បុរី​ជាច្រើន​ បាន​ចាប់ផ្តើម​គម្រោង​ថ្មី​ មុន​ដំណាច់​ឆ្នាំ​នេះ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
លោក​ឧកញ៉ា លី ហួរ​។ មឿន ញាណ

ទោះបី​ជា​បរិយាកាស​នយោបាយ​មាន​ភាព​ល្អក់កករ​បន្តិច​ក្តី ប៉ុន្តែ​អ្នក​វិនិយោគ​សាងសង់​បុរី​នានា​នៅ​តែ​បន្ត​វិនិយោគ​គម្រោង​ថ្មីៗ​របស់​ខ្លួន​យ៉ាង​សកម្ម​នៅ​មុន​ដំណាច់​ឆ្នាំ​នេះ​។

អគ្គនាយក​ក្រុមហ៊ុន​ លីហួរ គ្រុប និង​ជា​ម្ចាស់​បុរី​វិមាន​ភ្នំពេញ​លោក​ឧកញ៉ា លីហួរ បាន​ថ្លែង​ឲ្យ​ដឹង​តាម​ទូរស័ព្ទ​នា​ព្រឹក​ថ្ងៃ​អង្គារ​ថា​លោក​បាន​និង​កំពុង​ចាប់ផ្តើម​គម្រោង​ទី​ ៨ នៃ​បុរី​វិមាន​ភ្នំពេញ ដែល​មាន​ទីតាំង​នៅ​តាម​បណ្តោយ​ផ្លូវ​បុរីអង្គរ​ជា​ផ្លូវ​ដែល​មាន​ទំហំ ​៣០ ​ម៉ែត្រ​។

គម្រោង​នេះ​មាន​ទីតាំង​នៅ​ក្បែរ​បុរី​វិមាន​ភ្នំពេញ​សព្វ​ថ្ងៃ​ផង​ដែរ​។ លោក​បន្ត​ថា​ទោះ​ជា​យ៉ាង​ណា​គម្រោង​ថ្មី​នេះ​មិន​ទាន់​បាន​ដាក់​ឈ្មោះ​នៅ​ឡើយ​ទេ តែ​យើង​បាន និង​កំពុង​ចាប់ផ្តើម​លក់ និង​ត្រៀម​ចាប់ផ្តើម​សាងសង់​ហើយ​។ គម្រោង​នេះ​មាន​ផ្ទះ​ល្វែង និង​ផ្ទះ​បែប​វីឡា​ប្រណីត​ដែល​មាន​តម្លៃ​ចាប់ពី​ ១៣ ​ម៉ឺន​ដុល្លារ​ឡើង​ទៅ​។

លោក​បន្ត​ថា៖ «​ហេតុផល​នៃ​ការ​ចាប់ផ្តើម​គម្រោង​ថ្មី​នេះ​ដោយសារ​គម្រោង​ពី​មុនៗ​មក​ក្រុមហ៊ុន​បាន​លក់​ដាច់​ជា​បន្តបន្ទាប់ និង​លក់​ដាច់​អស់​ហើយ ទើប​យើង​ចាប់ផ្តើម​គម្រោង​ថ្មីៗ​បន្ថែម​ទៀត​»​។ លោក​បន្ត​ថា៖ «​រឿង​នយោបាយ​មិន​មាន​បញ្ហា​អ្វី​នោះ​ទេ​អ្នក​វិនិយោគ​នៅ​តែ​បន្ត​វិនិយោគ បើ​ពួកគេ​ខ្លាច​បើ​ខ្ញុំ​ខ្លាច​ខ្ញុំ​មិន​វិនិយោគ​នោះ​ទេ​»​។

លោក​ឧកញ៉ា លី ហួរ បាន​បន្ត​ថា​គម្រោង​ថ្មី​នេះ​ស្ថិត​នៅ​លើ​ផ្ទៃដី​ទំហំ​ ១៥ ​ហិកតា និង​ជា​គម្រោង​ដែល​កំពុង​ឆ្លើយតប​នឹង​តម្រូវការ​របស់​ប្រជាពលរដ្ឋ ហើយ​ប្រជាពលរដ្ឋ​បាន​ទុក​ចិត្ត​គម្រោង​របស់​យើង​ដោយសារ​កេរ្តិ៍ឈ្មោះ​របស់​បុរី​ដែល​តែង​គិតគូរ​ពី​គុណភាព សោភ័ណភាព និង​ផាសុកភាព​ដល់​អ្នក​រស់នៅ​។

ជាមួយ​គ្នា​នេះ​ដែរ បុរី ជីបម៉ុង ក៏​បាន​ចាប់ផ្តើម​គម្រោង​ថ្មី​របស់​ខ្លួន​ឈ្មោះ THE LANDMARK 271 កាលពី​សប្តាហ៍​មុន​ផង​ដែរ​។

លោក លាង ហិនរី អគ្គនាយក​ក្រុមហ៊ុន ជីបម៉ុងលែន បាន​លើក​ឡើង​ថា គម្រោង​ដ៏ប្រណីត​នេះ​គឺជា​គម្រោង​ដែល​ស្ថិត​នៅ​កណ្តាល​រាជធានី​ភ្នំពេញ​ដែល​សព្វ​ថ្ងៃ​ពុំ​មាន​គម្រោង​ណា​មួយ​ដូច​នេះ​ឡើយ​។ គម្រោង​នេះ​ត្រូវ​បាន​សាងសង់​ឡើង​ដោយ​ការ​គិតគូរ​យ៉ាង​លម្អិត​ធ្វើ​យ៉ាង​ណា​ឲ្យ​អតិថិជន​ដែល​មក​រស់នៅ​ក្នុង​លំនៅឋាន​ទាំង​នេះ​មាន​ផាសុកភាព ងាយស្រួល​ក្នុង​ការ​ធ្វើ​ដំណើរ​ទៅ​បំពេញ​ការងារ និង​ប្រកបរបរ​រកស៊ី​ក៏​ដូចជា​ជូន​កូន​តូចៗ​ទៅ​សាលារៀន និង​ភាព​ងាយស្រួល​ក្នុង​ការ​រស់នៅ​ប្រចាំ​ថ្ងៃ​គ្រប់​បែប​យ៉ាង​។

ក្រៅពី​គម្រោង​ទាំង​នេះ​លោក​ឧកញ៉ា សៀ រិទ្ធី ប្រធាន​ក្រុមប្រឹក្សាភិបាល​នៃ​ក្រុមហ៊ុន World Bridge Group បាន​និង​កំពុង​ត្រៀម​បង្ហាញ​ពី​គម្រោង The Palm ដែល​គ្រោង​បោះទុន​ ១០០ ​លាន​ដុល្លារ​នៅ​ថ្ងៃ​ទី​ ១ ខែ​ធ្នូ​ខាង​មុខ​ផង​ដែរ​។

លោក​ឧកញ៉ា​បាន​មាន​ប្រសាសន៍​ថា​ការ​បោះឆ្នោត​ឆ្នាំ​ ២០១៨ មិន​រារាំង​ការ​វិនិយោគ​របស់​យើង​ទេ ព្រោះ​លទ្ធផល​ឆ្នោត​ត្រូវ​បាន​គេ​ទស្សន៍ទាយ​ដឹង​រួច​ទៅ​ហើយ​ដូច្នេះ​ឆ្នាំ​ ២០១៨ ខាង​មុខ​មិន​មាន​បញ្ហា​អ្វី​រាំងស្ទះ​ដល់​ការ​ហូរចូល​នូវ​អ្នក​វិនិយោគ​ពី​ក្រៅ​ប្រទេស និង​អ្នក​វិនិយោគ​ក្នុង​ស្រុក​ទេ​។

លោក​បន្ត​ថា​ហេតុនេះ​ទើប​លោក​បាន​និង​កំពុង​ត្រៀម​វិនិយោគ​គម្រោង The Palm ស្ថិត​នៅ​តាម​បណ្តោយ​ផ្លូវជាតិ​លេខ​ ១ នាពេល​ឆាប់ៗ​ខាង​មុខ​នេះ​។

លោក​បន្ត​ថា៖ «​នៅ​ថ្ងៃ​ទី​ ១ ធ្នូ​ខាង​មុខ​នេះ​យើង​នឹង​បង្ហាញ​ពី​គម្រោង​នេះ​នៅ​សណ្ឋាគារ​សូហ្វីតែល​ដល់​អតិថិជន និង​រង់ចាំ​ទទួល​យក​ការ​ផ្តល់​យោបល់​ត្រឡប់​ពី​អតិថិជន​ដើម្បី​ឆ្លើយតប​នឹង​អ្វី​ដែល​ពួកគាត់​ចង់​បាន​»​។

លោក​បន្ត​ថា ៖ «​ខ្ញុំ​មិន​ដែល​អត្តនោម័ត​ទេ ខ្ញុំ​តែងតែ​ទទួល​យក​យោបល់​ពី​អតិថិជន ទោះ​ជា​គម្រោង​នេះ​ត្រូវ​បាន​រៀបចំ​រួច​ក៏ដោយ ប៉ុន្តែ​យើង​នឹង​ទទួល​យក​មតិយោបល់ ដើម្បី​កែលម្អរ​ឲ្យ​កាន់តែ​ប្រសើរ​ថែម​ទៀត​»​។

អគ្គនាយក​ក្រុមហ៊ុន Century21 Mekong លោក ច្រឹក សុខនីម ដែល​មាន​ឯកទេស​ទិញ​លក់​លំនៅឋាន​នៅ​តាម​បុរី​នានា​បាន​ថ្លែង​ថា ការ​ទិញ​លក់​ផ្ទះ​នៅ​តាម​បុរី​នានា​នៅ​តែ​មាន​ភាព​ល្អ​ប្រសើរ​នៅ​ឆ្នាំ​នេះ និង​ឆ្នាំ​ខាង​មុខ​ដោយសារ​លោក​ពិនិត្យ​ឃើញ​និន្នាការ​ប្រជាពលរដ្ឋ ចូលចិត្ត​ទិញ​ផ្ទះ​តាម​បុរី​កំពុង​កើនឡើង​នៅ​ក្នុង​ទីក្រុង​ភ្នំពេញ ហើយ​តម្លៃ​លំនៅឋាន​នៅ​តាម​បុរី​នានា​ក៏​បាន​និង​កំពុង​កើនឡើង​ផង​ដែរ​។

លោក​បន្ត​ថា៖ «​ខ្ញុំ​ជឿជាក់​លើ​ស្ថានភាព​នេះ​ហើយ​ការ​វិនិយោគ​បុរី​នានា​នៅ​តែ​ទទួល​ជោគជ័យ​នាពេល​អនាគត​»៕

Source From : Phnom Penh Post

 

Latest News

តបតាមការអញ្ជើញរបស់សមាគមភ្នាក់ងារអចលនវត្ថុប្រទេសហ្វីលីពីន កាលពីថ្ងៃទី ៤-៦...

LATEST EXCLUSIVE LISTING

Land For Sale
Trapang Krasang,Porsenchey
USD 420.00/SQM
Land For Sale
Phnom Penh Thmei,Sen Sok
USD 285.00/SQM
Land For Sale
Chorm Chao,Porsenchey
USD 150,000.00
Flat House For Sale
Boeng Salang,Tuol Kork
USD 398,000.00
Land For Sale
Phnom Penh Thmei,Sen Sok
USD 155,000.00

CVEA MEMBERS