ទុន​វិនិយោគ​វិស័យ​សំណង់ ​នៅ​តែ​បន្ត​សញ្ញា​វិជ្ជមាន

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
សកម្មភាព​កម្មករ​កំពុង​បំពេញ​ការ​ងារ​នៅ​ការ​ដ្ឋាន​សាង​សង់​មួយ​កន្លែង​នៅ​ទីក្រុង​ភ្នំពេញ។ ហេង ជីវ័ន

បើ​ទោះបី​ជា​ក្នុង​ឆ្នាំ​ ២០១៧ កន្លងមក​គេ​សង្កេត​ឃើញ​ថា ការ​ចាប់​ផ្តើម​នៃ​គម្រោង​ធំៗ​ហាក់​មិន​សូវ​មាន​ច្រើន​នៅក្នុង​រាជធានី​ភ្នំពេញ ប៉ុន្តែ​នៅ​តំបន់​ផ្សេងៗ ​ពិសេស​ តំបន់​មាត់សមុទ្រ​បាន​កើន​ឡើង​យ៉ាង​ច្រើន ដែល​ធ្វើឱ្យ​ទិន្នន័យ​ចេញផ្សាយ​ដោយ​អាជ្ញាធរ​មាន​សមត្ថកិច្ច​គ្រប់គ្រង​ផ្នែក​សំណង់​បង្ហាញ​ថា ទឹកប្រាក់​វិនិយោគ​ក្នុង​វិស័យ​សំណង់​នៅ​កម្ពុជា​ក្នុង​ឆ្នាំ​ ២០១៧ បាន​កើនឡើង​ជាង​ ២០​ ភាគរយ បើ​ធៀប​ទៅនឹង​ឆ្នាំ​ ២០១៦​។​

របាយការណ៍​បូកសរុប​លទ្ធផល​នៃ​ការ​អនុវត្ត​ការងារ​ឆ្នាំ​ ២០១៧ និង​លើក​ទិសដៅ​ការងារ​ឆ្នាំ​ ២០១៨ របស់​ក្រសួង​រៀបចំ​ដែនដី នគរូបនីយកម្ម និង​សំណង់ បាន​ឲ្យ​ដឹង​ថា ក្នុង​ឆ្នាំ​ ២០១៧ កន្លង​មក ក្រសួង​បាន​អនុម័ត​គម្រោង​សាងសង់​សរុប​ចំនួន​ ៣ ០៥២​ គម្រោង លើ​ផ្ទៃក្រឡា​សាងសង់​សរុប​ចំនួន​ ១០ ៧៤៦ ២១៩​ ម៉ែត្រ​ការ៉េ និង​មាន​តម្លៃ​វិនិយោគ​ប្រមាណ​ជាង​ ៦ ៤២៨​ លាន​ដុល្លារ​អាមេរិក បើ​ធៀប​នឹង​រយៈ​ពេល​ដូចគ្នា​នៃ​ឆ្នាំ ​២០១៦ ដែលមាន​តម្លៃ​ប្រមាណ​ជាង​ ៥ ២៥៦​ លាន​ដុល្លារ ដែល​ចំនួន​នេះ​គឺ​កើន​ឡើង ​២២,៣១​ ភាគរយ​។​

របាយការណ៍​នោះ​បាន​ឲ្យ​ដឹង​ទៀត​ថា ក្នុង​ឆ្នាំ​កន្លង​មក​មាន​ក្រុមហ៊ុន​សាងសង់​ចំនួន ​២៧៥ ​បាន​មក​ចុះ​បញ្ជី​នៅ​ក្រសួង​ ក្នុងនោះ​ក្រុមហ៊ុន​បរទេស​មាន​ចំនួន​១០២​។​

នាយក​គ្រប់គ្រង​ក្រុមហ៊ុន ថោន​ស៊ីធី រៀលអុីស្ទេត លោក វ៉ន ចាន់ថន (Van Chanthorn, Managing Director of Town City Real Estate Co., Ltd) បាន​និយាយ​ថា សម្រាប់​ឆ្នាំ​ ២០១៧ កន្លង​មក​ពិត​ជា​មាន​គម្រោង​សាង​សង់​កើត​ឡើង​ច្រើន​មែន ពិសេស​សំណង់​ដែល​មាន​លក្ខណៈ​ជា​មជ្ឈមណ្ឌល​កម្សាន្ត កាស៊ីណូ សណ្ឋាគារ ខុន​ដូ និង​បុរី​ជាដើម​។

លោក​បន្តថា បើ​និយាយ​ពី​គម្រោង​ធំៗ​ភាគ​ច្រើន​ត្រូវ​បាន​វិនិយោគ​ដោយ​ភ្ញៀវ​ជនជាតិ​បរទេស ដែលមាន​ដូចជា វិនិយោគិន​ចិន និង​សិង្ហ​បុរី ជាដើម តែបើ​គម្រោង​បែប​លំនៅឋាន​ជាប់​ដី (​បុរី និង​សំណង់​ផ្ទះល្វែង​) គឺ​ត្រូវបាន​វិនិយោគ​ដោយ​ក្រុមហ៊ុន​ក្នុងស្រុក​ភាគ​ច្រើន​។​

លោក​បាន​បន្តថា ​៖ «​បើ​និយាយ​ពី​ឆ្នាំ ​២០១៧ កន្លង​មក​គេ​អាច​និយាយ​បាន​ថា ពិត​ជា​មាន​គម្រោង​សាងសង់​ច្រើន ជាពិសេស​នៅ​តំបន់​មាត់​សមុទ្រ​នៃ​ខេត្ត​ព្រះសីហនុ​។ នៅ​តំបន់​មាត់សមុទ្រ​កម្ពុជា កំពុង​ស្រូប​បាន​នូវ​ភ្ញៀវទេសចរ​ជាច្រើន ពិសេស​ភ្ញៀវ​ជន ជាតិ​ចិន​ដែល​ការ​មក​ដល់​នៃ​ភ្ញៀវទេសចរ​ទាំងនេះ​សុទ្ធ​តែ​ត្រូវការ​កន្លែង​កម្សាន្ត និង​ស្នាក់នៅ»​។​

សូម​បញ្ជាក់​ថា ចាប់​តាំង​ពី​ឆ្នាំ​ ២០០០ ដល់​ឆ្នាំ​ ២០១៧ ក្រសួង​រៀបចំ​ដែនដី នគ​រូបនីយកម្ម និង​សំណង់ បាន​ចេញ​លិខិត​អនុញ្ញាត​ឱ្យ​សាងសង់​បាន​ចំនួន​៣៩ ៩០៣​គម្រោង ដែល​មាន​ផ្ទៃក្រឡា​សរុប​ចំនួន​ជាង​ ១០២​ លាន​ម៉ែត្រការ៉េ និង​មានតម្លៃ​វិនិយោគ​ប្រមាណ ​៣៧ ៧៧១​លាន​ដុល្លារ​។​

ក្នុង​ឆ្នាំ ​២០១៧ វិស័យ​សំណង់​នៅ​កម្ពុជា​ត្រូវការ​កម្លាំង​ពលកម្ម​ប្រមាណ​ ២៥៥ ០០០​ទៅ​ ២៦០ ០០០​ នាក់​ក្នុង​១​ថ្ងៃ ខណៈ​កាលពី​ឆ្នាំ​ ២០១៦ ស្ថិតនៅ​ចន្លោះ​ពី​ ១៨០ ០០០​ទៅ​ ១៨៥ ០០០​នាក់​៕

Source From : Property Area

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Ou Saray,Tram Kak
USD 18.00/SQM
Land For Sale
Chorm Chao,Porsenchey
USD 470,000.00
Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00

CVEA MEMBERS