វិនិយោគិន​ធំៗ ​កំពុង​ដណ្តើម​ទីផ្សារ​អចលនទ្រព្យ​នៅ​ ថៃ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
Kim Heang sharing his principles at the recent seminar held by CVEA. Moeun Nhean

​វិនិយោគិន​ធំៗ​នឹង​បន្ត​ដណ្តើម​យក​ទីផ្សារ​ថែម​ទៀត​នៅ​ឆ្នាំ​នេះ​ដោយ​សារ​តែ​ការ​ប្រកួត​ប្រជែង​បណ្តាល​មក​ពី​ប្រាក់​កម្ចី​មាន​ការ​ប្រាក់​ទាប និង​ប្រភព​បណ្តាក់​ទុន​កាន់​តែ​ច្រើន​។

លោក Prasert Taedullayasatit ប្រធាន​សមាគម​ខុនដូ​ថៃ (Thai Condominium Association) បាន​ថ្លែង​ថា ម្ចាស់​គម្រោង ឬ​វិនិយោគិន​ធំៗ​បាន​គ្រប់គ្រង​ទីផ្សារ​ពាក់​កណ្តាល ហើយ​នឹង​បន្ត​ពង្រីក​វិសាលភាព​របស់​ខ្លួន​លើ​ទំហំ​ទីផ្សារ​ដែល​នៅ​សល់​ពាក់​កណ្តាល​ទៀត​។

ពួក​គេ​ភាគ​ច្រើន​មាន​ភាគហ៊ុន​ក្នុង​គ្រប់​ប្រភេទ​ទីផ្សារ​ទាំងអស់ រាប់​ចាប់​តាំងពី​លំនៅឋាន​ដែល​មាន​តម្លៃ​ទាប​ជាង​៥​ម៉ឺន​បាត​ក្នុង​មួយ​ម៉ែត្រ​ការ៉េ រហូត​ដល់ ២​ ម៉ឺន​ ៥ ​ពាន់​បាត​ ក្នុង​មួយ​ម៉ែត្រ​ការ៉េ។

លោក​បន្ត​ថា​ ៖ «​ពួក​គេ​មួយ​ចំនួន​នឹង​ទទួល​បាន​ការ​កែប្រែ​លើ​មុខ​ជំនួញ​ក្នុង​រយៈពេល ៦ ​ខែ​ទៀត ដែល​សេដ្ឋកិច្ច​អាច​នឹង​ធ្លាក់​ចុះ​ពី​ទីផ្សារ​ដែល​មាន​តម្លៃ​ទាប​ដោយ​សារ​កម្រិត​ដ៏​ខ្ពស់​នៃ​ការ​ជំពាក់​បំណុល​ទិញ​ផ្ទះ​គឺជា​បញ្ហា​ដ៏​ចម្បង​មួយ​»នៅ​ប្រទេស​ថៃ​។

វិនិយោគិន​ធំៗ​មាន​ការ​ចំណាយ​ទាប​ជាង​លើ​ការ​សាង​សង់​ដោយ​ហេតុ​ថា ការ​ប្រាក់​គឺ​ត្រឹម​តែ​ ២,៣០ ​ភាគរយ តែ​ប៉ុណ្ណោះពី​បណ្តា​ប្រភព​ផ្តល់​ទុន​មួយ​ចំនួន ​ដូច​ជា​កម្ចី​ឥណទាន​ពី​ធនាគារ ​ការ​ធានា​ទំនាក់​ទំនង និង​សញ្ញាប័ណ្ណ​លិខិត​បំណុល ដែល​អនុញ្ញាត​ឲ្យ​ពួក​គេ​មាន​សមត្ថភាព​ក្នុង​ការ​វិនិយោគ​លើ​ដី​ឡូតិ៍​នៅ​ទីតាំង​ធំៗ​ដែល​មាន​តម្លៃ​ថ្លៃ​។

បើ​យោង​តាម​សមាគម ពាក់​កណ្តាល​នៃ​សំណង់​លំនៅឋាន ឬ​ផ្ទះ​ក្នុង​ក្រុង​ថ្មីៗ និង​ខុន​ដូ​ផង​ដែរ ដែល​បាន​ដាក់​លក់​ពាក់​កណ្តាល​មុន​នោះ​គឺ​ សុទ្ធ​តែ​ជា​របស់​វិនិយោគិន​ធំៗ​។ ពួក​គេ​ក៏​បាន​លក់​ផ្ទះ​ដាច់ៗ ដែល​មាន​ចំនួន​រហូត​ដល់​ទៅ​ ២ ​ភាគ ​៣ នៃ​វិស័យ​អចលនទ្រព្យ​លំនៅឋាន​នេះ​។

នៅ​ឆមាស​ទី​១​នៃ​ឆ្នាំ​នេះ មាន​គម្រោង​លំនៅឋាន​ផ្ទះ​សរុប​ចំនួន ១៤៤ ​គម្រោង​ដែល​មាន​តម្លៃ​រហូត​ដល់​ទៅ ​២១៦ ​ពាន់​លាន​បាត ដែល​មាន​ចំនួន ៣៣​ ភាគរយ នៃ​គម្រោង​លំនៅឋាន​ដែល​បាន​ដាក់​ចេញ​លក់​ក្នុង​ឆ្នាំ​នេះ​។

លោក Prasert ថ្លែងថា ការ​ចំណេញ​ពន្ធ​លើ​អចលនទ្រព្យ​នេះ​បាន​ជួយ​បង្កើន​នូវ​ការ​លក់​ក្នុង​អំឡុង​រយៈពេល​៤​ខែ​ដំបូង ប៉ុន្តែ​បាន​ធ្វើ​ឲ្យ​តម្រូវ​ការ​ផ្ទះ​ថ្មីៗ​ធ្លាក់​ចុះ​វិញ​។ ការ​លក់​មុន​សាងសង់​រួច​រាល់​សរុប​ក្នុង​ទីក្រុង​បាងកក បាន​ធ្លាក់​ចុះ ៥​ភាគរយ នៅ​ក្នុង​ឆមាស​ទី​១ នៃ​ឆ្នាំ​២០១៦​​នេះ​។

លោក Opas Sripayak នាយក​គ្រប់គ្រង​ក្រុមហ៊ុន SET-Listed L.P.N. Development បាន​ថ្លែង​ថា កត្តា​អវិជ្ជមាន​ក្នុង​ឆមាស​ទី​ ២ ដែល​អាច​នឹង​ប៉ះពាល់​ដល់ទី​ផ្សារ​ខុន​ដូ រួម​មាន​នូវ កម្រិត​ខ្ពស់​នៃ​ការ​ជំពាក់​បំណុល​កម្ចី​ទិញ​ផ្ទះ ច្បាប់​រំលស់​ផ្ទះ​កាន់តែ​តឹង​តែង និង​ការ​ធ្លាក់​ចុះ​នៃ​ការ​ជឿ​ជាក់​របស់​អតិថិជន ឬ​ក៏​អ្នក​វិនិយោគ ផង​ដែរ​។

ក្នុង​ទីផ្សារ​ដែល​មាន​តម្លៃ​ទាប ឬ​ក្នុង​មួយ​ផ្ទះ​តម្លៃ​ទាប​ជាង ១​ លាន​បាត​នោះ LPN បាន​រក​ឃើញ​ថា ពាក់​កណ្តាល​នៃ​ចំនួន​អតិថិជន​មិន​អាច​ខ្ចី​ប្រាក់​បង់​រំលស់​ទិញ​ផ្ទះ​បាន​ពី​ធនាគារ​ដោយ​សារ​មិន​មាន​ប្រាក់​ចំណូល​តិច​ជាង​តម្រូវ​ការ ឬ​ មិន​មាន​ប្រភព​ចំណូល​ច្បាស់​លាស់ ឬ​មាន​បញ្ហា​លុយ​កាក់​ផង​ដែរ​៕

Source From: Khmer Post

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Ou Saray,Tram Kak
USD 18.00/SQM
Land For Sale
Chorm Chao,Porsenchey
USD 470,000.00
Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00

CVEA MEMBERS