ទំព័រដើម

Languages

hostgator coupon code 50 off
  • 1a
  • 1b
  • 2a
  • 3a
  • 4a
  • ava 1
  • ava 2
  • ava 4
  • THE SEAGATE SUITE

  • THE SEAGATE SUITE

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
អ្នក​ថ្មើរជើង​កំពុង​តែ​ឈរ​នៅ​លើ​ផ្លូវ​ដើរ​មួយ​នៅ​ទីក្រុង​ហុងកុង​នៅ​ថ្ងៃ​ទី​ ២៤ ខែ​មេសា​។ AFP/Anthony WALLACE

សំណើសុំ​សាងសង់​ទីក្រុង​សម្រាប់​ប្រជាជន​ហុងកុង​ដែល​រស់នៅ​លើ​ចិន​ដីគោក ដើម្បី​ដោះស្រាយ​វិបត្តិ​លំនៅឋាន​បាន​ទទួល​ការរិះគន់​ជាច្រើន​កាលពី​សប្តាហ៍​កន្លង​មក​ថា ជា​យុទ្ធសាស្ត្រ​ក្នុង​ការ​ប្រមូលផ្តុំ​ជនក្រីក្រ​ឲ្យ​នៅ​ ១ ​កន្លែង និង​ជា​ការ​គំរាមកំហែង​ទៅ​លើ​ស្វ័យភាព​របស់​ទីក្រុង​ហុងកុង​ផង​ដែរ​។

កាសែត South China Morning Post បាន​រាយការណ៍​ថា ក្រុមហ៊ុន MTR Corporation ដែល​គ្រប់គ្រង​បណ្តាញ​ផ្លូវដែក​របស់​ទីក្រុង​ហុងកុង និង​បាន​ដើរតួនាទី​ជា​ក្រុមហ៊ុន​អភិវឌ្ឍន៍​អចលនទ្រព្យ​នោះ​បាន​ចាប់ផ្តើម​ពិភាក្សា​ជាមួយ​សមភាគី​ដែល​គ្រប់គ្រង​ដោយ​រដ្ឋ​របស់​ខ្លួន​នៅក្នុង​ប្រទេស​ចិន ដើម្បី​ស្វែងរក​ទីតាំង​ណា​មួយ​នៅ​ភាគ​ខាង​ត្បូង​ប្រទេស​ចិន សម្រាប់​ផែនការ​នាពេល​ខាង​មុខ​។

តំបន់​ដែល​ក្រុមហ៊ុន​កំពុង​ពិចារណា​នោះ​មាន​ទីតាំង​នៅ Nansha និង Foshan នៃ​ខេត្ត​ក្វាងដុង​ដែល​ជា​ខេត្ត​នៅ​ជាប់​ជាមួយ​ទីក្រុង​ហុងកុង​។ ទីនោះ​តភ្ជាប់​ទៅ​ទីក្រុង​ហុងកុង​តាមរយៈ​ផ្លូវដែក​ឆ្លងកាត់​ព្រំដែន​ដែល​អចលនទ្រព្យ​នៅ​ទីនោះ​នៅ​មាន​តម្លៃ​សមរម្យ​នៅ​ឡើយ​។

រឿង​នេះ​បាន​លេច​ឡើង​នៅពេល​ដែល​ទីក្រុង​ប៉េកាំង​កំពុង​រឹតបន្តឹង​ការគ្រប់គ្រង​របស់​ខ្លួន​ទៅលើ​ទីក្រុង​ហុងកុង​ដែល​បច្ចុប្បន្ន​ជា​ទីក្រុង​ពាក់​កណ្តាល​ស្វយ័ត​។ តំណាងរាស្ត្រ​នៃ​គណបក្ស​ប្រឆាំង​បាន​និយាយ​ថា ផែនការ​ថ្មី​នេះ​គឺជា​មធ្យោបាយ​មួយ​ដើម្បី​ធ្វើឲ្យ​ទីក្រុង​ហុងកុង​ក្លាយ​ជា​ផ្នែក​មួយ​នៃ​ចិនដីគោក​។

ផ្ទះ​នៅ​ទីក្រុង​ហុងកុង​ត្រូវ​បាន​គេ​ដឹង​ថា​ស្ថិត​ក្នុង​ចំណោម​លំនៅឋាន​ដែល​មាន​តម្លៃ​ថ្លៃ​បំផុត​នៅលើ​ពិភពលោក ដោយ​មាន​អ្នកស្រុក​ជាច្រើន​កំពុង​រស់នៅ​ក្នុង​ស្ថានភាព​ត្បិតត្បៀត ហើយ​អាជីវកម្ម​ខ្នាត​តូច​ជាច្រើន​កំពុង​តែ​ព្យាយាម​ដកដង្ហើម ខណៈ​ដែល​អគារ​ជួល​មាន​តម្លៃ​ខ្ពស់​កប់​ពពក​។

រដ្ឋាភិបាល​ក្នុង​តំបន់​ក៏​ត្រូវ​បាន​ចោទប្រកាន់​ពី​បទ​ឃុបឃិត​ជាមួយ​អ្នក​អភិវឌ្ឍន៍ ជា​ជាង​ការព្យាយាម​កសាង​កន្លែង​ស្នាក់នៅ​ដែល​មាន​តម្លៃ​សមរម្យ​។

យោង​តាម​កាសែត The Post បាន​ឲ្យ​ដឹង​ថា ក្រោម​សំណើ​នេះ​ក្រុមហ៊ុន MTR Corporation នឹង​បង្កើត​សហគមន៍​មួយ​ដែល​មាន​ «​បរិយាកាស​ដូច​នៅ​ទីក្រុង​ហុងកុង​»​។ របាយការណ៍​បាន​ឲ្យ​ដឹង​ទៀត​ថា គម្រោង​នេះ​នឹង​ផ្តោត​ទៅ​លើ​អ្នក​ចូលនិវត្តន៍ និង​យុវវ័យ​ដោយ​ទី​នោះ​នឹង​មាន​សេវាកម្ម​ថែទាំ​សុខភាព និង​ពាណិជ្ជកម្ម ហើយ​នៅ​ជិត​ស្ថានីយ​រថភ្លើង​ល្បឿន​លឿន​ទៀត​ផង​។

សមាជិក​សភា​លោក Claudia Mo បាន​ប្រាប់ AFP ថា៖ «​វា​គ្រាន់តែ​ជា​យុទ្ធសាស្ត្រ​មួយ​ដើម្បី​ធ្វើ​សមាហរណកម្ម​ទីក្រុង​ហុងកុង និង​ចិន​ដីគោក​តែ​ប៉ុណ្ណោះ​»​។

លោក Mo បាន​បញ្ជាក់​ថា​សាជីវកម្ម MTR ត្រូវ​បាន​កាន់កាប់​មួយ​ភាគ​ធំ​ដោយ​រដ្ឋាភិបាល​ទីក្រុង​ហុងកុង​។

លោក Paul Zimmerman អ្នក​ជំនាញ​ផ្នែក​រៀបចំ​ទីក្រុង​បាន​និយាយ​ថា តំបន់​ហុងកុង​មួយ​នៅ​លើ​ចិន​ដីគោក​នឹង​លើក​ឡើង​នូវ​សំណួរ​ជាច្រើន​ថា តើ​ច្បាប់​ផ្សេងៗ​នឹង​ត្រូវ​អនុវត្ត​បែប​ណា​នៅ​កន្លែង​នោះ​ចាប់​តាំងពី​ប្រព័ន្ធ​វេជ្ជសាស្ត្រ រហូត​ដល់​ផលប្រយោជន៍​សុខុមាលភាព​ប្រជាជន​?​។

មាន​អ្នក​ខ្លះ​យល់​ឃើញ​ថា​មាន​គុណសម្បត្តិ​នៅ​ក្នុង​សំណើ​នោះ ចំណែក​ ១ ​ចំនួន​ទៀត​បាន​សម្តែង​ការ​ចំអក​តាម​ប្រព័ន្ធ​អ៊ីនធឺណិត​។

អ្នក​បញ្ចេញមតិ​ម្នាក់​នៅ​លើ​គេហទំព័រ SCMP ​បាន​ចោទ​សួរ​ថា៖ «​តើ​រដ្ឋាភិបាល​កំពុង តែ​បោះបង់ចោល​ប្រជាជន​របស់​ខ្លួន ហើយ​រុញ​ពួកគេ​ចេញ​ពី​ទីក្រុង​ហុងកុង​មែន​ឬ​ទេ​?»

ចំណែក​អ្នក​បញ្ចេញមតិ​ម្នាក់​ទៀត​បាន​សួរថា ៖ «​ហេតុអ្វី​ក្រុង​សេអ៊ូល​មិន​សង់​ទីក្រុង​សេអ៊ូល​នៅ​កូរ៉េ​ខាង​ជើង​ដែរ​ទៅ​?»​។

លោក Frederick Ma ប្រធាន​ផ្នែក MTR បាន​ផ្តល់​សំណើ​មួយ​ទៀត​ដើម្បី​សាងសង់​ផ្លូវ​រថភ្លើង​ភ្ជាប់​ទៅ​នឹង​ស្ថានីយ​កុងតឺន័រ​នៅ​ទីក្រុង​ហុងកុង​ដែល​ជា​កន្លែង​មាន​ក្រុម​ជាច្រើន​បាន​ស្នើឲ្យ​មាន​សំណង់​ផ្ទះល្វែង​នៅ​លើ​កំពង់ផែ​ជា​ដំណោះស្រាយ​ចំពោះ​ការខ្វះខាត​ដីធ្លី​។

សំណើ​នោះ​បាន​បង្ក​ឲ្យ​មានការ​ព្រួយបារម្ភ​មួយ​ជាន់​ទៀត​អំពី​ទំនាស់​ផលប្រយោជន៍​ដែល​អាច​កើតមាន ខណៈ​ពេល​ដែល​លោក Ma គឺជា​អ្នកគ្រប់គ្រង​ក្រុមហ៊ុន​ថាមពល​ដ៏ធំ​របស់​កាណាដា​ដែល​មាន​ឈ្មោះ​ថា Husky Energy ដែល​នៅ​ក្រោម​កម្មសិទ្ធិ​មួយ​ភាគ​របស់​ក្រុមហ៊ុន​ដែល​ដឹកនាំ​ដោយ​អ្នក​មាន​ទ្រព្យ​ច្រើន​បំផុត​នៅ​ទីក្រុង​ហុងកុង​គឺ​លោក Li Ka-shing​។

ក្រុមហ៊ុន​ដែល​ដឹកនាំ​ដោយ​លោក Li Ka-shing ក៏​ជា​ក្រុមហ៊ុន​ដែល​ប្រតិបត្តិការ​កំពង់ផែ​កុងតឺន័រ​នៅ​ជុំវិញ​ពិភពលោក​រួម​ទាំង​នៅ​ទីក្រុង​ហុងកុង​ទៀត​ផង​។

ការស្នើសុំ​ដ៏ចម្លែក​នេះបាន​ធ្វើ​ឡើង​ ខណៈ​ពេល​ដែល​រដ្ឋាភិបាល​ទីក្រុង​ហុងកុង​ប្រុងប្រៀប​រៀបចំ​ការពិគ្រោះ​យោបល់​ជា​សាធារណៈ​លើ​សំណើ​ចម្រូងចម្រាស​ចំនួន ១៨ ដែល​ក្នុង​នោះ​សំណើសុំ​ឲ្យ​ទុក​ដី​ទំនេរ​ឲ្យ​បាន​ច្រើន​នៅ​ហុងកុង​សម្រាប់​ការ​សាងសង់​លំនៅឋាន​រួម​ទាំង​ការ​សាងសង់​អគារ​នៅលើ​ទីលាន​វាយ​កូន​ហ្គោល និង​នៅលើ​ជាយ​នៃ​សួនច្បារ​នានា​ផង​ដែរ​៕

Source From : Phnom Penh Post

 
ទិដ្ឋភាព​អគារ​ខ្ពស់​នៅ​ក្នុង​ប្រទេស​សិង្ហបុរី​។ រូបថត សហការី

តម្លៃ​ផ្ទះ​នៅ​សិង្ហបុរី​បាន​កើនឡើង​ ៣,៩ ​ភាគរយ​នៅ​ត្រីមាស​ទី​ ១ ឆ្នាំ​ ២០១៨ ដែល​តួលេខ​នេះ​គឺ​លឿន​ជាង​ត្រីមាស​ចុង​ក្រោយ​នៃ​ឆ្នាំ​ ២០១៧ ដែល​មាន​ចំនួន​ ០,៨ ​ភាគរយ​។ នេះ​បើ​យោង​តាម​សន្ទស្សន៍​តម្លៃ​អចលនទ្រព្យ​ដែល​ចេញ​ផ្សាយ​ដោយ​អាជ្ញាធរ​អភិវឌ្ឍន៍​ទីក្រុង​កាលពី​ចុង​ខែ​មេសា​កន្លង​មក​។

PropNex Realty បាន​ឱ្យ​ដឹង​ថា​នេះ​មិន​ត្រឹម​តែ​បង្ហាញ​ពី​តម្លៃ​កើនឡើង​នៅ​ ៣ ​ត្រីមាស​ជាប់ៗ​គ្នា​ប៉ុណ្ណោះ​ទេ ប៉ុន្តែ​វា​ក៏​ជា​ការ​កើនឡើង​ខ្ពស់​បំផុត​ចាប់​តាំងពី​ត្រីមាស​ទី​ ២ ឆ្នាំ​ ២០១០ ផង​ដែរ​។

ប្រភេទ​ផ្ទះល្វែង​បាន​បង្ហាញ​ពី​កំណើន​ខ្ពស់​ជាង​ ៤,៤ ​ភាគរយ​បើ​ធៀប​ទៅ​នឹង​ការឡើង ០,៨ ​ភាគរយ​កាលពី​ត្រីមាស​មុន​។ ស្រដៀង​គ្នា​នេះ​ដែរ​តម្លៃ​ដីធ្លី​កើនឡើង​ ១,៩ ​ភាគរយ​បើ​ធៀប​នឹង​កំណើន​ ០,៥ ​ភាគរយ​។

ក្រុមហ៊ុន ProNex បាន​កត់សម្គាល់​ថា Outside Central Region (OCR) បាន​បង្ហាញ​ពី​ការកើនឡើង​ធំ​បំផុត​ដោយ​តម្លៃ​កើន​ពី​ ០,៨ ​ភាគរយ​ដល់​ ៥,៦ ​ភាគរយ​ដែល​ជា​ការកើនឡើង​ខ្ពស់​បំផុត​ចាប់​តាំងពី​កំណើន​ ៥,៧ ​ភាគរយ កាលពី​ត្រីមាស​ទី​ ២ ឆ្នាំ​ ២០១០​។

នៅ​តំបន់​ល្អ​បំផុត (CCR) តម្លៃ​ផ្ទះល្វែង​បាន​កើនឡើង​ ៥,៥ ​ភាគរយ​នៅ​ត្រីមាស​ទី​ ១ បន្ទាប់ពី​កើនឡើង​ត្រឹមតែ​ ១,៤ ​ភាគរយ​នៅ​ត្រីមាស​ចុងក្រោយ​នៃ​ឆ្នាំ​ ២០១៧ ខណៈ​តំបន់​ភាគ​កណ្តាល​មាន​ការ​កើនឡើង​តិចតួច​គឺ​ ០,៤ ​ទៅ​ ១,២ ​ភាគរយ​។

លោក Leong Boon Hoe ប្រធាន​ផ្នែក​ប្រតិបត្តិការ​របស់​ក្រុមហ៊ុន Sotheby's International Realty មាន​ប្រសាសន៍​ថា​៖ «​ការកើនឡើង​តម្លៃ​របស់ OCR ត្រូវ​បាន​ផ្តល់​ដោយ​តម្លៃ​ដ៏ខ្ពស់​ពី​ការ​លក់​ខុនដូ​ដែល​មាន​ចំនួន​ ៣២៩ ​យូនីត​របស់​ក្រុមហ៊ុន Tapestry ក៏ដូចជា​គម្រោង Kingsford Waterbay ដែល​មាន​ចំនួន​ ៩៥ ​យូនីត និង Parc Botannia មាន​ចំនួន​ ៨៤ ​យូនីត​។

ការកើនឡើង​តម្លៃ​របស់ CCR ត្រូវ​បាន​គាំទ្រ​ជា​ចម្បង​ដោយ​ ៤០ ​យូនីត​ដែល​បាន​លក់​នៅ New Futura, ចំនួន​ ១៥ ​យូនីត​នៅ 8 Hullet និង Martin Modern ចំនួន​ ៤១ ​យូនីត​។

លោក Ismail Gafoor អគ្គនាយក​ក្រុមហ៊ុន PropNex និយាយ​ថា៖ «​តួលេខ​ត្រីមាស​ទី​ ១ ​បង្ហាញ​យ៉ាង​ច្បាស់​ពី​ការ​ងើប​ឡើង​វិញ​នៅក្នុង​ទីផ្សារ​អចលនទ្រព្យ​នៅក្នុង​ប្រទេស​សិង្ហបុរី​»​។

ដោយ​សម្លឹង​ឆ្ពោះ​ទៅ​មុខ​លោក Ismail Gafoor រំពឹង​ថា​តម្លៃ​ផ្ទះ​នឹង​កើនឡើង​ ៥ ​ភាគរយ​សម្រាប់​ឆមាស​ទី​ ១ នៃ​ឆ្នាំ​ ២០១៨ ហើយ​នៅ​ចុង​ឆ្នាំ​នេះ​អាច​នឹង​កើន​ដល់​ចន្លោះ​ពី​ ៨ ទៅ​ ១០ ​ភាគរយ​៕

Source From : Phnom Penh Post

 

 
រថយន្ត​ ១ ​គ្រឿង​កំពុង​បើក​ឆ្លងកាត់​ការដ្ឋាន​សាងសង់​សណ្ឋាគារ​ប្រណីត​ ១ ​កន្លែង​នៅ​ក្នុង​ទីក្រុង​ដាក្កា​របស់​ប្រទេស​បង់ក្លាដែស​។ រូបថត The Daily Star

ទីក្រុង​ដាក្កា​កំពុង​រៀបចំ​ខ្លូន​ដើម្បី​ស្វាគមន៍​សណ្ឋាគារ​ខ្នាត​អន្តរជាតិ​ចំនួន​ ៦ ​ដែល​នឹង​មក​ដល់​នៅ​ប៉ុន្មាន​ឆ្នាំ​ខាង​មុខ ហើយ​ដែល​ការ​មក​ដល់​នេះ​គឺជា​លទ្ធផល​នៃ​លំហូរ​ចូល​នៃ​អ្នក​ជំនួញ​ទៅ​កាន់​ប្រទេស​បង់ក្លាដែស​។

លោក Md Jashim Uddin អនុប្រធាន​ក្រុមហ៊ុន Bengal Group of Industries ដែល​កំពុង​សាងសង់​សណ្ឋាគារ​មាន​បន្ទប់​ស្នាក់នៅ​សរុប​ ៣៧០ ​ក្នុង​តំបន់ Niketan ​នៃ​រដ្ឋធានី​ដាក្កា បាន​និយាយ​ថា៖ «​សេដ្ឋកិច្ច​កំពុង​កើនឡើង ហើយ​ចំនួន​ភ្ញៀវទេសចរ​ក៏​កើនឡើង​ផង​ដែរ​»​។

អចលនទ្រព្យ​នេះ​នឹង​ត្រូវ​គ្រប់គ្រង​ដោយ​ក្រុមហ៊ុន​សណ្ឋាគារ​របស់​ប្រទេស​ស្វ៊ីស Swissôtel Hotels and Resorts​។ លោក Md Jashim Uddin បន្ថែម​ថា៖ «​យើង​ចង់​បង្កើត​សណ្ឋាគារ​ពាណិជ្ជកម្ម​ដ៏ប្រណីត​មួយ​ដែល​សណ្ឋាគារ​បែប​នេះ​មិន​ទាន់​មាន​នៅក្នុង​ទីក្រុង​ដាក្កា​នោះ​ទេ​»​។

Bengal មិនមែន​ជា​ក្រុមហ៊ុន​ក្នុង​ស្រុក​តែ​មួយ​គត់​ដែល​បាន​ចំណាយ​ប្រាក់​ដើម្បី​ពង្រីក​ផ្ទាំង​ទស្សនីយភាព​នៃ​សណ្ឋាគារ​ប្រណីត​របស់​រដ្ឋធានី​នេះ​ទេ នៅ​ពេល​នេះ​ក៏​មាន​ក្រុមហ៊ុន​ដូចជា Jamuna Marium និង Premier កំពុង​តែ​ចូលរួម​ផង​ដែរ​។

ឱកាស​អាជីវកម្ម​ថ្មីៗ​បាន​លេច​ឡើង​ជាច្រើន​សម្រាប់​ការស្ថាបនា​ហេដ្ឋា​រចនាសម្ព័ន្ធ​ធំៗ​ដូចជា​ស្ពាន Padma រោងចក្រ​ផលិត​ថាមពលនុយក្លេអ៊ែរ Rooppur ផ្លូវ​រថភ្លើង​ក្រោម​ដី និង​ស្ថានីយ​ឧស្ម័ន​ធម្មជាតិ​។

ស្រប​ពេល​ជាមួយ​គ្នា​នេះ​ដែរ​លំហូរ​នៃ​អ្នក​ជំនួញ​ដែល​ទាក់ទិន​នឹង​ឧស្សាហកម្ម​កាត់ដេរ​ត្រូវ​បាន​ព្យាករ​ថា​នឹង​មាន​ទំហំ​ធំ​ជាង​មុន​ ខណៈ​ដែល​ពួកគេ​មាន​គោលដៅ​នាំចេញ​ទៅ​កាន់​ទីផ្សារ​បរទេស​ឲ្យ​បាន​ចំនួន​ ៥០ ​ពាន់​លាន​ដុល្លារ​អាមេរិក​ក្នុង​ឆ្នាំ​ ២០២១​។

បើ​សរុប​ទៅ​សណ្ឋាគារ​ថ្មីៗ​ត្រូវ​គេ​រំពឹង​ថា​នឹង​នាំ​មក​នូវ​ការវិនិយោគ​ប្រហែល​ជាង​ ៦៣៦ ​លាន​ដុល្លារ​។

បច្ចុប្បន្ន​នេះ​ក្រុមហ៊ុន Marium Group កំពុង​សាងសង់​សណ្ឋាគារ​ ១ ​ដែល​មាន​ចំនួន​ ២០០ ​បន្ទប់​នៅ​តំបន់ Hatirjheel ក្រោម​ទុនវិនិយោគ​ប្រហែល​ ១៧៧ ​លាន​ដុល្លារ​។ អគារ​នេះ​នឹង​ត្រូវ​គេ​ដាក់​ឈ្មោះ​ថា Holiday Inn ហើយ​ត្រូវ​គេ​រំពឹង​ថា​នឹង​បើក​ទ្វារ​ស្វាគមន៍​ភ្ញៀវ​នៅ​ចុង​ឆ្នាំ​នេះ​។

លោក Alam Ahmed នាយក​គ្រប់គ្រង​សណ្ឋាគារ Holiday Inn បាន​និយាយ​ថា​៖ «​ទីក្រុង​នេះ​មាន​តម្រូវការ​សណ្ឋាគារ​ប្រណីត​យ៉ាង​ច្រើន​។ បើ​និយាយ​ទៅ​តម្រូវការ​គឺ​ច្រើន​ជាង​អ្វី​ដែល​កំពុង​មាន​នាពេល​នេះ​»​។

ក្រុមហ៊ុន Jamuna Group បាន​សហការ​ជាមួយ Marriott International ​ដែល​មាន​មូលដ្ឋាន​នៅ​សហរដ្ឋអាមេរិក​ដើម្បី​សាងសង់​សណ្ឋាគារ JW Marriott Dhaka ​ដែល​មាន​ចំនួន​ ៧០០ ​បន្ទប់​។ សណ្ឋាគារ​នេះ​មាន​ទីតាំង​ស្ថិត​នៅ​ឧទ្យាន Jamuna Future Park នៃ​តំបន់ Progoti Sarani​។

ក្រុមហ៊ុន Premier Group កំពុង​សាងសង់ Courtyard by Marriot ដែល​ជា​ក្រុមហ៊ុន​សាខា​របស់ JW Marriott នៅក្នុង​តំបន់ Gulshan​។ Unique Group ដែល​ជា​ក្រុមហ៊ុន​មេ​របស់ Westin Dhaka កំពុង​តែ​ស្ថាបនា Sheraton Dhaka នៅ Banani ខណៈ​ដែល​សណ្ឋាគារ Lakeshore បាន​សហការ​ជាមួយ​ក្រុមហ៊ុន​ ១ ​របស់​ប្រទេស​ថៃ Dusit International ដើម្បី​បង្កើត​អាជីវកម្ម​សណ្ឋាគារ​មួយ​នៅ Uttara ដែល​ចំណាយ​ប្រាក់​ជិត​ ១៨ ​លាន​ដុល្លារ​អាមេរិក​។

នៅ​ពេល​ដែល​អចលនទ្រព្យ​ទាំងអស់​នេះ​ត្រូវ​បាន​ដាក់​ឲ្យ​ដំណើរការ ការផ្គត់ផ្គង់​បន្ទប់​សណ្ឋាគារ​ប្រណីត​នៅ​ទីក្រុង​ដាក្កា​នឹង​កើនឡើង​លើស​ពី​ ២ ​ដង​ដោយ​នឹង​មាន​ចំនួន​រហូត​ដល់​ ៣០០០ ​បន្ទប់ ខណៈ​ពេល​នេះ​មាន​ត្រឹម​តែ​ ១២៥០ ​បន្ទប់​ប៉ុណ្ណោះ​។

លោក MA Awal ប្រធាន​ផ្នែក​លក់​ និង​ទីផ្សារ​ប្រចាំ​ក្រុមហ៊ុន Pan Pacific Sonargaon Dhaka បាន​និយាយ​ថា​ការ​កើនឡើង​នៃ​ចំនួន​សណ្ឋាគារ​ប្រណីត នឹង​ធ្វើ​ឲ្យ​មាន​ការ​ប្រកួតប្រជែង​កាន់តែ​ខ្លាំង​ហើយ​តម្លៃ​សម្រាប់​បន្ទប់​ស្នាក់នៅ​នឹង​អាច​ធ្លាក់​ចុះ​ខ្លះ​។

លោក Shahidus Sadeque នាយក​ផ្នែក​ទីផ្សារ និង​ផ្សព្វផ្សាយ​ពាណិជ្ជកម្ម​របស់ InterContinental Dhaka ដែល​ជា​សណ្ឋាគារ​ត្រូវ​គេ​រំពឹង​ថា​នឹង​បើក​ទទួល​ស្វាគមន៍​ភ្ញៀវ​នៅ​ចុង​ឆ្នាំ​នេះ​បាន​និយាយ​ថា កំណើន​សេដ្ឋកិច្ច​មាន​ភាពរឹងមាំ​ក្នុង​រយៈពេល​ ៥-៦ ​ឆ្នាំ​ចុងក្រោយ​នេះ ប៉ុន្តែ​ចំនួន​សណ្ឋាគារ​លំដាប់​អន្តរជាតិ​មិន​បាន​កើនឡើង​នោះ​ទេ​។

លោក​បាន​បន្ថែម​ថា៖ «​ទីផ្សារ​របស់​យើង​មិន​មាន​ការផ្គត់ផ្គង់​គ្រប់គ្រាន់​ទេ​។ យើង​មាន​តែ​ម៉ាក​សណ្ឋាគារ​អន្តរជាតិ​ចំនួន​ ៦ ​ប៉ុណ្ណោះ ខណៈ​ពេល​ដែល Kolkata (​ប្រទេស​ឥណ្ឌា​) មាន​សណ្ឋាគារ​បែប​នេះ​ច្រើន​ជាង​ ១២»​។

បច្ចុប្បន្ន​មាន​សណ្ឋាគារ​អន្តរជាតិ​ចំនួន​ ៥ ​កំពុង​បម្រើការ​នៅ​ទីក្រុង​ដាក្កា ដូចជា ក្រុមហ៊ុន Marriott International ដែល​មាន​ដូចជា Le Meridien និង Westin រួមទាំង​ម៉ាក​ផ្សេង​ទៀត​ដូចជា Radisson, Pan Pacific និង Amari ជាដើម​។

យោង​តាម​លោក Syed Mehran Hussain អ្នក​គ្រប់គ្រង​ទីផ្សារ​នៃ Four Points by Sheraton ដែល​បាន​ចាប់​ផ្តើម​ប្រតិបត្តិការ​កាលពី​ឆ្នាំ​មុន​នោះ​បាន​មាន​ប្រសាសន៍​ថា​មាន​ចំនួន​មនុស្ស​ប្រហែល​ ៣.១ ​លាន​នាក់​ដែល​បាន​ធ្វើ​ដំណើរ​មក​ប្រទេស​បង់ក្លាដែស​ក្នុង​រយៈពេល​ ៦ ​ឆ្នាំ​ចុង​ក្រោយ​នេះ​ហើយ​អត្រា​ស្នាក់​នៅ​ជា​មធ្យម​នៅ​សណ្ឋាគារ​លំដាប់​ខ្ពស់​នៅ​ទីក្រុង​ដាក្កា​មាន​ចំនួន ៦០ ​ទៅ​ ៧០ ​ភាគរយ​។ ចំនួន​នេះ​កំពុង​កើន​ឡើង​ពី​ ១ ​ថ្ងៃ​ទៅ​ ១ ​ថ្ងៃ​ជាមួយ​នឹង​ការកើនឡើង​នៃ​ចំនួន​ភ្ញៀវទេសចរ​ផង​ដែរ​»៕

The Daily Star/ANN

Source From : Phnom Penh Post

 

រូបថត​អតីត​អគារ​ប៉ុស្តិ៍​ប្រៃសណីយ៍​ធំ​មួយ​នៅ​តំបន់​ប្រជុំជន​នៃ​ទីក្រុង​ស៊ីកាហ្គោ​កាលពី​ថ្ងៃ​ទី​ ២៦ ខែ​មករា ឆ្នាំ​ ២០១៨​។ ក្រុមហ៊ុន​អចលនទ្រព្យ​មួយ​កំពុង​តែ​ព្យាយាម​ស្តារ​អគារ​ Art Deco ដ៏ធំ​មួយ​នេះ​ដែល​ត្រូវ​បាន​គេ​ទុក​ចោល​តាំងពី​ឆ្នាំ​ ១៩៩៧ ដែល​ជា​គម្រោង​ស្តារ​មួយ​ក្នុង​ចំណោម​គម្រោង​ស្តារ​ជាច្រើន​ទៀត​ក្នុង​ប្រទេស​នេះ​ទាំង​មូល​។ ដោយ ​Whitten Sabbatini/The New York Times
 

Postal Service បាន​ផ្លាស់​ចេញពី​អគារ​ប្រៃសណីយ៍​ធំ​របស់​ខ្លួន​នៅ​ទីប្រជុំជន​នៃ​ទីក្រុង​ឈីកាហ្គោ​ក្នុង​ឆ្នាំ​ ១៩៩៧ ​ប៉ុន្តែ​ការ​ផ្តួចផ្តើម​ក្នុង​ការ​ស្តារ​អគារ​ Art Deco ដ៏​ធំ​មហិមា​នោះ​មិន​ត្រូវ​បាន​គេ​អើពើ​ទេ​។ ​

អគារ​ដ៏ធំ​នេះ​ត្រូវ​បាន​គេ​ទុកចោល​ខុសគ្នា​ដាច់​ស្រឡះ​ពី​ពេល​ដែល​អ្នក​ធ្វើការ​នៅ​ទីនោះ​ធ្លាប់​តែ​ធ្វើការ​រៀប​សំបុត្រ​ដែល​មាន​រហូត​ដល់​ចំនួន​ ៣៥ ​លាន​ច្បាប់​ក្នុង​មួយ​ថ្ងៃៗ​ហើយ​អ្នក​ស្នាក់នៅ​ទីនោះ​ធ្លាប់​តែ​ផ្ញើ​ឯកសារ​ក្នុង​កន្លែង​មួយ​ដ៏ប្រណីត​ធំ​ទូលាយ​មាន​ខ្យល់អាកាស​ស្រស់ស្រាយ​ជាមួយ​ឥដ្ឋថ្ម ផ្ទាំង​ដេគ័រ​ដ៏ស្រស់ស្អាត​។

បច្ចុប្បន្ន​ក្រុមហ៊ុន​អចលនទ្រព្យ​ 601W កំពុង​តែ​ព្យាយាម​កែលម្អ​អគារ​នេះ​ឡើងវិញ​។ ​ជាមួយ​នឹង​ប្រាក់កម្ចី​សម្រាប់​សាងសង់​ដែល​មាន​ចំនួន​​ ៥០០ ​លាន​ដុល្លារ​ក្នុង​ដៃ​ហើយ​ក្នុង​នោះ​ក្រុមហ៊ុន​ 601W កំពុង​តែ​ផ្លាស់ប្តូរ​អគារ​ដែល​ធ្លាប់​តែមាន​សៀវភៅ​បញ្ជី និង​តែម​មួយ​នេះ​ឲ្យ​ទៅ​ជា​អគារ​ការិយាល័យ​មួយ​ដែល​មាន​ទំហំ​ ២.៨ ​លាន​ហ្វុតការ៉េ​ដោយ​ដាក់​ឈ្មោះ​យ៉ាង​សាមញ្ញ​ថា​ The Post Office​។

នេះ​ជា​គម្រោង​មួយ​ក្នុង​ចំណោម​គម្រោង​កែលម្អ​អគារ​ប្រៃសណីយ៍​ធំៗ​ក្នុង​សហរដ្ឋអាមេរិក រួមទាំង​ទីក្រុង​ញូវយ៉ក​ និង​ទីក្រុង Houston ផង​ដែរ​។ ជាមួយ​នឹង​តំបន់​នៅ​ចំ​កណ្តាល​ទីប្រជុំជន និង​ឃ្លាំង​ធំៗ​ដែល​អាច​យក​ទៅ​កែលម្អ​ជាថ្មី​នោះ​អគារ​ប្រៃសណីយ៍​ចាស់ៗ​កំពុង​ទទួល​បាន​នូវ​ការ​ចាប់​អារម្មណ៍​ក្នុង​ការ​យក​ទៅ​កែលម្អ​សាជាថ្មី​។

លោក Matt Garrison នាយក​គ្រប់គ្រង​ក្រុមហ៊ុន R2 Companies ដែល​ជា​ក្រុមហ៊ុន​អចលនទ្រព្យ​នៅ​ទីក្រុង​ស៊ីកាហ្គោ​ដែល​បាន​ទិញ​អគារ​ប្រៃសណីយ៍​ទំហំ​ ១.១ ​លាន​ហ្វុតការ៉េ​នៅ​តំបន់​ប្រជុំជន​នៃ​ Milwaukee ពី​វិនិយោគិន​មួយ​រូប​ក្នុង​ឆ្នាំ​ ២០១៥ បាន​និយាយ​ថា​៖ «​ជាការ​ពិត​គឺ​អ្វីៗ​មិន​អាច​ចម្លង​ឲ្យ​ដូច​គ្នា​បាន​នោះទេ ពិសេស​គឺ​អគារ​ដែល​ស្ថិត​នៅ​ទីតាំង​ល្អៗ​បំផុត​។ ​អគារ​ទាំងនេះ​មិន​មាន​ច្រើន​ទេ​។ ​នេះ​ជា​មូលហេតុ​ដែល​ធ្វើឲ្យ​អគារ​ទាំង​នេះ​ពិសេស និង​ខុស​ប្លែក​ពី​គេ​មាន​ន័យ​ថា អ្នក​មិន​អាច​ចម្លង​ធ្វើ​ថ្មី​ឲ្យ​ដូច​គ្នា​បាន​នោះ​ទេ​»​។

ក្រុមហ៊ុន​ R2 គ្រោង​នឹង​កែលម្អ​អគារ​នៅ​ Milwaukee នេះ​ជា​ឡើង​វិញ​ដោយ​ជំហាន​ដំបូង​ធ្វើ​ជា​អគារ​ការិយាល័យ​បើ​ទោះ​ជា Postal Service នៅ​តែ​ប្រើ​វា​នៅ​ឡើយ​ក្តី​។

នៅក្នុង​ទីក្រុង​ស៊ីកាហ្គោ​ក្រុមហ៊ុន​ 601W បាន​ទិញ​អគារ​ប្រៃសណីយ៍​ចាស់​មួយ​កាលពី​ខែ​ឧសភា ឆ្នាំ​ ២០១៦ ​ពី​វិនិយោគិន​ជនជាតិ​អង់គ្លេស​មួយ​រូប​។ ​ចាប់​តាំង​ពី​ពេល​នោះ​មក​កម្មករ​បាន​ផ្លាស់ប្តូរ​បង្អួច បោសសម្អាត​សំរាម និង​កម្ទេចកម្ទី​ និង​រៀបចំ​ដំឡើង​ប្រព័ន្ធ​អគារ​ថ្មីៗ​ផ្នែក​ខាង​ក្នុង​ផង​ដែរ​។

គម្រោង​កែលម្អ​នេះ​នឹង​ប្តូរ​អគារ​ប្រៃសណីយ៍​នេះ​ទៅ​ជា​អគារ​ការិយាល័យ​ប្លែកៗ​ដែល​មាន​កម្ពស់​ពិតាន​ដល់​ទៅ​ ១៩ ​ហ្វុត​នេះ​បើ​តាម​សម្តី​របស់​លោក​ Brian Whiting ដែល​ជា​ប្រធាន​ក្រុមហ៊ុន​ Telos Group ជា​ក្រុមហ៊ុន​រត់ការ​ឯកសារ​នៅ​ទីក្រុង​ស៊ីកាហ្គោ​ដែល​ស្វែងរក​អ្នក​ជួល​ការិយាល័យ​នៃ​អគារ​នេះ​។ ​ទំហំ​ ១ ​ជាន់​នៃ​អគារ​នេះ​មាន​ទំហំ​ដល់​ទៅ​ ២៨៥០០០ ​ហ្វីតការ៉េ​។

លោក Whiting ថ្លែង​ថា៖ «​វា​ជា​រឿង​ដ៏សាមញ្ញ​មួយ​។ ​យើង​កំពុង​សង់​នូវ​អគារ​មួយ​ដែល​ទាក់ទាញ​បុគ្គលិក​វ័យក្មេងៗ​ដែលមាន​ការបើក​ទូលាយ​សហការ​គ្នា​ល្អ និង​ចូលចិត្ត​ធ្វើការ​រួម​គ្នា​»​។

ក្រុមហ៊ុន​អភិវឌ្ឍន៍​ចំនួន​ ២ ​គឺ Related Companies និង​ Vornado Realty Trust កំពុង​តែ​ធ្វើការ​លើ​គម្រោង​ស្រដៀង​គ្នា​មួយ​ផង​ដែរ​សម្រាប់​អគារ​ James A. Farley ក្នុង​ទីក្រុង​ញូវយ៉ក​ដែល​អគារ​នេះ​បាន​សាងសង់​ចប់​រួចរាល់​ក្នុង​ឆ្នាំ​ ១៩១៣ ​ដែល​មាន​ការ​រចនា​ផ្នែក​ខាងមុខ​ជាមួយ​នឹង​សសរ​ម៉ូដ​ Corinthian នៅ​ផ្នែក​ម្ខាង​។ ​ឆ្លង​ពី​ស្ថានីយ​ Pennsylvania អគារ​នេះ​នឹង​ផ្លាស់ប្តូរ​ទៅ​ជា​សាល​សម្រាប់​រថភ្លើង​ដោយ​នឹង​ដាក់​ឈ្មោះ​ថា​ Sen. Daniel P. Monynihan​។

Amtrak និង ​Long Island Rail Road នឹង​ប្រើ​ផ្លូវ​រថភ្លើង​ដែល​ក្រុមហ៊ុន​ម៉ៅការ​សំណង់​របស់​ប្រទេស​ស្វ៊ីស​ឈ្មោះ​ Skanska ​កំពុង​តែ​សាងសង់​នៅ​តំបន់​នោះ​។ Vornado និង ​Related នឹង​ផ្តោត​លើ​ទំហំ​ដី​ប្រហែល​ ៥៨៨០០០ ​ហ្វីតការ៉េ​នៃ​អគារ​នេះ​ចាប់ពី​ជាន់​ទី​ ២ ​ដល់​ជាន់​ទី ​៥ ​និង​ទាក់ទាញ​អ្នក​ជួល​ថ្មីៗ​ឲ្យ​ជួល​ជាន់​ទី​ ១ និង​កន្លែង​រង់ចាំ​នានា​ផង​ដែរ​។ អគារ Postal Service នឹង​ជួល​ការិយាល័យ​នៅ​ជាន់​ទី​ ៣​។

ទស្សនវិស័យ​ក្នុង​ការ​ផ្លាស់ប្តូរ​ជាន់​ខាង​លើ​ដែល​ធា្លប់​ជា​កន្លែង​គ្រប់គ្រង​សំបុត្រ​សារ​ប្រៃសណីយ៍​ទៅជា​ការិយាល័យ​បាន​ធ្វើឲ្យ​អគារ Farley លេចធ្លោ​នេះ បើ​យោង​តាម​លោក Andrew Rosen ដែលជា​នាយករង​ជាន់​ខ្ពស់​នៅ​ក្រុមហ៊ុន​Related​។ ​

លោក​បាន​ថ្លែងថា អគារ​ប្រភេទ​នេះ​មិន​ងាយ​មាន​ទេ​នៅ​ទីក្រុង ញូវយ៉ក​ ប៉ុន្តែ​មាន​តម្រូវការ​ខ្ពស់​ពី​សំណាក់​ក្រុមហ៊ុន​បច្ចេកវិទ្យា​ក្រុមហ៊ុន​ប្រព័ន្ធ ផ្សព្វផ្សាយ និង​ក្រុមហ៊ុន​ផ្សេងៗ​ទៀត​។

លោក​ Rosen ថ្លែង​ថា៖ «​វា​មាន​ទំហំ​ប៉ុន​ប្លុក​ ២ ​ជាប់ៗ​គ្នា​នៃ​ទីក្រុង​នេះ​តែ​ម្តង​។ ​ជាន់​នីមួយៗ​អាច​មាន​ទំហំ​ដល់​ទៅ​ ២ ​សែន​ហ្វីតការ៉េ និង​មាន​លម្ហ​ធំ​ព្រម​ទាំង​មាន​ពន្លឺ​ចូល​បាន​ល្អ​ព្រម​ទាំង​មាន​បណ្តាញ មធ្យោបាយ​ធ្វើ​ដំណើរ និង​ដឹកជញ្ជូន​ល្អ​ផងដែរ​។ ​អ្នក​នឹង​ទទួល​បទពិសោធ​ដ៏អស្ចារ្យ និង​ប្លែកៗ​»​។

Lovett Commercial ដែល​ជា​ក្រុមហ៊ុន​អភិវឌ្ឍន៍​មួយ​នៅ Houston គ្រោង​នឹង​ផ្លាស់ប្តូរ​អតីត​អគារ​ប្រៃសណីយ៍​ Barbara Jordan ក្បែរ​តំបន់​ប្រជុំជន​នៃ​ទីក្រុង​នេះ​ទៅ​ជា​តំបន់​បណ្តុំ​ពាណិជ្ជកម្ម​។ Lovett បាន​ទិញ​អគារ​មួយ​ដែល​បាន​សង់​ក្នុង​ឆ្នាំ​ ១៩៦២ ​ដោយ​មាន​ម៉ូដ Brutalist ពី Postal Service កាលពី​ឆ្នាំ​ ២០១៥​។

លោក​ Kirby Liu នាយក​ផ្នែក​អភិវឌ្ឍន៍​របស់​ក្រុមហ៊ុន​ Lovett បាន​និយាយ​ថា៖ «​អគារ​នេះ​មាន​លក្ខណៈ​ជា​សំណង់​ប្រវត្តិសាស្ត្រ​ក្នុង​សម័យកាល​រុងរឿង​របស់ Houston​។ នេះ​គឺជា​បេតិកភណ្ឌ​មួយ​ដែល​យើង​ចង់​អភិវឌ្ឍ​។ ​វា​ជា​កន្លែង​ដែល​បាន​បង្ហាញ​នូវ​អតីតកាល​ដែល​យើង​ចង់​យក​ទៅ​ប្រើ​ក្នុងពេល​អនាគត​»​។

ក្នុង​អតីត​ឃ្លាំង​ ២ ​ជាន់​មួយ​លើ​អគារ​នេះ​បច្ចុប្បន្ន​ត្រូវ​បាន​ក្រុមហ៊ុន Lovett ចង់​ច្នៃ​ឲ្យ​ក្លាយ​ជា​កន្លែង​ដែល​មាន​ហាង​លក់ទំនិញ​កន្លែង​សម្រាប់​វិចិត្រករ​ និង​ភោជនីយដ្ឋាន​នៅ​ជាន់​ផ្ទាល់​ដី​ហើយ​មាន​ការិយាល័យ​សម្រាប់​ជួល​ឲ្យ​ក្រុមហ៊ុន​នានា​នៅ​ជាន់​ទី​ ២ ចំណែក​ ៥ ​ជាន់​ទៀត​គឺ​ទុក​សម្រាប់​ធ្វើ​ជា​សណ្ឋាគារ​។

លោក​ Liu ថ្លែង​ថា​៖ «​អគារ​នេះ​មាន​ចំណុច​ជាច្រើន​ដែល​មាន​ភាព​ពិសេស​ប្លែក​។ ​វា​ជា​រឿង​មួយ​ដែល​គេ​ស្គាល់​ច្រើន​ ប៉ុន្តែ​ប្រជាជន​នៅ​ Houston ជាច្រើន​ក៏​មិន​បាន​ដឹង​អំពី​វា​ដែរ​ពីព្រោះ​ពួកគេ​មិន​បាន​ដឹង​អំពី​ប្រវត្តិ​របស់​ផ្នែក​ជាច្រើន​នៃ​អគារ​នេះ​»​។

ឧទាហរណ៍​មួយ​នោះ​គឺ​៖ ​កន្លែង​ពួន​ និង​ការពារ​ពី​វិទ្យុសកម្ម​ជាច្រើន​កន្លែង​ក្នុង​អគារ​នេះ​ជាដើម​។

ក្រុមហ៊ុន​អភិវឌ្ឍន៍​នានា​មាន​គម្រោង​កែលម្អ​អគារ​ប្រៃសណីយ៍​សម្រាប់​ប្រើប្រាស់​ជាថ្មី​ជាច្រើន​ឆ្នាំ​ទៅ​មុខ​ទៀត​។ ​គម្រោង​ដែល​កែលម្អ​រួច​ហើយ​រួមមាន​អគារ​ដ៏ធំ​មហិមា​មួយ​ដែល​បាន​សង់​រួចរាល់​កាលពី​ឆ្នាំ​ ១៨៨៤ ​ក្នុង​តំបន់​ប្រជុំជន​ St. Louis និង​អគារ​ប្រៃសណីយ៍​ចាស់​នៅ​ Washington ដែល​ក្រុមហ៊ុន​អចលនទ្រព្យ​របស់​លោក​ប្រធានាធិបតី​ Donald Trump បាន​ជួល​ក្នុង​ឆ្នាំ​ ២០១៣ ពី​ការិយាល័យ​រដ្ឋបាល​ General Services Administration និង​បាន​ផ្លាស់ប្តូរ​អគារ​នេះ​ទៅ​ជា​សណ្ឋាគារ​។

Postal Service មាន​អចលនទ្រព្យ​ដល់​ទៅ​ ៨៤៤៨ ​កន្លែង​បើ​គិត​ត្រឹម​ខែ​កញ្ញា​នេះ​បើ​តាម​របាយការណ៍​ប្រចាំ​ឆ្នាំ​ ២០១៧ ​ដែល​ចំនួន​នេះ​គឺ​ធ្លាក់ចុះ​ចំនួន​ ២ ​ភាគរយ​បើ​ប្រៀបធៀប​នឹង​ឆ្នាំ​ ២០១១​។ ប៉ុស្តិ៍​ប្រៃសណីយ៍​បាន​ជួល​អគារ​របស់ខ្លួន​ជាច្រើន​ដែលមាន​ចំនួន​ដល់​ទៅ​ ២៣១៨៤ ​កន្លែង​នេះ​បើ​យោងតាម​របាយការណ៍​ប្រចាំឆ្នាំ​។

ក្នុង​រយៈពេល​ ៧ ​ឆ្នាំ​ចុងក្រោយ​មក​នេះ​ភ្នាក់ងារ​នេះ​បាន​លក់​អចលនទ្រព្យ​ជា​មធ្យម​ ៣២ ​កន្លែង​ជា​រៀងរាល់​ឆ្នាំ​នេះ​បើ​យោងតាម​របាយការណ៍​ហិរញ្ញវត្ថុ​។ ការលក់​អាច​នឹង​ជួប​បញ្ហា​ចម្រូងចម្រាស​។ ​ក្នុងករណី​មួយ​ចំនួន​សហគមន៍​បាន​ព្យាយាម​ប្រឆាំង​ដើម្បី​ធ្វើ​យ៉ាង​ណា​ឲ្យ​អគារ​ទាំង​នេះ​នៅ​តែ​ជា​អគារ​សាធារណៈ​ និង​បើក​បម្រើ​ជូន​អតិថិជន​។ ភ្នាក់ងារ​នេះ​ក៏​បាន​រង​ការ​រិះគន់​ដែល​បាន​លក់​អគារ​ប្រវត្តិសាស្ត្រ​ផង​ដែរ​។ Postal Service ក៏​ចូលរួម និង​លក់​អចលនទ្រព្យ​ដើម្បី​បើកឱកាស​មុខ​ជំនួញ និង​ហិរញ្ញវត្ថុ​ផង​ដែរ​ ខណៈ​ដែល​ការផ្ញើ​សំបុត្រ​តាម​ប្រៃសណីយ៍​បាន​ធ្លាក់​ចុះ​។ នេះ​បើ​យោង​តាម​អ្នក​នាំ​ពាក្យ Kimberly Frum នៃ​ក្រុមហ៊ុន​នេះ​បាន​សរសេរ​ក្នុង​អ៊ីមែល​។

អ្នកស្រី Frum បាន​សរសេរ​ថា៖ «​នៅ​តំបន់​មួយ​ចំនួន​យើង​មាន​អគារ​ច្រើន​លើសលប់​។ ​បើ​ក្រឡេក​មក​មើល​ស្ថានភាព​ហិរញ្ញវត្ថុ​របស់​យើង​វិញ​ការ​លក់​អគារ​ទាំង​នេះ​ក្នុង​កាលៈទេសៈ​បែប​នេះ​ជា​ការ​សម្រេចចិត្ត​មួយ​ល្អ​ដែរ​»​។

អ្នកស្រី​បាន​បន្ថែម​ថា​មុន​ពេល​លក់​អគារ​នីមួយៗ​ភ្នាក់ងារ​តែងតែ​ស្នើសុំ​ និង​គិត​ដល់​យោបល់​របស់​សហគមន៍​។ ​វា​ក៏​ស្រប​ទៅ​តាម​បញ្ញតិ្ត និង​ច្បាប់​អភិរក្ស​មុន​ពេល​ខ្លួន​អាច​លក់​អចលនទ្រព្យ​ប្រវត្តិសាស្ត្រ​បាន​ផង​ដែរ​៕

Micah Maidenberg/The New York Times

Source From : Property Area

 

ផ្ទាំង​ប៉ាណូ​ពាណិជ្ជកម្ម​អគារ Trump Tower Mumbai ជា​កម្មសិទ្ធិ​របស់​មហាសេដ្ឋី​ផ្នែក​អចលនទ្រព្យ និង​ជា​ប្រធានាធិបតី​សហរដ្ឋអាមេរិក​។ រូបថត INDRANIL MUKHER JE/afp
 

វិនិយោគិន​អចលនទ្រព្យ​ព្រមទាំង​គ្រួសារ​ជាច្រើន​ទៀត​នឹង​បាន​ចូលរួម​ក្នុងការ​ពិសា​អាហា​ពេល​ល្ងាច​ជាមួយ​នឹង​កូនប្រុស​របស់​លោក​ប្រធានាធិបតី​សហរដ្ឋអាមេរិក Donald Trump ​គឺ​ Trump Jr. ​នៅ​ទីក្រុង​ដែលី​ក្នុង​សប្តាហ៍​នេះ ក្រោយ​ពេល​ដែល​លោក​លក់​បាន​ផ្ទះ​ជាច្រើន​ក្នុង​អគារ​ប្រណីត Trump Towers នៅ​ជាយ​រដ្ឋធានី​នៃ​ប្រទេស​ឥណ្ឌា​។

ដៃគូ​សហការ​ក្នុង​ប្រទេស​ឥណ្ឌា​របស់​លោក​ Trump បាន​សន្យា​ដោយ​ផ្តល់នូវ​ការ​ពិសា​អាហារ​ពេល​ល្ងាច​ជាមួយ​កូនប្រុស​របស់​លោក​ប្រធានាធិបតី​សហរដ្ឋ​អាមេរិក​ចំពោះ​អតិថិជន​ទាំងឡាយ​ណា​ដែល​បាន​ទិញ​ផ្ទះ​ពី​អគារ​ខ្ពស់​ដែល​មាន​ការ​រចនា​បង្អួច​យ៉ាងធំ​តាំងពី​បាត​រហូត​ដល់​ពិតាន​ និង​មាន​ការ​រចនា​ម៉ូដ​បែប​សិល្បៈ​ប្រកបដោយ​ភាព​ប្រណីត​និង​ «​ការ​រស់នៅ​លំដាប់​អភិជន​ដែល​មាន​អ្នក​ប្រចាំការ​បម្រើ​»​។

ជាមួយ​នឹង​ការតម្រូវ​ឲ្យ​កក់​ប្រាក់​ជាមុន​ដល់​ទៅ​ ២.៥ ​លានរូពី ឬ​ប្រហែល​ ៣៩០០០ ​ដុល្លារ​អាមេរិក​សម្រាប់​ផ្ទះ​មាន​តម្លៃ​ទាប​ជាងគេ​នោះ​តម្លៃ​នេះ គឺ​ខ្ពស់​ហួស​ពី​សមត្ថភាព​របស់​ប្រជាជន​ឥណ្ឌា​ភាគច្រើន​ទៅ​ហើយ​។

បើទោះ​ជា​មាន​អតិថិជន​ប្រមាណ​ ៧៥ ​រូប​បាន​ទិញ​ហើយ​ក្តី Tribeca ដែល​ជា​ក្រុមហ៊ុន​សាងសង់​របស់​ឥណ្ឌា​រំពឹង​ថា​អតិថិជន​នឹង​កើន​ដល់​ ១០០ ​រូប​មុន​កាលបរិច្ឆេទ​ផុតកំណត់​នៃ​ប្រម៉ូសិន​ពិសេស​នៅ​ថ្ងៃ​ព្រហស្បតិ៍​នេះ​។ នេះ​បើ​យោង​តាម​សម្តី​បុគ្គលិក​ម្នាក់​បាន​ប្រាប់ AFP ដោយ​សុំ​មិន​បញ្ចេញ​ឈ្មោះ​។

បុគ្គលិក​រូប​នោះ​បាន​និយាយ​ថា៖ «​ការជួប​ពិសា​អាហារ​ពេល​ល្ងាច​នេះ គឺជា​ការ​អរគុណ​ដល់​អតិថិជន​ក្នុង​ការ​បង្ហាញ​នូវ​ជំនឿ​ទុកចិត្ត​យ៉ាង​ក្រៃលែង​ចំពោះ​គម្រោង​ដែល​នឹង​សាងសង់​ចប់​រួចរាល់​ក្នុង​ពេល​ខាង​មុខ​»​។

អគារ​ដែល​មាន​កម្ពស់​ ៤៧ ​ជាន់​នេះ​នឹង​មាន​លំនៅឋាន​ចំនួន​ ២៥០ ​យូនីត​ហើយ​រំពឹង​ថា​នឹង​សាងសង់​រួចរាល់​ជា​ស្ថាពរ​នៅ​ឆ្នាំ​ ២០២៣​។

ការ​ផ្សាយ​ពាណិជ្ជកម្ម​របស់​ក្រុមហ៊ុន​លើ​កាសែត​ឥណ្ឌា​កាលពី​ថ្ងៃ​ចន្ទ​បាន​ឲ្យ​ដឹងថា អ្នក​ដែល​នឹង​ស្នាក់នៅ​អគារ​នេះ​នឹង​រួមមាន «​ឧស្សាហករ​ដ៏ល្បី​ឈ្មោះ​ម្នាក់​» «​សិល្បករ​ដ៏ល្បីល្បាញ​» និង «​កីឡាករ​ Cricket ​ឥណ្ឌា​ដ៏ល្បី​ឈ្មោះ​»​ ផង​ដែរ​បើ​ទោះ​ជា​ព័ត៌មាន​នេះ​មិន​បាន​បញ្ជាក់​ច្បាស់​ថា តើ​ជា​អតិថិជន​ទាំង​នេះ​បាន​ទិញ​រួច​ហើយ ឬ​នៅ​ក្តី​។

«​លោក​ Trump មក​ដល់​ហើយ​។ ​តើ​អ្នក​ត្រូវបាន​គេ​អញ្ជើញ​ដែរ​ឬ​ទេ​? នេះ​ជា​ការ​សរសេរ​នៅលើ​ទំព័រ​កាសែត Times of India ដែល​ចេញ​កាលពី​ថ្ងៃ​ចន្ទ​។

គម្រោង​នេះ​ស្ថិត​នៅ​ក្នុង​ទីក្រុង​រណប​ Gurgaon ​ដែល​ក្រុមហ៊ុន​ធំៗ​ជាច្រើន​បាន​មក​បោះ​ទីតាំង​នៅ​ទី​នោះ​។

ឥណ្ឌា គឺជា​ទីផ្សារ​អន្តរជាតិ​ធំ​ជាងគេ​បង្អស់​របស់​ Trump Organization ទៅ​ហើយ​ដោយ​មាន​គម្រោង​ក្នុង​ទីក្រុង​ធំៗ​ដល់​ទៅ​ ៤ គឺ​ទីក្រុង​ Mumbai,Pune, Gurgaon និង ​Kolkata​។

គម្រោង​ទាំងអស់​នេះ​សុទ្ធ​តែ​ចាប់​ដៃគូ​ជាមួយ​វិនិយោគិន​ក្នុង​ស្រុក​ដោយ​បាន​ទទួល​ការ​អនុញ្ញាត​ពី Trump Organization ឲ្យ​ប្រើ​ឈ្មោះ​ខ្លួន​ និង​យក​ចំណែក​ប្រាក់​ចំណេញ​របស់​គម្រោង​ទាំង​នេះ​។

បើ​តាម​របាយការណ៍​តម្លៃ​ប៉ាន់ស្មាន​នៃ​គម្រោង​ទាំងអស់​នេះ​មាន​តម្លៃ​ប្រហែល​ ១.៥ ​ពាន់​លាន​ដុល្លារ​អាមេរិក​។

គ្រួសារ​លោក Trump រកប្រាក់​ចំណូល​បាន​ប្រហែល​ ៣ ​លាន​ដុល្លារ​ពី​ការ​យក​ឈ្មោះ​របស់​ក្រុមហ៊ុន​ទៅ​ប្រើ​កាលពី​ឆ្នាំ​ ២០១៦ ​ក្នុង​ប្រទេស​ឥណ្ឌា​។ ​នេះ​បើ​តាម​របាយការណ៍​របស់​កាសែត​ New York Times​។

Trump Jr. និង​ប្អូនប្រុស​របស់​លោក​បច្ចុប្បន្ន គឺជា​អ្នក​គ្រប់គ្រង​ក្រុមហ៊ុន​នេះ​ក្រោយ​ពេល​ដែល​ឪពុក​របស់​ពួកគេ​បាន​ដកខ្លួន​ចេញ​នៅពេល​ដែល​ក្លាយជា​ប្រធានាធិបតី​ដើម្បី​បញ្ចៀស​ពី​បញ្ហា​ទំនាស់​ផលប្រយោជន៍​ផ្សេងៗ​។

បើ​ទោះបី​ជា​ស្ថានទូត​អាមេរិក​បាន​ថ្លែង​ថា លោក​កំពុង​នៅ​ទីក្រុង​ដែលី​ក្នុង​ដំណើរ​ទស្សនកិច្ច​មិន​ផ្លូវការ​ក្តី​លោក​ Trump Jr. នឹង​ថ្លែង​សុន្ទរកថា​លើ​វេទិកា​ទំនាក់ទំនង​ឥណ្ឌូ​ប៉ាស៊ីហ្វិក​ក្នុង​កិច្ចប្រជុំ​មុខ​ជំនួញ​មួយ​នៅ​ថ្ងៃ​សុក្រ​ដែល​មាន​លោក​ប្រធានាធិបតី​ឥណ្ឌា​ Narendra Modi គឺជា​វាគ្មិន​សំខាន់​។

គម្រោង​អគារ​ប្រណីត​នៅ​ Gurgaon ​នេះ​កំពុង​ត្រូវ​បាន​សាងសង់​ដោយ​ក្រុមហ៊ុន​ឥណ្ឌា​ឈ្មោះ​ Tribeca និង ​M3M ដោយ​រំពឹង​ថា​នឹង​ចាប់ផ្តើម​សាងសង់​នៅ​ចុង​ឆ្នាំ​នេះ​។

ទីផ្សារ​លំនៅឋាន​នៅ​ប្រទេស​ឥណ្ឌា​បាន​ជួប​នឹង​បញ្ហា​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ​ ដោយសារ​តែ​ចំនួន​លំនៅឋាន​ក្នុង​ទីក្រុង​បាន​កើន​លើស​តម្រូវការ​បូកផ្សំ​នឹង​ផលប៉ះពាល់​ពី​ការ​ផ្លាស់ប្តូរ​ក្នុង​ការ​ដោះស្រាយ​បញ្ហា​នៃ​ការ​បង់ពន្ធ​ក្នុង​ឆ្នាំ​ ២០១៦ ​ផង​ដែរ​៕

Source From : Property Area

 

Latest News

តបតាមការអញ្ជើញរបស់សមាគមភ្នាក់ងារអចលនវត្ថុប្រទេសហ្វីលីពីន កាលពីថ្ងៃទី ៤-៦...

LATEST EXCLUSIVE LISTING

Land For Sale
Trapang Krasang,Porsenchey
USD 420.00/SQM
Land For Sale
Phnom Penh Thmei,Sen Sok
USD 285.00/SQM
Land For Sale
Chorm Chao,Porsenchey
USD 150,000.00
Flat House For Sale
Boeng Salang,Tuol Kork
USD 398,000.00
Land For Sale
Phnom Penh Thmei,Sen Sok
USD 155,000.00

CVEA MEMBERS