ធនាគារ ADB ផ្តល់​ប្រាក់​កម្ចី​សម្រាប់​សាងសង់​កំពង់ផែ​ទេសចរណ៍​​ នៅ​កំពត

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ទូក​អ្នក​នេសាទ​សមុទ្រ​នៅ​តាម​ភូមិស្ថាន​នា​តំបន់​មាត់​សមុទ្រ​នៅ​ក្បែរ​ក្រុង​កំពត​។ រូបថត មួង រណ្ណឌី

ការ​អភិវឌ្ឍ​កំពង់ផែ​ទេសចរណ៍​នៅ​ខេត្ត​កំពត​នឹង​ក្លាយ​ជា​កាតព្វកិច្ច​មួយ​យ៉ាង​សំខាន់​ក្នុង​ការ​សម្រួល និង​ទាក់ទាញ​ភ្ញៀវទេសចរ​មកពី​កន្លែង​ផ្សេង​គ្នា​ទៅ​កាន់​ទីតាំង​នេះ​ដែល​គម្រោង​អភិវឌ្ឍ​នេះ​គឺ​ស្ថិត​នៅ​ក្រោម​កម្ចី​របស់​គម្រោង​ធនាគារ​អភិវឌ្ឍន៍អាស៊ី (ADB)​។

តាម​គម្រោង​ការ​សាងសង់​កំពង់ផែ​ថ្មី​នេះ​នឹង​ចាប់ផ្តើម​នៅ​ខែ​ធ្នូ ឬ​ដើមឆ្នាំ​ ២០១៨ ​ខាង​មុខ​នេះ​បន្ទាប់ពី​មាន​ការ​អនុម័ត​ពី​ក្រសួង​ទេសចរណ៍ និង​ធនាគារ​អភិវឌ្ឍន៍​អាស៊ី​នេះ​បើ​យោង​តាម​ប្រធាន​មន្ទីរ​ទេសចរណ៍​ខេត្ត​កំពត​។

លោក​ សយ ស៊ីណុល ប្រធាន​មន្ទីរ​ទេសចរណ៍​ខេត្ត​កំពត​ប្រាប់​កាសែត​ភ្នំពេញ​ប៉ុស្តិ៍​ថា​ក្រុម​អ្នក​ជំនាញ​បាន​សិក្សា​ពី​គម្រោង​សាងសង់​កំពង់ផែ​នេះ​មួយ​រយៈពេល ហើយ​គម្រោង​សាងសង់​នឹង​ចាប់ផ្តើម​នៅ​ចុង​ឆ្នាំ​នេះ​។

លោក​ប្រាប់​ថា៖ «​ជាធម្មតា​នៅ​ពេល​ដែល​មាន​កំពង់ផែ​សេដ្ឋកិច្ច​មួយ​កើតឡើង ហេដ្ឋារចនាសម្ព័ន្ធ សំណង់​អចលនទ្រព្យ​ផ្សេងៗ​នឹង​មាន​ការ​កើត​រីក​ដុះដាល​ឡើង​ជា​បន្តបន្ទាប់​»​។

តាមរយៈ​ការ​សិក្សា​របស់​ក្រសួង កំពង់ផែ​នេះ​នឹង​បន្ថែម​ភ្ងៀវ​ទេសចរ​មក​ទស្សនា​ខេត្ត​កំពត​កាន់តែ​ច្រើន ដូច្នេះ​ហេដ្ឋារចនាសម្ព័ន្ធ​ត្រូវ​តែ​មាន​សណ្តាប់ធ្នាប់ និង​រៀបរយ​ជា​មុន​ដូចជា​ផ្លូវថ្នល់ ស្ពាន សេវា​ស្នាក់នៅ និង​តម្លៃ​អចលនទ្រព្យ​ដទៃ​ទៀត​ក៏​នឹង​ត្រូវ​កើនឡើង​នៅ​តំបន់​នេះ​ដែរ​។

លោក​ប្រាប់​ថា៖ «​តាម​ការ​ព្យាករ​របស់​ក្រសួង​ចន្លោះ​ឆ្នាំ​ ២០១៤ ដល់​ឆ្នាំ​ ២០១៨ ខេត្ត​កំពត​មាន​ភ្ញៀវទេសចរ​អន្តរជាតិ​ចំនួន​ ១៦ ​ម៉ឺន​នាក់ ហើយ​យើង​រំពឹង​ថា​ភ្ញៀវ​នឹង​កើនឡើង​ច្រើន​ម៉ឺន​នាក់​ (​ទាំង​ភ្ញៀវ​ជាតិ និង​អន្តរជាតិ​) ​បន្ទាប់ពី​ការ​សាងសង់​កំពង់ផែ​នេះ​ត្រូវ​បាន​បញ្ចប់​»​។

លោក​បាន​ឲ្យ​ដឹង​ថា៖ «​កំពង់ផែ​ថ្មី​ក្នុង​ខេត្ត​កំពត​នេះ​នឹង​សាងសង់​លើ​ដីគោក​ចំនួន​ ៤ ​ហិកតា​ដែល​គ្រោង​នឹង​ចំណាយ​ថវិកា​ប្រមាណ​ជាង​ ១០ ​លាន​ដុល្លារ ក្រោម​កញ្ចប់​ថវិកា​កម្ចី​របស់​ធនាគារ​អភិវឌ្ឍន៍​អាស៊ី​»​។

មុន​នឹង​ធ្វើការ​សិក្សា​ដើម្បី​សាងសង់​គម្រោង​ទី​ ១ ​នេះ​ស្ថាប័ន​ពាក់ព័ន្ធ​បាន​សិក្សា​យ៉ាង​ច្បាស់លាស់​ពី​ផលប្រយោជន៍​ដែល​យើង​អាច​ទទួល​បាន​ពី​នេះ​ជាពិសេស​ផលប្រយោជន៍​សេដ្ឋកិច្ច​។ លោក​បន្ត​ថា៖ «​ខ្ញុំ​គិត​ថា​ការ​វិនិយោគ​នេះ​នឹង​ផ្តល់​ផលប្រយោជន៍​ផ្នែក​សេដ្ឋកិច្ច​ដល់​ប្រជាជន​ក្នុង​ស្រុក​ទៅ​តាម​ចំណេះ និង​ជំនាញ​របស់​ពួកគាត់​»​។

ចរន្ត​ទេសចរណ៍​ពិភពលោក​នាបច្ចុប្បន្ន​នេះ​បាន​ធ្វើ​ដំណើរ​ទៅ​មុខ​យ៉ាង​លឿន ហើយ​ប្រទេស​នីមួយៗ​កំពុង​ខិតខំ​ប្រឹងប្រែង​រៀងៗ​ខ្លួន ដើម្បី​ស្រូប​ទាញ​ប្រយោជន៍​ពី​និន្នាការ​នេះ​ទាំង​ក្នុង និង​ក្រៅ​តំបន់​។ នៅ​ក្នុង​នោះ​រាជរដ្ឋាភិបាល​កម្ពុជា​បាន​កំណត់​យុទ្ធសាស្ត្រ​នេះ​ថា​ជា​ច្រក​សេដ្ឋកិច្ច​អន្តរជាតិ​ដែល​បង្កើន​ការ​ចរាចរ​ផ្នែក​វិស័យ​ទេសចរណ៍​រវាង​ប្រទេស​ជិត​ខាង​ដូចជា​ប្រទេស​ថៃ និង​វៀតណាម​។

លោក​បន្ថែម​ថា៖ «​កំពង់ផែ​ទេសចរណ៍​នេះ​ជា​កំពង់ផែ​ទី​ ១ ដែល​នឹង​កើត​មាន​នៅ​ក្នុង​ទឹកដី​ព្រះរាជាណាចក្រ​កម្ពុជា ហើយ​ជា​កំពង់ផែ​ដែល​តភ្ជាប់​ចរន្ត​សេដ្ឋកិច្ច​ក្នុង​តំបន់​។ កំណើន​នៃ​ភ្ញៀវទេសចរ​អន្តរជាតិ​នឹង​កើនឡើង​ខ្លាំង ដូច្នេះ​យើង​ត្រូវ​តែ​ត្រៀម​ខ្លួន​អភិវឌ្ឍ​នៅ​ក្នុង​តំបន់​»​។

លោក ស៊ីណុល បាន​បន្ត​ថា​៖ «​តាម​ដែល​ខ្ញុំ​ដឹង​ទឹក​នៅ​តំបន់​នោះ​មាន​ជម្រៅ​ ៥ ទៅ​ ៦ ​ម៉ែត្រ​ទូក​ដែល​អាច​ចេញ​ចូល​ដឹក​ភ្ញៀវ​បាន​មិនមែន​ជា​ប្រភេទ​កប៉ាល់​ធំៗ​ទេ​»​។

លោក​ពន្យល់​ថា៖ «​ឥឡូវ​នេះ​យើង​មាន​គម្រោង​វិនិយោគ​ច្រើន​ដូចជា​ប្រព័ន្ធ​ភ្លើង ទឹក ផ្លូវ​វាង​ក្រុង ស្ពាន និង​សំណង់​អគារ​ផ្សេងៗ​។ សព្វ​ថ្ងៃនេះ​យើង​មាន​សេវា​សណ្ឋាគារ ផ្ទះសំណាក់ បាងហ្គាឡូ ប៉ុន្តែ​យើង​មិន​ទាន់​មាន​សណ្ឋាគារ​កម្រិត​ផ្កាយ​ប្រណីត សំណង់​អគារ​ខ្ពស់ៗ​ដែល​ជា​តម្រូវការ​ចាំបាច់​សម្រាប់​ភ្ញៀវទេសចរ​ក្នុង​ពេល​ខាង​មុខ​»​។

តាមរយៈ​មន្រី្ត​នៃ​ធនាគារ​អភិវឌ្ឍន៍​អាស៊ី​ដែល​បាន​ឆ្លើយតប​តាម​ប្រព័ន្ធ​អ៊ីម៉ែល​បាន​ឲ្យ​ដឹង​​ថា​គម្រោង​នេះ​ស្ថិត​នៅ​ក្រោម​គម្រោង​អភិវឌ្ឍន៍​ហេដ្ឋារចនាសម្ព័ន្ធ​ទេសចរណ៍​នៃ​បណ្តា​ប្រទេស​ក្នុង​អនុតំបន់​ទន្លេមេគង្គ (Greater Mekong Subregion Tourism Infrastructure for Inclusive Growth Project) នឹង​ផ្តល់​ហិរញ្ញវត្ថុ​ដល់​ក្រសួង​ទេសចរណ៍​ដើម្បី​សាងសង់​កំពង់ផែ​ទេសចរណ៍​មួយ​នៅ​ខេត្ត​កំពត​។

មន្រី្ត ADB បាន​ឲ្យ​ដឹង​ថា​ការ​រចនា​ប្លង់​មេ​នៃ​គម្រោង​នេះ​ត្រូវ​បាន​រៀបចំ​ឡើង​ដោយ​ក្រសួង ទេសចរណ៍ និង​ជំនួយការ​បច្ចេកទេស​ពី ADB​។ គម្រោង​នេះ​គ្រោង​នឹង​បើក​ការដ្ឋាន​សាងសង់​ដើម​ឆ្នាំ​ ២០១៨ ដែល​នឹង​ត្រូវ​ចំណាយ​ពេល​ ២ ​ឆ្នាំ​កន្លះ​ស្ថិត​ក្នុង​កម្ចី​ថវិកា​ប្រមាណ​ ៩ ​លាន​ដុល្លារ​។

លោក ហូ វណ្ឌី ប្រធាន​ក្រុមហ៊ុន​ទីភ្នាក់ងារ​ទេសចរណ៍ World Express Tour បាន​សាទរ​ចំពោះ​គម្រោង​កំពង់ផែ​ទេសចរណ៍​ជា​ទី​ ១ ​របស់​ប្រទេស​កម្ពុជា​នេះ​។ លោក​ថ្លែង​ថា៖ «​នេះ​ជា​កំពង់ផែ​លើក​ទី​ ១ ដែល​ស្អាត​ធានា​សុវត្ថិភាព សន្តិសុខ​ដល់​ភ្ញៀវទេសចរ​ និង​អ្នក​ដំណើរ​ខាង​ផ្នែក​ជើង​ទឹក​នៅ​តំបន់​ឆ្នេរ និង​ជា​ការ​តភ្ជាប់​ទំនាក់ទំនង​ទៅ​ប្រទេស​ជិត​ខាង​»​។

លោក​បន្ត​ថា​ការ​សាងសង់​កំពង់ផែ​នេះ​នឹង​ជំរុញ​ឲ្យ​មាន​ការ​ថែរក្សា​តម្លៃ​តំបន់​ទេសចរណ៍​រួម​ទាំង​សម្បត្តិ​ធម្មជាតិ​។ តាម​ការ​គ្រោង​ទុក​នៅ​ពេល​ដែល​ការ​សាងសង់​បញ្ចប់​ផ្សារ និង​តំបន់​មួយ​ចំនួន​ក៏​ត្រូវ​បាន​រៀបចំ​ឲ្យ​មាន​របៀប​រៀបរយ​ផង​ដែរ​។

លោក វណ្ឌី បាន​បន្ត​ថា៖ «​គម្រោង​នេះ​វា​អាច​ជួយ​ជំរុញ​ច្រើន​ដល់​ការ​ធ្វើ​ដំណើរ​តាម​ផ្លូវ​ទឹក​។ ទោះបី​ជា​យើង​ជំរុញ​ការ​អភិវឌ្ឍ យើង​ក៏​មិន​លើក​ទឹក​ចិត្ត​ឲ្យ​សាងសង់​សំណង់​ពាសវាល​ពាសកាល​ដែរ​ពីព្រោះ​ក្រុង​កំពត និង​ក្រុងកែប ជា​តំបន់​មួយ​ដែល​ស្ងប់ស្ងាត់​»​។

គួរ​បញ្ជាក់​ដែរ​ថា​គម្រោង​សាងសង់​កំពង់ផែ​ទេសចរណ៍​នេះ​ស្ថិត​នៅ​លើ​ទីតាំង​ភូមិសាស្ត្រ​ឃុំ​ជំក្រៀល ស្រុក​ទឹកឈូ ខេត្ត​កំពត ដែល​មាន​ចម្ងាយ​ ៦ ​គីឡូម៉ែត្រ ពី​ទីក្រុង​កំពត​៕

Source From : Phnom Penh Post 

Latest News

តបតាមការអញ្ជើញរបស់សមាគមភ្នាក់ងារអចលនវត្ថុប្រទេសហ្វីលីពីន កាលពីថ្ងៃទី ៤-៦...

LATEST EXCLUSIVE LISTING

Land For Sale
Trapang Krasang,Porsenchey
USD 420.00/SQM
Land For Sale
Phnom Penh Thmei,Sen Sok
USD 285.00/SQM
Land For Sale
Chorm Chao,Porsenchey
USD 150,000.00
Flat House For Sale
Boeng Salang,Tuol Kork
USD 398,000.00
Land For Sale
Phnom Penh Thmei,Sen Sok
USD 155,000.00

CVEA MEMBERS