កម្ពុជា​ធ្វើជា​ប្រធាន​សមាគម​អ្នកវាយតម្លៃ​អចលនទ្រព្យ​អាស៊ាន

Languages

banner activities

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

Thu, 18 June 2015

5

​ស្របពេល​វិស័យ​អចលនទ្រព្យ​កម្ពុជា​កំពុងមាន​សន្ទុះ​រីកចម្រើន​ដ៏​លឿន ប្រទេស​កម្ពុជា​បានទទួល​កាលានុវត្ត​ភាព​ថ្មី​មួយទៀត​គឺ​បាន ទទួល​ធ្វើជា​ប្រធាន​ប្តូរ​វេន​សមាគម​អ្នកវាយតម្លៃ​អចលនទ្រព្យ​អាស៊ាន និង​ត្រៀម​ធ្វើជា​ម្ចាស់ ផ្ទះ​រៀបចំ​កិច្ចប្រជុំ​ធំ ជាមួយ​សមាជិកសមាគម​អ្នកវាយ តម្លៃ​អចលនទ្រព្យ​អាស៊ាន និង​អ្នកវិនិយោគ​រាប់រយ​នាក់​នៅ​ឆ្នាំ​ ២០១៦ ​ខាងមុខនេះ​។​

លោក​កឺ​ក ណារិន អ្នក​វាយ​តម្លៃ​វិស័យ​អចលនទ្រព្យ​ឯករាជ្យ និង​ជា​អគ្គលេខាធិការ​សមាគម​អ្នក​វាយតម្លៃ និង​ភ្នាក់ងារ​អចលនវត្ថុ​កម្ពុជា​បាន​ថ្លែង​ឲ្យ​ដឹង កន្លងមក​ថា​ការ​រៀប​ចំ​កិច្ចប្រជុំ​សមាគម​អ្នកវាយតម្លៃ​អាស៊ាន​ ​តែង​ធ្វើ​រៀងរាល់​មួយឆ្នាំ​ម្តង និង​ផ្លាស់​វេន​គ្នា​រវាង​សមាជិក​ទាំង​ ១០ ​ក្នុង​សមាគម​នេះ ជាក់ស្តែង​កម្ពុជា​បានធ្វើ​ជា​ប្រធាន​សមាគម​អ្នកវាយតម្លៃ​អចលនទ្រព្យអាស៊ាន​នៅ​ឆ្នាំ នេះ និង​ត្រៀម​ធ្វើជា​ម្ចាស់ផ្ទះ​រៀបចំ​កិច្ចប្រជុំ​ធំ ដែល​នឹង​ប្រព្រឹត្តទៅ​នៅក្នុង​ខែឧសភា ឆ្នាំ​ ២០១​៦​ ខាង​មុខនេះ​។​

​​លោក​បន្តថា ៖«​ពេល​យើង​ធ្វើ​ម្ចាស់ផ្ទះ​នៃ​កិច្ចប្រជុំ យើង​បាន​ចំណេញ​ច្រើន​ដូចជា​ធ្វើ​ឲ្យ​គេ​ស្គាល់​កម្ពុជា​កាន់តែច្បាស់​ ទទួលបាន​ផលចំណេញ​ផ្នែក​វិស័យ​ទេសចរណ៍ និង​អាច​រក​ដៃគូ​វិនិយោគ​រួមគ្នា​ជាដើម​»​។​

​លោក​ កឺ​ក ណារិន បាន​បន្ត​ឲ្យ​ដឹងថា លោក ​រស់ ភា​រុន មន្ត្រី​ ក្រសួង​សេដ្ឋកិច្ច​ និង​ហិរញ្ញវត្ថុ​ជា​ប្រធាន​សមាគម​អ្នកវាយ​តម្លៃ អចលនទ្រព្យ​អាស៊ាន ប៉ុន្តែ​លោក​បាន​ផ្ទេរតំណែង​នេះ​ជូន​លោក ​សុខ ប៊ុន ប្រធាន​សមាគម​អ្នកវាយតម្លៃ និង​ភ្នាក់ងារ​អចលនវត្ថុកម្ពុជា​ធ្វើជា​ប្រធាន​ជំនួស​វិញ​។

ការផ្ទេរ​តំណែង​នេះ​ធ្វើ​ទ្បើង​នៅក្នុង​កិច្ចប្រជុំ​នៅ​ប្រទេស​ ម៉ា​ទ្បេ​ស៊ី ដែល​បានបញ្ចប់​កាលពីដើម​ខែមិថុនា​កន្ល​ង​មកនេះ​។

លោក​បន្តថា កិច្ច ប្រជុំ​ដែល​បានរៀបចំ​នៅ​កោះ​ទ្បាំ​ង​ហ្កា​វី ប្រទេស​ម៉ា​ទ្បេ​ស៊ី សមាជិកសមាគម​មាន​ឱ​កាស​ធ្វើការ​ផ្លាស់ប្តូរ​បទពិសោធ​គ្នា​ទៅវិញ​ទៅមក និង​បានបង្ហាញ​ពី​សក្តានុពល​សេដ្ឋកិច្ច ព្រមទាំង​ការរីកចម្រើន​នៃ​វិស័យ​អចលនទ្រព្យ​របស់​កម្ពុ​ជា​ទៅកាន់​សមាជិកសមាគម​។​

អ្នកនាង​អាន សុធី​តា នាយិកា​រង​ជាន់ខ្ពស់​នៃ​ក្រុមហ៊ុន​ CBRE Cambodia និង​ជា​អ្នកនាំពាក្យ​សមាគម​អ្នកវាយ តម្លៃ និង​ភ្នាក់ងារ​អចលនវត្ថុ​កម្ពុជា​បាន​ថ្លែង​ស្រដៀង​គ្នា​ថា ជា​ការពិត​ការចូលរួម​ក្នុង​សមាគម​អ្នកវាយតម្លៃ​អចលនទ្រព្យ​អាស៊ាន​ពិត​ជាមាន​សារៈ សំខាន់​ណាស់ ព្រោះ​អា​ចនាំ ឈ្មោះ​ប្រទេស​ខ្មែរ​ទៅកាន់​ថ្នាក់​តំបន់ ខណៈ​ការ​ស្គាល់​ប្រទេស​កម្ពុជា​ពី​សំណាក់​បរទេស​នៅមានកម្រិត​នៅ​ទ្បើ​យ​។

ការចូលរួម​កិច្ចប្រជុំ​ជាមួយ​សមាគម​អ្នកវាយតម្លៃ​អចលនទ្រព្យ​អាស៊ាន​ក៏​ជួយ​ពង្រឹងសមត្ថភាព​វាយតម្លៃ​អចលនទ្រព្យ​របស់​កម្ពុ​ជា ព្រោះ​សមត្ថភាព​វាយតម្លៃ​ពិត​ជា​នៅ​មានកម្រិត ដូច្នេះ​កម្ពុជា​អាច​នាំ​ចំណេះដឹង​ទៅ​បង្ហាញ​គេ និង​អាច​រៀនសូត្រ​ពី​ពួកគេ​ដើម្បី​ពង្រឹងសមត្ថភាព​។​

​​អ្នកនាង​បន្តថា ៖«​នៅពេល​យើង​ធ្វើជា​ម្ចាស់ផ្ទះ​រៀបចំ​កិច្ច​ប្រជុំ​ធំ​នៅ​ឆ្នាំក្រោយ​គឺ​យើង​ចំណេញ​ច្រើន ព្រោះ​មាន​អ្នក​វិនិយោគ និង​ក្រុមហ៊ុន​រាប់រយ​នឹង​មក​ចូលរួម​។

នេះ​ជា​ឱកាស​ដែល​យើង​អាច​បង្ហាញ​ពីសម្បត្តិ វប្បធម៌ អរិយ​ធ៌​ម​របស់​យើង​ទៅកាន់​ពួកគេ​»​។ អ្នកនាង​បាន​បន្ថែមថា ៖«​លើសពីនេះ​យើង​អាច​ចំណេញ​លើ​សេវាកម្ម​ស្នាក់នៅ និង​មានឱ​កាស​បង្ហាញ​ពី​សក្តានុពល​ប្រទេស​របស់​យើង ការ​រក្សា​បាន​ស្ថិរភាព​នយោបាយ និង​កំណើនសេដ្ឋកិច្ច​ដ៏​រឹង​មាំ​របស់​យើង​ផងដែរ​»​។​

លោក ​សុខ ប៊ុន ​ប្រធាន សមាគម​អ្នកវាយតម្លៃ​និង​ភ្នាក់ងារ​អចលនវត្ថុ​កម្ពុជា​បាន​ថ្លែងថា កម្ពុជា​បាន​ចូល​ជា​សមាជិកសមាគម​អ្នក​វាតម្លៃអចលនទ្រព្រ​អាស៊ាន​តាំងពី​ឆ្នាំ​ ២០០៩​ ។

ការចូល​ជា​សមាជិកសមាគម​នេះ​ធ្វើ​ឲ្យ​កម្ពុជា​ចំណេញ​ច្រើន តាមរយៈ​ការ ធ្វើទំនាក់ទំនង​ជាមួយ​ក្រុម​ហ៊ុន​អន្តរជាតិ​ធំៗ និង​អាចធ្វើ​កិច្ចសហប្រតិបត្តិការ​គ្នា​រវាង​សមាជិក​និង​សមាជិកសមាគម និង​រវាង​ប្រទេស​និង​ប្រទេស​ដើម្បី​អាច​រកស៊ី​ជាមួយគ្នា ក៏ដូចជា​ទាក់ទាញ​អ្នក​វិនិយោគ​ទាំងនោះ មក​វិនិយោគ​នៅ​កម្ពុជា​។​

​លោក​មាន​ប្រសា​សន៍​ថា ៖«​យើង​ធ្វើជា​ម្ចាស់ផ្ទះ​គឺ​យើង​ទទួលខុសត្រូវ​លើ​ការរៀបចំ​កិច្ចប្រជុំ ពេលនោះ​រាល់​អ្នកវិនិយោគ និង​ក្រុមហ៊ុន​ទាំងអស់​នៃ​ប្រទេស​នីមួយៗ​មក​ចូលរួម​ ពួកគេ​នឹង​មើល​ឃើញ​ពី​សក្តានុពល​នៃ​ការ​អភិ​វឌ្ឍ​របស់​យើង និង​ឱកាស​ចំណេញ​ពី​ការវិនិយោគ​របស់​ពួកគេ ព្រោះ​រដ្ឋាភិបាល​រក្សា​បាន​ស្ថិរភាព និង​កំណើន​សេដ្ឋកិច្ច​ប្រកបដោយ​លំនឹង​ដែលមាន​អត្រាកំណើន​លើស​ពី​ ​៧​ ភាគរយ​ក្នុង​មួយឆ្នាំ​»​។

លោក​ឧកញ៉ា​ សុខ ប៊ុន បាន​បន្តថា ៖«​នៅពេល​យើង​រៀបចំ​កិច្ចប្រជុំ​នៅ​ឆ្នាំ​ ២០១៦ ប្រទេស​កម្ពុជា​បាន​ចូលក្នុង​សហគមន៏​សេដ្ឋកិច្ច​អាស៊ាន សង្គម​និង​វប្ប​ធម៌​រួចទៅហើយ​។

ពេលធ្វើ​ម្ចាស់ផ្ទះ​នៃ​កិច្ចប្រជុំ​នេះ សមាជិកសមាគម​អ្នក​វាយតម្លៃ​អចលនទ្រព្យអាស៊ាន​អាចជួយ​គ្នា​ទៅវិញទៅមក ហើយ​យើង​អាច​ប្រាប់​ពួកគេ​ពី​កំណើនសេដ្ឋកិច្ច​ប្រកបដោយ​ស្ថិរភាព​ដែល​កម្ពុជា​សម្រេច​បាន និង​មាន​ប្រជាជន​វ័យ​ក្មេង​ច្រើន​ដែល​អាច​បម្រើ​ការ​ងារ​ក្នុង​វិស័យ​ចង្វាក់​ផលិត-កម្ម​ដោយ​មិនចាំបាច់​ធ្វើ​ចំណាកស្រុក​ទៅធ្វើ​ការ​នៅ​ក្រៅ​ប្រទេស​នោះទេ ខណៈ​បើ​គិតពី​តម្លៃ​ដី​វិញ​ កម្ពុជា​មាន​តម្លៃ​ដី​ធូរ​ថ្លៃ​ជាងគេ​ក្នុង​ចំណោម​នៅក្នុង​តំបន់​នេះ និង​មាន​សល់​ដី​ទំនេរ​ច្រើន​»​។​

​លោក​បន្តថា ៖«​កាលណា​សមាហរណកម្ម​ចូល​តែមួយ សេដ្ឋកិច្ច​ចាប់ផ្តើម​មាន​កំណើន អ្នកវិនិយោគ​ចាប់ផ្តើម​មើល​ហើយ​ថា​គួរ​ទៅធ្វើ​ការវិនិយោគ​នៅ​ប្រទេស​ណា​។ ប្រសិនជា​ទៅ​ប្រទេស​មាន​សេដ្ឋកិច្ច​លូតលាស់​ខ្លាំង​គឺ​ត្រូវ​ចាយ​ដើមទុន​ធំ ពិបាក​រក​កម្លាំង​ពលកម្ម ចំណែក​នៅ​ស្រុក​យើង​មាន​ដី​ទូលាយ កម្លាំង ពលកម្ម​ថោក ដូច្នេះ​យើង​នឹង​អាច​ទទួលបាន​អ្នកវិនិយោគ​កាន់តែច្រើន​ថែមទៀត​»​។

លោក​បន្តថា ៖«​ពេលនោះ​វិស័យ​អចលនទ្រព្យ​របស់​យើង​នឹង​បន្ត​រីកចម្រើន​ថែមទៀត ព្រោះ​ពេល​វិស័យ​ឧស្សាហកម្ម​រីកចម្រើន​ខ្លាំង ពួក​អ្នកវិនិយោគ​ទាំងនោះ​ពិតជា​ត្រូវការ​អ​គារ​ស្នាក់នៅ ពេលនោះ​តម្រូវការ​អ​គារ​ស្នាក់​នៅ​នឹង​កើន​ទ្បើង​ហើយ​»​៕​


a1
a2
a3

Source From: Phnom Penh Post

Latest News

តបតាមការអញ្ជើញរបស់សមាគមភ្នាក់ងារអចលនវត្ថុប្រទេសហ្វីលីពីន កាលពីថ្ងៃទី ៤-៦...

LATEST EXCLUSIVE LISTING

Land For Sale
Trapang Krasang,Porsenchey
USD 420.00/SQM
Land For Sale
Phnom Penh Thmei,Sen Sok
USD 285.00/SQM
Land For Sale
Chorm Chao,Porsenchey
USD 150,000.00
Flat House For Sale
Boeng Salang,Tuol Kork
USD 398,000.00
Land For Sale
Phnom Penh Thmei,Sen Sok
USD 155,000.00

CVEA MEMBERS