កំណែ​លម្អ​ហេដ្ឋា​រចនា​សម្ព័ន្ធ​ទីក្រុង តាម​ការ​កំណត់​ថវិកា​ថ្នាក់​ជាតិ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ឥដ្ឋ​ក្រាល​សួន​ច្បារ​ខាង​មុខ​ព្រះ​បរម​រាជវាំង ត្រូវ​បាន​ជួស​ជុល​ជា​ថ្មី។ រូបថត មួង វណ្ណឌី

ប្រព័ន្ធ​ហេដ្ឋា​រចនា​សម្ព័ន្ធ​ទីក្រុង​ស្ថិត​នៅ​ក្នុង​គោលការណ៍​នយោបាយ​អភិវឌ្ឍន៍​ថ្នាក់​ជាតិ​របស់​រាជ​រដ្ឋាភិបាល ដែល​ធ្វើ​ឡើង​ជារៀង​រាល់​ឆ្នាំ​តាម​រយៈ​អន្តរ​ក្រសួង​ពាក់ព័ន្ធ និង​សាលា​រាជធានី​ភ្នំពេញ​។

ជា​រៀងរាល់​ឆ្នាំ​មាន​ការ​កំណត់ មធ្យោបាយ និង​សេវា​ថែទាំ​ទូទាំង​ប្រទេស​ត្រូវ​បាន​ត្រួត​ពិនិត្យ​ជា​រៀងរាល់​ត្រីមាស​នៃ​ការ​បែងចែក​ឥណទាន​ចំណាយ​ថវិកា​ថ្នាក់​ជាតិ​នៅ​ក្នុង​ជំពូក​ ឬ​តាម​ចំណាត់​ថ្នាក់​អាទិភាព និង​ចំណាត់​ថ្នាក់​កម្មវិធី​នៃ​ការ​កំណត់​ថវិកា​សម្រាប់​ការ​គ្រប់គ្រង​ជា​ប្រចាំ​ឆ្នាំ​ហើយ​នៅ​ឆ្នាំ​២០១៧ ក៏​ប្រព្រឹត្ត​ទៅ​ជា​ប្រក្រតី​។

ដោយ​នៅ​ក្នុង​រាជធានី​ភ្នំពេញ កាល​ពីពេល​ថ្មីៗ​នេះ មាន​ទីតាំង​សំខាន់ៗ​ជាច្រើន ដូច​ជា​ព្រះ​បរម​រាជវាំង សួន​ច្បារ​តាម​បណ្តោយ​ទន្លេ សួន​ច្បារ​សាធារណៈ​នានា​ក្នុង​រាជធានី​ភ្នំពេញ និង​បណ្តា​ខេត្ត​មួយ​ចំនួន ត្រូវ​បាន​រៀបចំ​ការ​កែ​លម្អ​ឡើង​សាជាថ្មី ក៏​ដូច​ជា​កែប្រែ​ពី​ចាស់​មក​ជា​ថ្មី ស្រប​ទៅ​តាម​គោលការណ៍​អភិវឌ្ឍន៍​ និង​សោភ័ណភាព​។

យោង​តាម​សៀវភៅ​រាជកិច្ច​ឆ្នាំ​ទី​១៧ លេខ​៦៨ ប្រចាំ​ត្រី​មាស​ទី​៣ ឆ្នាំ​២០១៧ ផ្សាយ​ចេញ​ពី​ទីស្តីការ​គណៈ​រដ្ឋ​មន្រី្ត បាន​បង្ហាញ​ថា ការ​គ្រប់គ្រង​ថវិកា​ថ្នាក់​ជាតិ​របស់​ក្រសួង​សាធារណការ និង​ដឹក​ជញ្ជូន មាន​ការ​ចាត់​ចំណាត់​ថ្នាក់​ខ្ទង់​ចំណាយ​លើ​មធ្យោបាយ និង​សេវា​ផ្តត់​ផ្គង់ ថែទាំ ដែល​មាន​ការ​ចំណាយ​ថវិកា​សរុប​រួម​ប្រមាណ ៨៨៣១៦០​លាន​រៀល ហើយ​នៅ​ក្នុង​នោះ​រាជធានី​ភ្នំពេញ ក៏​មាន​ខ្ទង់​ចំណាយ​លើ​មធ្យោបាយ និង​សេវា​បែប​នេះ​ប្រមាណ១៣៧១៤​លាន​រៀល​ផង​ដែរ​។

លោក ម៉េត មាស​ភក្តី អ្នក​នាំ​ពាក្យ​សាលា​រាជធានី​ភ្នំពេញ បាន​មាន​ប្រសាសន៍​ថា ការ​រៀបចំ​ផែនការ​សាងសង់​និង​សេវា​ថែទាំ ជា​គម្រោង​ត​របស់​សាលា​រាជធានី​ភ្នំពេញ ហើយ​ត្រូវ​ចំណាយ​លើ​សេវា​សាធារណៈ​ទាំង​អស់​នេះ​ស្ថិត​ក្រោម​កញ្ចប់​ថវិកា​ជាតិ​។

កាល​ពី​សប្តាហ៍​មុន នៅ​សួន​ច្បារ​ខាង​មុខ​ព្រះបរម​រាជវាំង និង​សួន​ច្បារ​មួយ​ចំនួន​ទៀត​នៅ​ទីតាំង​សំខាន់ៗ ត្រូវ​បាន​គេ​ធ្វើ​ការ​ជួសជុល​កែប្រែ និង​អភិវឌ្ឍ ទៅ​តាម​គំរូ​ប្លង់​របស់​គម្រោង​អភិវឌ្ឍន៍​ថ្នាក់​ជាតិ​។

លោក មាស​ភក្តី បាន​បន្ត​ថា​ ៖ «នៅ​ក្នុង​ផែនការ បាន​កំណត់​ទីតាំង និង​ពេលវេលា​ច្បាស់​លាស់​ក្នុង​ការ​កែលម្អ​ទីតាំង​ចាស់ និង​ការ​អភិវឌ្ឍ​ថ្មី ហើយ​ការ​រៀបចំ​ហេដ្ឋា​រចនា​សម្ព័ន្ធ​ថ្មី ដូចជា​ការ​រៀបចំ​សួន​ច្បារ ការធ្វើ​ផ្លូវ​ថ្មី ការ​ជុស​ជុល​ផ្លូវ​​ដែល​ខូច ការ​រៀបចំ​ប្រព័ន្ធ​លូ (ការ​ដាក់​លូ​ថ្មី ការ​ស្តារ​លូ​ចាស់ និង​ប្តូរ​ទំហំ​លូ​)​ជាដើម មាន​នៅ​ក្នុង​ការ​កំណត់​នោះ​»។

លោក​បាន​បន្ត​ថា​ ៖ «​មាន​ទីតាំង​ច្រើន​ណាស់​ទាំង​រាជធានី​ភ្នំពេញ និង​តាម​បណ្តា​ខេត្ត​នានា ដែល​បាន​កែលម្អ​ជា​រៀង​រាល់​ឆ្នាំ ដូចជា​ខាង​មុខ​ព្រះ​បរម​រាជវាំង​នាពេល​ថ្មីៗ​នេះ បាន​កែប្រែ​សួនច្បារ និង​ការ​ពង្រីក​ផ្លូវ​ដើរ​ឲ្យ​ធំ​ជាង​មុន​ដើម្បី​សម្រួល​ដល់​ប្រជាជន​ក្នុងការ​ធ្វើ​ដំណើរ​កម្សាន្ត​»​។

​ផែន​ការ​អភិវឌ្ឍន៍​ទីក្រុង​ពីមួយ​ឆ្នាំទៅ​មួយ​ឆ្នាំ​ត្រូវ​ចំណាយ​នៅក្នុង​កញ្ចប់​ថវិកា​របស់​ថ្នាក់​ជាតិ នៃ​រាជរដ្ឋាភិបាល ដែល​មិនមែន​មានតែ​នៅ​រាជធានី​ភ្នំពេញ​នោះ​ទេ​ថែម​ទាំង​នៅតាម​បណ្តា​ខេត្ត​ទាំង​អស់​នៅ​ក្នុង​ប្រទេស​។ ទាំង​អស់​នេះ​ជា​គម្រោង​រៀបចំ​ហេដ្ឋា​រចនា​សម្ព័ន្ធ​នៅក្នុង​ទីក្រុង​របស់​សាលា​រាជធានី​ភ្នំពេញ​។

លោក​បាន​ថ្លែង​ថា​ ៖ «​យើង​មាន​ខ្ទង់​ថវិកា​សម្រាប់​ចំណាយ​រៀងរាល់​ឆ្នាំ ប៉ុន្តែ​ខ្ញុំ​មិន​បាន​ដឹង​ពី​ចំនួន​កំណត់​ច្បាស់​ណា​មួយ​ឡើយ ដោយ​សារ​ការអភិវឌ្ឍ​នីមួយៗ​ស្ថិត​នៅ​ក្រោម​ការ​គ្រប់​គ្រោង​ការ​ចំណាយ​របស់​អ្នក​ជំនាញ​នៃ​ក្រសួង​សាធារណការ និង​ដឹក​ជញ្ជូន​។ ឧទាហរណ៍​ថា ការ​ចំណាយ​លើ​អ្វី​ខ្លះ អស់​ថវិកា​ប៉ុន្មាន ប្រើប្រាស់​សម្ភារ​អ្វី​ខ្លះ ចំណាយ​ពេល​វេលា​ប៉ុន្មាន វា​ជា​បច្ចេក​ទេស​របស់​អ្នក​ជំនាញ​នីមួយៗ​»​។

លោក ហូ វណ្ឌី ប្រធាន​ក្រុមហ៊ុន​ទីភ្នាក់ងារ​ទេសចរណ៍ World Express Tour បាន​ប្រាប់​កាសែត​ភ្នំពេញ​ប៉ុស្តិ៍​ថា ការ​តស៊ូ​មតិ​របស់​ក្រុម​លោក​អំពី​ការ​បង្កើត​ទីតាំង​បៃតង គឺ​ដើម្បី​ប្រយោជន៍​ទាំង​អស់​គ្នា ដូច​ជា​ថ្នាក់​ដឹក​នាំ អ្នក​ជំនាញ​ដែល​ប្រតិបត្តិ​គម្រោង និង​ប្រជា​ពលរដ្ឋ​ទាំងអស់​។

លោក​បន្ត​ថា​ ៖ «​ទាំង​សុខ​ភាព​ផ្លូវ​កាយ និង​សុខភាព​ផ្លូវ​ចិត្ត គឺ​ត្រូវ​ផ្តោត​សំខាន់​ទៅ​លើ​បរិយាកាស​ជុំវិញ​ខ្លួន ដូច​ជា​សំណង់​ហេដ្ឋា​រចនា​សម្ព័ន្ធ​ស្អាត អនាម័យ និង​ចរាចរណ៍​ ហើយ​វា​ជា​កេរ្តិ៍​ឈ្មោះ​របស់​ប្រទេសជាតិ​ទាំង​មូល​»​។

លោក​បន្ថែម​ថា ជា​ពិសេស​ការ​កែ​ច្នៃ​សួន​ច្បារ និង​សំណង់​បាន​កើត​ឡើង​តាំង​ពី​ឆ្នាំ​២០០៧ មក ជា​ឆ្នាំ​ដែល​ក្រុម​របស់​លោក​បាន​ស្នើ​សុំ​ក្រសួង​ពាក់ព័ន្ធ ដើម្បី​ធ្វើ​ការងារ​នេះ​ប្រកប​ដោយ​ភាព​រីកចម្រើន និង​មានការ​អនុវត្ត​រហូត​ដល់​បច្ចុប្បន្ន ដូចជា​ការកែលម្អ​សួន​តាម​មាត់់ទន្លេ សួន​ច្បារ​ខាងមុខ​ព្រះបរម​រាជវាំង សួន​កាណ​ឌី​យ៉ា និង​សួន​វត្តភ្នំ​ជាដើម​។ ឧទាហរណ៍៖ នៅ​ប្រទេស​គេ​មិន​ត្រឹម​តែមាន​សួនច្បារ​ទេ ថែមទាំង​សួន​ទឹក​ទៀត​ផង​។

លោក​បាន​បន្តថា​ ៖ «​ការ​រៀបចំ​សួន​ច្បារ សំណង់​ហេដ្ឋា​រចនា​សម្ព័ន្ធ សណ្តាប់​ធ្លាប់​ចរាចរណ៍​ គឺជា​ភាព​ទាក់ទាញ​ពលរដ្ឋ​ដើម្បី​ធ្វើ​លំហាត់​ប្រាណ និង​ទេសចរណ៍​នៅ​ក្នុង​ទីក្រុង​។ ទន្ទឹម​នឹង​ប្រជា​ពលរដ្ឋ​មានការ​កើន​ឡើង​នៅ​ទីក្រុង សាលា​ក្រុង​ត្រូវ​មាន​វិធានការ​ម៉ឺង​ម៉ាត់ ក្នុង​ការ​អនុ​វត្ត​លើ​ច្បាប់​ផាក​ពិន័យ​ដល់​អ្នក​ចោល​សំរាម​ពាស​វាល​ពាស​កាល ហើយ​បេ្តជ្ញា​អនុវត្ត និង​ផលិត​ធុង​សំរាម​លក់​ក្នុង​តម្លៃ​សមរម្យ​ឲ្យ​ប្រជា​ពលរដ្ឋ​មានលទ្ធភាព​បាន​ចូល​រួម​»​។

ផ្ទុយ​ទៅ​វិញ​បើសិន​ជា​គ្មាន​ការ​ទប់​ស្កាត់​នោះ​ទេ វា​នឹង​ជៈ​ឥទិ្ធពល​អាក្រក់​មក​វិញ​ដល់​ប្រជាជន ដូចជា បញ្ហា​អនាម័យ សំរាម នៅ​តាម​កន្លែង​លម្ហែកាយ ហើយ​ប្រទេស​កម្ពុជា​ក៏​មិន​ទាន់​មាន​កន្លែង​លម្ហែ​បៃតង​នៅ​ឡើយ​ទេ​។

ចំណែក​សហ​ស្ថាបនិក​នៃ​បណ្ណាល័យ​បញ្ញវន្ត លោក សុខ ឡាក់ ដែល​ជា​អ្នក​រស់​នៅ​រាជធានី​ភ្នំពេញ បាន​ឲ្យ​ដឹង​ថា ទាំង​សំណង់​ហេដ្ឋា​រចនា​សម្ព័ន្ធ និង​សេវា​សាធារណៈ​នានា​នៅ​រាជធានី​ភ្នំពេញ បាន​និង​កំពុង​ឆ្លើយតប​ទៅនឹង​កំណើន​ជាច្រើន​របស់​ប្រជាជន ដែល​បាន​ចំណាក​ស្រុក​មក​រស់នៅ និង​ប្រក​បរបរ​នៅ​ក្នុង​ទីក្រុង​។

លោក​បាន​បន្ថែម​ថា ៖ «​យើង​ឃើញ​ថា រចនា​សម្ព័ន្ធ​មាន​ការ​ប្រសើរ​លើ​ការ​គិត​គូរ​ជាច្រើន​ខាង​ផ្នែក​ហេដ្ឋា​រចនា​សម្ព័ន្ធ ដូច​ជា ការពង្រីក​ផ្លូវ​ថ្នល់ សួន​ច្បារ កន្លែង​កម្សាន្ត​នៅ​តំបន់​សំខាន់ៗ និង​សេវាសា​ធារណៈ រួមមាន​សេវា​ឡានក្រុង​ជាដើម​។ ប៉ុន្តែ​វិស័យនេះ​នៅ​មាន​ភាព​ខ្វះខាត នូវ​ទីតាំង​តំបន់​បៃតង ទីតាំង​ហាត់​ប្រាណ​ដើម្បី​ឲ្យ​ប្រជាជន​មាន​ឱកាស​ក្នុង​ការ​ស្រូប យក​ខ្យល់​បរិសុទ្ធ​នៅ​ក្នុង​ទីក្រុង​»​។

ខណៈ​ពេល​ដែល​តំបន់​សំខាន់​ដូច​ជា​តាម​បណ្តោយ​មាត់​ទន្លេ ព្រះបរម​រាជវាំង វត្តភ្នំ​ជាដើម មាន​កន្លែង​សម្រាប់​ដើរ​លម្ហែ និង​កម្សាន្ត ប៉ុន្តែ​ទីតាំង​មួយ​ចំនួន​ធំ​របស់​រាជ​ធានី​ភ្នំពេញ នៅ​ខ្វះ​ចន្លោះ​សេវា​សាធារណៈ​ទាំង​នោះ​។

លោក​បាន​បន្ត​ថា ៖ «​ខ្ញុំ​យល់​ថា​អ្នក​ជំនាញ​ក៏​ដូច​ជា​អ្នក​ពាក់ព័ន្ធ​គួរតែ​ធ្វើការ​គិតគូរ​ពង្រីក​សេវា​សាធារណៈ​ឲ្យ​មាន​និរន្តរ​ភាព​ស្មើៗ​គ្នា​នៅ​ក្នុង​ទីក្រុង ស្រប​ពេល​ដែល​សេដ្ឋកិច្ច​ជាតិ​កំពុង​មាន​ការ​រីក​ចម្រើន​ទៅ​មុខជា​បន្ត​បន្ទាប់​»​។

ឧទាហរណ៍​ ៖ នៅ​តំបន់​សង្កាត់​អូឡាំពិក និង​តាម​ផ្លូវ​កម្ពុជា​ក្រោម គេ​សង្កេត​ឃើញ​ថា ​មាន​ការ​សាងសង់​នៅ​អគារ​ខ្ពស់ៗ​ដែល​ធ្វើ​ឲ្យ​មាន​ការ​កាត់​បន្ថយ​តំបន់​បៃតង​មួយ​ចំនួន​ធំ ដូច្នេះ​សាលា​រាជធានី​ភ្នំពេញ គួរ​គិត​គូរ​បង្កើត​នូវ​តំបន់​បៃតង​បន្ថែម​។

ភាព​ទាក់ទាញ​នៃ​ទីក្រុង​កើត​ឡើង​នៅ​ពេល​ដែល​និរន្តរភាព​របស់​ទេសភាព​ទីក្រុង​ស្ថិតស្ថេរ និង​សុខ​មាលភាព​របស់​ប្រជាជន​ដែល​រស់នៅ​ទីក្រុង​។ ពួក​គាត់​ត្រូវ​ធ្វើ​ការ​គិត​គូរ​យ៉ាង​ម៉េច ដើម្បី​ឲ្យ​ចរន្ត​ទីក្រុង​មាន​ភាព​រស់​រវើក​ខណៈ​ពេល​ដែល​កំណើន​សេដ្ឋកិច្ច និង​ស្រប​តាម​កំណើន​ប្រជាជន​នៅ​ទីក្រុង ដើម្បី​ជៀសវាង​ផល​អវិជ្ជមាន​ដែល​កើត​មាន​ដោយ​ប្រការ​ណា​មួយ​។

លោក​បាន​ថ្លែង​បន្ត ​៖ «​ប្រជាជន​គួរ​ចូលរួម​កំណត់​បញ្ហា​សង្គម នូវ​ចំណុច​ខ្វះខាត​នៃ​ហេដ្ឋា​រចនា​សម្ព័ន្ធ (​បញ្ហា​កាក​សំណល់ ប្រព័ន្ធ​លូ​) និង​សេវា​សាធារណៈ និង​ការអភិវឌ្ឍ​ប្រកប​ដោយ​និរន្តរភាព ដើម្បី​ឲ្យ​ពួក​គាត់​បាន​ដឹង និង​ចូលរួម​ដោះស្រាយ​គ្នា​តាម​រយៈ​ការ​អប់រំ​ដល់​ប្រជាជន​ក្នុង​ទីក្រុង​»៕

Source From : Khmer Post

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00
Land For Sale
Chorm Chao,Porsenchey
USD 140,000.00
Land For Sale
Kakarb,Porsenchey
USD 130,000.00

CVEA MEMBERS