សំណង់​ទីផ្សារ​កុងតឺន័រ កំពុង​ពេញ​និយម​សម្រាប់​កម្ពុជា

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ទិដ្ឋភាព​មើល​ពី​ក្រៅ​នៃ​ហាង​ភោជនាហារ និង​ភេសជ្ជៈ​នៅ​ក្នុង​ផ្សារ​កុងតឺន័រ​ថ្មី​នៅ​ទួល​គោក។ រូបថត SUPPLIED

នៅ​ពេល​បច្ចុប្បន្ន ប្រភេទ​ផ្សារ​ដែល​សាងសង់ និង​ឌីហ្សាញ​ពី​កុងតឺន័រ ជា​ប្រភេទ​ផ្សារ​ដែល​ពេញ​និយម និង​មាន​ស្តង់ដារ​បច្ចេកវិទ្យា​ខ្ពស់​សម្រាប់​តម្រូវ​ការ​របស់​អតិថិជន​។

សំណង់​ផ្សារ​កុងតឺន័រ​ជាច្រើន​បាន​លេច​រូបរាង​ក្នុង​ប្រទេស​កម្ពុជា ដែល​ការ​តុបតែង​របស់​ហាង​កុងតឺន័រ​នីមួយៗ​មាន​រូបសណ្ឋាន និង​រចនាបទ​កែច្នៃ​ផ្សេងៗ​គ្នា​។ នៅ​ភ្នំពេញ នឹង​មាន​ផ្សារ​កុងតឺន័រ​មួយ​ថ្មី​ទៀត ឈ្មោះ Art’s Container Market ដែល​សាងសង់​លើដី​តំបន់​បឹងកក់​។

យោង​តាម​ម្ចាស់​អាជីវកម្ម​វ័យ ២៧​ឆ្នាំ លោក ប៊ុន សេង បាន​ប្រាប់​កាសែត​ភ្នំពេញ​ប៉ុស្តិ៍​ថា គំនិត​នៃ​ការ​បង្កើត​អាជីវ​កម្ម​នេះ (Art’s Container Market) គឺ​ដើម្បី​គាំទ្រ​ទាំង​អាជីវកម្ម​ដែល​បង្កើត​ថ្មី​ក្នុង​ស្រុក និង​ក្រៅ​ស្រុក​ក្នុង​ការ​បំពេញ​តម្រូវ​ការ​ដល់​អតិថិជន​។

លោក​បាន​ឲ្យ​ដឹង​ថា Art’s Container Market គឺជា​អាជីវកម្ម​ទី​១ របស់​លោក​បន្ទាប់​ពី​ការ​បើក​ភោជនីយដ្ឋាន​រួច​មក ផ្សារ​នេះ​នឹង​មាន​ការ​ផ្គត់​ផ្គង់​តែ​សេវាកម្ម​ភោជនាហារ និង​ភេសជ្ជៈ ដោយ​មិន​មាន​ការ​លក់​សម្លៀក បំពាក់ ឬ​សម្ភារ​ប្រើ​ប្រាស់​ដូច​ផ្សារ​រាត្រី​ដទៃ​ឡើយ​។

ដោយ​ការ​បង្កើត​កន្លែង​អាជីវកម្ម​នេះ​មិន​មែន​ជា​លើក​ដំបូង សំណង់​ផ្សារ​កុងតឺន័រ​ជិត​ ៨០ ​តូប ដែល​ស្ថិត​ក្នុង​ផ្ទៃដី​ជិត​៣​ពាន់​ម៉ែត្រ​ការ៉េ បាន​ខិតខំ​ធ្វើ​ការ​ឌីហ្សាញ​ជា​លក្ខណៈ​ស្តង់ដារ​ថ្មី ដោយ​ ផ្តោត​សំខាន់​ទៅ​លើ​ទម្រង់​សិល្បៈ ដែល​កំពុង​ពេញ​និយម​សម្រាប់​ប្រជាជន​កម្ពុជា​។

ជាមួយ​នឹង​ហាង​ដែល​ឌីហ្សាញ​ជា​លក្ខណៈ​សិល្បៈ និង​ការ​ទស្សនា​តន្ត្រី​ពី​ក្រុម​អ្នក​ចម្រៀង​និពន្ធ​ដោយ​ខ្លួន​ឯង លោក សេង បន្ត​ថា​ ៖ «​អតិថិជន នឹង​មាន​ការ​ចាប់​អាម្មរណ៍​ខ្លាំង​លើ​ការ​តុប​តែង​រចនា​ផ្នែក​ខាង​ក្នុង​របស់​ហាង​នីមួយៗ​នៅ​ក្នុង​ផ្សារ​របស់​យើង​»​។

លោក​បាន​ពន្យល់​ពី​ការ​បើក​អាជីវកម្ម​នៅ​ទីតាំង​បឹងកក់​ថា​ ៖ «ខ្ញុំ​នឹង​កំណត់​តម្លៃ​មួយ​សមរម្យ​សម្រាប់​ប្រជាជន​គ្រប់​ថ្នាក់ ហើយ​ខ្ញុំ​ជឿថា ទីតាំង​នេះ​ជា​ទីតាំង​គោល​ដែល​ជា​ទីក្រុង​គជ់​ដូច​តំបន់​កោះ​ពេជ្រ ហើយ​ភ្ញៀវ​នៅ​ក្បែរ​ទីតាំង​នេះ​រស់នៅ​តំបន់​ទួលគោក​ជាដើម​»​។

លោក ប៉ែន វឌ្ឍនៈ​យុត្តិ វ័យ ២៣​ឆ្នាំ មាន​បើក​អាជីវកម្ម​មួយ​នៅ​ក្នុង Art’s Container Market បាន​ប្រាប់ថា​៖ «​យើង​បាន​នាំ​យក​ហាង​មកពី​ស្រុក​ក្រៅ​ដែល មាន​លក់​ប្រភេទ​ជា Burger ដែល មាន​រូប​ស្អាត​។ អ្វីដែល​សំខាន់ គឺជា​ប្រភេទ​ម្ហូប​មក​ពី​ប្រទេស​ហុងកុង ដែល​មាន​ឈ្មោះ​ថា «Bear Bread»​។

លោក​បាន​ឲ្យ​ដឹង​ថា ទីតាំង​ហាង​ក្នុង​តំបន់​នេះ​ជា​តំបន់​ទីប្រជុំជន នៅ​ចំ​កណ្តាល​រាជធានី​ភ្នំពេញ ហើយ​ផ្សារ​កុងតឺន័រ​នេះ​មាន​លក្ខណៈ​ខុសពី​ផ្សារ​រាត្រី​ផ្សេងៗ ដែល​មាន​លក់​ចម្រុះ​ច្រើន​មុខ​។

លោក​បន្ត​ថា​ ៖ «​ម្ហូប​ដែល​យើង​បាន​នាំចូល​មក​ជា​ប្រភេទ​មុខ​ម្ហូប​ថ្មី សង្ឃឹម​ថា​ប្រជាជន​ទូទៅ ជា​ពិសេស​យុវវ័យ នឹង​ពេញចិត្ត​ជាមួយ​នឹង​រសជាតិ និង​រូបរាង​ស្រស់​ស្អាត​ខុសពី Burger ដែល​មាន​លក់​នៅក្នុង​ប្រទេស​នេះ​ពីព្រោះ​គ្រឿង​ផ្សំ​បាន​នាំ​យក​មក​ពី​ខាង​ក្រៅ​ទាំង​អស់​»​។

ផ្សារ Art’s Container Market ដែល​មាន​ទីតាំង​នៅ​សង្កាត់​បឹងកក់ នឹង​ចាប់​ផ្តើម​បើក​លក់​នៅ​ថ្ងៃទី​៥ ខែសីហា ខាង​មុខ នេះ គឺ​ចាប់ពី​ម៉ោង ៤​ល្ងាច​រហូត ទល់​ភ្លឺ​៕

Source From : Phnom Penh Post

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Chroy Changva,Russey Keo
USD 1,090,000.00
Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month
Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00

CVEA MEMBERS