការងារ និង​សម្ទុះ​សេដ្ឋកិច្ច​យ៉ាង​ខ្លាំង​ហើយ​អត្រា​ការប្រាក់​ទាប​ធ្វើ​ឲ្យ​ចំនួន​ការ​ប្រាក់​បង់​រំលស់​ទាប ព្រមទាំង​ធ្វើ​ឲ្យ​មាន​ចរាចរណ៍​ទិញ​លក់​ច្រើន​ផង​ដែរ​។

ជាក់ស្តែង​ទីក្រុង​ទាំងពីរ​នេះ​កំពុង​មាន​កំណើន​សេដ្ឋកិច្ច​រីក​លូត​លាស់​យ៉ាង​ខ្លាំង​ដូចគ្នា​។

លោក Terry Rawnsley ជា​សេដ្ឋកិច្ច​វិទូ​នៅ​ក្រុមហ៊ុន SGS Economics and Planning បាន​ថ្លែង​ថា៖ ​ «​ទីផ្សារ​លំនៅឋាន​នៅ​ប្រទេស​អូស្ត្រាលី កំពុង​កើន​ឡើង​យ៉ាងខ្លាំង​។ ប្រាក់ខែ និង​ប្រាក់​ចំណេញ​នៅ​ទីក្រុង​ស៊ីដនី និង​មែលប៊ន មាន​ស្ថាន​ភាព​ល្អ ដូច្នេះ​ហើយ​អ្នក​នៅ​ទីនោះ​មាន​ប្រាក់​ច្រើន​»​។

​ក្រុមហ៊ុន​ផ្សព្វផ្សាយ​លក់​អចលន​ទ្រព្យ​ផ្តល់នូវ​វិធី​ក្នុងការ​វិនិយោគ​ក្នុង​វិស័យ​​ដែល​កំពុងតែ​ហក់​ឡើង​យ៉ាងខ្លាំង​នេះ​។ ប្រាក់​ចំណូល​របស់​កាសែត Domain បាន​កើនឡើង ១៥​ភាគរយ ក្នុង​រយៈ​ពេល៦​ខែ​ចុង​ក្រោយ​នេះ គិត​ត្រឹម​ខែធ្នូ​ចុងឆ្នាំ​មុន ខណៈ​ដែល Fairfax ធ្លាក់​ចុះ៥​ភាគរយ​វិញ​។

Domain និង Realestate.com.au កំពុងតែ​កាក់កប​នឹង​ការផ្សព្វផ្សាយ​ពាណិជ្ជកម្ម​ដាក់លក់​ផ្ទះ នេះ​បើ​យោង​តាម​​ភ្នាក់ងារ​អចលនទ្រព្យ​។ ការ​ផ្សព្វផ្សាយ​ដាក់លក់​ម្តង គឺ​ត្រូវ​ចំណាយ ១៥០០​ដុល្លារ​អូស្ត្រាលី (​ប្រហែល ១១០០​ដុល្លារ​សហរដ្ឋ​អាមេរិក​) នេះ​បើ​តាម​សម្តី​របស់​លោក Jonathan Hammond ជា​ភ្នាក់ងារ​មកពី​ក្រុមហ៊ុន Cobden & Hayson​។​

​លោក Hammond បន្ថែម​ថា​ ៖ «ប្រសិន​បើ​អ្នក​ចង់​ទិញ​អចលនទ្រព្យ​ដែល​មាន​តម្លៃ​ពេញចិត្ត​របស់​ខ្លួន អ្នក​ត្រូវ​តែ​ទៅ​មើល​នៅលើ​គេហទំព័រ​ទាំង​នោះ»​។

​ក្រៅពី​ជំនួញ​អចលន​ទ្រព្យ បុគ្គលិក Fairfax មាន​ក្តីបារម្ភ​ពី​ការកាត់បន្ថយ​ចំនួន​បុគ្គលិក និង​កាត់បន្ថយ​ការ​បោះពុម្ព​ផ្សាយ​។ ថ្លែង​ទៅកាន់​គណៈកម្មការ​សភា​ក្នុង​ខែ​នេះ លោក Paul Murphy នាយក​ប្រតិបត្តិ​ក្រុមហ៊ុន Media, Entertainment and Arts Alliance និង​សហព័ន្ធ​អ្នកសារព័ត៌មាន​ជាតិ​អូស្ត្រាលី បាន​ថ្លែង​ថា​៖ «​យើង​ដើរ​ដល់​ចំណុច​មួយ ដែល​ត្រូវ​សម្រេច​ចិត្ត ថា​តើ​សារព័ត៌មាន​ប្រភេទ​ណា​ដែល​ពេញនិយម​នៅក្នុង​ប្រទេស​នេះ​»៕

Jacqueline Williams/ The New York Times

Source From: PHNOM PENH POST

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00
Land For Sale
Chorm Chao,Porsenchey
USD 140,000.00
Land For Sale
Kakarb,Porsenchey
USD 130,000.00

CVEA MEMBERS