Sea Gate Suite ​តម្លៃ​វិនិយោគ​ ២០០ ​លាន​ដុល្លារ​ ចាប់​ផ្តើម​ប្រកាស​លក់​ខុនដូ ​ជាមួយ​ស្ថាន​ភាព​ទីផ្សារ​ល្អ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
អគារ​ខ្ពស់​ដែល​ជា​អនាគត​ខុនដូ នៅ​ទីក្រុង​ព្រះសីហនុ ចាប់​ផ្តើម​បង្ហាញ​រូប​រាង​ជា​បណ្តើរៗ​ហើយ។ រូបថត មួង វណ្ណឌី

ខុនដូ​ប្រណីត​ Sea Gate Suite ​ដែល​គ្រោង​បោះទុន​វិនិយោគ​ ២០០​ លាន​ដុល្លារ​អាមេរិក​បាន​ចាប់ផ្តើម​ប្រកា​សលក់ ជាមួយនឹង​ស្ថានភាព​ទីផ្សារ​នៅក្នុង​វិស័យ​នេះ​ដោយ​មាន​ភាព​អំណោយផល សម្រាប់​អ្នក​វិនិយោគ​ដែល​កំពុង​មាន​ការចាប់​អារម្មណ៍​ខ្លាំង​នឹង​លំនៅឋាន​បែប​សហកម្ម​សិ​ទ្ធិ​បែប​នេះ​នៅ​តំបន់​ឆ្នេរ​កម្ពុជា​។​

លោក​ឧកញ៉ា ​​ចេង ខេង ​ប្រធាន​ក្រុម​ប្រឹក្សា​ភិបាល​នៃ​ក្រុម​ហ៊ុន​អចលនទ្រព្យ​ Hutton CPL​ បាន​ថ្លែង​ឲ្យ​ដឹង​តាម​ទូរស័ព្ទ​នា​ព្រឹក​ថ្ងៃ​ចន្ទ​​ថា ស្របពេល ​ទីផ្សារ​ខុន​ដូ​មាន​តម្រូវ​ការ​ល្អ​ប្រសើរ​ការ​លក់​ខុន​ដូ​ ក្នុង​គម្រោង​ Sea Gate Suite​ បាន​និង​កំពុង​ទទួល​ការ​ចាប់​អារម្មណ៍​ច្រើន​ពី​អតិថិជន​ទាំង​​អតិថិជន​ក្នុង​ស្រុក​និង​ជន​បរទេស​។ គម្រោង​នេះ​បាន​និង​កំពុង​ចាប់​ផ្តើម​សាងសង់ និង​ប្រកាស​លក់​ កាលពី​សប្តាហ៍​មុន ​ដោយ​ទទួល​បាន​ការ​ចាប់​អារម្មណ៍​ខ្ពស់​។​

លោក​បន្ត​ថា Sea Gate Suite​ ជា​គម្រោង​ខុន​ដូ​នេះ​មាន​កម្ពស់​រហូត​ដល់​ ៤៣ ​ជាន់ ស្ថិត​នៅ​តាម​បណ្តោយ​ឆ្នេរ​ជ័យជំនះ ជា​តំបន់​ផ្លូវ​ប្រសព្វ ដែល​ជា​ទីតាំង​អាច​គយគន់​ទេសភាព​សមុទ្រ បាន​យ៉ាង​រមនា​។

លោក​បន្ត​ថា​ ៖ «​ខេត្ត​ព្រះសីហនុ ជាទី​តាំង​មាន​សក្តានុពល​សម្រាប់​វិនិយោគ​ស្រប​ពេល​អ្នក​វិនិយោគ​អន្តរជាតិ ពិសេស​អ្នក​វិនិយោគ​ចិន​ចូល​ទៅ​កាន់​តែ​ច្រើន ហើយ​អ្វី​កាន់​ពិសេស​ គឺ​លក្ខខណ្ឌ​បង់​ប្រាក់​មាន​ភាព​អំណោយ​ផល»។

លោក​បន្ត​ថា ​៖ «​ស្រប​ពេល​ដែល​តម្លៃ​ស្នាក់​នៅតាម​សណ្ឋាគារ​ឡើង​ថ្លៃ បន្ទប់​សណ្ឋាគារ​កំពុង​ខ្វះខាត ការ​វិនិយោគ​ខុនដូ​សម្រាប់​ជួល​ពិត​ជា​ល្អ​ប្រសើរ ដោយ​អ្នក​ទិញ​ហើយ​អាច​ជួល​ត្រឡប់​ទទួល​បាន ៨​ភាគរយ​នៃ​ទុនវិនិយោគ​របស់​ពួក​គេ​»​។

ខុនដូ Sea Gate Suite​ បាន​ចាប់​ផ្តើម​ជាមួយ​តម្លៃ​ចាប់ពី​ ៧​ ម៉ឺន​ដុល្លារ​ឡើង​ទៅ និង​តម្លៃ​ខ្ពស់​ជាង​នេះ​អាស្រ័យ​លើ​ទំហំ​បន្ទប់ និង​ជាន់​នីមួយៗ​។ អ្នក​ទិញ​តម្រូវ​ឲ្យ​បង់​ប្រាក់​ត្រឹម​១​ភាគរយ​សម្រាប់ ឆ្នាំ​ទី​ ១ បង់​ ២ ​ភាគរយ​ សម្រាប់​ឆ្នាំ​ទី ​២ និង​ ៣ ​ភាគរយ​សម្រាប់​ឆ្នាំ​ទី​ ៣​។

លោក​ឧកញ៉ា​ ចេង ខេង​ បាន​បន្ត​ថា អតិថិជន​ជាវ​ខុន​ដូ​នេះ​នឹង​ទទួល​បាន​ការ​ផ្តល់​ជូន​នូវ​សម្ភារ​ប្រើប្រាស់​ក្នុង​ផ្ទះ​មួយ​ឈុត​ហើយ​លំនៅឋាន​របស់​ពួក​គេ​ប្រើប្រាស់​ប្រព័ន្ធ​បច្ចេកវិទ្យា​ Smart Home ដែល​អាច​បញ្ជា​បិទ​បើក​ប្រព័ន្ធ​អគ្គិសនី​ដោយ​ប្រើប្រាស់​ត្រឹម​ទូរស័ព្ទ​ដៃ និង​ការ​បញ្ជា​ពី​ចម្ងាយ​។

បច្ចុប្បន្ន​ នៅ​ខេត្ត​ព្រះសីហនុ​ មាន​គម្រោង​ខុនដូ​ជាច្រើន​កំពុង​សាងសង់​ដូចជា​ គម្រោង​ Blue Bay, Sunshine Bay, DSeaview​ និង Royal Bay​ ជាដើម​។

អ្នក​នាង​អាន សុធីតា នាយិកា​ប្រចាំ​ប្រទេស​នៃ​ក្រុមហ៊ុន ​CBRE Cambodia​ បាន​ថ្លែង​ថា ទីផ្សារ​ខុនដូ​នៅ​ខេត្ត​ ព្រះសីហនុ ដែល​រំពឹង​ដាក់​ចូល​ទីផ្សារ​ឆ្នាំ​នេះ មាន​ប្រមាណ ​៨០០ ​យូនីត ខណៈ​គម្រោង​ភាគ​ច្រើន​កំពុង​សាងសង់ នឹង​ទទួល​បាន​ការ​ចាប់​អារម្មណ៍​ច្រើន​ពី​អ្នក​វិនិយោគ​នានា​។​អ្នក​នាង​បន្ត​ថា ចំនួន​ខុនដូ​នៅ​ខេត្ត​ព្រះសីហនុ​នៅ​មាន​កម្រិត​នៅ​ឡើយ ខណៈ​អ្នក​វិនិយោគ​ជាច្រើន​កំពុង​តម្រង់​គោលដៅ​ឆ្ពោះ​ទៅ​កាន់​ខេត្ត​នេះ​ដែល​ធ្វើ​ឲ្យ​មាន​តម្រូវការ​លំនៅឋាន​កើន​ឡើង​យ៉ាង​ប្រសើរ​។

អ្នក​នាង​បន្ត​ថា ​៖ «​ទោះ​ជា​យ៉ាង​ណា​អ្នក​ខេត្ត​ព្រះសីហនុ មិន​ទាន់​យល់​និង​ចាប់​អារម្មណ៍​វិនិយោគ​លើ​ខុនដូ​ទេ អ្នក​វិនិយោគ​ភាគ​ច្រើនៗ​តែ​អ្នក​ទៅ​ពី​ចម្ងាយ និង​ជន​បរទេស​»​។​

អ្នក​នាង​បន្ត​ថា​ ៖ «​តម្លៃ​ខុន​ដូ​នៅ​ទីនោះ​គិត​ជា​​មធ្យម ​មាន​តម្លៃ​ចន្លោះ​ពី ១០០០​ ទៅ​ ១៨០០ ​ដុល្លារ​ក្នុង​មួយ​​ម៉ែត្រ​ការ៉េ ជា​តម្លៃ​ដែល​ខ្ញុំ​គិត​ថា​មាន​ភាព​សមរម្យ​សម្រាប់​ស្ថានភាព និង​ លក្ខ​ខណ្ឌ​សេដ្ឋកិច្ច​របស់​ខេត្ត​នេះ​»​។

ទោះ​ជា​យ៉ាង​ណា​លោក ​ឡឹប សាលី​ ប្រធាន​ផ្នែក​លក់​នៃ​គម្រោង​ខុនដូ Ocean City Condo Minium ខេត្ត​ព្រះសីហនុ​ បាន​ថ្លែង​ថា ស្ថាន​ភាព​ទីផ្សារ​ខុន​ដូ​បច្ចុប្បន្ន​មិន​សូវ​មាន​ភាព​ល្អ​ប្រសើរ​ នោះ​ទេ ចាប់​តាំង​ពី​កំដៅ​នយោបាយ​បាន​កើន​ឡើង និង​ការ​ប្រកួត​ប្រជែង​កាន់​តែ​មាន​ភាព​តាន​តឹង​នៅ​ក្នុង​ទីផ្សារ​ខុនដូ​និង​ដីធ្លី​នៅ​ក្នុង​ខេត្ត​នេះ​កើន​ឡើង​ខ្ពស់​។

លោក​បន្ត​ថា​ ៖ «​ដោយ​សារ​តម្លៃ​ដីធ្លី​បាន​កើនឡើង​យ៉ាង​ខ្ពស់ បានធ្វើ​ឲ្យ​អតិថិជន​មួយ​ចំនួន​ងាក​ទៅ​វិនិយោគ​លើដី​ធ្លី ព្រោះ​មាន​ផល​ចំណេញ​ច្រើន​ជាង​ការ​វិនិយោគ​លើ​ខុនដូ​»៕

Source From : Phnom Penh Post

 

Latest News

តបតាមការអញ្ជើញរបស់សមាគមភ្នាក់ងារអចលនវត្ថុប្រទេសហ្វីលីពីន កាលពីថ្ងៃទី ៤-៦...

LATEST EXCLUSIVE LISTING

Flat House For Sale
Phnom Penh Thmei,Sen Sok
USD 159,000.00
Flat House For Sale
Boeng Trabek,Chamkarmon
USD 830,000.00
Flat House For Sale
Prek Pra,Meanchey
USD 170,000.00
Villa For Sale
Phnom Penh Thmei,Sen Sok
USD 310,000.00
Villa For Sale
Chroy Changva,Russey Keo
USD 255,000.00

CVEA MEMBERS