ក្រុមហ៊ុន Siam Park នឹង​បង្កើត «ទីក្រុង​បាងកក» តូច​មួយ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ទិដ្ឋភាព​ទីតាំង​នៃ​គម្រោង​ទីក្រុង​បាងកក (Bangkok City)។ រូប សហការី

ក្រុមហ៊ុន Siam Park Bangkok Co., ដែល​ជាម្ចាស់​សួន​ឧទ្យាន​កម្សាន្ត នឹង​វិនិយោគ​ទឹកប្រាក់ ៣ ពាន់​លានបាត ដើម្បី​បង្កើត​តំបន់​កម្សាន្ត និង​ពាណិជ្ជកម្ម​មួយ​នៅក្នុង​ទីក្រុង​បាងកក​ក្នុង​ឆ្នាំ​នេះ គឺ​ស្ថិតក្នុង​គោល​បំណង​បង្កើន​អតិថិជន​របស់​ខ្លួន។

អ្នកស្រី Noppagarn Luangamornlert នាយិកា​រង​គ្រប់គ្រង​ទូទៅ​របស់​ក្រុមហ៊ុន​ខាងលើ​បាន​ថ្លែងថា ទឹកប្រាក់​នេះ​នឹងត្រូវ​បាន​យក​ទៅ​វិនិយោគ​គម្រោង «ទីក្រុង​បាងកក» ថ្មីដែល​នឹងជា​គម្រោង​តំបន់​កម្សាន្ត និង​ពាណិជ្ជកម្ម​លក់ដូរ​នៅលើ​ផ្ទៃដី​ប្រមាណ ៧០ រ៉ៃ នៅក្បែរ​សួនទឹក និង​ឧទ្យាន​កម្សាន្ត Siam Park City។

គម្រោង​នេះ​នឹង​ចាប់ផ្តើម​សាងសង់​ចាប់ពី​ឆ្នាំនេះ​តទៅ។ គោល​បំណង​របស់​យើង​គឺ​ដើម្បី​ស្តារ​ឡើង​វិញ​នូវ​ទីប្រជុំជន​ចំណាស់​ដ៏ល្បីល្បាញ​របស់​ទីក្រុង​បាងកក​ក្នុងនាម​ជា​តំបន់​ពាណិជ្ជកម្ម​ដូចជា Chinatown, Sampheng និង Khlong Thom ជាដើម។ គម្រោង​នេះនឹង​រួមមាន​អគារ​ចំនួន ១៣ ដែល​អគារ​នីមួយៗ​នឹង​ដើរតួ​ជាទី​ប្រជុំជន​ចំណាស់ ឬជា​តំបន់​ពាណិជ្ជកម្ម​តែម្តង។ គម្រោង​នេះ​ត្រូវបាន​គេ​រំពឹងថា នឹង​សង់​រួចរាល់​នៅ​ឆ្នាំ ២០២០។

ការវិនិយោគ និង​សាងសង់​គម្រោង ទីក្រុង​បាងកក (Bangkok City) គឺជា​ផ្នត់​គំនិត​មួយ​ដែល​បាន​ផុស​ចេញពី​ក្តីសុបិន​របស់​លោក Chaiwat Luangamornlert វ័យ ៧៩ ឆ្នាំ ដែល​បាន​រិះគិត​អស់​រយៈពេល​ជាង ៣៧ ឆ្នាំ​មក​ហើយ ក្នុងឋានៈ​លោក​ជាម្ចាស់ និង​នាយក​គ្រប់គ្រង​ឧទ្យាន Siam Park City។ «លោក Chaiwat មានក្តី​សុបិន​ចង់​កសាង​គម្រោង Bangkok City នេះ​អស់​រយៈពេល ២ ទសវត្សរ៍​មក​ហើយ ហើយ​ក្តីសុបិន​របស់​លោក​នឹង​ក្លាយជា​ការពិត​នៅពេល​គម្រោង​នេះ​សង់​រួចរាល់» នេះបើ​យោងតាម​អ្នកស្រី Noppagarn។

ក្រុមហ៊ុន​នេះនឹង​វាយចោល​នូវ​ការិយាល័យ​ធំ និង​សំណង់​នៅ​តំបន់​លក់​សំបុត្រ​នៅ​ខាងមុខ​ច្រកចូល Siam Park នៅ​ត្រីមាស​ទី ៣ ក្នុង​ឆ្នាំ​នេះ ហើយ​នឹង​ចំណាយ​ទឹកប្រាក់ ៣០០ លាន​បាត​សម្រាប់​ការសាងសង់​អគារ​កម្ពស់ ២ ជាន់​ដំបូង ដើម្បី​ធ្វើជា​កន្លែង​ផ្តល់​សេវា​បម្រើ​អតិថិជន និង​រួមមាន​ទាំង​ភោជនីយដ្ឋាន បន្ទប់​សិក្ខា​សាលា ដែល​អាច​ផ្ទុក​មនុស្ស​បានពី ៥០ ទៅ ២៥០ នាក់ ព្រមទាំង​ការិយាល័យ​លក់​សំបុត្រ​ផងដែរ។

អគារ​ដំបូង​នេះ​ត្រូវបាន​គេ​រំពឹងនឹង​សាងសង់​រួចរាល់​ក្នុង​រយៈពេល ២ ឆ្នាំ​ខាងមុខ​នេះ។ រីឯ​អគារ​ចំនួន ១២ ផ្សេង​ទៀត នឹង​ធ្វើជា​កន្លែង​លក់ដូរ​ទំនិញ និង​មជ្ឈមណ្ឌល​កម្សាន្ត។

នៅក្នុង​គម្រោង​របស់​ក្រុមហ៊ុន​នេះក៏​នឹងមាន​ផ្សារ​រាត្រី​មួយ​ទៀត​ដែល​នឹង​បើក​រហូតដល់​ម៉ោង ៩ យប់។ «ជាមួយ​នឹង​គម្រោង Bangkok City នេះ យើង​រំពឹង​ថា Siam Park នឹង​ក្លាយជា​គោលដៅ​តំបន់​កម្សាន្ត​មួយ​ទៀត​សម្រាប់​ប្រជាជន​ក្នុងស្រុក និងជា​កន្លែង​ដំបូង​សម្រាប់​ភ្ញៀវ​បរទេស​មក​កម្សាន្ត ពេលចុះ​មក​ដល់​ប្រទេស​ថៃ​ភ្លាម ហើយ​អាច​នឹងជា​កន្លែង​កម្សាន្ត​ចុង​ក្រោយ​មុននឹង​ចាកចេញ​ទៅវិញ​ផងដែរ» នេះ​បើតាម​សម្តី​របស់​អ្នកស្រី។

អតិថិជន​ប្រមាណ ៨៥ ភាគរយ ដែល​មក Siam Park City គឺជា​ជនជាតិ​ថៃ ខណៈដែល​ភ្ញៀវ​បរទេស​មកពី​មជ្ឈិម​បូព៌ា ប្រទេស​ឥណ្ឌា រុស្ស៊ី ចិន និង​តៃវ៉ាន់។

អ្នកស្រី Noppagarn ថ្លែងថា ភ្ញៀវ​ដែល​មក​កម្សាន្ត​នៅ​ឧទ្យាន​កម្សាន្ត​នៅក្នុង​ត្រីមាស​ទី ១ នៃ​ឆ្នាំនេះ​មាន​ចំនួន​ខ្ពស់ជាង​ត្រីមាស​ទី ៤ កាលពី​ឆ្នាំមុន។ អ្នកស្រី​បន្តថា ៖ «ស្ថាន​ភាពមិន​នៅ​ធម្មតា​នោះទេ ប៉ុន្តែ​វា​ពិតជា​រឿង​ដ៏ល្អ​សម្រាប់​យើង​ដែល​យើង​បាន​ទទួល​អតិថិជន​ថ្មីៗ​មកពី​ប្រទេស​ជិតខាង»។

ក្រុមហ៊ុន​បាន​វិនិយោគ​ទឹកប្រាក់​ប្រមាណ ១០០ លាន​បាត ដើម្បី​បើក​កន្លែង​ជិះ «Siam Lagoon» នៅ​តំបន់​សួន​ទឹក ដែល​ផ្តល់​ជាកន្លែង​សម្រាប់​ជិះ​ឧបករណ៍​ម្យ៉ាង​ចុះទៅ​ទឹក​មួយ​ដ៏ធំ និង​ជា​កន្លែង​សម្រាប់​ក្មេងៗ​នៅ​តាម​តំបន់​កម្សាន្ត​ជា​លក្ខណៈ​គ្រួសារ​ផងដែរ។

ភ្ញៀវ​ទស្សនា​វ័យ​ជំទង់​ដែល​មក​កម្សាន្ត​នៅ Siam Park City បាន​កើន​ឡើង​ដល់​ទៅ ២ ដង។ រីឯ​សកម្មភាព​ទីផ្សារ​បាន​ពង្រីក​កិត្តិនាម​របស់​ខ្លួន​ដូចជា​ការប្រគំ​តន្ត្រី​ជាដើម​នឹងត្រូវ​បាន​រៀបចំ​បន្ថែម​ដើម្បី​ទាក់ទាញ​យុវវ័យ​បន្ថែម​ទៀត​នៅក្នុង​ឆ្នាំនេះ។

ក្រុមហ៊ុន​នេះ​រំពឹងថា នឹង​អាច​បង្កើន​ការលក់​របស់ខ្លួន​បាន ១០ ភាគរយ ស្មើនឹង​ទឹកប្រាក់​ប្រមាណ ៥៥០ លាន​បាត​នៅក្នុង​ឆ្នាំនេះ៕

Pitsinee Jitpleecheep/Bangkok Post

om: Khmer Post

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00
Land For Sale
Chorm Chao,Porsenchey
USD 140,000.00
Land For Sale
Kakarb,Porsenchey
USD 130,000.00

CVEA MEMBERS