Kingsland និង Shukaku ចុះ​កិច្ច​ព្រ​មព្រៀង​សហការ​ជាមួយ​គ្នា​នៅ​តំបន់ PPCC

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
គំរូ​តំណាង​របស់​គម្រោង Kingsland នៅ​មជ្ឈ​មណ្ឌល PPCC។ រូបថត សហការី

Kingsland Ventures ដែល​ជា​ក្រុមហ៊ុន​អចលនទ្រព្យ​បុត្រ​សម្ព័ន្ធ​មួយ​របស់​ក្រុមហ៊ុន​ធំ Kingsland Global បាន​ចុះ​កុងត្រា​កិច្ច​ព្រម​ព្រៀង​មួយ​ ​ដើម្បី​ពង្រីក​សាខា​របស់​ខ្លួន​នៅ​តំបន់ Phnom Penh City Centre របស់​ក្រុមហ៊ុន Shukaku តាម​រយៈ​គម្រោង​អភិវឌ្ឍន៍​មជ្ឈមណ្ឌល​ជំនួញ​ដែល​មាន​តម្លៃ​ ៧១​​ លាន​ដុល្លារ ដោយ​នឹង​គ្រោង​ធ្វើ​ការ​អភិវឌ្ឍ​បញ្ចប់​ក្នុង​រយៈពេល​ពី ៣-៤​ ឆ្នាំ​ខាង​មុខ​នេះ​។

កាលពី​ដើម​សប្តាហ៍​នេះ Kingsland បាន​ថ្លែង​ប្រាប់​ម្ចាស់​ភាគហ៊ុន​ដទៃ​ទៀត​ថា ខ្លួន​បាន​ចុះ​កុងត្រា​ចាប់​ដៃគូ​ជាមួយ​ក្រុមហ៊ុន Shukaku ដែលជា​ក្រុមហ៊ុន​បុត្រ​សម្ព័ន្ធ​របស់ Urban Global ដែល​នឹង​បោះទុន​អភិវឌ្ឍន៍​គម្រោង​អចលនទ្រព្យ​មួយ​នៅ​លើ​ផ្ទៃដី​ប្រមាណ​១០០០០​ម៉ែត្រ​ការ៉េ ដែល​ពួក​គេ​ចាត់​ទុក​ថា ជា​មជ្ឈមណ្ឌល​ជំនួញ​កណ្តាល នៃ​ទីក្រុង​ថ្មី​មួយ​នៅ​រាជធានី​ភ្នំពេញ​ផង​ដែរ។

​កិច្ច​ព្រម​ព្រៀង​នេះ នឹង​បើក​ផ្លូវ​ឲ្យ​ក្រុមហ៊ុន Kingsland ចាប់​ផ្តើម​នូវ​គម្រោង​មួយ​ដែល​រួម​មាន «​អគារ​ការិយាល័យ​សម្រាប់​ជួល ភោជនីយដ្ឋាន សេវា​ធនាគារ មណ្ឌល​ថ្នាំ​ពេទ្យ សណ្ឋាគារ សាល​ប្រជុំ ហើយ​ក៏​ជា​មជ្ឈមណ្ឌល​បណ្តុំ​បច្ចេកវិទ្យា និង​ស្ថាប័ន​ផ្សព្វផ្សាយ​ពាណិជ្ជកម្ម ហើយ​នឹង​ក្លាយ​ជា​តំបន់​មួយ​ត​ភ្ជាប់​រវាង​ក្រុមហ៊ុន​នីមួយៗ​ ដែល​នឹង​ងាយ​ស្រួល​ក្នុងការ​ទំនាក់​ទំនង​គ្នា​ខណៈ​ពេល​ដែល​ពួក​គេ​ទទួល​បាន​ឱកាស និង​ផលិតភាព​កាន់​តែ​ច្រើន​ផង​ដែរ​។

«​ក្រុមហ៊ុន Kingsland Global ជឿ​ជាក់​ថា គម្រោង​នេះ​នឹង​តំណាង​ឲ្យ​ជំហាន​មួយ​ទៀត​នៃ​​ដំណើរ​ឆ្ពោះ​ទៅ​មុខ​របស់​Kingsland Global ដែលជា​ក្រុមហ៊ុន​ប្រកប​ដោយ​គុណភាព និង​ការ​អភិវឌ្ឍ​គម្រោង​ដែល​មាន​តម្លៃ​បន្ថែម ព្រម​ទាំង​បន្ត​ពង្រឹង​វិស័យ​ជំនួញ​នៅ​កម្ពុជា ដោយ​ជួយ​បង្កើន​ឲ្យ​ធនធាន​មនុស្ស​ដែល​មាន​ទេពកោសល្យ​កើន​ឡើង​កាន់​តែ​ច្រើន​ផង​ដែរ​»​។ នេះ​បើ​យោង​តាម​ក្រុមហ៊ុន​មូលបត្រ​អូស្ត្រាលី Australian Securities Exchange​។

ក្រោម​កិច្ច​ព្រម​ព្រៀង​នេះ​ក្រុមហ៊ុន Urban Global នឹង​ទទួល​បាន​ប្លង់ដី​សម្រាប់​គម្រោង​ព្រម​ទាំង​​សិទ្ធិ​អនុញ្ញាត​ទាំង​អស់​ខណៈ Kingsland Ventures នឹង​ទទួល​បន្ទុក​សម្រាប់​ការ​គ្រប់គ្រង​គម្រោង​នេះ​។ Urban Global នឹង​កាន់​ភាគហ៊ុន​មួយ​ភាគ​ធំ​នៃ​គម្រោង​នេះ​ដែល​មាន​ចំនួន ៥១​ភាគរយ​។

ក្រុមហ៊ុន Kingsland Ventures នឹង​បែងចែក​ទឹក​ប្រាក់​វិនិយោគ​ជា​កញ្ចប់ៗ​សម្រាប់​ប្រើ​ប្រាស់​អភិវឌ្ឍ​រយៈពេល​៦​ឆ្នាំ​ទៅ​តាម​ផ្នែក​នីមួយៗ​នៃ​តម្រូវ​ការ​របស់ Kingsland និង​បន្ទាប់​មក​ទៀត​តាម​រយៈ​ការ​លក់​គម្រោង​មុន​ការ​សាងសង់​ត្រូវ​បាន​បញ្ចប់​។

ក្រុមហ៊ុន Kingsland មិន​បាន​បញ្ជាក់​ថា គម្រោង​នេះ​នឹង​ចាប់​ផ្តើម​សាងសង់​នៅ​ពេល​ណា​នោះ​ទេ ហើយ​ពុំ​ទាន់​ឆ្លើយតប​ទៅ​នឹង​សំណើ​មុន​ថ្ងៃ​កំណត់​នោះទេ​។

Kingsland Global ដែល​មាន​ជំនាញ​ខាង​ផ្នែក​អភិវឌ្ឍន៍​គម្រោង​ពាណិជ្ជកម្ម និង​បដិ​សណ្ឋារកិច្ច​នៅ​អាស៊ី បាន​និង​កំពុង​តែ​សកម្ម​ខ្លាំង​ឡើង​នៅ​ទីផ្សារ​ក្រុង​ភ្នំពេញ ដោយ​ទើបតែ​បាន​ចុះ​កុងត្រា​ទិញ​ភាគហ៊ុន​តម្លៃ​ ៣,៦០​ លាន​ដុល្លារ​សម្រាប់​ភាគ​ហ៊ុន​ ២៥​ ភាគរយ នៅ​សណ្ឋាគារ Lumiere នៅ​ទីក្រុង​ភ្នំពេញ​ពី​ក្រុមហ៊ុន​សិង្ហបុរី Vivaz Group Holdings Pte., Ltd.​។

គម្រោង​ផ្សេងៗ​ទៀត​របស់​ក្រុមហ៊ុន​នេះ​ក៏​រួមមាន​អគារ One18 Residences ដែល​ជា​អាផាត​មិន​កម្ពស់​២៤​ជាន់​ដ៏​ទំនើប​នៅ​ចំ​កណ្តាល​រាជធានី​ភ្នំពេញ​ផង​ដែរ​។

គម្រោង​ទីក្រុង Phnom Penh City Center ដ៏​ធំ​ដែល​ជា​គម្រោង​ចម្រុះ​មួយ​ផុស​ឡើង​នៅ​អតីត​តំបន់​បឹងកក់ នឹង​រួម​មាន​បន្ទប់​ដល់​ទៅ​៥៦០០០​យូនីត នឹង​​គ្រោង​នឹង​បញ្ចប់​នៅត្រឹម​ឆ្នាំ​២០៣៥​ខាង​មុខ​នេះ​៕

Source From : Phnom Penh Post

 

 

LATEST EXCLUSIVE LISTING

Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00
Villa For Sale
Chroy Changva,Russey Keo
USD 355,000.00
Land For Rent
Preaek Aeng,Kean Svay
USD 1,200.00
Land For Sale
Niroth,Meanchey
USD 350,000.00

CVEA MEMBERS