ការ​ផ្តល់​ឥណទាន​លំនៅឋាន​របស់ ​អេស៊ីលីដា ស្ថិត​ក្នុង​សភាព​ទ្រឹង

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ការដ្ឋាន​សាងសង់​លំនៅឋាន​មួយ​កន្លែង​ក្នុង​ចំនួន​ច្រើន​ស្ថិត​នៅ​ជាយក្រុង​ភ្នំពេញ​។ មឿន ញាណ

ការ​ផ្តល់​ឥណទាន​ក្នុង​វិស័យ​លំនៅឋាន​បាន​ស្ថិត​ក្នុង​សភាព​ទ្រឹង​ក្នុង​រយៈពេល​ ៦ ​ខែ​ដើម​ឆ្នាំ​ ២០១៧ ​នេះ​បើ​ប្រៀបធៀប​រយៈពេល​ដូច​គ្នា​កាលពី​ឆ្នាំ​មុន ប៉ុន្តែ​អ្នក​ជំនាញ​ក្នុង​វិស័យ​នេះ​បាន​បង្ហាញ​ការ​យល់​ឃើញ​ផ្ទុយ​ពី​នេះ​។

ប្រធាន​នាយក​ប្រតិបត្តិ​ធនាគារ​ អេស៊ីលីដា ភីអឹលស៊ី លោក អ៊ិន ចាន់នី បាន​ថ្លែង​ឲ្យ​ដឹង​តាម​ទូរស័ព្ទ​នា​ព្រឹក​ថ្ងៃ​អង្គារ​កន្លង​មក​ថា​ក្នុង​រយៈពេល​ ៦ ​ខែ​ដើម​ឆ្នាំ​នេះ​ធនាគារ​ អេស៊ីលីដា ​បាន​ផ្តល់​ឥណទាន​ទំហំ​ទឹកប្រាក់​ ១៧៧ ​លាន​ដុល្លារ ខណៈ​ដំណាច់​ឆ្នាំ​មុន​មាន​ទំហំ​ទឹកប្រាក់ ១៨៨ ​លាន​ដុល្លារ ប៉ុន្តែ​ប្រសិន​ជា​យើង​គិត​រហូត​ដល់​ដំណាច់ឆ្នាំ​ទំហំ​ឥណទាន​ឆ្នាំ​នេះ​អាច​មាន​ទំហំ​ប្រហាក់​ប្រហែល​នឹង​ឆ្នាំ​មុន​។

លោក​បន្ត​ថា​ ការ​ផ្តល់​ឥណទាន និង​លក្ខខណ្ឌ​នៃ​ការ​ទទួល​បាន​ឥណទាន​របស់​ អេស៊ីលីដា ​មិន​មាន​ការ​ប្រែប្រួល​នោះ​ទេ​។

លោក​បន្ត​ថា៖ «​ប្រសិន​ជា​ប្រជាពលរដ្ឋ​រកស៊ី​មិន​បាន​ពួកគេ​មិន​អាច​ទិញ​ផ្ទះ​នោះ​ទេ នេះ​ជា​ហេតុផល​នៃ​ការ​ផ្តល់​ឥណទាន​ស្ថិត​ក្នុង​ស្ថានភាព​បែប​នេះ​»​។

លោក​បន្ត​ថា៖ «​យើង​មិន​មាន​ការ​រឹតបន្តឹង​ក្នុង​ការ​ផ្តល់​ឥណទាន​ទេ ប៉ុន្តែ​ការ​ផ្តល់​ឥណទាន​លើ​លំនៅឋាន​មិនមែន​ជា​អ្វី​ដែល​ធនាគារ​ផ្តោត​ជា​សំខាន់​នោះ​ទេ​»​។

អេស៊ីលីដា ​ផ្តល់​ឥណទាន​ដល់​អតិថិជន​រយៈពេល​ ១០ ​ឆ្នាំ​ក្នុង​ទំហំ​អត្រា​ការប្រាក់ ១២ ​ភាគរយ​ក្នុង​មួយ​ឆ្នាំ និង​ផ្តល់​ឥណទាន​រហូត​ដល់​ ៧០ ​ភាគរយ​នៃ​តម្លៃ​លំនៅឋាន​ដែល​អតិថិជន​របស់​ខ្លួន​បាន​ខ្ចី​។

លោក​ឧកញ៉ា ហួត អៀងតុង អគ្គនាយក​គ្រឹះស្ថាន​មីក្រូហិរញ្ញវត្ថុ​ហត្ថា​កសិករ​បាន​ថ្លែង​ថា​ការ​ផ្តល់​ឥណទាន​លំនៅឋាន​នៅ​ឆ្នាំ​នេះ​មាន​កំណើន​ល្អ​ប្រសើរ​ដោយ​សម្រេច​បាន​អត្រា​កំណើន​ប្រមាណ​ ១០ ​ភាគរយ​ធៀប​រយៈពេល​ដូច​គ្នា​កាលពី​ឆ្នាំ​មុន​។

លោក​បន្ត​ថា​ការ​ផ្តល់​ឥណទាន​របស់​ហត្ថា​កសិករ មាន​រយៈពេល​ពី​ ៥ ទៅ​ ៧ ​ឆ្នាំ និង​មាន​ទំហំ​ទឹកប្រាក់​ធំ​បំផុត​ ៥ ​ម៉ឺន​ដុល្លារ និង​មាន​អត្រា​ការប្រាក់​ពី​ ១ ទៅ​ ១,៥ ​ភាគរយ​ក្នុង​មួយ​ខែ​គឺ​អាស្រ័យ​លើ​លក្ខខណ្ឌ និង​ទំហំ​ប្រាក់​កម្ចី​របស់​អតិថិជន​។

ទោះ​ជា​យ៉ាង​ណា​លោក​មិន​ផ្តល់​ព័ត៌មាន​ពី​ទំហំ​ទឹកប្រាក់​ផ្តល់​កម្ចី​ជាក់លាក់​នោះ​ទេ​។

ប្រធាន​សមាគម​អ្នក​វាយតម្លៃ និង​ភ្នាក់ងារ​អចលនវត្ថុ​កម្ពុជា​លោក គីម ហ៊ាង បាន​ថ្លែង​ថា​ធនាគារ​ពិតជា​បាន​ដើរ​តួនាទី​យ៉ាង​សំខាន់​ក្នុង​ការ​ជួយ​អភិវឌ្ឍ​វិស័យ​សំណង់ និង​អចលនទ្រព្យ​នៅ​កម្ពុជា​ព្រោះ​អ្នក​ទិញ​លំនៅឋាន​ភាគច្រើន​ប្រើប្រាស់​ឥណទាន​ពី​ធនាគារ ពួកគេ​មិន​យក​លុយ​សុទ្ឋ​ទៅ​ទិញ​ទេ ព្រោះ​ពួកគេ​ទុក​លុយ​ប្រើប្រាស់​លើ​ផ្នែក​ផ្សេង​ទៀត​។

លោក​បន្ត​ថា៖ «​ឥណទាន​ធនាគារ​អេស៊ីលីដា​មិន​កើន​ដោយសារ​ធនាគារ​នេះ​បាន​យក​ប្រាក់​ពី​អ្នក​ផ្ញើ​ទៅ​ឲ្យ​អ្នក​ដទៃ​ខ្ចី​ដែល​ធ្វើឲ្យ​អត្រា​ការប្រាក់​ខ្ពស់​ផ្ទុយ​ទៅ​វិញ​ធនាគារ​ចិន តៃវ៉ាន់ និង​ធនាគារ​វៀតណាម​បាន​ផ្តល់​ឥណទាន​លើ​វិស័យ​នេះ​ច្រើន​»​។

ប្រធាន​ស្តីទី​សមាគម​ធនាគារ​កម្ពុជា​លោក ឆារស៍ វ៉ាន់ បាន​សម្តែង​សុទិដ្ឋិនិយម​ផង​ដែរ​ដោយ​លោក​ថ្លែង​ថា​ការ​ផ្តល់​ឥណទាន​លើ​វិស័យ​លំនៅឋាន​នៅ​តែ​មាន​ភាព​ល្អ​ប្រសើរ​ដោយសារ​កត្តា​សេដ្ឋកិច្ច​រីកចម្រើន ប្រាក់​ចំណូល​ប្រជាពលរដ្ឋ​កើនឡើង ការ​វិនិយោគ​ពី​អ្នក​វិនិយោគ​ក្នុង​ស្រុក និង​បរទេស​ទទួល​បាន​ជោគជ័យ​ដែល​ជា​កត្តា​ជំរុញ​ឲ្យ​ឥណទាន​ក្នុង​វិស័យ​នេះ​បន្ត​រីកចម្រើន​៕

ce From: Phnom Penh Post

 

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Ou Saray,Tram Kak
USD 18.00/SQM
Land For Sale
Chorm Chao,Porsenchey
USD 470,000.00
Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00

CVEA MEMBERS