ការ​មិន​បែងចែក​ប្រព័ន្ធ​លូទឹក​ដាច់​ពី​គ្នា​ បង្ក​បញ្ហា​ដល់​សុខុមាលភាព​សង្គម

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ស្ថាបត្យករ វិស្វករ និង​ក្រុម​អ្នក​ជំនាញ​បាន​និយាយ​ថា​៖ «​អាជ្ញាធរ​ក្រុង​ភ្នំពេញ គួរ​គិតគូរ​អំពី​ប្រព័ន្ធ​លូទឹក​ស្អុយ​ឲ្យ​បាន​ច្រើន​ជាង​ការ​ចំណាយ​ជួសជុល​សួនច្បារ​»​។ ហុង មិនា

ការ​សាងសង់​ប្រព័ន្ធ​លូ​ដែល​គ្មាន​ស្តង់ដារ និង​មិន​មាន​ការ​ញែក​ប្រព័ន្ធ​លូទឹក​ភ្លៀង និង​ទឹកស្អុយ​ដាច់​ពី​គ្នា​ពិត​ជា​បង្ក​ហានិភ័យ​ដល់​សុខភាព​ប្រជាពលរដ្ឋ ខណៈ​បុរី​នានា​នៅ​កម្ពុជា​មិន​បាន​វិនិយោគ​លើ​ផ្នែក​ដែល​គេ​មើល​រំលង​នេះ​ឡើយ​។

ស្ថាបត្យករ​សិក្សា​ប្លង់​អគារ​សន្តិភាព និង​ជា​សាស្ត្រាចារ្យ​ផ្នែក​នគរូបនីយកម្ម និង​ស្ថាបត្យកម្ម​នៃ​សាកលវិទ្យាល័យ​បញ្ញាសាស្ត្រ​លោក ជា ប៊ុនស៊ាង បាន​ថ្លែង​ឲ្យ​ដឹង​កាលពី​ពេល​ថ្មីៗ​នេះ​ថា​បច្ចុប្បន្ន​នៅ​តាម​បុរី ឬ​គម្រោង​អភិវឌ្ឍន៍​នានា​នៅ​រាជធានី​ភ្នំពេញ​ភាគច្រើន​មិន​ទាន់​បាន​គិតគូរ​ពី​បញ្ហា​ហេដ្ឋារចនាសម្ព័ន្ធ​ក្រោម​ដី​នេះ​នៅ​ឡើយ​ដោយ​ពួកគេ​សាងសង់​ប្រព័ន្ធ​លូ​រួម​បញ្ចូល​គ្នា​រវាង​លូទឹក​ភ្លៀង និង​លូ​ទឹកស្អុយ​ដែល​ធ្វើឲ្យ​ពេល​ភ្លៀង​មក ទឹក​លូ​ស្អុយ​ខ្ពុរ​ឡើង​ពេញ​ថ្នល់​ខ្វះ​អនាម័យ មាន​ក្លិន​ស្អុយ និង​ចម្លង​មេរោគ​ផ្សេងៗ ដូចជា រោគ​សើស្បែក និង​ជំងឺ​ផ្តាសាយ​ជាដើម​។

លោក​បន្ត​ថា៖ «​ការ​រៀបចំ​ឲ្យ​មាន​ប្រព័ន្ធ​លូ​ដាច់​ចេញ​ពី​គ្នា​រួម​ជាមួយ​លម្ហ​បៃតង​លើស​ពី​ ៣០ ​ភាគរយ​ដោយ​ដាំ​ដើមឈើ​ដូចជា​ក្នុង​គម្រោង​ណា​មួយ​ធ្វើឲ្យ​សហគមន៍​អ្នក​រស់នៅ​ចៀស​ផុត​ពី​បញ្ហា​នានា​ដូចជា ទឹក​លិច ក្លិន​លូ និង​កម្ដៅ​ជាដើម​ពោល​គឺ​ទទួល​បាន​ផាសុកភាព សុខភាព​ល្អ និង​បរិស្ថាន​បៃតង​ស្អាត​ផង​ដែរ​»​។

លោក​បន្ត​ថា៖ «​នៅពេល​ទឹកភ្លៀង​ស្ងួត​ហើយ​ខ្យល់​បក់​មក ធ្វើឲ្យ​មេរោគ​ហើរ​តាម​ខ្យល់ មក​ចំឡង​មនុស្ស និង​ធ្វើឲ្យ​ប្រជាជន​កើត​ជំងឺ​ផ្តាសាយ និង​ជំងឺ​ដទៃ​ទៀត​។ នេះ​ជា​មូលហេតុ​ដែល​ការ​សាងសង់​ប្រព័ន្ធ​លូ​ក្រោម​ដី​មិន​បាន​បែងចែក​ឲ្យ​ដាច់​រវាង​លូ​ទឹកស្អុយ និង​លូទឹក​ភ្លៀង​ដាច់​ពី​គ្នា​»​។

លោក​សាស្ត្រចារ្យ ជា ប៊ុនស៊ាង បាន​បន្ត​ថា​តាម​ការ​សង្កេត​របស់​លោក​កន្លង​មក​បុរី ឬ​គម្រោង​លំនៅឋាន​ភាគច្រើន​នៅ​ប្រទេស​កម្ពុជា​គឺ​ធ្វើ​របង​ខ្ពស់ៗ​បន្ថែម​មាន​ការ​បែងចែក​រវាង​តំបន់​អ្នក​មាន​ជីវភាព​ខ្ពស់ ជីវភាព​មធ្យម​ និង​ជីវភាព​ទាប​ដែល​ធ្វើឲ្យ​មនុស្ស​ពិបាក​ទំនាក់ទំនង​គ្នា​ប្រចាំ​ថ្ងៃ​។

លោក​បណ្ឌិត សេង ប៊ុនរិទ្ឋ ទីប្រឹក្សា​នៃ​ធនាគារ​អភិវឌ្ឍន៍​អាស៊ី និង​ជា​អគ្គនាយក​ក្រុមហ៊ុន RLS International បាន​ថ្លែង​ទទួល​ស្គាល់​ថា​នៅ​តាម​បណ្តា​ទីក្រុង​របស់​ប្រទេស​កម្ពុជា ភាគច្រើន​មិន​ទាន់​គិតគូរ​ពី​ការ​បែងចែក​ប្រព័ន្ធ​ញែក​រវាង​លូទឹក​ភ្លៀង និង​លូទឹក​ស្អុយ​នៅ​ឡើយ​ទេ​ដោយសារ​កង្វះ​ខាត​ធនធាន​មនុស្ស និង​ធនធាន​ហិរញ្ញវត្ថុ ប៉ុន្តែ​ការ​រៀបចំ​ប្រព័ន្ធ​បែប​នេះ​គួរ​តែ​ធ្វើ​ឡើង​ឲ្យ​បាន​គ្រប់​ ខេត្ត-ក្រុង​ នៃ​ទីក្រុង​ទាំងអស់​នៅ​ក្នុង​ប្រទេស​កម្ពុជា​ដើម្បី​ជួយ​លើក​កម្ពស់​សុខុមាលភាព​របស់​ប្រជាពលរដ្ឋ​។

លោក​បន្ត​ថា​ ការ​បែងចែក​រវាង​លូទឹក​ភ្លៀង និង​លូទឹក​ស្អុយ​ក៏​នឹង​ជួយ​បង្ការ​ពី​ផលប៉ះពាល់​លើ​គុណភាព​ទឹក​ក្រោម​ដី និង​ទឹក​សម្រាប់​ប្រើប្រាស់​ផង​ដែរ​។ ផ្ទុយ​ទៅ​វិញ​វា​នឹង​មាន​ហានិភ័យ​ដល់​សុខភាព​ខ្ពស់ ប្រសិន​ជា​ទឹកស្អុយ​មិន​ត្រូវ​បាន​ចម្រោះ​ព្រោះ​តាមរយៈ​ការសិក្សា​បាន​រកឃើញ​ថា​ប្រជាពលរដ្ឋ​នៅ​ក្រុង​ភ្នំពេញ​មាន​ហានិភ័យ​ខ្ពស់​ណាស់​ដល់​សុខភាព ប្រសិន​បើ​ពួកគាត់​បាន​ជីក​អណ្តូង​យក​ទឹក​មក​ប្រើប្រាស់​ព្រោះ​មាន​ពួកគាត់​មួយ​ចំនួន​ធំ​ប្រើប្រាស់​អាង​ផ្ទុក​លាមក ឬ​អាងទឹក​ក្រោម​បង្គន់​ដែល​មិន​ត្រឹមត្រូវ​តាម​បទដ្ឋាន​បច្ចេកទេស​ដោយ​គ្រាន់តែ​ជា​អាង​ធ្វើ​តាម​ការ​នឹក​ឃើញ និង​មិន​បាន​បិទ​បាត​អាង​ដែល​បង្ក​ឲ្យ​ទឹកស្អុយ​ជ្រាបចូល​ប្រភព​ទឹក​នៅ​ខាង​ក្រោម​ដី​ដែល​ពួកគាត់​កំពុង​ប្រើប្រាស់​។

ទោះ​ជា​យ៉ាង​ណា​លោក​ឧកញ៉ា លី ហួរ ប្រធាន​សមាគម​អ្នក​អភិវឌ្ឍន៍​លំនៅឋាន​កម្ពុជា​បាន​បដិសេធ​នឹង​ការ​លើក​ឡើង​ខាង​លើ​ដោយ​លោក​បាន​ថ្លែង​ថា បុរី​លំនៅឋាន​នៅ​កម្ពុជា​ភាគច្រើន​បាន​គិតគូរ​ពី​សុខមាលភាព​អ្នក​រស់នៅ​ក្នុង​បុរី​ខ្លាំងណាស់​ព្រោះ​ «​យើង​អភិវឌ្ឍ​ដោយ​មាន​ការ​ទទួល​ខុសត្រូវ​ផ្នែក​សង្គម​»​។

លោក​បន្ត​ថា​៖ «​នៅ​តាម​បុរី​នីមួយៗ​ជា​បុរី​មាន​ស្តង់ដារ​តែងតែ​បាន​គិតគូរ​ពី​ការ​រៀបចំ​ប្រព័ន្ធ​លូ​ឲ្យ​មាន​ភាព​ដាច់​ពី​គ្នា​រវាង​លូទឹក​ភ្លៀង និង​លូទឹក​ស្អុយ​ដើម្បី​បញ្ចៀស​ហានិភ័យ​ដល់​សុខភាព​អ្នក​រស់នៅ​»៕

Source From : Phnom Penh Post  

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Ou Saray,Tram Kak
USD 18.00/SQM
Land For Sale
Chorm Chao,Porsenchey
USD 470,000.00
Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00

CVEA MEMBERS