គម្រោង​សាងសង់​ព្រលាន​យន្តហោះ​ខេត្ត​ សៀមរាប ​មិន​ទាន់​កំណត់​ពេល​ច្បាស់លាស់

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ព្រលាន​យន្តហោះ​ជាតិ និង​អន្តរជាតិ​សៀមរាប​នៅ​ពេល​បច្ចុប្បន្ន​នេះ។ រូបថត សហការី

គម្រោង​សាងសង់​ព្រលាន​យន្តហោះ​ថ្មី ដែល​គ្រោង​នឹង​បោះទុន​វិនិយោគ​ទឹកប្រាក់ ៩០០ ​លាន​ដុល្លារ និង​មាន​ទីតាំង​ក្នុង​ខេត្ត​សៀមរាប​នោះ គឺ​មិន​ទាន់​មាន​ការ​កំណត់​កាល​បរិច្ឆេទ​នៃ​ការ​ចាប់​ផ្តើម​ដំណើរ​ការ​សាងសង់​ច្បាស់​លាស់​នៅ​ឡើយ​ទេ​។​

​អ្នក​នាំពាក្យ​រដ្ឋលេខាធិការដ្ឋាន​អាកាសចរ​ស៊ីវិល​លោក ស៊ិន ចាន់​សិរី​វុត្ថា បាន​ថ្លែង​ឲ្យ​ដឹង​តាម​ទូរស័ព្ទ​កាលពី​ថ្ងៃ​អង្គា​រថា រហូត​មក​ទល់​ពេល​នេះ​មិន​ទាន់​មាន​ការ​កំណត់​ពេលវេលា​ច្បាស់លាស់​ថា ការ​សាងសង់​នឹង​ចាប់​ផ្តើម​នៅ​ពេល​ណា​ទេ ហើយ​យើង​ក៏​មិនអាច​និយាយ​អ្វី​បាន​ច្រើន​លើស​ពី​ក្របខ័ណ្ឌ​ជាក់​ស្តែង​នោះ​ដែរ ព្រោះ​ការ​ចរចារ​វាង​រដ្ឋាភិបាល និង​អ្នក​វិនិយោគ​បារាំង ដែល​បាន​វិនិយោគ​លើ​ព្រលានយន្តហោះ​កម្ពុជា​ (SCA) មិន​ទាន់​មាន​លទ្ឋផល​បែប​ណា​នៅ​ឡើយ​ទេ​។​

លោក​បន្តថា​ ៖ «​ប្រសិន​ជា​លទ្ឋផល​ចរចា​ដំណើរការ​ល្អប្រសើរ ការ​សាងសង់​ព្រលាន​យន្តហោះ​នេះ​អាច​ចាប់ផ្តើម​នៅ​ដើមឆ្នាំ​ក្រោយ​នេះ ព្រោះ​រហូត​មកទល់​ពេលនេះ​កិច្ច​ព្រមព្រៀង​រវាង​រដ្ឋាភិបាល និង​ក្រុមហ៊ុន​ចិន​ដែល​វិនិយោគ​ព្រលាន​យន្តហោះ​នេះ​បាន​បញ្ចប់​ហើយ​»​។

លោក​បន្តថា​ ៖ «​នា​ពេល​នេះ​ក្រុមហ៊ុន​ដែលបាន​ទទួល​សិទ្ធិ​ពី​រដ្ឋាភិបាល ដើម្បី​វិនិយោគ​លើ​ព្រលាន​យន្តហោះ​នេះ​បាន​ចាប់​ផ្តើម​ឈូស​ឆាយ​ដី ពង្រាប និង​ដោះមីន​នៅ​លើ​ទីតាំង​ត្រូវ​សាងសង់​នោះ​ហើយ​»​។​

ព្រលាន​យន្តហោះ​នេះ មាន​ទីតាំង​ស្ថិត​ក្នុង​ស្រុក​សូទ្រនិគម ខេត្ត​សៀមរាប ស្ថិត​នៅលើ​ផ្ទៃដី​ប្រមាណ ៧៥០​ ហិកតា។ ក្រុមហ៊ុន YUNAN Development Group ជា​អ្នក​ទទួល​បាន​សិទ្ឋិវិនិយោគ​លើ​ព្រលាន​លំដាប់​អន្តរជាតិ​នេះ​។​

លោក ស៊ិន ចាន់​សិរី​វុត្ថា បាន​បន្តថា តាម​ផែនការ​ព្រលាន​យន្តហោះ​នេះ នឹង​សាងសង់​ជា​ពីរ​ដំណាក់​កាល​ដោយ​ដំណាក់​កាល​ទី​១ គ្រោង​ចំណាយ​ថវិកា ៥០០​ លាន​ដុល្លារ ដែល​អាច​ចុះចត​យន្តហោះ​ខ្នាត​មធ្យម​ នឹង​សម្រាប់​ការ​យន្តហោះ​ខ្នាត 4E និង​ដំណាក់​កាល​ទី​ ២ ទើប​អាច​ចុះចត​យន្តហោះ​ខ្នាត​យក្ស​បាន ដំណាក់​កាល​ចុង​ក្រោយ​នេះ គ្រោង​ចំណាយ​ថវិកា​ជាង ​៣០០ ​លាន​ដុល្លារ​បន្ថែមទៀត​។​

ការសាងសង់​ព្រលាន​យន្តហោះ​នេះ​អាច​ចំណាយ​ពេល​ពី៣ ​ទៅ​៥​ឆ្នាំ ដើម្បី​បញ្ចប់​ទាំង​ដំណាក់​កាល​ទី​ ១ និង​ដំណាក់​កាល​ទី​២​។​

លោក ខែ​ក នរិន្ទ​ដា អ្នក​នាំពាក្យ​ក្រុមហ៊ុន​វិនិយោគ​ព្រលាន​យន្តហោះ​កម្ពុជា ហៅ​កាត់ SCA បាន​បដិសេធ​មិន​ធ្វើ​អត្ថាធិប្បាយ​។​

ប្រធាន​សមាគម​ទីភ្នាក់ងារ​ទេសចរណ៍​កម្ពុជា លោកស្រី ឆាយ ស៊ីវ​លីន បាន​ថ្លែងថា វិស័យ​ឯកជន​ស្វាគមន៍​ចំពោះ​ការវិនិយោគ​ព្រលាន​យន្តហោះ​ថ្មី​នេះ​ដែល​ជា​ព្រលាន​ថ្មី មាន​សមត្ថភាព​អាច​ចុះចត​យន្តហោះ​បាន​ច្រើន​ជាង​មុន និង​អាច​ចុះ​យន្តហោះ​ខ្នាត​ធំ​ជាង​មុន ដែល​ជា​ការ​ទាក់ទាញ​ភ្ញៀវ​ទេសចរ និង​ពាណិជ្ជកម្ម​មក​កម្ពុជា​បាន​ច្រើន​ជាង​មុន។​

លោក ស៊ិន ចាន់​សិរី​វុត្ថា បន្តថា​ ៖ «ព្រលាន​យន្តហោះ​នេះ ប្រាកដ​ជា​ទាក់ទាញ​អ្នក​ទេសចរ​បាន​ច្រើន​ជាង​មុន និង​អាច​ចុះចត​យន្ត​ហោះ​ខ្នាត​យក្ស ហើយ​ព្រលាន​យន្ត​ហោះ​នេះ​ក៏​មិន​ធ្វើ​ឲ្យ​ប៉ះ​ពាល់​ដល់​ផ្នែក​ផ្សេង​ទៀត​នៃ​បណ្តា​សំណង់​បេតិកភណ្ឌ​បុរាណ​ដែរ​»​។

លោក​បន្តថា​ ៖ «​ក្រៅ​ពី​នេះ ខ្ញុំ​គិត​ថា ព្រលាន​យន្តហោះ​នេះ ក៏​នឹង​បង្កើត​ការងារ​ដល់​អ្នកផ្តល់​សេវាកម្ម ដឹកជញ្ជូន​បាន​កាន់​តែ​ច្រើន​ផង​ដែរ ព្រោះ​ព្រលាន​យន្តហោះ​នេះ​ស្ថិតនៅ​ឆ្ងាយ​ពី​ក្រុង​សៀមរាប​»៕

ce From : Phnom Penh Post  

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Chroy Changva,Russey Keo
USD 1,090,000.00
Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month
Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00

CVEA MEMBERS