Century21 បោះ​ជំហាន​កាន់​តែ​ធំ​ក្នុង​វិស័យ​អចលនទ្រព្យ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
អ្នកស្រី Grace Rachny Fong។ រូបថត សហការី

ក្នុង​គោលដៅ​ជំរុញ​ឲ្យ​មាន​ការ​ប្រើប្រាស់​ក្រុមហ៊ុន​អចលនទ្រព្យ​មាន​វិជ្ជាជីវៈ ដើម្បី​កាត់​បន្ថយ​ហានិភ័យ​ក្នុង​វិស័យ​នេះ ក្រុមហ៊ុន​អចលនទ្រព្យ Century21 Cambodia បាន​និង​កំពុង​ត្រៀម​ពង្រីក​សេវា​របស់​ខ្លួន​ទៅ​កាន់​ខេត្ត​ចំនួន​២៣​ទៀត នា​ឆ្នាំ​២០១៨​ខាង​មុខនេះ​។

នាយិកា​ប្រតិបត្តិ​ក្រុមហ៊ុន​អចលនទ្រព្យ​លំដាប់​ពិភពលោក Century21 Cambodia អ្នក​ស្រី Grace Rachny Fong បាន​ថ្លែង​ឲ្យ​ដឹង​តាម​ទូរស័ព្ទ​កាលពី​ម្សិល​មិញ​ថា ការអភិវឌ្ឍ​អចលនទ្រព្យ​នៅតាម​បណ្តា​ខេត្ត​នានា​មាន​ការ​រីក​ចម្រើន​គួរ​ឲ្យ​ចាប់អារម្មណ៍​ក្នុង​ប៉ុន្មាន​ឆ្នាំ​ចុង​ក្រោយនេះ ដែល​ធ្វើ​ឲ្យ​មាន​អ្នកវិនិយោគ​អន្តរជាតិ​ជា​ច្រើន​បាន​ចាប់អារម្មណ៍ និង​មាន​បំណង​ចង់​វិនិយោគ ប៉ុន្តែ​តាម​បណ្តា​ខេត្ត​ទាំង​នោះ​មិន​មាន​ក្រុម​ហ៊ុន​អចលនទ្រព្យ​ដែល​មាន​វិជ្ជាជីវៈ​នោះទេ អាច​នឹង​ធ្វើ​ឲ្យ​មាន​ហានិភ័យ​ខ្ពស់​សម្រាប់​អ្នកវិនិយោគ​។

អ្នក​នាង​បន្ត​ថា​ ៖ «​ដោយ​សារ​យើង​ចង់​ឲ្យ​មាន​ការ​អភិវឌ្ឍ​វិស័យ​នេះ​ប្រកប​ដោយ​ជោគជ័យ និង​មាន​និរន្តរភាព ទើប​យើង​ស្វែងរក​ដៃគូ​វិនិយោគ​ដែល​មាន​សក្តានុពល​ខ្ពស់​ធ្វើ​ការ​ជាមួយ​យើង ដើម្បី​ជំរុញ​ការ​អភិវឌ្ឍ​វិស័យ​នេះ​នៅ​តាម​បណ្តា​ខេត្ត​ឲ្យ​មាន​គុណ​ភាព និង​ប្រាស​ចាក​ហានិភ័យ​សម្រាប់​អ្នក​វិនិយោគ​»​។ អ្នក​ស្រី​បន្ត​ថា​ ៖ «​អ្នក​ដែល​អាច​ក្លាយ​ជា​ដៃគូ​របស់​យើង​សំខាន់​ត្រូវ​មាន​ទំនុក​ចិត្ត ភាព​ស្មោះត្រង់ មានការ​ប្តេជ្ញាចិត្ត និង​អត្ត​ចរិត​ល្អដើម្បី​ពួកគេ​អាច​ធ្វើ​ការងារ​ជាមួយ​យើង ហើយ​យើង​នឹង​បណ្តុះ​បណ្តាល​ពួកគេ និងមាន ​​ការិយាល័យ​សម្រាប់​ពួក​គេ​ធ្វើ​ការ​នៅ​តាម​បណ្តា​ខេត្ត​និមួយៗ​»​។

Century21 Cambodia បច្ចុប្បន្ន​មាន​ដៃគូ​ធ្វើការ​នៅ​រាជធានី​ភ្នំពេញ និង​ខេត្ត​ព្រះសីហនុ ប៉ុន្តែ​ក្រុមហ៊ុន​នេះ​គ្រោង​ពង្រីក​សាខា​ទៅ​កាន់​ខេត្ត​មាន​សក្តានុ​ពល​ទាំង​២៣​ទៀត នៅ​ទូទាំង​ប្រទេស​សម្រាប់​ឆ្នាំ​២០២៣​ខាង​មុខ​នេះ​។

អ្នក​នាង Grace Rachny Fong បាន​បន្តថា បណ្តា​ខេត្ត​ជា​ច្រើន​កំពុង​មាន​សក្តានុពល​ខ្លាំង​លើ​វិស័យ​អចលនទ្រព្យ ដូចជា​ខេត្តកំពត កែប សៀមរាប បាត់ដំបង កំពង់ចាម និង​ខេត្ត​មួយ​ចំនួន​ទៀត ហេតុ​នេះ​ការ​មាន​ក្រុមហ៊ុន និង​អ្នក​ជំនាញ​ក្នុង​វិស័យ​នេះ ដែល​អាច​ធ្វើ​ការ​ដោយ​វិជ្ជាជីវៈ និង​មាន​ក្រម​សីល​ធ៌ម​វិជ្ជាជីវៈ​ពិតជា​មាន​សារៈសំខាន់​ណាស់ ដើម្បី​អភិវឌ្ឍ​វិស័យ​នេះ​ប្រកប​ដោយ​និរន្តរភាព​។

លោក​ឧកញ៉ា ភួ ពុយ អគ្គនាយក​ធនាគារ​ស្រូវ​ដែល​បាន​វិនិយោគ​គម្រោង​អចលនទ្រព្យ ផ្សារ​ទំនើប និង​បុរី​នៅ​ខេត្ត​បាត់ដំបង និង​ពោធិ៍សាត់ បាន​ថ្លែងថា លោក​ស្វាគមន៍​ចំពោះ​ការមាន​ក្រុម​ហ៊ុន​អចលនទ្រព្យ ដែល​មាន​វិជ្ជាជីវៈ​ត្រឹមត្រូវ​នៅតាម​បណ្តា​ខេត្ត​នានា ប៉ុន្តែ​អ្វី​សំខាន់ ថា​តើ​ពួកគេ​មានការ​ងារ​អាច​ធ្វើ​បាន​ឬ​អត់? នៅ​ពេល​ពួក​គេ​មក​បោះទីតាំង​នៅ​តាម​​បណ្តា​ខេត្ត​។

លោក​បន្ត​ថា​ ៖ «​ប្រសិន​ជាមាន ​​ក្រុមហ៊ុន​ផ្តល់​សេវាកម្ម​ទិញ​លក់ ឬ​ជួល​ដែល​អាច​ផ្តល់​ទំនុក​ចិត្ត​បានយើង​នឹង​រួមសហការ និង​ផ្តល់​​សេវាកម្ម​ជាមួយ​ពួក​គេ​»​។ លោក​បន្តថា​ ៖ «​អ្វី​សំខាន់​ពួកគេ​អាច​ធ្វើ​ការងារ​ជាមួយ​ធនាគារ ដើម្បី​ផ្តល់​សេវាកម្ម​ទិញ លក់ ឬ​ផ្តល់​​ឥណទាន​បង់​រំលស់​ដល់​អចលនទ្រព្យ​នានា​នៅតាម​ខេត្ត»៕

Source From : Khmer Post

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00
Land For Sale
Chorm Chao,Porsenchey
USD 140,000.00
Land For Sale
Kakarb,Porsenchey
USD 130,000.00

CVEA MEMBERS