ក្រសួង​សេដ្ឋកិច្ច​​ រឹតបន្តឹង​អាជ្ញាប័ណ្ណ​លើ​ការ​វិនិយោគ​អចលនទ្រព្យ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
លោក ម៉ី វ៉ាន់ អគ្គនាយក​នៃ​អគ្គនាយកដ្ឋាន​ឧស្សាហកម្ម​ហិរញ្ញវត្ថុ​។ មឿន ញាណ

ក្រសួង​សេដ្ឋកិច្ច និង​ហិរញ្ញវត្ថុ​បាន​សម្រេច​រឹតបន្តឹង​ក្នុង​ការ​ផ្តល់​អាជ្ញាប័ណ្ណ​សម្រាប់​គម្រោង​វិនិយោគ​វិស័យ​សំណង់ និង​អចលនវត្ថុ​កម្ពុជា ដើម្បី​ធ្វើឲ្យ​ប្រាកដ​ថា​គម្រោង​វិនិយោគ​នោះ​អាច​សម្រេច​ទៅ​បាន​ជោគជ័យ​។

អគ្គនាយក​នៃ​អគ្គនាយកដ្ឋាន​ឧស្សាហកម្ម​ហិរញ្ញវត្ថុ​នៃ​ក្រសួង​សេដ្ឋកិច្ច​ និង​ហិរញ្ញវត្ថុ​លោក ម៉ី វ៉ាន់ ​បាន​ថ្លែង​ឲ្យ​ដឹង​កាលពី​ព្រឹក​ថ្ងៃ​អង្គារ​ថា​ក្រសួង​សេដ្ឋកិច្ច និង​ហិរញ្ញវត្ថុ​កំពុង​ធ្វើ​សេចក្តី​ព្រាង​ច្បាប់​ស្តីពី​ការ​គ្រប់គ្រង​ការ​អភិវឌ្ឍ​លំនៅឋាន​ដែល​គ្រោង​បញ្ចប់​នៅ​ចុង​ឆ្នាំ​ ២០១៧ ​នេះ​ដែល​ច្បាប់​នេះ​មាន​ទម្ងន់​គ្រប់គ្រាន់​សម្រាប់​គ្រប់គ្រង​គម្រោង​អភិវឌ្ឍន៍​លំនៅឋាន​នានា​ឲ្យ​មាន​ភាព​ច្បាស់លាស់ និង​ប្រាកដ​ថា​គម្រោង​របស់​ពួកគេ​ជា​គម្រោង​ទទួល​បាន​ជោគជ័យ​ និង​មិន​រត់​ចោល​អតិថិជន​ទេ​។

លោក​បន្ត​ថា៖ «​កន្លង​មក​យើង​មាន​កម្រិត​ត្រឹម​ប្រកាស​ប៉ុណ្ណោះ​ដែល​មាន​ទម្ងន់​ស្រាល​ក្នុង​ការ​ដាក់​ទោស​ពួកគេ​ប្រសិន​ជា​ពួកគេ​ធ្វើការ​បោក​ប្រាស់​អតិថិជន ឬ​លក់​តែ​គម្រោង ប៉ុន្តែ​មិន​បាន​សាងសង់​»​។

លោក​បន្ត​ថា៖ «​ប្រកាស​មាន​កម្រិត បទប្បញ្ញត្តិ​ត្រឹម​ដាក់​ពិន័យ ឬ​ដកហូត​អាជ្ញាប័ណ្ណ​ប៉ុណ្ណោះ ប៉ុន្តែ​មិន​មាន​ទម្ងន់​ឈាន​ដល់​ការ​ដាក់​ទោស​ពិន័យ​ទេ​»​។

លោក ម៉ី វ៉ាន់ បាន​បន្ត​ទៀត​ថា​តាមរយៈ​ប្រកាស​ដែល​បាន​ចេញ​កន្លង​មក​ក្រសួង​តម្រូវ​ឲ្យ​ម្ចាស់​គម្រោង​អភិវឌ្ឍន៍​នានា​ត្រូវ​តម្កល់​ទុន​ ២ ​ភាគរយ​នៃ​ទុន​វិនិយោគ​សរុប​របស់​ពួកគេ ប៉ុន្តែ​ច្បាប់​ថ្មី​នេះ​នឹង​តម្រូវ​ឲ្យ​អ្នក​វិនិយោគ​មាន​ទុន​តម្កល់​នៅ​ធនាគារ មាន​ការ​ធានា​ពី​ធនាគារ និង​ដៃគូ​វិនិយោគ​របស់​ពួកគេ និង​បង្ហាញ​ពី​គណនេយ្យភាព និង​តម្លាភាព​ច្បាស់លាស់​ក្នុង​គម្រោង​វិនិយោគ​របស់​ពួកគេ​។

លោក​បន្ត​ថា​ ទោះ​ជា​យ៉ាង​ណា ​ច្បាប់​ថ្មី​នេះ​មិន​កំណត់​ថា អ្នក​វិនិយោគ​ត្រូវ​មាន​ប្រាក់​តម្កល់​ប៉ុន្មាន​ភាគរយ​ច្បាស់លាស់​នៅ​ឡើយ​ទេ ដោយ​រង់ចាំ​ការ​ជួប​ប្រជុំ​ពិភាក្សា​ជាមួយ​វិស័យ​ឯកជន ដើម្បី​រក​ធាតុ​ចូល​សម្រាប់​ដាក់​បញ្ចូល​ក្នុង​ច្បាប់​នេះ​។

លោក ពឹង សេរី នាយក​គ្រប់គ្រង​ទូទៅ​នៃ​ក្រុមហ៊ុន Cambodia Angkor Real Estate បាន​ថ្លែង​ថា​ការ​រឹតបន្តឹង​របស់​ក្រសួង​សេដ្ឋកិច្ច និង​ហិរញ្ញវត្ថុ «​ជា​ការ​ល្អ​ណាស់​» ព្រោះ​វា​ជា​ការ​បង្ហាញ​ពី​តួលេខ​ពិតប្រាកដ​ក្នុង​ការ​វិនិយោគ​លើ​វិស័យ​នេះ​ដើម្បី​កុំ​ឲ្យ​មាន​អ្នក​រងគ្រោះ​បន្ថែម​ទៀត​ដូច​ករណី​អ្នក​ទិញ​អគារ Gold Towr42 ជាដើម​។

លោក​បន្ត​ថា​ កន្លង​មក​មាន​ក្រុមហ៊ុន​ខ្លះ​យក​ប្លង់​ដី​ដាក់​ធនាគារ​ហើយ​ប្រកាស​គម្រោង​វិនិយោគ​របស់​ខ្លួន​ដើម្បី​លក់​យក​លុយ​ទៅ​សាងសង់ ប៉ុន្តែ​នៅ​ពេល​លក់​មិន​បាន​គម្រោង​របស់​ពួកគេ​ជាប់គាំង​ហើយ​ប្រជាជន​ជា​អ្នក​រងគ្រោះ​។

លោក​បន្ត​ថា៖ «​យើង​ចង់​ឲ្យ​មាន​ការ​សាងសង់​សិន ចាំ​ប្រកាស​លក់ កុំ​ប្រកាស​តែ​គម្រោង​ហើយ​ចាប់ផ្តើម​លក់ វា​មាន​ហានិភ័យ​ណាស់​»​។

ប្រធាន​សមាគម​អ្នក​វាយតម្លៃ និង​ភ្នាក់ងារ​អចលនវត្ថុ​កម្ពុជា​លោក គីម ហ៊ាង បាន​ថ្លែង​ថា​ការ​ចេញ​ច្បាប់​របស់​ក្រសួង​នេះ​ហាក់​យឺត​ពេល​បន្តិច ព្រោះ​ច្បាប់​នេះ​លោក​បាន​លើក​ឡើង​ជារឿយៗ​រយៈពេល​ ៣-៤ ​ឆ្នាំ​មក​ហើយ ប៉ុន្តែ​ក៏​មិន​អី​នោះ​ទេ សម្រាប់​ការ​រៀបចំ​ច្បាប់​នាពេល​នេះ​មិន​ទាន់​ហួស​ពេល​នៅ​ឡើយ​ទេ​។

លោក​បន្ត​ថា ​ច្បាប់​នេះ​នឹង​ប៉ះពាល់​ដល់​អ្នក​រកស៊ី​ឆក់​កណ្តៀត ឬ​រកស៊ី​មិន​ត្រឹមត្រូវ ប៉ុន្តែ​អ្នក​គោរព​ ច្បាប់​មិន​មាន​ផលប៉ះពាល់​នោះ​ទេ​។

លោក​បន្ត​ថា៖ «​ច្បាប់​នេះ​ជា​ការ​ជួយ​កាត់បន្ថយ​គម្រោង​ខ្យល់ ព្រោះ​កន្លង​មក​មាន​អ្នក​ខ្លះ​ដាក់​ដី​បញ្ចាំ​នៅ​ធនាគារ ហើយ​មក​ប្រកាស​លក់​គម្រោង​ដែល​គម្រោង​បែប​នេះ​មាន​ហានិភ័យ​ខ្ពស់​ណាស់​»​។ លោក​បន្ថែម​ថា៖ «​ច្បាប់​នេះ​ល្អ​សម្រាប់​សង្គម និង​ធ្វើឲ្យ​ប្រាកដ​ថា​អ្នក​មាន​លុយ​ពិតប្រាកដ​ទើប​អាច​វិនិយោគ​គម្រោង​អចលនទ្រព្យ​បាន​»​។

លោក​ឧកញ៉ា លី ហួរ ប្រធាន​សមាគម​អ្នក​អភិវឌ្ឍន៍​លំនៅឋាន​កម្ពុជា​បាន​ថ្លែង​ថា​កន្លង​មក​មាន​បញ្ហា​អ្នក​ពុះ​ដីឡូត៍​លក់​មួយ​ចំនួន​បាន​បង្ហាញ​គម្រោង​របស់​ពួកគេ​មាន​ចម្ងាយ​ប៉ុន្មាន​ពី​ក្រុង​ភ្នំពេញ​ហើយ​បាន​ប្រកាស​លក់​ក្នុង​តម្លៃ​ថោកៗ ប៉ុន្តែ​មិន​ដឹង​ដី​នៅ​ឯណា ហេតុ​នេះ​ទើប​ក្រសួង​មាន​ការ​ព្រួយបារម្ភ​ពី​ហានិភ័យ​ផ្សេងៗ​ទើប​រៀបចំ​ច្បាប់​នេះ​។

លោក​បន្ត​ថា៖ «​ច្បាប់​នេះ​មិនមែន​ជា​ការ​រឹតបន្តឹង​អ្វី​ដល់​អ្នក​រកស៊ី​ស្រប​ច្បាប់​ទេ តែ​ជា​ការ​ជួយ​ការពារ​ដល់​ប្រជាពលរដ្ឋ​យើង​»​។

លោក​បន្ត​ថា៖ «​នេះ​ជា​ការ​យក​ចិត្ត​ទុកដាក់​របស់​រដ្ឋាភិបាល​ដល់​ប្រជាពលរដ្ឋ ដែល​យើង​ក្នុង​នាម​វិស័យ​ឯកជន​សូម​គាំទ្រ​ចំណាត់ការ​នេះ​៕

Source From : Phnom Penh Post  

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Chroy Changva,Russey Keo
USD 1,090,000.00
Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month
Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00

CVEA MEMBERS