សំណង់​អគារ​ខ្ពស់​ដែល​មាន​ការ​ឌីហ្សាញ​ប្លែកៗ

Languages

banner realestate

CVEA-Website-homepage-ad

591

vtrust

premuim housing

 
The Lumiere Hotel at Chaktomuk, which features a sky bar and modern design. Photo supplied
<

រយៈពេល​ប៉ុន្មាន​ឆ្នាំ​ចុង​ក្រោយ​នេះ​មាន​ការ​សាងសង់​អគារ​អចលន​ទ្រព្យ​ដែល​មាន​កម្ពស់​ខ្ពស់ៗ និង​ការ​រចនា​ជា​ស្ថាបត្យកម្ម​ទំនើបៗ​ក្នុង​សម័យ​បច្ចុប្បន្ន ត្រូវ​បាន​អភិវឌ្ឍ​ជា​បន្ត​បន្ទាប់​ដែល​ធ្វើ​ឲ្យ​តម្លៃ​ដី​កាន់​តែ​ឡើង​ថ្លៃ​ជា​ពិសេស​នៅ​តំបន់​បឹង​កេងកង និង​តំបន់​ទួលគោក​។

សប្តាហ៍​នេះ​កាសែត​ភ្នំពេញ​ប៉ុស្តិ៍​ អចលនទ្រព្យ កញ្ញា​ មួង វណ្ណឌី បាន​សម្ភាស​ជាមួយ​ថ្នាក់​គ្រប់គ្រង​នៃ​អគារ​អចលន​ទ្រព្យ ដែល​មាន​ការ​រចនា​គួរ​ឲ្យ​ចាប់​អារម្មណ៍​ដូច​ជា​អគារ​ខុនដូ អាផាតមិន និង​សណ្ឋាគារ​ជាដើម​។

អគារ​រូបរាង​កប៉ាល់​ដែល​ឈ្មោះ​ថា The Boss

យោង​តាម​កញ្ញា ធុង ណាត​ស្យា ជា​ស្ថាបនិក​ម្នាក់​នៃ​ក្រុមហ៊ុន​ស្ថាបត្យកម្ម និង​សាងសង់ «Angkor Prototype Design and Construction» នៃ​អគារ​រូប​ដូច​កប៉ាល់ «The Boss» បាន​ឲ្យ​ដឹង​ថា អគារ​នេះ​គឺជា​អគារ​អាផាតមិន ដែល​មាន​បំពាក់​សម្ភារ​បរិក្ខារ​ទំនើបៗ ការ​ឌីហ្សាញ​ប្លែកៗ​ទាំង​ខាង​ក្នុង និង​ខាង​ក្រៅ​។

អគារ​ដែល​មាន​រូបរាង​ជា​កប៉ាល់ និង​សាង​សង់​ជាមួយ​សម្ភារ​កញ្ចក់​ព័ទ្ធ​ជុំវិញ​អគារ ជា​អគារ​ដែល​ប្លែក និង​បង្កើន​ចំណាប់​អាម្មរណ៍​ពី​ប្រជាជន​។

កញ្ញា​បាន​ប្រាប់​ថា អគារ​ដែល​ទើប​សាងសង់​រួច​នេះ​មាន​កម្ពស់​៩​ជាន់​ដែល​រួមមាន​៤​ជាន់ ជា​បន្ទប់​អាផាតមិន​ស្នាក់​នៅ ហើយ​ជាន់​ដទៃ​ទៀត​ជា​កន្លែង​ហាត់​ប្រាណ ហែល​ទឹក ចំណត​រថយន្ត ការិយាល័យ និង​ហាង​កាហ្វេ​ជាដើម​។

អគារ​នេះ​ត្រូវ​បាន​សាងសង់​ដោយ​ក្រុមហ៊ុន​អង្គរ​ស្ថាបត្យកម្ម និង​សំណង់ ដែល​បាន​ឌីហ្សាញ​ម៉ូត និង​ធ្វើការ​សាងសង់ ហើយ​អគារ​នេះ​ទើប​តែ​បាន​បញ្ចប់​ការ​សាងសង់​នៅ​ខែ​តុលា​នេះ​។

អគារ The Boss ស្ថិត​នៅ​លើ​ផ្លូ វ​៥៩២ សង្កាត់​ទួលគោក ខណ្ឌ​ទួលគោក រាជធានី​ភ្នំពេញ។

សណ្ឋាគារ Lumiere លំដាប់​ផ្តាយ ​៤

អគារ Lumiere ជា​អគារ​ដែល​មាន​ការ​ឌីហ្សាញ​បង្កប់​ដោយ​ការ​ច្នៃ​ប្រឌិត​ខ្ពស់ បំពាក់​ដោយ​កញ្ចក់​ទាំង​ស្រុង​ដែល​មាន​កន្លែង​ហាត់ប្រាណ អាង​ហែល​ទឹក និង​ភោជនីយដ្ឋាន​នៅ​ខាង​លើ​អគារ។

សណ្ឋាគារ​លំដាប់​ផ្កាយ​៤ ដែល​ទើប​បើក​ថ្មីៗ​នេះ​មាន​១៥​ជាន់ និង​ផ្តល់​ជា​បារ​ឋានសួគ៌​មួយ​ដ៏​អស្ចារ្យ​នៅ​លើ​ដំបូល និង​រចនា​ប្លែក​យ៉ាង​ទំនើប​។

ទោះបី​សណ្ឋាគារ​នេះ​ត្រូវ​បាន​បង្កើត​ឡើង​ដោយ​វិនិយោគិន​សិង្ហ​បុរី ក៏​ដោយ​ក៏​វា​ត្រូវ​បាន​រចនា និង​សាង​សង់​ឡើង​ដោយ​ក្រុមហ៊ុន​កម្ពុជា​ក្នុង​ស្រុក គឺ​សូម៉ាខន​ស្ត្រាក់សិន និង​ឌីវេឡុប​មេន (Soma Construction and Development) ជា​ក្រុមហ៊ុន​សាង​សង់​ក្នុង​ស្រុក​មួយ​ដែល​បាន​ធ្វើជា​អ្នក​ម៉ៅការ​ក្នុង​អំឡុង​ពេល​សាងសង់​សណ្ឋាគារ Lumiere​។

សណ្ឋាគារ Lumiere មាន​ទីតាំង​នៅ​លើផ្លូវ​ ២២៨ កែង​ផ្លូវ ​៥៥ សង្កាត់​ចតុមុខ ខណ្ឌដូនពេញ រាជធានី​ភ្នំពេញ​៕

អគារ​សណ្ឋាគារ Patio

តាម​រយៈ​លោក អ៊ុង រតនា បាន​ប្រាប់​ថា សណ្ឋាគារ Patio មាន​ការ​ចូលរួម​រចនា​ឌីហ្សាញ​ដោយ​ស្ថាបត្យករ​អាមេរិក ចិន កូរ៉េ និង​វៀតណាម​ជាដើម​។ អគារ​នេះ​ជា​សណ្ឋាគារ​ដែល​មាន​ជាង​៤០​បន្ទប់ ភោជនីយដ្ឋាន អាង​ហែល​ទឹក និង​កន្លែង​ស្ប៉ា​។

អគារ​នេះ​មាន ៨ ​ជាន់ ដែល​ភ្ជាប់​ជាមួយ​នឹង​ការ​រចនា​អគារ​ដ៏​ប៉ិនប្រសប់ និង​លម្អ​ដោយ​គំនូរ​នៅ​ក្នុង​អគារ ហើយ​អគារ​នេះ​បាន​សាងសង់​រួច​ជា​ស្ថាពរ​ក្នុង​ឆ្នាំ​ ២០១៤​ កន្លង​មក​។

ជា​ធម្មតា​អគារ Patio បាន​តុបតែង​លម្អ​ដោយ​សួន​ច្បារ​នៅ​ជុំវិញ​សំណង់​អគារ​ដែល​បង្កប់​ដោយ​ទេសភាព​ធម្មជាតិ និង​អាង​ហែល​ទឹក ដ៏​អស្ចារ្យ​នៅ​ជាន់​ដំបូល​ដែល​អាច​មើល​ឃើញ​ទេសភាព​ទីក្រុង​ភ្នំពេញ​។

សណ្ឋាគារ Patio មាន​ទីតាំង​នៅ​លើ​ផ្លូវ​ ៥១ សង្កាត់​បឹង​កេងកង​ ១ ខណ្ឌ​ចំការមន រាជធានី​ភ្នំពេញ​។

អគារ​ខុនដូ Apennines

កញ្ញា សុត សុជាតា បាន​ប្រាប់​ថា អគារ​ខុន​ដូ Apennines មាន​ការ​ឌីហ្សាញ​ពី​ប្រទេស​ម៉ាឡេស៊ី និង​សិង្ហ​បុរី​។ ខុន​ដូ​នេះ​មាន​កម្ពស់​១៧​ជាន់ ដែល​មាន​កន្លែង​ចត​រថយន្ត​៦​ជាន់ កន្លែង​ហាត់​កីឡា ភោជនីយដ្ឋាន និង​អាង​ហែល​ទឹក នៅ​ផ្នែក​ខាង​លើ​នៃ​អគារ​ទាំង​មូល​។

អគារ​ខុន​ដូ​ពណ៌​ស និង​ប្រផេះ ដែល​ចែកជា ៤​ប្រភេទ មាន​៤៣​យូ​នី​ត និង​មាន​ទំហំ​ចាប់​ពី​៦៨​ម៉ែត្រ​ការ៉េ ដល់ ​១៣៣ ​ម៉ែត្រ​ការ៉េ​ក្នុង​មួយ​យូនីត​នេះ នឹង​បញ្ចប់​ការ​សាងសង់​នៅ​ចុង​ឆ្នាំ​ ២០១៧​ នេះ​យ៉ាង​យូរ​បំផុត ហើយ​ម្ចាស់​ផ្ទះ​ដែល​បាន​ទិញ​អាច​ចូលមក​រស់​នៅ​បាន​តាម​ការ​កំណត់​។

កញ្ញា​បន្ត​ថា នេះ​គឺជា​អគារ​ខុនដូ​ទី​១ របស់​ក្រុមហ៊ុន KHSI Investment PTE LTD នៅក្នុង​ប្រទេស​កម្ពុជា ប៉ុន្តែ​អ្នក​ឌីហ្សាញ​ធ្លាប់​មាន​បទពិសោធ​ច្រើន​ក្នុង​ការ​សាងសង់​អគារ​អចលនទ្រព្យ​ដូច​នេះ​នៅ​ក្រៅ​ប្រទេស​។

ឈ្មោះ Apennines បាន​មក​ពី​ភ្នំ​មួយ​ក្នុង​ប្រទេស​អ៊ីតាលី ដែល​បាន​ផ្តល់នូវ​ភាព​ស្រស់​ស្អាត និង​ពណ៌​បៃតង​។ ដូច្នេះ ក្រុមហ៊ុន​មាន​ការ​សហការ​រួម​បញ្ចូល​គ្នា​នៃ​ស្ថាបត្យករ និង​វិស្វករ ដែល​ឈ្នះ​ពាន​រង្វាន់​ពី​ប្រទេស​ម៉ាឡេស៊ី​និង​សិង្ហ​បូរី ដើម្បី​សាង​សង់ផ្ទះ​ដ៏​កក់ក្តៅ​ឆើតឆាយ​បែប​ទំនើប និង​មាន​គុណភាព​។

ក្រុមហ៊ុន KHSI បាន​ប្តេជ្ញា​ថែរក្សា​ខិតខំ​ប្រឹងប្រែង​បង្កើន​ប្រសិទ្ធភាព​តាម​បទដ្ឋាន និង​ការ​អនុវត្ត​ឲ្យ​ល្អ​បំផុត និង​ស្វែងរក​វិធីសាស្ត្រ​ថ្មីៗ ដើម្បី​ផ្តល់​ជូន​នូវផ្ទះ​ដែល​មាន​គុណភាព​សម្រាប់​អតិថិជន​របស់​ខ្លួន​។

បន្ទប់​ខុន​ដូ​ទាំង​៤​ប្រភេទ​នេះ មាន​តម្លៃ​ចាប់​ពី​១៧​ម៉ឺន​ដុល្លារ រហូត​ដល់​៣០​ម៉ឺនដុល្លារ ទៅតាម​ទំហំ​នៃ​បន្ទប់ និង​ជាន់​នីមួយៗ​។ ខុន​ដូ​នេះ​មាន​បំពាក់​ជណ្តើរ​យន្ត​ទំនើប​ដែល​ចំណេញ​ទីធ្លា​អគារ និង​សុវត្ថិ​ភាព​ដល់​អតិថិជន​៕

​ខុន​ដូ Apennines មាន​ទីតាំង​នៅផ្ទះ​លេខ​៤០ ផ្លូវ​៦០៤ សង្កាត់​បឹង​កក់ ខណ្ឌ​ទួលគោក​។ ទំនាក់ទំនង​៖ ០២៣ ៨៩០ ៤៨៩

Source From : Phnom Penh Post  

LATEST EXCLUSIVE LISTING

Land For Sale
Sangkat Pir,Mittakpheap
USD 2,300,000.00
Land For Sale
Preaek Pnov,Ponhea Leu
USD 290.00/SQM
Land For Sale
Krang Thnong,Porsenchey
USD 428,888.00
Land For Sale
Chorm Chao,Porsenchey
USD 128,888.00
Flat House For Sale
Boeng Keng Kang I,Chamkarmon
USD 698,800.00

CVEA MEMBERS