ច្បាប់​អចលនទ្រព្យ​ថ្មី​របស់​ឥណ្ឌា ​ចេញ​មុខ​ការពារ​អ្នក​ទិញ​ផ្ទះ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 

ក្នុង​ឆ្នាំ​២០១០ អ្នក​ស្រី Neena Nagpal និង​ស្វាមី​របស់​អ្នក​ស្រី​បាន​យក​ប្រាក់​សន្សំ​មួយ​ជីវិត​របស់​ខ្លួន​ទៅ​ទិញ​ផ្ទះមួយ​នៅ​ខាង​ក្រៅ​ទីក្រុង​ដេលី ដែល​មិន​ទាន់​បាន ​​សាងសង់​អ្វី​បន្តិច​នៅ​ឡើយ​។ បច្ចុប្បន្ន​នេះ ច្បាប់​ថ្មី​របស់​ឥណ្ឌា​មាន​បំណង​ការពារ​អ្នក​ទិញ​ផ្ទះ​ដូចជា​អ្នក​ស្រី​ពី​ម្ចាស់​គម្រោង​ខិល​ខូច​។

«​បទពិសោធ​ដែល​យើង​បាន​ឆ្លង​កាត់​នោះ គឺ​ពិតជា​ឈឺចាប់​ណាស់​» ស្ត្រី​អាយុ​៥៤​ឆ្នាំ​ម្នាក់ ដែល​​ស្វាមី​អ្នក​ស្រី​ទើប​តែ​ទទួល​មរណភាព​កាលពី​ពេល​ថ្មីៗ​កន្លង​ទៅ​ធ្វើ​ឲ្យ​អ្នកស្រី​ទទួល​បន្ទុក​ចិញ្ចឹម​ កូន​ដែល​មាន​ជំងឺ​ធ្ងន់​ត្រចៀក​ក្នុង​កូន​ផ្ទះ​មាន​បន្ទប់​ពីរ​នៅ​ជាយ​ក្រុង​នៃ​រដ្ឋធានី​របស់​ឥណ្ឌា​។ «​នៅ​ពេល​ដែល​អ្នក​មិន​គោរព​ពាក្យ​សម្តី​ខ្លួន អ្នក​ធ្វើ​ឲ្យ​ពួកយើង​ឈឺចាប់​យ៉ាងខ្លាំង​»​។

ចាប់​តាំង​ពី​ពាក់​កណ្តាល​ទសវត្សរ៍​ឆ្នាំ​២០០០​មក ប្រជាជន​ចំណូល​មធ្យម​នៅ​ឥណ្ឌា​ជាច្រើន​លាន​នាក់​បាន​ជ្រួល​ច្របល់​ចង់​បាន​ផ្ទះ ដោយ​បង់​ប្រាក់​ជាច្រើន​ទៅ​លើ​គម្រោង​ដែល​មិន​ទាន់​ទាំង​ចាប់​ផ្តើម​សាងសង់​ផង​នោះ​នៅ​ជាយក្រុង​ធំៗ ខណៈ​ពេល​ដែល​ទីផ្សារ​អចលនទ្រព្យ​នៅ​ប្រទេស​នេះ​លូត​លាស់​ដូច​ផ្សិត​។

អ្នក​ទិញ​ភាគ​ច្រើន គឺ​សុទ្ធ​តែ​ជា​បុគ្គលិក​វ័យក្មេង​ផ្នែក​បច្ចេកវិទ្យា​ព័ត៌មាន ដែល​មាន​បំណង​ចង់​រស់នៅ​ដាច់​ដោយ​ឡែក​ពី​ទំនៀម​ទម្លាប់​រស់នៅ​ជុំគ្នា​ជាមួយ​ក្រុម​គ្រួសារ​។

ប៉ុន្តែ​វិស័យ​នេះ​បាន​ធ្លាក់​ចូល​ក្នុង​ភ្នក់ភ្លើង​នៃ​បញ្ហា ហើយ​អ្នក​ទិញ​ភាគ​ច្រើន​បាន​ក្លាយ​ជា​ជន​រងគ្រោះ​ទៅ​វិញ​។

«​អ្វី​ដែល​យក​មក​បង្ហាញ និង​អ្វីដែល​ពួកគេ​ធ្វើ​គឺ​តែងតែ​ខុសគ្នា​ជានិច្ច​» នេះ​ជាស​ម្តី​របស់​លោក Gulam Zia នាយក​ប្រតិបត្តិ​នៅ​ក្រុមហ៊ុន​ប្រឹក្សា​អចលនទ្រព្យ Knight Frank India​។​

«​ម្ចាស់​គម្រោង​តែងតែ​គេច​ខ្លួន​ជាមួយ​អ្វីដែល​គេ​ចង់​បាន ហើយ​អ្នក​ទិញ​តែង​តែ​បាត់បង់​អ្វីៗ​ទាំង​អស់​។ ឥឡូវ​នេះ​ម្ចាស់​គម្រោង​មិន​អាច​លាក់​បាំង ហើយ​យក​អតិថិជន​ជា​ឈ្នាន់​សម្រាប់​លាភ​សក្ការៈ​ដូច​ពីមុន​ទៀត​នោះ​ទេ​»​។

ម្ចាស់​គម្រោង​អាច​ជាប់​ពន្ធនាគារ​រហូត​ដល់​៣​ឆ្នាំ និង​ប្រាក់​ពិន័យ​ស្ថិត​ក្រោម​សំណាញ់​ច្បាប់​ថ្មី ដែល​បាន​ចាប់​ផ្តើម​អនុវត្ត​ពី​ថ្ងៃ​ទី​១ ខែ​ឧសភា​នេះ​តទៅ ហើយ​មាន​សុពលភាព​ចំពោះ​គម្រោង​ដែល​កំពុង​ដំណើរ​ការ​សាងសង់ និង​គម្រោង​ថ្មីៗ​ផងដែរ​។

រដ្ឋាភិបាល​នឹង​ទទួល​បន្ទុក​មើល​ការ​ខុស​ត្រូវ​ដំណើរការ​ការងារ​របស់​ម្ចាស់​គម្រោង ព្រម​ទាំង​ធានា​ថា ពួកគេ​ធ្វើតាម​គម្រោង​របស់​ខ្លួន​ចាប់​តាំង​ពី​ចំនួន​និង​ទំហំ​របស់​អាផាតមិន និង​ពេលវេលា​សាងសង់​ជាក់លាក់​ផង​ដែរ។

ចំនួន​ប្រាក់​កក់​របស់​អ្នក​ទិញ​នឹង​ត្រូវ​ដាក់​ក្នុង​គណនី ដែល​មាន​ការ​ធានា​ហើយ​អាច​ប្រើ​បាន​សម្រាប់​តែ​គម្រោង​អចលនទ្រព្យ​ដែល​ពួក​គេ​វិនិយោគ​ប៉ុណ្ណោះ មិន​អាច​ប្រើ​ទៅ​លើ​គម្រោង​ថ្មី​ណា​មួយ​នោះ​ទេ​។​ ​ប្រសិន​បើ​ផ្ទះ​មិន​អាច​ធ្វើ​បាន​ទាន់​កាល​កំណត់​ទេ​នោះ ម្ចាស់​គម្រោង​ត្រូវ​បង់​ការ​ប្រាក់​ប្រចាំ​ខែ​លើ​ទឹក​ប្រាក់​កម្ចី​ពី​ធនាគារ​របស់​អតិថិជន​។

សមាគម​របស់​សហព័ន្ធ​អ្នក​អភិវឌ្ឍន៍​អចលនទ្រព្យ​ឥណ្ឌា (Confederation of Real Estate Developers’ Associations of India) ដែល​ជា​តួ ខ្លួន​នៃ​ជំនួញ​ពាណិជ្ជកម្ម​នេះ​បាន​សាទរ​ស្វាគមន៍​នូវ​ច្បាប់​ថ្មី​នេះ​ដោយ​បញ្ជាក់​ថា នឹង​ធ្វើ​ឲ្យ​ប្រព័ន្ធ​ច្បាប់​កាន់​តែ​តឹងរ៉ឹង និង​មាន​តម្លា​ភាព។

«​ច្បាប់​នេះ​នឹង​ស្តារ​ទំនុក​ចិត្ត​របស់​អតិថិជន​មក​លើ​វិស័យ​អចលនទ្រព្យ​វិញ​» នេះ​បើ​យោង​តាម​សម្តី​របស់​ប្រធាន​សមាគម​គឺ​លោក Jaxay Shah៕

Megha Bahree / AFP

Source From: Phnom Penh Post

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Ou Saray,Tram Kak
USD 18.00/SQM
Land For Sale
Chorm Chao,Porsenchey
USD 470,000.00
Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00

CVEA MEMBERS