ទោះបីមានព្រលានយន្តហោះនៅជិតក៏ផ្ទះតម្លៃសមរម្យមិនឡើងថ្លៃនោះទេ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 

 

ភ្នំពេញ ៖ ថ្នាក់ដឹកនាំនៃក្រុមហ៊ុន World Bridge Land Home បានថ្លែងថា ទីតាំងសាងសង់លំនៅដ្ឋានតម្លៃសមរម្យ ទោះបីបច្ចុប្បន្នមានទីតាំងស្ថិតនៅក្បែរព្រលានយន្តហោះអន្តរជាតិភ្នំពេញក្តី ក៏គំរោងនេះមិនឡើងថ្លៃតាមតម្លៃដីធ្លីនៅក្នុងតំបន់នេះឡើយ។

លោកយក់ សុធីរិទ្ធ នាយកគ្រប់គ្រងទូទៅ ក្រុមហ៊ុនវើលដ៏ប៊្រីដហូមបានថ្លែងឲ្យដឹងក្នុងសន្និសីទសារព៌តមានកាលពីម្សិលម៉ិញនេះថា ទោះតំបន់ត្រូវសាងសង់លំនៅឋាននោះ មានការអភិវឌ្ឍខ្លាំងយ៉ាងណាក៏ដោយ ក៏ក្រុមហ៊ុនមិនឆ្លៀតឱកាសកេងចំណេញ ពីបងប្អូនប្រជាពលរដ្ឋឡើយ ពោលគឺនៅតែឈរលើគោលការណ៍ក្រុមហ៊ុន ដែលបានប្រកាសលក់តម្លៃផ្ទះចាប់ពី២៥.០០០ដុល្លារអាមេរិកឡើង ដោយគ្មានអ្វីប្រែប្រួលនោះទេ។

លំនៅឋានតម្លៃសមរម្យរបស់ក្រុមហ៊ុន វើលប្រិដ៍ ឡេន ហូមមានទីតាំងស្ថិតនៅ ភូមិកោះគរ ឃុំរកាខ្ពស់ ស្រុកស្អាង ខេត្ដកណ្ដាល។ ចំនួនផ្ទះដែលត្រូវធ្វើការសាងសង់ មានចំនួនសរុបជាង២៤០០ល្វែង ចែកជាពីរប្រភេទ គឺផ្ទះប្រភេទទី១ មានទំហំដី ៤ម៉ែត្រគុណ១០.៥ម៉ែត្រ កម្ពស់២ជាន់ មានបន្ទប់គេង២។ និងផ្ទះប្រភេទទី២ មានទំហំដី៦ម៉ែត្រ គុណ១០.៥ម៉ែត្រ កម្ពស់២ជាន់ មានបន្ទប់គេង៣។

លោកឧកញ៉ា នូន រិទ្ធី អគ្គនាយកក្រុមហ៊ុន KFA ដែលទទួលសិទ្ឋលក់ផ្តាច់មុខនៃគំរោងនេះបានថ្លែងថា ផ្អែកតាមសំណូមពរជាច្រើ​នរបស់អតិថិជន ដែលបានមកចុះឈ្មោះទិញលំនៅដ្ឋានពីក្រុមហ៊ុន និងបា​នទន្ទឹងរង់ចាំទទួលប្រាក់កក់ ក៏ដូចជាប្រាប់ពីគោលការណ៍ផ្សេងៗនោះ ភាពយឺតយ៉ាវនេះ ដោយសារក្រុមហ៊ុនរង់ចាំការដ្ឋានចាក់បំពេញដី ឲ្យបានតាមគម្រោងផែនការ និងពិនិត្យគូសវាសទៅលើការដ្ឋាន ឲ្យបានគ្រប់ជ្រុងជ្រោយ មុនពេលដំណើរការកសាងហេដ្ឋរចនាសម្ព័ន្ធ។

សម្រាប់ទីតាំងការិយាលក់លំនៅដ្ឋាននេះ ស្ថិតនៅសង្កាត់ ចាក់ចង្រេក្រោម ខ័ណ្ឌជ័យ ទល់មុខសាលាសង្កាត់ ចាក់អង្រែក្រោម រាជធានីភ្នំពេញ។

លោកឧកញ៉ានួន រិទ្ឋីបានបន្តថា គំរោងលំនៅដ្ឋានតម្លៃសមរម្យ រហូតមកទល់ពេលនេះអស់អស់ជិត២០ភាគរយ​ហើយ ក្នុងចំណោមលំនៅដ្ឋានសរុបចំ​នួនជាង២៤០០ល្វែង។ ទីតាំងគំរោងនេះ កំពុងមានភាពរីកចម្រើនដោយសារមាន​គំរោងព្រលានយន្តហោះ មជ្ឈមណ្ឌលពាណិជ្ជកម្ម សាលារៀន ហើយលើសពីនេះក្រុមហ៊ុនក៏បានសាងសង់ផ្សារនៅក្នុងគំរោងនេះ សម្រាប់ផ្តល់ភាពងាយស្រួលដល់អតិថិជនរស់នៅក្នុងគម្រោងនេះផងដែរ៕

Source From : Property Area

 

Latest News

តបតាមការអញ្ជើញរបស់សមាគមភ្នាក់ងារអចលនវត្ថុប្រទេសហ្វីលីពីន កាលពីថ្ងៃទី ៤-៦...

LATEST EXCLUSIVE LISTING

Land For Sale
Trapang Krasang,Porsenchey
USD 420.00/SQM
Land For Sale
Phnom Penh Thmei,Sen Sok
USD 285.00/SQM
Land For Sale
Chorm Chao,Porsenchey
USD 150,000.00
Flat House For Sale
Boeng Salang,Tuol Kork
USD 398,000.00
Land For Sale
Phnom Penh Thmei,Sen Sok
USD 155,000.00

CVEA MEMBERS