ទំព័រដើម

Languages

hostgator coupon code 50 off
  • 1a
  • 1b
  • 2a
  • 3a
  • 4a
  • ava 1
  • ava 2
  • ava 4
  • zillennium

  • c21

vtrust

February 11 2019 CVEA

ថ្ងៃចន្ទ ៧ កើត ខែមាឃ ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី ១១ ខែកុម្ភៈ ឆ្នាំ២០១៩ វេលាម៉ោង ៩ នាទីព្រឹក នៅទីស្ដីការក្រសួងរៀបចំដែនដី នគរូបនីយកម្ម និងសំណង់ក្រោមអធិបតីភាព ឯកឧត្តម ប៉ែន សុផល រដ្ឋលេខាធិការ នៃក្រសួងដែនដីនគរូបនីយកម្ម និងសំណង់ ក្នុងកិច្ចប្រជុំត្រៀមរៀបចំវេទិការសារធារៈ និងឯកជនស្ដីពី "ការអភិវឌ្ឍន៍នគររូបនីយកម្ម រវាងកម្ពុជា-ជប៉ុន" ដែលគ្រោងនឹងរៀបចំនៅថ្ងៃទី ២៧ ខែកុម្ភៈ ឆ្នាំ២០១៩ នាខាងមុខនេះ។លោក ពឹង សេរីអនុប្រធានសមាគម ត្រូវបានអញ្ជើញចូលរួមជាតំណាងសមាគម CVEA ។ គោលបំណងនៃកិច្ចប្រជុំនេះគឺ ក្រសួងរៀបចំដែនដី នគរូបនីយកម្ម និង សំណង់ និង វិស័យឯកជនកម្ពុជាផ្នែកវិស័យ សំណង់ លំនៅឋាន ហេដ្ឋារចនាសម្ព័ន្ធ និងការអភិវឌ្ឍវិស័យអចលនទ្រព្យ ពិគ្រោះ និងពិភាក្សាយោបល់ដើម្បីតៀមរៀបចំ វេទិការ "ស្តីពីការអភិវឌ្ឍន៍នគរូបនីយកម្ម រវាងកម្ពុជា-ជប៉ុន" ដែលនឹងប្រព្រឹត្តទៅនៅថ្ងៃទី២៧ ខែកុម្ភៈ ឆ្នាំ២០១៩ វេលាម៉ោង ០៨៖០០ នៅសណ្ឋាគារកាំបូឌីយ៉ាណា រាជធានីភ្នំពេញ។

December 28th 2018 CVEA

សិក្ខាកាមវគ្គបណ្តុះបណ្តាលជំនាញ “វិជ្ជាជីវៈភ្នាក់ងារអចលនវត្ថុ” ជំនាន់ទី ១ ជាងពីររយនាក់ ទទួលបានវិញ្ញាបនបត្របញ្ចប់ការសិក្សា ដែលទទួលស្គាល់ដោយក្រសួងសេដ្ឋកិច្ចនិងហិរញ្ញវត្ថុ រាជធានីភ្នំពេញៈ កាលពីព្រឹកថ្ងៃព្រហស្បតិ៍ ទី២៧ ខែធ្នូ ឆ្នាំ២០១៨ នេះ នៅសាកលវិទ្យាល័យសេដ្ឋកិច្ចនិងហិរញ្ញវត្ថុ មានរៀបចំពិធីប្រគល់វិញ្ញាបនបត្របញ្ជាក់ការសិក្សាជូនសិក្ខាកាម វគ្គបណ្តុះបណ្តាល វិជ្ជាជីវៈភ្នាក់ងារអចលនវត្ថុ ជាងពីររយនាក់ ដែលបានប្រឡងជាប់ជាស្ថាពរនាពេលកន្លងមក ។ កម្មវិធីបណ្តុះបណ្តាលជំនាញវិជ្ជាជីវៈភ្នាក់ងារអចលនវត្ថុ នេះត្រូវបានសហការបណ្តុះបណ្តាលដោយ សាកលវិទ្យាល័យសេដ្ឋកិច្ចនិងហិរញ្ញវត្ថុ និង សមាគមអ្នកវាយតម្លៃនិងភ្នាក់ងារអចលនវត្ថុកម្ពុជា ហៅកាត់ CVEA ។ ពិធីប្រគល់វិញ្ញាបនបត្របញ្ចប់ការសិក្សានេះត្រូវបានប្រពឹត្តទៅក្រោមអធីបតីភាព លោក រស់ ភីរុណ អគ្គនាយករង នៃអក្គនាយកដ្ឋានឧស្សាហកម្មហិរញ្ញវត្ថុ តំណាង ឯកឧត្តម ម៉ី វ៉ាន់ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានឧស្សាហកម្មហិរញ្ញវត្ថុ នៃក្រសួងសេដ្ឋកិច្ចនិងហិរញ្ញវត្ថុ និងមានការចូលរួមពី បណ្ឌិត ជួន រតនៈ សាកលវិទ្យាធិការនៃសាកលវិទ្យាល័យសេដ្ឋកិច្ចនិងហិរញ្ញវត្ថុ, ឧកញ៉ា ចេង ខេង ប្រធានក្រុមប្រឹក្សាភិបាលសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា, បណ្ឌិត គីម ហ៊ាង ប្រធានសមាគម CVEA អាណត្តិទី ៥ និង លោក ច្រឹក សុខនីម ប្រធានសមាគម CVEA ថ្មី និង ឯកឧត្តម លោកជំទាវ លោក លោកស្រី ជាគណៈគ្រប់គ្រងសាកលវិទ្យាល័យ, ថ្នាក់ដឹកនាំសមាគម CVEA និង តំណាងសិក្ខាកាមជាច្រើនរូបទៀត ។ គួររំលឹកផងដែរថា កម្មវិធីបណ្តុះបណ្តាលជំនាញ “វិជ្ជាជីវៈភ្នាក់ងារអចលនវត្ថុ” និង “វិជ្ជាជីវៈវាយតម្លៃ” របស់សាកលវិទ្យាល័យនេះ ត្រូវបានទទួលកាឯកភាពពីអគ្គនាយកដ្ឋានឧស្សាហកម្មហិរញ្ញវត្ថុនៃក្រសួងសេដ្ឋកិច្ច កាលពីដើមខែ កក្កដា ឆ្នាំ ២០១៨ កន្លងទៅថ្មីៗនេះ ។ លោក បណ្ឌិត ជួន រតនៈ សាកលវិទ្យាធិការ នៃសាកលវិទ្យាល័យសេដ្ឋកិច្ចនិងហិរញ្ញវត្ថុ បានឱ្យដឹងថា វគ្គបណ្តុះបណ្តាល “វិជ្ជាជីវៈភ្នាក់ងារអចលនវត្ថុ” ដែលសាកលវិទ្យាល័យបាននិងកំពុងដំណើរការនេះ មានរយៈពេលបណ្តុះបណ្តាលសរុបចំនួន ៧៨ ម៉ោង មាន ៦ មុខវិជ្ជាដែលត្រូវរៀន ក្រៅពីនេះសិក្ខាកាមត្រូវចូលរួមទស្សនកិច្ចសិក្សាលើការដ្ឋានការងារជាក់ស្តែងមួយចំនួន ដូចជា សំណង់ផ្ទះល្វែង បុរី ខន់ដូ អាផាតមិន៍ ជាដើម, ដែលសហការរៀបចំដោយសាកលវិទ្យាល័យ និងសមាគម CVEA ថែមទៀតផង ។ មួយវិញទៀត ក្នុងន័យវាស់វែងពីគុណភាពនៃកម្មវិធីបណ្តុះបណ្តាល ពេលរៀនចប់សិក្ខាកាមត្រូវចូលរួមការប្រឡងបញ្ចប់ដែលរៀបចំដោយសាកលវិទ្យាល័យ និងមានការចូលរួមត្រួតពិនិត្យការប្រឡងដោយតំណាងក្រសួងសេដ្ឋកិច្ចនិងហិរញ្ញវត្ថុផងដែរ ។ លោក រស់ ភីរុណ ជាគណៈអធីបតីនៃអង្គពិធីបានលើកឡើងថា ដើម្បីធានាបាននូវការអភិវឌ្ឍប្រកបដោយចីរភាពរបស់សង្គមជាតិមួយ គឺជៀសមិនផុតពីការកសាងមូលដ្ឋានគ្រឹះដ៏រឹងមាំតាមរយៈការបង្កើតនូវធនធានមនុស្សដែលមានចំណេះជំនាញពិតប្រាកដ ទាំងជំនាញរឹង និងជំនាញទន់ និយាយជារួម, និងនិយាយដោយឡែក វិស័យអចលនវត្ថុកម្ពុជា ជាវិស័យដែលឈរក្នុងលំដាប់ទី ៤ បច្ចុប្បបន្នបន្ទាប់ពីវិស័យវាយនភ័ណ្ឌុ, ពាណិជ្ជកម្ម និង ទេសចរណ៍ ដែលចូលរួមចំណែកក្នុងការអភិវឌ្ឍសេដ្ឋកិច្ចកម្ពុជា ។ ក្នុងន័យនេះ ដើម្បីកសាងនូវមូលដ្ឋានគ្រឹះរឹងមាំក្នុងការជម្រុញការអភិវឌ្ឍវិស័យមួយនេះឱ្យកាន់តែរីកចម្រើនថែមទៀត ការកសាងនិងអភិវឌ្ឍសមត្ថភាពធនធានមនុស្ស តម្រូវឱ្យតួអង្គដែលពាក់ព័ន្ធរួមមានបញ្ញត្តិករ ប្រតិបត្តករ និងស្ថាប័នសិក្សាធិការរួមសហការគ្នា, និង ដើរតួនាទីយ៉ាងសំខាន់ក្នុងការទាក់ទាញវិនិយោគទាំងក្នុងស្រុកនិងបរទេស ពិសេសក្នុងការប្រកួតប្រជែងជាមួយប្រទេសជិតខាងនិងប្រទេសក្នុងតំបន់ ។ ហេតុដូច្នេះហើយកាលពីពាក់កណ្តាលឆ្នាំ ២០១៨ កន្លងទៅនេះ ក្រសួងសេដ្ឋកិច្ចនិងហរិញ្ញវត្ថុបានអនុញ្ញាតឱ្យសាកលវិទ្យាល័យសេដ្ឋកិច្ចនិងហិរញ្ញវត្ថុ សហការជាមួយសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា បើកវគ្គបណ្តុះបណ្តាលលើមុខជំនាញ “វិជ្ជាជីវៈភ្នាក់ងារអចលនវត្ថុ” និង “វិជ្ជាជីវៈវាយតម្លៃ” ដែលការបណ្តុះបណ្តាលជំនាន់ទី ១ លើជំនាញ “វិជ្ជាជីវៈភ្នាក់ងារអចលនវត្ថុ” បានចាប់ផ្តើមកាលពីខែ សីហា ឆ្នាំ ២០១៨ កន្លងទៅថ្មីៗនេះ ។ ទន្ទឹមនោះ គណៈអធិបតីក៏បានបង្ហាញពីការពេញចិត្តនិងការគាំទ្រពីសំណាក់ក្រសួងសេដ្ឋកិច្ចនិងហិរញ្ញវត្ថុចំពោះកម្មវិធីបណ្តុះបណ្តាលខាងលើ តាមរយៈការមើលឃើញពីការគាំទ្រពីអ្នកប្រកបរបរពាក់ព័ន្ធនឹងវិស័យអចលនវត្ថុ និងសាធារណជនទូទៅដែលបានចាប់អារម្មណ៍និងចុះឈ្មោះសិក្សាលើជំនាញ “វិជ្ជាជីវៈភ្នាក់ងារអចលនវត្ថុ” ក្នុងជំនាន់ទី ១, ជំនាន់ទី ២ និងជំនាន់បន្តបន្ទាប់ទៀត បន្ថែមពីនេះ លោកក៏បានកោតសរសើរ និងវាយតម្លៃខ្ពស់ចំពោះសិក្ខាកាមជ័យលាភីទាំងអស់ដែលបានឆ្លងកាត់ការប្រឡងនិងទទួលបានលទ្ធផលល្អប្រសើរ និង ត្រូវទទួលបានវិញ្ញាបនបត្របញ្ជាក់ការសិក្សាដែលទទួលស្គាល់ដោយក្រសួងសេដ្ឋកិច្ចនិងហិរញ្ញវត្ថុនាឱកាសនោះផងដែរ ។ ក្នុងពិធីនោះដែរ ក្នុងនាមថ្នាក់ដឹកនាំកំពូលរបស់សមាគមអ្នកវាយតម្លៃនិងភ្នាក់ងារអចលនវត្ថុកម្ពុជា លោកឧកញ៉ា ចេង ខេង, លោកបណ្ឌិត គីម ហ៊ាង និង លោក ច្រឹក សុខនីម បានប្រកាសគាំទ្រពីការលើកឡើងរបស់គណៈអធិបតី ពីគុណតម្លៃនៃការបណ្តុះបណ្តាលនិងអភិវឌ្ឍធនធានមនុស្សក្នុងវិស័យអចលនវត្ថុដើម្បីឆ្ពោះទៅរកការអភិវឌ្ឍប្រកបដោយចីរភាព, បន្ថែមពីនេះ ថ្នាក់ដឹកនាំទាំងបី ក៏បានប្រកាសពីការគាំទ្ររបស់សមាគមអ្នកវាយតម្លៃនិងភ្នាក់ងារអចលនវត្ថុកម្ពុជាលើកម្មវិធីបណ្តុះបបណ្តាលរបស់សាកលវិទ្យាល័យសេដ្ឋកិច្ចនិងហិរញ្ញវត្ថុ និងបានអំពាវនាវឱ្យមានការចុះឈ្មោះចូលរៀនក្នុងវគ្គបណ្តុះបណ្តាលនេះ និងវគ្គបណ្តុះបណ្តាលពាក់ព័ន្ធបន្ថែមទៀតទាំងសមាជិកសមាគម និងមិនមែនសមាជិកសមាគម ដើម្បីឱ្យប្រតិបត្តករដែលបម្រើសេវាក្នុងវិស័យមួយនេះ មានចំណេះដឹងពិតប្រាកដប្រកបដោយវិជ្ជាជីវៈនិងក្រមសីលធម៌ខ្ពស់ ក្នុងការផ្តល់សេវាដល់ភាគីពាក់ព័ន្ធ ពិសេសវិនិយោគិនជាតិ និងអន្តរជាតិឱ្យកាន់តែមានទំនុកចិត្តក្នុងការវិនិយោគក្នុងប្រទេសកម្ពុជាយើងទាំងពេលបច្ចុប្បន្ននិងអនាគត ។ មួយវិញទៀត ថ្នាក់ដឹកនាំសមាគមក៏បានស្នើឱ្យសិក្ខាកាមដែលប្រឡងជាប់ដោយជោគជ័យនិងមានសិទ្ធិស្នើសុំវិញ្ញាបនបត្របញ្ជាក់វិជ្ជាជីវៈ និង អាជ្ញាប័ណ្ណពីក្រសួងសេដ្ឋកិច្ចនិងហិរញ្ញវត្ថុ ក្នុងការប្រកបអាជីពដោយស្របច្បាប់ទាំងនោះ ឱ្យដាក់ពាក្យស្នើសុំវិញ្ញាបនបត្រ និង អាជ្ញាប័ណ្ណឱ្យបានទាន់ពេលវេលាដើម្បីប្រកបអាជីពដោយស្របច្បាប់ ។ បន្ថែមពីនេះ តាមរយៈលោកបណ្ឌិតសាកលវិទ្យាធិការបានឱ្យដឹងបន្ថែមថា ទោះបីថ្ងៃនេះជាថ្ងៃបើកវគ្គបណ្តុះបណ្តាលជំនាន់ទី ២ ក៏ពិតមែន តែយ៉ាងណាសាធារណៈជនទូទៅដែលមានបំណងចង់ចុះឈ្មោះសិក្សានៅតែអាចបន្តចុះឈ្មោះបាន ព្រោះវគ្គបណ្តុះបណ្តាលជំនាញ “វិជ្ជាជីវៈអចលនវត្ថុ” ជំនាន់ទី ៣ និង “វិជ្ជាជីវៈវាយតម្លៃ” ជំនាន់ទី ១ នឹងចាប់ផ្តើមក្នុងខែ មីនា ឆ្នាំ ២០១៩ ខាងមុខនេះហើយ ។ ព័ត៌មានបន្ថែមសូមទំនាក់ទំនងការិយាល័យផ្តល់ព័ត៌មាន ឬអាចទំនាក់ទំនងតាមរយៈទូរស័ព្ទលេខ 087 803 168 ។

Jan 23 2019 CVEA

ថ្ងៃទី ២៣ ខែ មករា ឆ្នាំ ២០១៩ ជាថ្ងៃប្រវត្តិសាស្រ្តដ៏ប្រពៃដែលសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា CVEA ត្រូវបានឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ អនុញ្ញាតឲ្យប្រតិភូថ្នាក់ដឹកនាំរបស់សមាគម ដែលមាន -លោក ច្រឹក សុខនីម ជាប្រធានសមាគម និងលោក-លោកស្រីអនុប្រធានសមាគម -លោកឧកញ៉ា ចេង ខេង ប្រធានក្រុមប្រឹក្សាភិបាលសមាគម និងសមាជិកសមាជិកបានចូលរួមកិច្ចប្រជុំទ្ធេរភាគីរវាងក្រសួងនិងសមាគម។ ជាលទ្ធផលឯកឧត្តម ឧបនាយករដ្ឋមន្រ្តីបានអបអរសាទរ និងគាំទ្រដល់ថ្នាក់ដឹកនាំរបស់សមាគមក្នុងអាណត្តិទី ៦ ហើយឯកឧត្តមក៏បានចាត់ទុកសមាគម CVEA ជាដៃគូរសហការដ៏ល្អរបស់រាជរដ្ឋាភិបាលក្នុងការចូលរួមចំណែកធ្វើឲ្យវិស័យអចលនវត្ថុនៅកម្ពុជាកាន់តែមានភាពរឹងមាំ តាមរយៈការបំពេញភារកិច្ចប្រកបដោយក្រមសីលធម៌ វិជ្ជាជីវៈរបស់ក្រុមហ៊ុនសមជិករបស់សមាគម។ ឯកឧត្តមឧបនាយករដ្ឋមន្ត្រីបានផ្តល់អនុសាសន៏ល្អៗ ដល់ថ្នាក់ដឹកនាំរបស់សមាគម និងបានទទួលយកសំណូមពរនានា ពីថ្នាក់ដឹកនាំរបស់សមាគមផងដែរ ក្នុងការរួមចំណែកធ្វើឲ្យវិស័យអចលនវត្ថុកាន់តែប្រសើរឡើង។

Jan 24 2019 CVEA

នារសៀលថ្ងៃព្រហស្បតិ៍ ៤ រោច ខែបុស្ស ឆ្នាំច សំរឹទ្ធិស័ក ពុទ្ធសករាជ ២៥៦២ ត្រូវនឹងថ្ងៃទី ២៤ ខែ មករា ឆ្នាំ ២០១៩ សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានរៀបចំការប្រជុំសមាជិកទូទៅលើកទី ១ សម្រាប់ឆ្នាំ ២០១៩ នៅសណ្ឋាគារកាំបូឌីយ៉ាណា តាមរបៀបវារៈដែលបានគ្រោងទុកដូចខាងក្រោម ៖ ១. ពិធីប្រកាសសុពលភាព និងប្រគល់លិខិតតែងតាំង ព្រមទាំងបំពាក់និមិតតសញ្ញា(CVEA SIGN)ជូនដល់ក្រុមប្រឹក្សាភិបាល អនុប្រធានសមាគម ទីប្រឹក្សារបស់សមាគមនានា ២. ការប្រកាសពីផែនការ និងយុទ្ធសាស្ត្ររបស់ប្រធានសមាគមដែលត្រូវដឹកនាំសមាជិកសមាគម ៣. ជម្រាបជូនពីលទ្ធផលនៃកច្ចប្រជុំរវាងថ្នាក់ដឹកនាំសមាគម និង ឯកឧត្តម ជា សុផារ៉ា ឧបនាយករដ្ឋមន្រ្តី រដ្ឋមន្ត្រីក្រសួងរៀបចំ ដែនដីនគរូបនីយកម្ម និងសំណង់ ៤. កិច្ចពិភាក្សាអំពីបញ្ហាប្រឈម ដំណោះស្រាយ ៖ •ការខ្វះខាតក្នុងការប្រើប្រាស់ព័ត៌មានទិន្នន័យក្បាលដី និងយន្តក្នុងការស្នើសុំនិន្នន័យពីក្រសួងរបៀបចំដែនដី នគរូបនីយកម្ម និងសំណង់ •មតិយោបល់នានា របស់សមាជិក-សមាជិកា... អង្គប្រជុំបានប្រព្រឹត្តិទៅតាមរបៀបវារៈដែលបានគ្រោងទុកខាងលើ ដោយទទួលបានលទ្ធផលយ៉ាងល្អ ប្រសើរក្រៃលែង។ សមាគម CVEA សូមថ្ងែងអំណរគុណដល់សមាជិក សមាជិកាទាំងអស់ដែលបានចំណាយពេលវេលាដ៏មានតម្លៃ ចូលរួមក្នុងកម្មវិធីប្រជុំដែលរៀបចំឡើងដោយសមាគម។

Jan 25 2019 CVEA

នាព្រឹកថ្ងៃទី២៥ ខែ មករា ឆ្នាំ២០១៩ លោកច្រឹក សុខនីម ប្រធានសមាគម និង លោកលោកស្រីអនុប្រធាន លោកឧកញ៉ា ចេង ខេង ប្រធានក្រុមប្រឹក្សាភិបាលសមាគម បានជួបសំណេះសំណាល និងពិភាក្សាការងារជាមួយ សមាគមអ្នកអភិវឌ្ឍន៍លំនៅឋានកម្ពុជាដឹកនាំដោយលោក ឧកញ៉ា លី ហួរ ប្រធានសមាគមនិងប្រតិភូដឹកនាំ។ជាលទ្ធផលលោកឧកញ៉ា លី ហួរ ប្រធានសមាគម HDAC បានស្វាគមន៍ និងគាំទ្រដល់ថ្នាក់ដឹកនាំសមាគម CVEA អាណត្តិថ្មី និងបន្តការគាំទ្រនូវកិច្ចសហប្រតិបត្តិការជាដៃគូររវាងសមាគមទាំងពីរ និងត្រៀមរៀបចំធ្វើអនុស្សរណៈយោគយល់លើភាពជាដៃគូររវាងភាគីទាំងពីរនាពេលដ៏ខ្លីខាងមុខនេះ។

CVEA MEMBERS