ទំព័រដើម

Languages

hostgator coupon code 50 off
  • 1a
  • 1b
  • 2a
  • 3a
  • 4a
  • ava 1
  • ava 2
  • ava 4
  • THE SEAGATE SUITE

  • THE SEAGATE SUITE

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

ប្រជាពលរដ្ឋ​កំពុង​ធ្វើ​ដំណើរ​ឆ្លងកាត់​រង្វង់​មូល​ផ្លែ​ទុរេន​ដែល​ស្ថិត​នៅ​ចំ​កណ្តាល​ក្រុង​កំពត ។ ហុង មិនា
 

សក្តានុពល​នៃ​ទីតាំង​ភូមិសាស្ត្រ​ដែល​នៅជាប់​មាត់សមុទ្រ និង​មាន​រមណីយដ្ឋាន​ធម្មជាតិ​ជាច្រើន ព្រមទាំង​ការ​ស្ទុះ​ងើបឡើង​នៃ​តម្លៃ​អចលនទ្រព្យ​នៅ​ខេត្ត​ព្រះសីហនុ​នាពេល​នេះ កំពុង​ធ្វើ​ឱ្យ​វិស័យ​អចលនទ្រព្យ​នៅ​ខេត្តកំពត​មាន​ការវិវឌ្ឍ​ទៅមុខ​កាន់តែ​ប្រសើរ​។

លោក ពឹង សេរី នាយក​ប្រតិបត្តិ​ក្រុមហ៊ុន ខេមបូឌា អង្គរ រៀលអ៊ីស្ទេត បាន​និយាយ​ថា វិសាលភាព​នៃ​វិស័យ​អចលនទ្រព្យ និង​ទេសចរណ៍​នៅ​ខេត្ត​កំពត នាពេល​នេះ​ចាប់ផ្តើម​មាន​ភាព​ល្អ​ប្រសើរ​ជា​លំដាប់ ជាក់ស្តែង​មាន​គម្រោង​អភិវឌ្ឍន៍​ថ្មីៗ និង​ភ្ញៀវទេសចរ​បរទេស​ជាច្រើន​កំពុង​ធ្វើ​ដំណើរ​ទៅកាន់​ទី​នោះ​។

លោក​បាន​បន្ត​ថា ភាព​ល្អ​ប្រសើរ​នៃ​វិស័យ​អចលនទ្រព្យ​នៅ​ខេត្តកំពត គឺ​ដោយសារ​តែ​ខេត្ត​កំពត​មាន​ទីតាំងនៅ​ជាប់មាត់​សមុទ្រ ដែល​បង្ក​ភាព​ងាយស្រួល​សម្រាប់​ការ​ធ្វើ​អាជីវកម្ម​គ្រប់​ប្រភេទ​ទាំង​កសិកម្ម ឧស្សាហកម្ម និង​ការ​ដឹកជញ្ជូន​ជាដើម​។

ជាមួយ​នឹង​សក្តានុពល​ពី​ធម្មជាតិ​ទាំងអស់​នេះ​នៅ​ខែ​មីនា​ខាង​មុខ​ការដ្ឋាន​សាងសង់​កំពង់ផែ​ទេសចរណ៍​ក្រោម​ជំនួយ​របស់​ធនាគារ​អភិវឌ្ឍន៍​អាស៊ី ADB ក្នុង​តម្លៃ​ជាង​​ ១០ ​លាន​ដុល្លារ​នៅក្នុង​ស្រុក​ទឹកឈូ ខេត្តកំពត ក៏​នឹង​ចាប់ផ្តើម​ដំណើរការ​ផង​ដែរ ដោយ​គ្រោង​នឹង​បញ្ចប់​នៅ​ឆ្នាំ​ ២០១៩​។ បន្ទាប់ពី​សាងសង់​រួចរាល់ កំពង់ផែ​នេះ​ត្រូវ​បាន​គេ​រំពឹងថា​នឹង​ចូលរួម​ចំណែក​ដ៏ធំ​ក្នុង​ការ​ជួយ​លើក​កម្ពស់​វិស័យ​ទេសចរណ៍ និង​ដឹកជញ្ជូន​ទំនិញ​នៅ​ខេត្តកំពត​ឲ្យ​កាន់តែ​មាន​ភាព​មមាញឹក​។

លោក សេរី បាន​ប្រាប់​ថា៖ «​បើ​និយាយ​ពី​តម្លៃ​អចលនទ្រព្យ​នៅ​ខេត្តកំពត​នាពេល​នេះ គឺ​វា​ឡើង​ក្នុង​ស្ថានភាព​សន្សឹមៗ ដោយ​មិន​បាន​ស្ទុះ​ឡើង​ខ្លាំង​ដូច​នៅ​ខេត្ត​ព្រះសីហនុ​ឡើយ​។ សម្រាប់​រយៈពេល​ប៉ុន្មាន​ឆ្នាំ​ខាង​មុខ​ទៀត ពិសេស​បន្ទាប់ពី​កំពង់ផែ​ទេសចរណ៍​របស់ ADB សាងសង់​រួចរាល់​នោះ អចលនទ្រព្យ​នៅ​ទី​នោះ​នឹង​កើនឡើង​ខ្ពស់​ជា​មិនខាន​»​។

បើ​តាម​លោក សេរី ភាព​ចង្អៀត​នៃ​ទីផ្សារ​អចលនទ្រព្យ​នៅ​តំបន់​មាត់សមុទ្រ​នៃ​ខេត្ត​ព្រះសីហនុ ជា​ចំណែក​មួយ​ដែល​ជំរុញ​ឲ្យ​សកម្មភាព​ទិញ លក់ និង​តម្លៃ​អចលនទ្រព្យ​នៅ​ខេត្តកំពត​កើនឡើង​។

បច្ចុប្បន្ន​តម្លៃ​ដី​ក្នុង​ក្រុង​កំពត​ចាប់ពី​ចំណុច​រង្វង់​មូល​ផ្លែ​ធទុរេន​ចម្ងាយ​ ១០០-២៥០ ​ម៉ែត្រ ដី​មាន​តម្លៃ​ចាប់ពី ១០០០-១៥០០ ​ដុល្លារ ក្នុង​​ ១ ​ម៉ែត្រការ៉េ ចំណែក​ក្នុង​ក្រុង​កំពត​តាម​បណ្តោយ​មាត់​ព្រែក​មាន​តម្លៃ​ចាប់ពី​ ១៥០០-២៥០០ ​ដុល្លារ​ក្នុង​ ១ ​ម៉ែត្រការ៉េ ដី​លំនៅឋាន​ក្នុង​ក្រុង​មាន​តម្លៃ​ ១៥០០-២៥០០ ​ដុល្លារ​ក្នុង​ ១ ​ម៉ែត្រការ៉េ (Shophouse) ឯ​តំបន់​ជាយ​ក្រុង​មាន​តម្លៃ​ចន្លោះ​ពី ៥-៥០ ដុល្លារ​ក្នុង​មួយ​ម៉ែត្រ​ការ៉េ។ តាម​បណ្តោយ​មាត់សមុទ្រ​ក្នុង​ស្រុក​ទឹកឈូ​ដី​មាន​តម្លៃ​ចន្លោះ​ពី​ ៥០-២០០ ​ដុល្លារ​ក្នុង​ ១ ​ម៉ែត្រការ៉េ និង​តាម​បណ្តោយ​ផ្លូវ​ឆ្ពោះ​ទៅ​កាន់​កំពង់ផែ​ទេសចរណ៍​របស់​ ADB ដី​មាន​តម្លៃ​ដី​ពី​ ១០០-៣០០ ​ដុល្លារ​ក្នុង​ ១ ​ម៉ែត្រការ៉េ​ ហើយ​ចាប់​ពី​សាលា​ខេត្ត​ដល់​តំបន់​ភូមិ​ចាម មាន​តម្លៃ ១០០-៣០០ ដុល្លារ។ ​ចំណែក​ដី​ចាប់ពី​រមណីយដ្ឋាន​ភ្នំ​បូកគោ​ទៅ​រមណីយដ្ឋាន​ណាតាយ៉ា​អាច​មាន​តម្លៃ​ចន្លោះ ពី​ ១០០-១៨០ ​ដុល្លារ និង​ចូល​ទៅ​ក្នុង​អាច​មាន​តម្លៃ​ពី​ ៣០ ​ទៅ​ ៦០ ​ដុល្លារ​។ ដី​កសិកម្ម​មាន​តម្លៃ​ចន្លោះ​ពី ០.៤-១ ដុល្លារ​ក្នុង​មួយ​ម៉ែត្រ​ការ៉េ។

កាលពី​ខែ​តុលា​ឆ្នាំ​ ២០១៧ កន្លង​មក​រាជរដ្ឋាភិបាល​កម្ពុជា​ក៏​បាន​ផ្តល់​ភ្លើង​បៃតង​ផងដែរ​ដល់​គម្រោង​អភិវឌ្ឍន៍​មួយ​ដែល​មាន​ឈ្មោះថា French Riviera Marina ក្រោម​ទុនវិនិយោគ​ចំនួន​ ២៣.២ ​ពាន់​លាន​ដុល្លារ ដើម្បី​អភិវឌ្ឍ​ខេត្ត​កំពត​ និង​ខេត្ត​កែប​ឲ្យ​ក្លាយ​ទៅ​ជា​តំបន់​ដែលមាន​ភាព​ទាក់ទាញ​សម្រាប់​ការ​រស់នៅ​​ និង​វិនិយោគ​ផ្សេងៗ​។ បន្ថែម​ពីលើ​នោះ​ទៀត​ក៏មាន​គម្រោង​អភិវឌ្ឍន៍​កំពង់ផែ​មួយ​របស់​លោក​ឧកញ៉ា ទ្រី ភាព ក្នុង​តម្លៃ​ ៣០០ ​លាន​ដុល្លារ​ផង​ដែរ​។

កំពត​ជា​ខេត្ត​មួយ​ដែល​ស្ថិត​នៅ​ភាគ​ខាង​ត្បូង​នៃ​ប្រទេស​កម្ពុជា និង​មាន​ចម្ងាយ​ប្រមាណ​ ១៤៨ ​គីឡូម៉ែត្រ​ពី​រាជធានី​ភ្នំពេញ​។ ខេត្តកំពត​មាន​ស្រុក​ចំនួន​ ៧ ​គឺ​ស្រុក​ឈូក ស្រុក​ជុំគិរី ស្រុក​កំពង់ត្រាច ស្រុក​អង្គរជ័យ ស្រុក​បន្ទាយមាស ស្រុក​ដងទង់ ស្រុក​កំពង់បាយ និង​ក្រុង​កំពត​។

លោក វ៉ន ចាន់ថន អគ្គនាយក​ក្រុមហ៊ុន​ថោនស៊ីធី​រៀលអ៊ីស្ទេត​ខូអិលធីឌី​បាន​អះអាង​ថា សកម្មភាព​ដ៏ពុះកញ្ជ្រោល​ និង​ការកើនឡើង​តម្លៃ​ដីធ្លី​ដ៏​ឆាប់រហ័ស​នៅ​ក្នុង​ខេត្ត​ព្រះសីហនុ​នាពេល​នេះ​បាន​និង​កំពុង​ធ្វើឲ្យ​ជះឥទ្ធិពល​ដល់​អចលនទ្រព្យ​នៅក្នុង​ខេត្ត​កំពត​។ ​

លោក​បាន​បន្ត​​ថា៖ «​ដោយសារ​តែ​មួយ​រយៈ​នេះ​មាន​អ្នក​វិនិយោគ​ជាច្រើន​ជាពិសេស​ជនជាតិ​ចិន​បាន​នាំ​គ្នា​សម្រុក​ទៅ​ទិញ​ដី​នៅ​ខេត្ត​ព្រះសីហនុ​នោះ បាន​ធ្វើឲ្យ​អ្នក​ដែល​ទើប​លក់​ដី​បាន​នៅ​ខេត្ត​ព្រះសីហនុ​មួយ​ចំនួន​ព្រមទាំង​អ្នក​ដែល​ចង់​បាន​ដី​នៅ​តំបន់​មាត់សមុទ្រ​តែ​មិន​មាន​ថវិកា​គ្រប់គ្រាន់​បាន​នាំ​គ្នា​មក​រក​ទិញ​អចលនទ្រព្យ​នៅ​ខេត្ត​កែប​ជំនួស​វិញ​ខណៈ​ខេត្ត​កែប​ក៏​មាន​ទីតាំង​ស្ថិត​នៅ​ជាប់មាត់​សមុទ្រ​ដែរ​»​។

បើ​តាម​លោក​ ចាន់ថន ​នៅ​ពេល​នេះ​ក៏​មាន​អ្នក​វិនិយោគ​ផ្នែក​សណ្ឋាគារ​ប៊ូទិក​អូតែល និង​ភោជនីយដ្ឋាន​មួយចំនួន​កំពុង​បង្វែរ​ទិសដៅ​ពី​ខេត្ត​ព្រះសីហនុ​ទៅ​កាន់តែ​ខេត្ត​កែប​ផងដែរ​ ខណៈ​ដែល​តម្លៃ​ដីធ្លី​នៅ​ខេត្ត​ព្រះសីហនុ​កើនឡើង​តម្លៃ​ខ្ពស់​ពេក និង​ពិបាក​រក​កន្លែង​ល្អ​។

លោក ចាន់ថន បាន​និយាយ​បែប​កំប្លែង​លេង​ថា៖ «​នៅ​ខេត្ត​ព្រះសីហនុ​ពេល​នេះ​គឺ​គេ​ស្ទើរតែ​អាច​និយាយ​បាន​​ថា អស់​ដី​លក់​ទៅ​ហើយ​ព្រោះ​ទីតាំង​ល្អៗ​គឺ​ត្រូវ​បាន​គេ​ទិញ​អស់​ហើយ និង​មាន​​តម្លៃ​ខ្ពស់​ខ្លាំងណាស់​។ ចំណែក​ស្ថានភាព និង​តម្លៃ​ដីធ្លី​នៅ​ខេត្ត​កំពត គឺ​នៅ​មាន​​ភាពសមរម្យ​ល្អ​»​។

កំពត​មាន​តំបន់​រមណីយដ្ឋាន​ទេសចរណ៍​ជាច្រើន​ដូចជា​រមណីយដ្ឋាន ឋានសួគ៌​បូកគោ រមណីយដ្ឋាន​ទឹកឈូ និង​ភ្នំ​កំពង់ត្រាច ជាដើម​។

មគ្គុទ្ទេសក៍​ទេសចរណ៍​មួយ​រួប​ដែល​នាំ​ភ្ញៀវទេសចរ​ទៅ​កម្សាន្ត​នៅ​ខេត្តកំពត បាន​និយាយ​ថា​នា​អំឡុង​ប៉ុន្មាន​ខែ​ចុងក្រោយ​នេះ​ចំនួន​ភ្ញៀវទេសចរ​បរទេស ពិសេស​ពួក​អឺរ៉ុប​ដែល​មក​ទស្សនា​ខេត្ត​កំពត​បាន​កើនឡើង​ជា​លំដាប់​។​ ការកើនឡើង​នៃ​អ្នក​ទាំងនោះ​បាន​ធ្វើឲ្យ​ខេត្ត​កំពត​ប្រឈមមុខ​នឹង​កង្វះ​កន្លែង​សម្រាប់​ស្នាក់នៅ​ផង​ដែរ​។

កញ្ញា​បាន​និយាយ​ថា៖ «​ខេត្ត​កំពត​នាពេល​នេះ​គឺ​ពិតជា​មាន​ការ​រីកចម្រើន​លឿន ប៉ុន្តែ​ទន្ទឹម​នឹង​ការរីកចម្រើន​នេះ​កំពត​ក៏​កំពុង​ប្រឈមមុខ​នឹង​កន្លែង​សម្រាប់​ឲ្យ​ភ្ញៀវទេសចរ ឬ​អ្នក​វិនិយោគ​ស្នាក់នៅ​ផង​ដែរ ជាពិសេស​នៅពេល​មាន​ពិធីបុណ្យ​ជាតិ​ម្តងៗ​។ ខ្ញុំ​សង្ឃឹម​ថា នៅ​ពេល​ឆាប់ៗ​នេះ​នឹង​មាន​ការវិនិយោគ​សណ្ឋាគារ និង​ផ្ទះសំណាក់​កាន់តែ​ច្រើន​នៅ​ទី​នេះ​»​។

របាយការណ៍​របស់​ក្រសួង​ទេសចរណ៍​បាន​ឲ្យ​ដឹងថា កាលពី​ឆ្នាំ​ ២០១៧ ខេត្ត​កំពត​ទទួល​បាន​ភ្ញៀវទេសចរ​សរុប​ទាំងអស់​ប្រមាណ​ ១,៦ ​លាន​នាក់​។

លោក ស៊ា ឆៃលីន អគ្គនាយក​ក្រុមហ៊ុន ស៊ីអិល រៀលធី បាន​ប្រាប់​ថា​ស្ថានភាព​វិស័យ​អចលនទ្រព្យ​នៅ​ខេត្ត​កំពត គឺ​មាន​ភាព​ល្អប្រសើរ ពិសេស​ចាប់ផ្តើម​មាន​គម្រោង​អភិវឌ្ឍន៍​ច្រើន​នៅ​តាម​មាត់សមុទ្រ​ដែល​ភ្ជាប់​ពី​ខេត្ត​កំពត ទៅ​រាម​។

លោក ឆៃលីន បាន​អះអាង​ថា៖ «​ទៅ​ថ្ងៃ​ខាង​មុខ ខ្ញុំ​គិត​ថា​វិស័យ​អចលនទ្រព្យ​នៅ​កំពត​នឹង​បន្ត​ភាព​ល្អ​ប្រសើរ​របស់​ខ្លួន​បន្ថែមទៀត ដោយសារ​ទីនោះ​មាន​ភាព​អំណោយផល​ដូចជា ទី​ ១ មាន​កន្លែង​សម្រាក​កម្សាន្ត​ច្រើន (Resort) ទី ​២ មាន​លក្ខណៈ​អំណោយផល​សម្រាប់​ការ​ដឹកជញ្ជូន​ទំនិញ ព្រោះ​ជា​តំបន់​ទឹក​ជ្រៅ និង​ទី​ ៣ ជា​តំបន់​មាន​លក្ខណៈ​អំណោយផល​សម្រាប់​ការវិនិយោគ​ក្នុង​វិស័យ​កសិកម្ម​»​។

បើ​តាម​លោក ឆៃលីន តម្លៃ​ដី​នៅ​ខេត្ត​កំពត​នា​ដើម​ឆ្នាំ​ ២០១៨ នេះ​ធៀប​នឹង​រយៈពេល​ដូចគ្នា​នៃ​ឆ្នាំ​ ២០១៧ គឺ​មាន​ការកើនឡើង​ក្នុង​រង្វង់​ពី​ ១០-១៥​​ ភាគរយ​។

លោក ជាវ តាយ អភិបាល​ខេត្ត​កំពត​មាន​ប្រសាសន៍​ថា​ខេត្ត​កំពត​នាពេល​បច្ចុប្បន្ននេះ​កំពុង​មាន​ការអភិវឌ្ឍ​មុខ​លើ​គ្រប់​វិស័យ​ ខណៈ​ពេល​ថ្មីៗ​នេះ​មាន​អ្នក​វិនិយោគ​កាន់តែ​ច្រើន​ចាប់​អារម្មណ៍​ចំពោះ​ការវិនិយោគ​លើ​វិស័យ​មួយ​ចំនួន​ដូចជា ការសាងសង់​កន្លែង​កម្សាន្ត និង​សំណង់​ធំៗ​មួយ​ចំនួន​។

លោក​បាន​លើក​ឡើង​ថា ជាក់ស្តែង​ក្នុង​ឱកាស​នៃ​ពិធីបុណ្យ​ចូលឆ្នាំ​ថ្មី​ចិន វៀតណាម នាពេល​ថ្មីៗ​នេះ​ខេត្ត​កំពត​ទទួល​បាន​ភ្ញៀវទេសចរ​ជាច្រើន​។

លោក​បាន​ថ្លែង​យ៉ាង​ខ្លី​ថា៖ «​វិស័យ​សំណង់ និង​អចលនទ្រព្យ​នៅ​ខេត្តកំពត​កំពុង​មាន​ដំណើរការ​ល្អ​ជា​លំដាប់ ដោយពេល​ថ្មីៗ​នេះ​មាន​គម្រោង​អភិវឌ្ឍន៍​ជាច្រើន​កំពុង​ចាប់ផ្តើម និង​ត្រៀម​ចាប់ផ្តើម​នៅ​ទី​នោះ​»៕

Source From : Property Area

 

សំណង់​ថ្មីៗ​ជាច្រើន​បាន​លេច​ឡើង​នៅក្នុង​ក្រុង​សៀមរាប ។ រូបថត មឿន ញាណ
 

ខណៈ​ខេត្ត​សៀមរាប​មាន​សក្តានុពល​ផ្នែក​ទេសចរណ៍ និង​ជា​ប៉ូល​ទេសចរណ៍​ទី​ ១ នៅ​កម្ពុជា​នោះ​អ្នកវិនិយោគ​ចិន​ហាក់​លឹបលៗ និង​មិន​ទាន់​មាន​ការវិនិយោគ​អ្វី​ជា​ដុំកំភួន​នៅ​ខេត្ត​សៀមរាប​នៅ​ឡើយ​ទេ​។

លោក ចៅ សេងថៃ អគ្គនាយក​ក្រុមហ៊ុន Goal Property Service ដែល​មាន​មូលដ្ឋាន​នៅ​ខេត្ត​សៀមរាប​បាន​មាន​ប្រសាសន៍​កាលពី​ថ្ងៃ​អង្គារ​ថា បច្ចុប្បន្ន​មិន​ទាន់​មាន​ក្រុមហ៊ុន​ចិន​ច្រើន​បាន​ចូល​មក​វិនិយោគ​នៅ​ខេត្ត​សៀមរាប ក្រៅពី​ក្រុមហ៊ុន​សាងសង់​ព្រលាន​យន្តហោះ​អន្តរជាតិ​ថ្មី​ដែល​ស្ថិត​ក្នុង​ស្រុក​សូទ្រនិគម​នោះ​ទេ​។

លោក​បន្ត​ថា សម្រាប់​ក្រុមហ៊ុន​ចិន​មួយ​ចំនួន​ដែល​បាន​ចាប់​ដៃគូ​ជាមួយ​អ្នកវិនិយោគ​ក្នុង​ស្រុក​បាន​ទិញ​ដី​ពុះ​ឡូត៍​លក់ ហើយ​គ្រោង​បង្កើត China Town នៅ​ក្នុង​ឃុំ​បាគង ស្រុក​ប្រាសាទ​បាគង ខេត្ត​សៀមរាប នាពេល​នេះ​ហាក់​មិន​មាន​សកម្មភាព​អ្វី​ធំ​ដំ​នៅឡើយ​ទេ​។

លោក​និយាយ​ថា៖ «​ខ្ញុំ​ឮ​មាន​គម្រោង​វិនិយោគ​របស់​ចិន ប៉ុន្តែ​បើតាម​ការ​សង្កេត​មើល​គឺ​គ្រាន់​តែ​ទិញ​ដី​ទុកចោល​មិន​មាន​សកម្មភាព​សាងសង់​អ្វី​នោះ​ទេ​»​។

អគ្គនាយក​ក្រុមហ៊ុន Goal Property Service បាន​លើកឡើង​ថា បច្ចុប្បន្ន​តម្លៃ​ដី​នៅ​ក្បែរ​ព្រលាន​យន្តហោះ​ថ្មី និង​នៅ​តំបន់​អង្គរ​ឃ្យុងយូ​តាម​ផ្លូវធំៗ​មាន​តម្លៃ​រហូត​ដល់​ ១០០០ ​ដុល្លារ និង​ផ្លូវ​តូចៗ​មាន​តម្លៃ​ពី​​ ៥០០ ទៅ​ ៦០០ ​ដុល្លារ​ក្នុង​ ១ ​ម៉ែត្រការ៉េ​។ ចំណែក​ដី​នៅ​តំបន់​កណ្តាល​ក្រុង​មាន​តម្លៃ​ចន្លោះ​ពី​ ១០០០ ​ទៅ​ ១៥០០ ដុល្លារ​សម្រាប់​តំបន់​ពាណិជ្ជកម្ម និង​នៅ​តាម​ផ្លូវ​តូចៗ​មាន​តម្លៃ​ចន្លោះ​ពី​ ៣០០ ទៅ​ ៥០០ ​ដុល្លារ​ក្នុង​ ១ ​ម៉ែត្រការ៉េ​។ លើកលែង​តែ​តំបន់ Pub Street ដី​មាន​តម្លៃ​ចន្លោះ​ពី​ ២០០០ ទៅ​ ៣០០០ ​ដុល្លារ​។

លោក​បន្ត​ថា​ បច្ចុប្បន្ន​ ការវិនិយោគ​លើ​អាផាតមិន​ដែល​មាន​តម្លៃ​ចន្លោះ​ពី​ ៣០០ ទៅ​ ៥០០ ​ដុល្លារ​ក្នុង​ ១ ​យូនីត​ក្នុង​ ១ ​ខែ​មាន​ដំណើរការ​ល្អ​ដោយសារ​មាន​តម្រូវការ​ច្រើន​ពី​ភ្ញៀវ និង​អ្នក​ធ្វើការ​ចម្រុះ​ជាតិ​សាសន៍​។

អគ្គនាយក​ក្រុមហ៊ុន​អចលនទ្រព្យ ​Khmer Foundation Appraisal ​លោក​ឧកញ៉ា នួន រិទ្ធី បាន​ថ្លែង​ស្រដៀង​គ្នា​ថា ចិន​បាន​ចូល​ទៅ​ខេត្ត​សៀមរាប​បណ្តើរៗ​តែ​មិន​មាន​ចំនួន​ច្រើន​ទេ ដោយ​ពួកគេ​កំពុង​ទៅ​ទិញ​ដី​ទុក​ច្រើន ដើម្បី​សាងសង់​មជ្ឈមណ្ឌល​ពាណិជ្ជកម្ម និង​តំបន់​សេដ្ឋកិច្ច​ពិសេស​នៅ​ទីតាំង​ក្បែរ​ព្រលាន​យន្តហោះ​ខេត្ត​សៀមរាប​ថ្មី​លើ​ផ្ទៃដី​ទំហំ​ប្រមាណ​ ១០០០ ​ហិកតា នាពេល​ខាង​មុខ​នេះ​។

លោក​បាន​អះអាង​ថា៖ «​ស្រប​ពេល​ចំនួន​ភ្ញៀវទេសចរ​ចិន​មក​ទស្សនា​ខេត្តសៀមរាប​ច្រើន សកម្មភាព​ពាណិជ្ជកម្ម​ និង​ការ​បង្កើត​តំបន់​ពាណិជ្ជកម្ម​នានា​ពី​អ្នក​វិនិយោគ​ចិន​នឹង​កើនឡើង​ច្រើន​នាពេល​ខាង​មុខ​»​។

លោក​ឧកញ៉ា ចេង ខេង ប្រធាន​ក្រុមប្រឹក្សាភិបាល​នៃ​ក្រុមហ៊ុន​ Hutton CPL ​បាន​ថ្លែង​ឲ្យ​ដឹង​ផង​ដែរ​ថា ចិន​ទៅ​ខេត្ត​សៀមរាប​បណ្តើរ ប៉ុន្តែ​មិន​មាន​ចំនួន​ច្រើន​ដូច​ក្នុង​ខេត្ត​ព្រះសីហនុ​ទេ ហើយ​ក៏​មិន​មាន​ភាព​ប្រកួត​ប្រជែង​គ្នា​ខ្លាំង​ដូច​នៅ​ខេត្ត​ព្រះសីហនុ​ដែរ​។ លោក​បាន​បន្ត​ថា​អ្នកវិនិយោគ​ចិន​បាន​ធ្វើឲ្យ​តម្លៃ​ដីធ្លី​ក្នុង​ខេត្ត​សៀមរាប​កើនឡើង​ចន្លោះ​ពី​ ១៥ ទៅ​ ២០ ​ភាគរយ​នៅ​ដើម​ឆ្នាំ​នេះ​។

លោក​មាន​ប្រសាសន៍​ថា៖ «​បច្ចុប្បន្ន​តម្លៃ​ដីធ្លី​មាន​ការ​កើន​ខ្លាំង​នៅ​តំបន់​ជាយក្រុង និង​តំបន់​ក្បែរ​ព្រលាន​យន្តហោះ​ថ្មី​ក្នុង​ខេត្ត​សៀមរាប​»​។

អ្នក​តំណាងរាស្ត្រ​ប្រចាំ​ខេត្ត​សៀមរាប​លោក​ឧកញ៉ា សៀង ណាំ បាន​ថ្លែង​ឲ្យ​ដឹង​ផង​ដែរ​ថា ខេត្ត​សៀមរាប​មាន​ភ្ញៀវទេសចរ​ចិន​ច្រើន ប៉ុន្តែ​មិនទាន់​ឃើញ​មាន​ការ​សាងសង់​សំណង់ ឬ​មជ្ឈមណ្ឌល​ពាណិជ្ជកម្ម​ធំៗ​ពី​សំណាក់​អ្នកវិនិយោគ​ចិន​ធំៗ​នៅ​ឡើយ​ទេ ប៉ុន្តែ​មាន​ក្រុមហ៊ុន​ទេសចរណ៍​ចិន​ច្រើន​បាន​មក​បើក​ការិយាល័យ​នៅ​ក្នុង​ក្រុង​សៀមរាប​។

លោក​បន្ត​ថា ក្រៅពី​ក្រុមហ៊ុន​ទេសចរណ៍ ភោជនីយដ្ឋាន​ចិន​ជាច្រើន​ក៏​បាន​បើក​នៅក្នុង​ក្រុង​នេះ​ផង​ដែរ​។

នៅ​ពេល​សាកសួរ​អំពី​ទីក្រុង​ចិន ឬ​ China Town ក្នុង​ខេត្ត​សៀមរាប​តំណាងរាស្ត្រ​រូបនេះ​បាន​ថ្លែង​ថា៖ «​ក្រុមហ៊ុន​នោះ​បាន​រត់​បាត់​ទៅ​ហើយ មិនដឹង​ទៅ​ណា​នោះ​ទេ ហើយ​គម្រោង​នោះ​ក៏​គ្មាន​សកម្មភាព​នោះ​ទេ​រហូត​មក​ទល់​ពេល​នេះ​»៕

Source From : Property Area

 

CVEA benefit 

 
លោក គីម ហ៊ាង ប្រធាន​សមាគម​អ្នក​វាយតម្លៃ និង​ភ្នាក់ងារ​អចលនវត្ថុ​កម្ពុជា។ រូបថត សហការី

ស្ថិត​នៅ​ក្នុង​កាលៈទេសៈ​មិន​ច្បាស់លាស់​នៃ​ទីផ្សារ និង​ការ​យល់​ឃើញ​ខុសៗ​គ្នា​របស់​អ្នក​ជំនាញ​ទាក់ទង​នឹង​វិស័យ​សំណង់ និង​អចលនវត្ថុ​កម្ពុជា ប៉ុន្តែ​អ្នក​សុទិដ្ឋិនិយម​នៅ​តែ​យល់​ឃើញ​ថា​វិស័យ​នេះ​ទំនង​នៅ​តែ​រក្សា​បាន​នូវ​កំណើន​រឹងមាំ​ដោយសារ​ការ​ចូល​មក​ដល់​របស់​អ្នក​វិនិយោគ​កាន់​តែ​ច្រើន ពិសេស​អ្នក​វិនិយោគ​ចិន ប៉ុន្តែ​ការ​ប្រកួត​ប្រជែង​របស់​អ្នក​នៅក្នុង​វិស័យ​នេះ​កាន់តែ​មាន​ភាព​តានតឹង​ជាង​មុន​។

លោក គីម ហ៊ាង ប្រធាន​សមាគម​អ្នក​វាយតម្លៃ និង​ភ្នាក់ងារ​អចលនវត្ថុ​កម្ពុជា​បាន​លើក​ឡើង​​ពី​ឳកាស និង​បញ្ហា​ប្រឈម​ក្នុង​វិស័យ​នេះ​។

តើ​នៅ​ក្នុង​ត្រីមាស​ទី​ ១ ឆ្នាំ​ ២០១៧ វិស័យ​អចលនវត្ថុ​កម្ពុជា​មាន​សភាព​ដូចម្តេច​?

នៅ​ក្នុង​ត្រីមាស​ទី​ ១ ​នេះ បើ​និយាយ​ពី​អចលនទ្រព្យ​កណ្តាល​ក្រុង​គឺ​និយាយ​ពី​អាផាតមិន​សម្រាប់​ជួល​មាន​ការ​វិវត្ត​ព្រោះ​ក្នុង​បរិបទ​ទីផ្សារ​សេរី​អ្នក​ឆ្លាត​ទើប​រស់ តែ​បើ​ខ្សោយ​នឹង​ស្លាប់​។ នៅក្នុង​ខណ្ឌ​ដូនពេញ និង​ខណ្ឌ​ចំការមន​កាលពី​ ១០ ​ឆ្នាំ​មុន​អ្នក​មាន​អាផាតមិន​កម្ពស់​ពី ៥ ទៅ​ ៨ ​ជាន់ អ្នក​វិនិយោគ​រូប​នោះ​ពិត​ជា​គ្រាន់​បើ​ហើយ ប៉ុន្តែ​ពេល​នេះ​អាផាតមិន​ថ្មី​កម្ពស់​ពី​ ១០ ទៅ​ ២០ ​ជាន់​ឡើង​ទើប​គេ​មក​ជួល​រស់នៅ។

ដូច្នេះ​ក្នុង​បរិបទ​ទីផ្សារ​សេរី អ្នក​ដែល​ខ្សោយ​នឹង​ត្រូវ​បិទទ្វារ​មាន​ន័យ​ថា​ភ្ញៀវ​ដែល​រស់នៅ​អាផាតមិន​ចាស់​នឹង​ផ្លាស់ប្តូរ​ទៅ​រស់នៅ​អាផាតមិន​ថ្មីៗ​។

ខុនដូ​ក៏​ដូច​គ្នា​ដែរ​បច្ចុប្បន្ន​នេះ​ខុនដូ​ដែល​បញ្ចប់​ការ​សាងសង់​បាន​ដាក់​ចូល​ទៅក្នុង​ទីផ្សារ​បណ្តើរៗ​ហើយ​។ ​វិស័យ​នេះ​នឹង​ប្រកួត​ប្រជែង​ជាមួយ​អាផាតមិន​ព្រោះ​ខុនដូ និង​អាផាតមិន​មិន​ខុស​គ្នា​នោះ​ទេ ដូច្នេះ​អ្នក​មាន​អាជីព និង​អ្នក​ខ្លាំង​ទើប​ឈរ​ជើង​បាន​នៅ​លើ​ទីផ្សារ ប៉ុន្តែ​អ្នក​មិន​ចេះ​ហើយ​ធ្វើ​តាម​គេ​នឹង​ប្រឈម​មុខ​នឹង​បញ្ហា​។

ចុះ​ទីផ្សារ​បុរី​នានា​មាន​ភាព​ដូចម្តេច​ដែរ​?

បុរី ខ្ញុំ​មិន​ឃើញ​មាន​បញ្ហា​អ្វី​នោះ​ទេ ប៉ុន្តែ​អ្នក​សាងសង់​បុរី​បាន​ចាប់ផ្តើម​បង្វែរ​ទីផ្សារ​ពី​មុន​អ្នក​សាងសង់​បុរី​សំដៅ​ដល់​អ្នក​មាន​លុយ​ច្រើន និង​អ្នក​មាន​ប្រាក់​ចំណូល​មធ្យម ប៉ុន្តែ​ពេល​នេះ​ទីផ្សារ​​សម្រាប់​អ្នក​មាន​ចំណូល​មធ្យម និង​មាន​ប្រាក់​ច្រើន​បាន​ឆ្អែត​ហេតុ​នេះ​ទើប​គេ​បង្វែរ​ទីផ្សារ​។ តម្លៃ​លំនៅឋាន​ចាប់ពី ២ ទៅ​ ៣ ​ម៉ឺន​ដុល្លារ​សង់​ប៉ុន្មាន​ក៏​លក់​អស់​ដែរ​ព្រោះ​នៅ​ភ្នំពេញ​អ្នក​ធ្វើការ​ក្នុង​វិស័យ​ឧស្សាហកម្ម​មាន​ប្រមាណ ៨០ ​ម៉ឺន​នាក់ ផ្នែក​សេវាកម្ម ២០ ​ម៉ឺន​នាក់ និង​មន្ត្រីរាជការ​ជាង​ ១០ ​ម៉ឺន​នាក់​សរុប​មាន​ជាង ១ ​លាន​នាក់​ដែល​ក្រុម​នេះ​មាន​តម្រូវការ​ធំ ប៉ុន្តែ​លទ្ធភាព​របស់​ពួកគាត់​ចំពោះ​ផ្ទះ​ចាប់ពី ៣ ​ម៉ឺន​ឡើង​ទៅ​គឺ​ពិបាក​លក់ ប៉ុន្តែ​បើ​តម្លៃ​ចាប់ពី ២ ទៅ​ ៣ ​ម៉ឺន​ដុល្លារ​គឺ​មាន​តម្រូវការ​ធំ​។

ឆ្នាំ​នេះ​មាន​ការ​សាងសង់​ច្រើន​​តែ​បាន​ទទួល​ទឹកប្រាក់​តិច​តែ​ឆ្នាំ​មុន​សាងសង់​តិច​មាន​ទំហំ​ទឹក​ប្រាក់​ធំ ដោយសារ​តម្លៃ​ផ្ទះ​ខ្ពស់​។

តើ​តម្លៃ​ដីធ្លី​មាន​ការ​វិវត្ត​យ៉ាង​ដូចម្តេច​? មាន​តម្រូវការ​កើនឡើង​​ឬ​ទេ​?

ដីធ្លី​បើ​និយាយ​ពី​កណ្តាល​ក្រុង​ពិបាក​រក​ហើយ​ព្រោះ​ដី​ដែល​នៅ​សល់​សុទ្ធ​តែ​ដី​មិនមែន​ជា​ដី​របស់​ម្ចាស់​ដើម​ដែល​ខុស​ពី ៥ ​ឆ្នាំ​មុន​ដី​មាន​ម្ចាស់​ដើម​ច្រើន​ដូចជា​សង្កាត់​បឹងកេងកង​ ១ ម្ចាស់​ដី​សុទ្ធ​តែ​អ្នក​មាន​ប្រាក់​ច្រើន​ដូច្នេះ​ដី​នៅ​តំបន់​បឹងកេងកង​ ១ គ្មាន​ថ្ងៃ​ណា​​នឹង​ចុះ​ថ្លៃ​នោះ​ទេ​។

កាលពី​ឆ្នាំ​មុន​ខ្ញុំ​គិត​ថា​តម្លៃ​ដីធ្លី​នឹង​ធ្លាក់​ចុះ​ពេល​បោះឆ្នោត​ជិត​ចូល​មក​ដល់ ប៉ុន្តែ​ឆ្នាំ​នេះ​មាន​រឿង​ចម្លែក​មួយ​នៅ​ពេល​ជិត​ដល់​បោះឆ្នោត​តម្លៃ​ដីធ្លី​បែរ​ជា​ឡើង​ថ្លៃ​ទៅវិញ​ដោយសារ​ការ​ចូល​​មក​របស់​ក្រុមហ៊ុន​បរទេស​ច្រើន​ជាពិសេស​ក្រុមហ៊ុន​ចិន​។

ដី​ឥឡូវ​នេះ​មិន​ចុះ​ថ្លៃ​ទេ​ព្រោះ​ម្នាក់ៗ​គិត​ថា​ពេល​បោះឆ្នោត​ដីធ្លី​នឹង​ធ្លាក់​ថ្លៃ​ពួកគេ​នឹង​មក​ទិញ​ដល់​ពេល​ម្នាក់ៗ​គិត​បែប​នេះ និង​នាំ​គ្នា​ទិញ​ច្រើន​បាន​ធ្វើឲ្យ​តម្លៃ​ដីធ្លី​ឡើង​ថ្លៃ​។

តើ​លោក​រំពឹង​ថា​នឹង​មាន​គម្រោង​ថ្មីៗ​កើតឡើង​ច្រើន​ឬ​ទេ​នៅ​ក្នុង​ឆ្នាំ​នេះ​?

លិច​កើត ជើង​ត្បូង នា​តំបន់​ជាយ​ក្រុង​គម្រោង​លំនៅឋាន​កើត​ច្រើន​មែនទែន ពិសេស​គម្រោង​សម្រាប់​អ្នក​មាន​ប្រាក់​ចំណូល​ទាប​។ កណ្តាល​ក្រុង​មាន​ការ​សាងសង់​ច្រើន​ហើយ​ដូច្នេះ​ការ​សាងសង់​កណ្តាល​ក្រុង​នឹង​មិន​មាន​ច្រើន​នោះ​ទេ​។

ការ​លក់​ខុនដូ និង​លំនៅឋាន​បាន​ធ្លាក់​ចុះ តើ​ពិត​មែន​ឬ​ទេ​?

ពិតមែន ឬ​មិនមែន​វា​អាស្រ័យ​​លើ​ការ​លក់​របស់​គាត់​អ្វី​ដែល​ខ្ញុំ​មើល​ឃើញ​នៅ​ឆ្នាំ​ ២០១៣, ២០១៤ អ្នក​សាងសង់​ខុនដូ​លក់​ទទួល​បាន​ប្រាក់​ចំណេញ​ពីរ​ទៅ​បី​ដង ប៉ុន្តែ​នៅ​ឆ្នាំ​ ២០១៧ ការ​លក់​ខុនដូ​ធ្លាក់​ចុះ ឬ​មិន​ធ្លាក់ អ្នក​សាងសង់​នៅ​តែ​មិន​ខាត​ដដែល​ព្រោះ​ពួកគេ​នៅ​តែ​ចំណេញ​គ្រាន់​តែ​ចំណេញ​តិច​ជាង​មុន​។

កាលពី​ ៥ ​ឆ្នាំ​មុន​លក់​ខុនដូ​មួយ​ចំណេញ​មួយ​គុណ​នឹង​បី ពីរ​ឆ្នាំ​មុន​ចំណេញ​មួយ​គុណ​នឹង​ពីរ ឥឡូវ​ហោច​ណាស់​ក៏​ចំណេញ​ ៥០ ​ភាគរយ​ដែរ​ដូច្នេះ​នៅពេល​ការ​សាងសង់​កាន់តែ​ច្រើន​អ្នក​សាងសង់​ខុនដូ​នៅ​តែ​ចំណេញ​តែ​ចំណេញ​តិច​ជាង​មុន​ដោយសារ​ការ​ប្រកួតប្រជែង​កើនឡើង គុណភាព​សំណង់​នឹង​កើនឡើង​ដែរ​។

តម្លៃ​លំនៅឋាន​នៅ​តែ​កើនឡើង​ទោះបី​សម្ភារ​សំណង់​ធ្លាក់​ចុះ​តម្រូវការ​ថយ​ចុះ តើ​មកពី​មូលហេតុ​អ្វី​?

តម្លៃ​លំនៅឋាន​ធម្មតា​ពេល​ម្ចាស់​បុរី​ទិញ​ដី​ថ្លៃ​សម្ភារ​សំណង់​ថ្លៃ កម្លាំង​ពលកម្ម​ថ្លៃ​គាត់​លក់​ថ្លៃ​តែ​បើ​សម្ភារ​សំណង់​ថោក តម្លៃ​ដីថោក​គាត់​នឹង​លក់​ថោក​។ ការ​ឡើង​ថ្លៃ​លំនៅឋាន​មកពី​កត្តា​ជាច្រើន ហើយ​ក៏​មាន​ជាប់​ពាក់ព័ន្ធ​នឹង​ការ​បង់​ពន្ធ​ដែរ​។

ដំណាក់កាល​នេះ​ប្រជាជន និង​អ្នក​វិនិយោគ​មួយ​ចំនួន​មាន​ការ​ព្រួយបារម្ភ តើ​អ្វី​ទៅ​ជា​ការ​គួរ​ឲ្យ​បារម្ភ និង​អ្វី​មិន​គួរ​ឲ្យ​បារម្ភ​?

អ្នក​បារម្ភ បើ​ប្លង់ដី ប្លង់​ផ្ទះ​គាត់​ជាប់​នៅ​ធនាគារ ការ​បារម្ភ​របស់​គាត់​ជា​រឿង​ត្រឹមត្រូវ​ហើយ​ព្រោះ​ធនាគារ​នឹង​ច្របាច់ក​គាត់​យក​លុយ​។ ផ្ទុយ​ទៅវិញ​អ្នក​មិនមាន​ជំពាក់​ប្រាក់​ធនាគារ មិន​មាន​អ្វី​គួរ​ឲ្យ​បារម្ភ​ទេ​។ ក្នុង​អំឡុង​ពេល​នេះ​មាន​ក្រុម​មួយ​ទៀត​នឹង​ចាំ​ទិញ​យក បើ​អ្នក​លក់​អចលនទ្រព្យ​លក់​ក្នុង​តម្លៃ​ទាប​។

តើ​ក្នុង​អំឡុង​ពេល​នេះ​អ្នកវិនិយោគ​គួរ​តែ​សាងសង់​អគារ​ថ្មីៗ​ឬ​ទេ​?

ក្នុង​រយៈពេល​នេះ​បើ​អ្នក​មាន​លុយ​គ្រប់គ្រាន់ មិន​រំពឹង​លើ​ការ​លក់​យកប្រាក់​មក​សាងសង់​គួរ​តែ​សាងសង់​ព្រោះ​កាលពី​ ៥ ​ឆ្នាំ​មុន​អ្នក​​សាងសង់​ពឹង​លើ​ការ​យក​ប្រាក់​​ពី​អ្នក​ទិញ​មក​សាងសង់ ប៉ុន្តែ​និន្នាការ​ឥឡូវ​បាន​ផ្លាស់ប្តូរ​មាន​ន័យ​ថា​ឥឡូវ​អ្នក​សាងសង់​ចង់​យក​ប្រាក់​ពី​អ្នក​ទិញ​យក​ទៅ​សាងសង់​ជា​ការ​ហួសពេល​ហើយ។

ពេល​នេះ​ជា​ពេល​គួរ​សាងសង់ បើ​មាន​លុយ​គ្រប់​តែ​បើ​ចាំ​យក​ប្រាក់​ពី​អ្នក​ទិញ​យក​មក​សាងសង់​គម្រោង​នោះ​មិន​ដើរ​នោះ​ទេ។ គម្រោង​នោះ​នឹង​បរាជ័យ​។

ផ្ទុយ​ទៅ​វិញ​បើ​មាន​ប្រាក់​គ្រប់គ្រាន់​​យក​មក​សាងសង់​គម្រោង​នោះ​នឹង​ទទួល​បាន​ជោគជ័យ​ព្រោះ​​ឥឡូវ​នេះ​កម្លាំង​ពលកម្ម​ធ្លាក់​ចុះ សម្ភារ​សំណង់​ធ្លាក់​ចុះ ដូច្នេះ​​តម្លៃ​ដើម​នៃ​សំណង់​របស់​ពួកគាត់​នឹង​មាន​តម្លៃ​ទាប​ដែល​ជា​ពេល​ល្អ​មួយ​សម្រាប់​អ្នក​សាងសង់​មាន​ធនធាន​គ្រប់គ្រាន់​។ ក្នុង​ស្ថានភាព​នេះ​ការ​លក់​នៅ​តែ​លក់​បាន​គ្រាន់​តែ​ប្រាក់​ចំណេញ​ធ្លាក់​ចុះ​៕

Source From: Khmer Post

 
លោក ឧកញ៉ា សៀ រិទ្ធី ប្រធាន ក្រុមហ៊ុន Worldbridge Land។ ស្រេង ម៉េងស្រ៊ុន

ក្ដី ប្រាថ្នា របស់ ឧកញ៉ា សៀ រិទ្ធី ក្នុង ការ ជំរុញ ឲ្យ គម្រោង ផ្ទះ តម្លៃ ទាប ឬ លំនៅឋាន មានតម្លៃ សមរម្យ នៅ កម្ពុជា បាន ចាប់ ផ្តើម ដំណើរការ ទៅ មុខជា បណ្តើរ គឺ ហាក់ នឹង ក្លាយជា ការពិត ក្រោយ ពីពេល ប្រធាន Worldbridge Land ទើប តែ បាន ប្រកាស ពី ការ ចាប់ ផ្តើម គម្រោង ផ្ទះ តម្លៃ ទាប ដំបូង បង្អស់ នៅ កម្ពុជា បន្ទាប់ ពី ទទួល បាន ការ យល់ ព្រម ពី រាជរដ្ឋាភិបាល ។ ប៉ុស្តិ៍ អចលនទ្រព្យ បាន ទទួល ឱកាស សម្ភាស ឧកញ៉ា សៀ រិទ្ធី ដោយ ផ្ទាល់ ដើម្បី សួរ ព័ត៌មាន លម្អិត អំពី គម្រោង នេះ ។

១.គម្រោង ផ្ទះ តម្លៃ ទាប នេះ គឺ ជា គម្រោង ដំបូង បង្អស់ នៅ កម្ពុជា ។ តើ លោក មាន អារម្មណ៍ យ៉ាង ណា ដែរ នៅ ពេល ប្រកាស នូវ គម្រោង នេះ ទៅ កាន់ សាធារណជន ?

ទម្រាំ តែ បាន មកដល់ ថ្ងៃនេះ យើង បាន ចំណាយពេល អស់៧ ឆ្នាំ មកហើយ ។ ខ្ញុំ បាន ចំណាយ ប្រាក់ ជិត២ សែន ដុល្លារ គ្រាន់ តែ ចំណាយ សម្រាប់ សោហ៊ុយ ធ្វើ ដំណើរ ទស្សនកិច្ច ទៅ បរទេស ដើម្បី សិក្សា ស្វែង យល់ ពី គម្រោង ប្រភេទ នេះក៏ដូចជា កម្មវិធី សិក្ខាសាលា ស្តីអំពី គេហដ្ឋាន សាធារណៈ និង ការស្រាវជ្រាវ ផងដែរ ។ ខ្ញុំ ក៏បាន ចំណាយពេល និង កម្លាំង កាយ ចិត្ត យ៉ាង ច្រើន ប៉ុន្តែ ខ្ញុំ ពិត ជាមាន ក្តីសប្បាយ រីករាយ ជាខ្លាំង ដែល ក្តី សុបិន របស់ខ្ញុំ បាន ក្លាយ ជា ការ ពិត ។

២.រាជរដ្ឋាភិបាល បាន ចូលរួម គាំទ្រ ដល់ គម្រោង ផ្ទះ តម្លៃ ទាប នេះ បើទោះបីជា គម្រោង នេះ បាន ចំណាយ ពេល យ៉ាង ច្រើន ទម្រាំ ទទួល បាន ការ អនុម័ត ពី រដ្ឋាភិបាល ។ តើ លោក គិតថា លោក នៅ ត្រូវ ការ ជំនួយ ពី ផ្នែក ណា មួយ នៃ រដ្ឋាភិបាល ទៀត ឬទេ ?

ឯកឧត្តម ជា សុផារ៉ា រដ្ឋ មន្ត្រី ក្រសួង ដែនដី នគររូបនីយកម្ម និង សំណង់ បាន ជួយ ខ្ញុំ យ៉ាង ច្រើន លើ គម្រោង នេះ ហើយ នេះ គឺជា រឿង ដ៏ ល្អ បំផុត សម្រាប់ ខ្ញុំ ។ ប៉ុន្តែ បើ ទាក់ទិន ទៅនឹង ជំនួយ ផ្នែក ហិរញ្ញវត្ថុ គឺ មិនមែន ការងារ របស់ គាត់ ទេ ។ ក្រសួង រៀបចំ ដែនដី នគរូបនីយកម្ម និង សំណង់ មិន មែនជា ក្រសួង ហិរញ្ញវត្ថុ នោះទេ ។ លោក ( ជា សុផារ៉ា ) បាន សរសេរ លិខិតស្នើ មួយ ទៅ ក្រសួង សេដ្ឋកិច្ច និង ហិរញ្ញវត្ថុ រួចហើយ ដើម្បី ជួយ ខ្ញុំ លើ រឿងនេះ ។ លោក បាន សហការ យ៉ាង ជិតស្និទ ជាមួយ ក្រសួង ដើម្បី ស្នើសុំ ជំនួយ ហិរញ្ញវត្ថុ ច្រើន ប្រភេទដែល លោក គិត ថា ក្រសួង អាច នឹង ជួយ ខ្ញុំ បាន ។ ដូច្នេះ ឥឡូវនេះ យើង កំពុង រង់ចាំ ក្រសួង ហិរញ្ញវត្ថុ សហការ ជាមួយ រាជរដ្ឋាភិបាល ដើម្បី សិក្សា លើ សំណើ ជំនួយ នេះដែល រូបខ្ញុំ ពុំ ចាំបាច់ ទៅ ស្នើ នៅ ក្រសួង ដោយ ផ្ទាល់ នោះទេ ។

៣.តើ ជំនួយ អ្វី ដែល គម្រោង ផ្ទះ តម្លៃ ទាប ត្រូវ ការ នៅ ពេល បច្ចុប្បន្ន នេះ ?

វា ងាយ បំផុត ។ ខ្ញុំ ត្រូវការ ប្រព័ន្ធ ទឹក និង ភ្លើង របស់ រដ្ឋ ។ ខ្ញុំ ក៏ត្រូវ ការនាំ ចូល គ្រឿង សម្ភារ បរិក្ខារ មួយចំនួន ដែល អាច ទទួល បានកា រ លើកលែង ពន្ធ ផងដែរ ។ នេះ ជា អ្វីដែល ខ្ញុំ ត្រូវការ ។ ពួកគេ ប្រាប់ ខ្ញុំ ថា ត្រូវ ការ រយៈពេល យ៉ាង ច្រើន បំផុត២ ខែ ដើម្បី ទទួលបាន ការ អនុម័ត លើ សំណើ នេះ ។ ឥឡូវ សំណើ នេះ កំពុងតែ ដំណើរការ ទៅ មុខ ហើយ ។

៤.ចុះ ផ្នែក ហិរញ្ញវត្ថុ វិញ យ៉ាង ណា ដែរ ?

ខ្ញុំ ចង់ អំពាវនាវ ឲ្យ ធនាគារ ពាណិជ្ជកម្ម ផ្តល់ ជំនួយ ដល់ ខ្ញុំ សម្រាប់ គម្រោង នេះ ។ ខ្ញុំ សូម អំពាវនាវ ដល់ ធនាគារ ក្នុង ស្រុក និង ធនាគារ ពាណិជ្ជកម្ម ទាំង អស់ នៅ ក្នុង ប្រទេស កម្ពុជា ។ ខ្ញុំ មិន ត្រូវ ការ ជំនួយ កម្ចី ហិរញ្ញវត្ថុ សម្រាប់ ខ្លួន ខ្ញុំ នោះ ទេ តែ ខ្ញុំ ចង់ ឲ្យ ពួកគាត់ ជួយ ដល់ អតិថិជន របស់ ខ្ញុំ លើកម្ចី ឥណទាន ។ រហូត មក ដល់ ពេល នេះ យើង បានទទួល ការ ស្វាគមន៍ ពី ធនាគារ មួយ ចំនួន ប៉ុន្តែ យើង ពុំទាន់ បាន ចម្លើយ ចុង ក្រោយពី ពួកគេ នៅឡើយ ទេ ។ ធនាគារ មួយ បាន បដិសេធ ពុំ ផ្តល់ ជំនួយ ដល់ ពួកយើង ទេ កន្លង ទៅ នេះ ។ ពួកគេ មាន ក្តីបារម្ភ ថា នៅ ថ្ងៃ អនាគត ពួកគេ នឹងមិន អាច ទទួល ការ បង់ ប្រាក់ ត្រឡប់ វិញ ពី អតិថិជន របស់ យើង ។

ខ្ញុំ ក៏ សូម ស្នើ ដល់ ធនាគារ ឲ្យ ជួយ ផ្តល់ ជំនួយ កម្ចី ឥណទាន ដោយ គិតការ ប្រាក់ ត្រឹមតែ៨ ភាគ រយ ។ នេះ ជា គម្រោង ជួយ សង្គម ដូច្នេះ ហើយ ធនាគារ នានា គួរ តែ ជួយ ជ្រោមជ្រែង លើ រឿង នេះ ។

ខ្ញុំ ចង់ អនុញ្ញាត ឲ្យ អតិថិជន អាច ទទួលបាន ជម្រើស បង់ រំលស់ រយៈពេល វែង ពី១៥ ទៅ ២០ ឆ្នាំ ព្រោះថា នៅ ពេល ដែល អត្រា ការ ប្រាក់ ទាប ពួកគេ ក៏មាន លទ្ធភាព បង់ ផងដែរ ។ ក្នុងនាម ខ្ញុំ ជា ម្ចាស់ គម្រោង ខ្ញុំ អាច ធានា ដល់ ធនាគារ ដែល ផ្តល់ ជំនួយ បាន ។ ប៉ុន្តែ ពួកគេ នៅតែមាន ក្តីបារម្ភ ។ ខ្ញុំ ចង់ ឲ្យ ធនាគារ ក្នុង ស្រុក ជួយ ដល់ រឿង នេះ ព្រោះ យើង សុទ្ធតែជា ខ្មែរ ដូច គ្នា ។ យើង គួរតែ ជួយ គ្នា ទៅ វិញ ទៅមក ។

ប្រសិនបើ ធនាគារ មិន ជួយ ទេនោះ អត្រា បង់ រំលស់ ប្រចាំខែ នឹង ខ្ពស់ មិន ខាន ។ ប៉ុន្តែ ប្រសិនបើ ជម្រើស បង់ រំលស់ មាន រយៈពេល ដល់២០ ឆ្នាំ ដូច្នេះ អត្រា បង់ប្រាក់ ប្រចាំខែ គឺ ត្រឹមតែ១០០ ដុល្លារ ប៉ុណ្ណោះ ក្នុង មួយខែ ។ ប្រសិន ធនាគារ ក្នុងស្រុក មិន ផ្តល់ជំនួយ ទេ ខ្ញុំ នឹង ទៅ ជួប ធនាគារ បរទេស វិញ ។ ខ្ញុំ គ្មាន ជម្រើស ទេ ។ កម្ចី គឺ មិន ច្រើន ខ្លាំង នោះទេ ត្រឹមតែ៣០ លាន ដុល្លារ ប៉ុណ្ណោះ ។ យើង កំពុង តែ ពិភាក្សា ជាមួយ ធនាគារ អេស៊ីលីដា នាពេល បច្ចុប្បន្ន ហើយ ខ្ញុំ ជឿជាក់ ថា ធនាគារ អេស៊ីលីដា គឺជា ជម្រើស ដ៏ ល្អ មួយ សម្រាប់ ពួកយើង ។

៥.គម្រោង ផ្ទះ នេះ នឹង មាន មន្ត្រី រដ្ឋាភិបាល ទៅ រស់ នៅ ។ តើ ពួក គាត់ នឹង បាន ទៅ រស់នៅ ទីនោះ មុន ឬ យ៉ាង ណា ?

សម្រាប់ ខ្ញុំ គឺ យើង លក់ ឲ្យ ទាំង មន្ត្រី រដ្ឋាភិបាល និង ប្រជាជន ដែល មាន ប្រាក់ចំណូល ទាប ។ យើង នឹងមិន លក់ ទៅ ឲ្យ នរណា ម្នាក់ ដោយ ងាយ នោះទេ ។ ពួកគេ ត្រូវ មាន ស្ថានភាព និង លក្ខណៈ ស្រប តាម គោល ការណ៍ របស់ យើង ដូច្នេះ យើង ធានាថា នឹង លក់ ឲ្យ ក្រុម គោលដៅ ដោយ ត្រឹម ត្រូវ ។ សម្រាប់ ខ្ញុំ ផ្ទាល់ មន្ត្រី រដ្ឋាភិបាល ក៏មាន ប្រាក់ ចំណូល ទាប ផង ដែរ។ មន្ត្រី ភាគ ច្រើន មាន ប្រាក់ ខែ តិច ជាង ៥០០ ដុល្លារ ក្នុង ១ ខែ។ យើង មិន លក់ ផ្ទះ ទាំងនេះ ឲ្យទៅ អ្នក ដែលមាន ប្រាក់ចំណូល ខ្ពស់ នោះទេ គឺ គម្រោង នេះ សម្រាប់ តែ អ្នក មាន ប្រាក់ ចំណូល ទាប ប៉ុណ្ណោះ ។

៦.តើ លោក បាន ដឹង ថា សាធារណជន មាន ចំណាប់ អារម្មណ៍ មក លើ គម្រោង នេះ យ៉ាង ណា ដែរ ហើយ នៅ ពេល ណា ទើប ពួក គាត់ អាច ទិញ ផ្ទះ ទាំង នេះ បាន ?

បាទ ! មាន អ្នក ចង់ ទិញ ជាច្រើន ។ ខ្ញុំ គិត ថា ការិយាល័យ លក់ របស់ យើង នឹង សាងសង់ ហើយ នៅ សប្តាហ៍ ក្រោយ នេះ ។ កាល ពី សប្តាហ៍ មុន ខ្ញុំ បាន ចុះ ហត្ថលេខា លើ អនុស្សរណៈ យោគ យល់ ជាមួយ ក្រុមហ៊ុន មេធាវី Sok Siphana & Associate និង សេវាកម្ម Ly Hour Pay Pro របស់ ក្រុមហ៊ុន Ly Hour Group ដើម្បី ផ្តល់ ភាព ងាយ ស្រួល ក្នុង ការវេរ សាច់ប្រាក់ ។ ប្រសិនបើ ពួក គេ ចង់ដឹង អំពី គម្រោង នេះ ពួកគេ អាច ទូរស័ព្ទ សួរ មេធាវី របស់ យើង បាន ។ ខ្ញុំ សហការ ជាមួយ ក្រុមហ៊ុន មេធាវី នេះ ដើម្បី ធានាថា ទាំង អ្នក វិនិយោគ ទាំង អ្នកទិញ សុទ្ធ តែ មាន សុវត្ថិភាព ដូចគ្នា ។

៨.តើ ដំណើរ ការ សាង សង់ នឹង ចាប់ ផ្តើម នៅ ពេល ណា ?

យើង បាន ចាប់ ផ្តើម ចាក់ដី ហើយ ។ ការ ចាក់ ដី នេះ នឹងត្រូវ ប្រើ រយៈ ពេល ប្រហែល៣ ទៅ ៤ ខែ ។ នៅពេល ការ ចាក់ ដី បញ្ចប់ យើង នឹង ចាប់ផ្តើម សាងសង់ ហេដ្ឋា រចនាសម្ព័ន្ធ ហើយ យើង នឹង ចាប់ផ្តើម សង់ផ្ទះ ។ គម្រោង នេះ នឹងត្រូវ ប្រើ រយៈពេល អស់២ ឆ្នាំ ។ រីឯ ការលក់ វិញ នឹង ប្រព្រឹត្ត ទៅជា ដំណាក់ កាល ដូច្នេះ រាល់ ជួរ ផ្ទះ នីមួយៗ ដែល សង់ ហើយ ម្ចាស់ផ្ទះ អាច ចូល មក រស់នៅ បាន ។

៩.តើ លោក គិតថា គម្រោង ផ្ទះ តម្លៃ ទាប នឹង ជំរុញ ឲ្យ វិនិយោគិន ផ្សេងៗ ទៀត មក វិនិយោគ ដែរ ឬ ទេ ?

វិនិយោគិន មួយ ចំនួន បាន ចាប់ អារម្មណ៍ ហើយ សម្រាប់ ការ វិនិយោគ នេះ ។ ខ្ញុំ ធ្វើការ ស្វាគមន៍ ពួកគាត់ យ៉ាង កក់ក្តៅ ពីព្រោះ ខ្ញុំ តែ ម្នាក់ ឯង មិន មាន លទ្ធភាព គ្រប់ កន្លែង នោះទេ ។ វិនិយោគិន ណា ដែល គាត់ ចង់ ធ្វើ ផ្ទះ តម្លៃ ទាប នេះ អាច មក ជួប ពិភាក្សា ជាមួយ រដ្ឋាភិបាល បាន ។

ធនាគារ អេស៊ីលីដា បានផ្តល់ នូវ ការគាំទ្រ ដល់ គម្រោង នេះ លោក អុិន ចាន់នី អគ្គនាយក ធនាគារ អេស៊ីលីដា បាន បញ្ជាក់ ប្រាប់ ប៉ុស្តិ៍ អចលនទ្រព្យ ថា លោក បាន ជួប ជាមួយ Worldbridge Land រួច មក ហើយ ដើម្បី ពិភាក្សា អំពី គម្រោង នេះ ។ ខណៈ ពេល ដែល លោក ចាន់នី ពុំទាន់ អាច ប្រាប់ ពី សេចក្តី លម្អិត នៃ កិច្ច ពិភាក្សា ឬ បញ្ជាក់ ថា តើ កិច្ចព្រម ព្រៀង បាន ទៅដល់ ណា ហើយ នោះ ទេ ។ លោក ថ្លែងថា ធនាគារ អេស៊ីលីដា ផ្តល់នូវ ការគាំទ្រ ជួយ យ៉ាង ពេញ ទំហឹង លើ គម្រោង ផ្ទះ តម្លៃ ទាប នេះ ដែល ធនាគារ បាន គិត ដល់ អតិថិជន ជាធំ មុននឹង គិតដល់ ផល ចំណេញ ។

« យើង គាំទ្រ ជួយ ដល់ គ្រប់ គម្រោង គេហដ្ឋាន ទាំងអស់ ដែល មិនមែនជា គម្រោង យក ផល ចំ ណេញ បែប អាជីវកម្ម » ។ នេះ បើតាម ប្រសាសន៍ របស់លោក អុិន ចាន់នី ។ « គម្រោង នេះ គឺ ស្ថិតក្នុង បញ្ជី របស់ អេស៊ីលីដា ព្រោះ យើង គាំទ្រ ជួយ ដល់ គម្រោង ផ្ទះ តម្លៃ ទាប ដំបូង គេ នេះ »៕

Source From: PHNOM PENH POST

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Chroy Changva,Russey Keo
USD 1,090,000.00
Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month
Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00

CVEA MEMBERS