លោក​គុយ វ៉ាត៖ ការផ្តល់​សេវាកម្ម​ប្រកបដោយ​គុណភាព​នឹងធ្វើ​ឲ្យ​អ្នកវិនិយោគ​កាន់តែ​មាន​ទំនុកចិត្ត

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
​លោក គុយ វ៉ាត អគ្គនាយក​ក្រុមហ៊ុន VTRUST GROUP និង​ជា​ប្រធាន​ក្រុមប្រឹក្សាភិបាល​នៃ​ក្រុមហ៊ុន Century21 Cambodia

ភ្នំពេញ៖ ការរក្សាបាន​នូវ​គុណភាព​សេវាកម្ម ដើម្បី​ផ្តល់​ទំនុកចិត្ត​ដល់​អ្នកវិនិយោគ​មិន​ត្រឹមតែ​អាច​ទាក់ទាញ​អ្នកវិនិយោគថ្មីៗនោះទេ តែ​អាចធ្វើ​ឲ្យ​ដំណើរការ​អភិ​វ​ឌ្ឈ​ន៍​អចលនទ្រព្យ និង​សំណង់​នៅ​កម្ពុ​ជាមាន​និរន្តរភាព​ផងដែរ ខណៈ​ទីផ្សារ​នេះ​កាន់តែ​រីក​ធំ​ក្រោយពេល​ប្រទេស​នេះ ធ្វើ​សមាហរណកម្ម​សេដ្ឋកិច្ច​ជាមួយ​ប្រទេស​ក្នុង​តំបន់ នៅ​ចុង​ឆ្នាំនេះ។

លោក គុយ វ៉ាត អគ្គនាយក​ក្រុមហ៊ុន VTRUST GROUP និង​ជា​ប្រធាន​ក្រុមប្រឹក្សាភិបាល​នៃ​ក្រុមហ៊ុន Century21 Cambodia បាន​ថ្លែង​ឲ្យ​ដឹង​កាលពីពេលថ្មីៗនេះ​ថា តាម​ព័ត៌មាន​ដែល​លោក​ទទួលបាន ពី​អ្នកវិនិយោគ​ក្នុង​តំបន់​អាស៊ាន និង​អ្នកវិនិយោគ​ជប៉ុន ចិន កូរ៉េ​ជាដើម​បាន​បង្ហាញថា កម្ពុជា​ក្លាយជា​ប្រទេស​ទទួលបាន​ការចាប់អារម្មណ៍​ខ្លាំង ដោយសារ​កម្ពុជា​ស្ថិតនៅ​ចំណុចកណ្តាល​នៃ​អាស៊ាន។ ជាក់ស្តែង​កាលពីពេលថ្មីៗនេះ កម្ពុជា​ទទួលបាន​គំរោង​វិនិយោគ​ជាច្រើន​ពី​តៃវ៉ាន់ ចិន ជប៉ុន សាំង​ហ្កា​ពួរ ម៉ា​ទ្បេ​ស៊ី​ជាដើម ដែល​ពួកគេ​បាននិងកំពុង​បោះ​ជំ​ហ៊ាន​ចូលមក។

ដូច្នេះ​ក្នុងនាម​យើង​ជា​អ្នកផ្តល់​សេវា តើ​យើង​គួរផ្តល់​សេវាកម្ម​យ៉ាងដូចម្តេច ដើម្បី​ទទួលបាន​ទំនុកចិត្ត​ដល់​អ្នកវិនិយោគ លោក​គុយ​វ៉ាត​បាន​ថ្លែងថា “យើង​ជា​អ្នកផ្តល់​សេវា និង​អ្នក​សាងសង់ យើង​ត្រូវតែ​ផ្តល់​វា​សេវាកម្ម​ប្រកបដោយ​យ​គុណភាព និង​ទំនុកចិត្ត ដើម្បី​អាច​ទទួលបាន​ប្រាក់​ពី​សេវា​របស់​យើង​ផង ហើយ​អ្នក​អភិ​វ​ឌ្ឈ​ន៍​ក៏​អាច​ទទួលបាន​ប្រាក់ចំណេញ។លោក​បន្តថា “ការផ្តល់​សេវាកម្ម​ប្រកបដោយ​គុណភាព និង​ចេះ​ធ្វើ​បច្ចុប្បន្នភាព​សេវា​របស់​យើង​ឲ្យ​ស្របតាម​សម័យកាល ពិត​ជាមាន​សារៈសំខាន់​ណាស់ ដើម្បី​ទាក់ទាញ​អ្នកវិនិយោគ​កាន់តែច្រើន ចូលមក​កាន់​ប្រទេស​របស់​យើង។

លោក​បន្តថា ក្នុង​វិស័យ​អចលនទ្រព្យ​មាន​ផ្នែក​ជាច្រើន ដូចជា​ផ្នែក​អភិ​វ​ឌ្ឈ​ន៍ វាយ​តំលៃ គ្រប់គ្រង និង​ផ្នែក​ទិញ​លក់​ជួល​អចលនទ្រព្យ ដែល​ផ្នែក​ទាំងអស់នេះ​ពិត​ជាមាន​សារៈសំខាន់ ព្រោះ​ពេល​សំណង់​សាងសង់​រួច យើង​ត្រូវការ​ផ្នែក​លក់ ហើយ​ពេល​លក់​តើ​យើង​លក់​នៅទីណា គឺ​យើង​ត្រូវការ​ទីផ្សារ​នៅ​បរទេស​និង​ក្នុងស្រុក។ចំណែក​ផ្នែក​វាយ​តំលៃ​ក៏​ជា​រឿង​សំខាន់​ផងដែរ។ដូច្នេះ​ផ្នែក​និមួយៗមាន​ភាព​ពាក់​ព័​ន្ឋ​គ្នា ហើយ​ដើម្បី​ឲ្យ​ផ្នែក​និមួយៗដំណើរ​ការល្អ យើង​ត្រូវមាន​ធនធានមនុស្ស​ដែលមាន​គុណភាព ហើយ​ដើម្បី​មាន​ធនធានមនុស្ស​មានគុណ​ភាព គឺ​ទាមទារ​ការបណ្តុះបណ្តាល​ច្បាស់លាស់ ដើម្បី​ផ្តល់​សេវាកម្ម​មានគុណ​ភាព អាច​ប្រកួតប្រជែង​ជាមួយ​ប្រទេសជិតខាង។

តើ​ធ្វើ​ដូចម្តេច​ដើម្បី​ឲ្យ​ទីផ្សារ​អចលនទ្រព្យ រក្សាបាន​នូវ​ការ​អភិ​វ​ឌ្ឈ​ន៍​ប្រកបដោយ​និរន្តរភាព?លោក​គុយ វ៉ាត​បាន​ថ្លែងថា “ខ្ញុំ​គិតថា​ដើម្បី​ឲ្យ​ការ​អភិ​វ​ឌ្ឈ​ន៍​ប្រកបដោយ​និរន្តរភាព ត្រូវធ្វើ​ឲ្យ​អ្នកវិនិយោគ​មាន​ទំនុកចិត្ត ព្រោះ​ពេល​គេ​មាន​ទំនុកចិត្ត​គេ​នឹងដាក់​ទុន​ចូលមក និង​ទទួលបាន​ប្រាក់ចំណេញ និង​ធ្វើ​ឲ្យ​ទីផ្សារ​របស់​យើង​កាត់បន្ថយ​បាន​នូវ​ហានិភ័យ។

លោក​បន្តថា ចាប់តាំងពី​រដ្ឋាភិបាល​អនុម័ត​ច្បាប់​សហកម្ម​សិ​ទ្ឋ​នៅ​ឆ្នាំ២០១១ ដែល​អនុ​ញ្ញា​ត្ត​ឲ្យ​ជនបរទេស ទិញ​ខុន​ដូ​ចាប់ពី​ជាន់​ទី១ទ្បើង​ទៅ ទីផ្សារ​ខុន​ដូ​កម្ពុជា​មិនមែន​សម្រាប់​ប្រជាជន​ខ្មែរ១៥លាន​នាក់ និង​មិនមែន​សម្រាប់តែ​ប្រជាជន​ក្នុង​តំបន់​អាស៊ាន​ទេ ប៉ុន្តែ​វា​ជាការ​បើកចំហ​សម្រាប់​ទីផ្សារ​ទូទាំង​ពិភពលោក។ ច្បាប់​នេះ​បាន​ទាក់ទាញ​អ្នកវិនិយោគ​លើ​វិស័យ​ខុន​ដូ​ច្រើន និង​មាន​ក្រុមហ៊ុន​ល្បីឈ្មោះ​ជាច្រើន​ដូចជា​ក្រុមហ៊ុន Century21, Hutton, និង​ក្រុមហ៊ុន CBRE ជាដើម​បាន​ចូលមក​កាន់​ទីផ្សារ​នេះ ដែល​ធ្វើ​ឲ្យ​ទីផ្សារ​នេះ​កាន់តែ​ទទួលបាន​ទំនុកចិត្ត។

ដំណើរការ​អភិ​វ​ឌ្ឈ​ន៍​របស់​យើង​មាន​និរន្តរភាព​ឬ​អត់ វា​អាស្រ័យ​លើ​ការផ្តល់​សេវាកម្ម​ប្រកបដោយ​ទំនុកចិត្ត ស្ថេរភាព​នយោបាយ កំណើនសេដ្ឋកិច្ច និង​ការធ្វើសមាហរណកម្ម​សេដ្ឋកិច្ច​ជាមួយ​បណ្តា​ប្រទេស​ក្នុង​តំបន់ នៅ​ចុង​ឆ្នាំនេះ សុ​ទ្ឋ​តែ​ជា​កត្តា​ទាក់ទាញ​អ្នកវិនិយោគ​កាន់តែច្រើន ឲ្យ​មក​បណ្តាក់ទុន​នៅ​កម្ពុជា​កាន់តែច្រើន​ថែមទៀត។ លោក​គុយ វ៉ាត​បញ្ជាក់៕

Source From : Phnom Penh Post

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Ou Saray,Tram Kak
USD 18.00/SQM
Land For Sale
Chorm Chao,Porsenchey
USD 470,000.00
Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00

CVEA MEMBERS