ឧកញ៉ា លី យ៉ុងផាត់ ចាប់ផ្តើម​បោះ​ជំហាន​ចូល​ទីផ្សារ​បុរី

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ផ្សារ makro ជា​ស្នូល​នៃ​គម្រោង​បុរី​របស់​ឧកញ៉ា លី យ៉ុងផាត់​។ ស្រេង ម៉េងស្រ៊ុន

ស្រប​ពេល​ទីផ្សារ​លំនៅឋាន​នៅ​តែ​មាន​សក្តានុពល​អ្នក​ឧកញ៉ា លី យ៉ុងផាត់ អគ្គនាយក​ក្រុមហ៊ុន លីយ៉ុងផាត់ គ្រុប​កាលពី​ពេល​ថ្មីៗ​នេះ​បាន​ចាប់ផ្តើម​ចូល​មក​វិនិយោគ​លើ​វិស័យ​អចលនទ្រព្យ​តាមរយៈ​ការ​បោះទុន​ដើម្បី​វិនិយោគ​សាងសង់​បុរី​មួយ​មាន​ឈ្មោះ​ថា The Premier Land​។

លោក​ឧកញ៉ា សេង ញ៉ក់ នាយក​គ្រប់គ្រង​គម្រោង The Premier Land ដែល​ជា​បុត្រសម្ព័ន្ធ​របស់​ក្រុមហ៊ុន លីយ៉ុងផាត់ គ្រុប បាន​និយាយ​ថា​សក្តានុពល​របស់​តំបន់​គឺជា​មូលហេតុ​សំខាន់​ដែល​ជំរុញ​ឲ្យ​គម្រោង The Premier Land លេច​រូបរាង​ឡើង​។

ក្រុមហ៊ុន​សម្រេច​សាងសង់​គម្រោង​នេះ​ឡើង​ព្រោះ​បច្ចុប្បន្ន​ខណ្ឌ​សែនសុខ ត្រូវ​បាន​គេ​ទទួល​ស្គាល់​ថា​ជា​តំបន់​ដែល​មាន​ប្រព័ន្ធ​ហេដ្ឋារចនាសម្ព័ន្ធ​ល្អ​ប្រសើរ​ដែល​នេះ​ជា​កត្តា​ចម្បង​ក្នុង​ការ​ទាក់ទាញ​ឲ្យ​មនុស្ស​ចូល​មក​រស់នៅ និង​ប្រកប​អាជីវកម្ម​កាន់តែ​ច្រើន​។

លើស​ពី​នេះ​ទៀត​បច្ចុប្បន្ន​ទី​នេះ​ក៏​ជា​តំបន់​ប្រមូលផ្តុំ​ទៅ​ដោយ​ធនាគារ សាលារៀន​អន្ដរជាតិ និង​ផ្សារ​អន្តរជាតិ​ធំៗ​ចំនួន​ ២ ​ផង​ដែរ​។

លោក​បន្ត​ថា៖ “​ទីតាំង​លំនៅឋាន​បែប​ទំនើប និង​ប្រណីត​ទាំង​នេះ​នឹង​មាន​ភាព​ងាយស្រួល​សម្រាប់​រស់នៅ ឬ​អាច​និយាយ​ថា​មាន​ភាព​ប្រសើរ​ជាង​លំនៅឋាន​នៅ​កណ្តាល​ក្រុង​ទៀត​ផង​ព្រោះ​គ្រាន់តែ​ដើរ​ឆ្លង​ផ្លូវ​នឹង​ទៅ​ដល់​ផ្សារ​ទំនើប​ធំៗ​ចំនួន​ ២ គឺ Makro និង Aeon2 ព្រមទាំង​នៅ​ជិត​នឹង​សាលារៀន​អន្តរជាតិ​ផង​ដែរ​”​។

លោក​បន្ត​ថា៖ “​គម្រោង​នេះ​ក៏​ស្ថិត​នៅ​ជិត​នឹង​មជ្ឈមណ្ឌល​សន្និបាត និង​ពិព័រណ៍ សែនសុខ ដែល​ជា​កន្លែង​ថ្មី​មាន​បរិវេណ​ធំ​ទូលាយ​អាច​ទទួល​ភ្ញៀវ​បាន​រហូត​ដល់​ ៥ ០០០ ​នាក់​រួម​ទាំង​មាន​ចំណត​រថយន្ត​ធំ​ទូលាយ​លើ​ទំហំ​ដី​ ៥០ ០០០ ម៉ែត្រការ៉េ​”​។

ជាមួយ​នឹង​ល្បឿន​នៃ​ការ​អភិវឌ្ឍ​នៅក្នុង​ខណ្ឌ​សែនសុខ​ដ៏​លឿន​ស្ទើរ​មិន​គួរ​ឲ្យ​ជឿ​នេះ​លោក​ឧកញ៉ា លី ហួរ អគ្គនាយក​បុរីវិមាន​ភ្នំពេញ​ក៏​បាន​និង​កំពុង​ពង្រីក​គម្រោង​លំនៅឋាន​ថ្មី​លើ​ផ្ទៃដី​ទំហំ​ជាង​ ១៦ ​ហិកតា​នៅ​តំបន់​ក្បែរ​នោះ​ផង​ដែរ ដោយ​ដាក់​ឈ្មោះ​ថា “​ភូមិ​រុងរឿង​”​។

លោក ច្រឹក សុខនីម អគ្គនាយក​ក្រុមហ៊ុន Century21 Mekong ដែល​មាន​ឯកទេស​ខាង​ទិញ​លក់​លំនៅឋាន​នៅ​តាម​បុរី​នានា​បាន​ថ្លែង​ថា​ទីផ្សារ​លំនៅឋាន​នៅ​តែ​មាន​ភាព​ល្អ​ប្រសើរ ពិសេស​លំនៅឋាន​ដែល​ផ្តោត​លើ​ប្រជាជន​មាន​ប្រាក់​ចំណូល​មធ្យម​កម្រិត​ទាប​ដល់​ប្រជាជន​មាន​ប្រាក់​ចំណូល​មធ្យម​កម្រិត​ខ្ពស់ ប៉ុន្តែ​លំនៅឋាន​សម្រាប់​ក្រុម​អេលីត​ដែល​មាន​តម្លៃ​ចាប់ពី​ជាង​ ១ ​លាន​ដុល្លារ​ឡើង​ទៅ​រាង​ពិបាក​ក្នុង​ការ​លក់​បន្តិច​។ ផ្ទុយ​ទៅ​វិញ​លំនៅឋាន​ដែល​មាន​តម្លៃ​ត្រឹម​ចន្លោះ​ពី​ ១៥ ​ទៅ​ ៣០ ​ម៉ឺន​ដុល្លារ​នៅ​តែ​លក់​បាន​ច្រើន​។

លោក​បន្ត​ថា៖ “​កំណើន​ប្រាក់​ចំណូល​របស់​ប្រជាពលរដ្ឋ​កំណើន​សេដ្ឋកិច្ច និង​លក្ខខណ្ឌ​នៃ​ការ​ផ្តល់​ឥណទាន​របស់​ធនាគារ​មាន​ភាព​ងាយស្រួល​ព្រម​ទាំង​អត្រា​ការប្រាក់​សម្រាប់​កម្ចី​ទិញ​ផ្ទះ​កាន់​តែ​មាន​ភាព​ប្រកួត​ប្រជែង​បាន​ធ្វើឲ្យ​ទីផ្សារ​បុរី​នៅ​តែ​មាន​ប្រជាប្រិយភាព​ដដែល​”​។

នាយិកា​ប្រចាំ​ប្រទេស​នៃ​ក្រុមហ៊ុន CBRE Cambodia អ្នកស្រី អាន សុធីតា បាន​និយាយ​ថា​ដោយសារ​ទីផ្សារ​បុរី​នៅ​តែ​មាន​ភាព​ពេញនិយម​សម្រាប់​ប្រជាជន​ក្នុង​ស្រុក​ហេតុនេះ​ទើប​បច្ចុប្បន្ន​ទាំង​អ្នក​វិនិយោគ​ក្នុង​ស្រុក និង​អ្នក​វិនិយោគ​មកពី​បរទេស ដូចជា ជប៉ុន និង​សិង្ហបុរី ជាដើម​គឺ​សុទ្ធ​តែ​មាន​ការ​ចាប់​អារម្មណ៍​ចំពោះ​ការ​វិនិយោគ​សាងសង់​បុរី​លក់​។

អ្នកនាង​បន្ត​ថា៖ “​ការ​សាងសង់​បុរី​លក់​សំខាន់​ស្ថិត​នៅ​លើ​ទីតាំង​និង តម្លៃ​ហើយ​វា​នៅ​តែ​មាន​ប្រជាប្រិយភាព​សម្រាប់​ប្រជាជន​ក្នុង​ស្រុក​”៕

Source From : Property Area

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Chroy Changva,Russey Keo
USD 1,090,000.00
Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month
Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00

CVEA MEMBERS