ដី​កសិកម្ម​នឹងត្រូវ​បាត់បង់​បើ​គ្មានការ​ការពារ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

Thu, 11 June 2015 The Myanmar Time

3

យុំាងហ្គោនៈ អ្នកជំនាញ​រៀបចំ​គម្រោង និង​អភិវឌ្ឍន៍​ទីក្រុង បាន​ព្រមាន​ថា ប្រសិន​ដីស្រែ ឬ​កសិកម្ម​​នៅក្នុង និង​​ជុំវិញ​ទីក្រុង​យុំាងហ្គោន​មិនត្រូវ​ការពារ​ដោយ​ច្បាប់​ទេ វា​នឹងត្រូវ​បាន​លក់​ឲ្យ​គម្រោង​លំនៅ​ឋាន និង​ឧស្សាហកម្ម​ធំៗ ឬក៏​ត្រូវបាន​យកទៅ​ប្រើប្រាស់​សម្រាប់​សាងសង់​លំនៅឋាន និង​រោងចក្រ​។​

​លោក U Than Moe ទីប្រឹក្សា​ជាន់ខ្ពស់​នៃ​ស្ថាប័ន​អភិវឌ្ឍន៍ និង​ស្រាវជ្រាវ​ដែនដី​នគរូបនីយកម្ម បាន​ឲ្យ​ដឹងថា ៖«​យើង​ត្រូវតែ​ការពារ​ដី​កសិកម្ម​។ វា​មាន​កសិដ្ឋាន​តិចតូច​នៅសល់​ក្នុង​ទីក្រុង​យុំាងហ្គោន ហើយ​ដី​ជាច្រើន​ត្រូវបាន​លក់​ចេញ​រួច​ទៅហើយ​។

យោងតាម​ច្បាប់ វា​ពិត​ជាមាន​ភាពងាយស្រួល​ក្នុង​ការចាត់​ប្រភេទ​ដី​ឡើងវិញ​ដែល​ធ្វើ​ឲ្យ​ដី​កសិកម្ម​ស្របច្បាប់​ក្លាយ​ប្រភេទ​ដី​ផ្សេង​មួយទៀត​។​ប្រសិនបើ​ច្បាប់​ការពារ​ដី​កសិកម្ម​​មិនត្រូវ​បាន​អនុម័ត ទេ ដី​ទាំងនោះ​ក្នុង​ទីក្រុង​យុំាងហ្គោន​នឹង​បាត់បង់​។​

​យោងតាម​ច្បាប់​ទាក់ទង​នឹង​ដី​កសិកម្ម​កាលពី​ឆ្នាំ​ ​២០១២ វា​ងាយស្រួល​ក្នុង​ការទិញ​កសិកម្ម​ និង​ប្រើប្រាស់​សម្រាប់​ការសាងសង់​អគារ​។ ច្បាប់​ដី​កសិកម្ម​ត្រូវបាន​ អនុម័ត​កាលពី​ខែ មីនា ឆ្នាំ ២០១២ ក្នុង​គោលបំណង​ដើម្បី​ចេញ​លិខិត​បញ្ជាក់​ការប្រើប្រាស់​ដី និង​បង្កើត​ប្រប័ន្ធ​ ចុះបញ្ជី​។​

​លោក U Than Moe បាន​ថ្លែងថា ៖«​នាយកដ្ឋាន​ពាក់ព័ន្ធ​ត្រូវតែ​ត្រួតពិនិត្យ​ពី​បញ្ហា​នេះ​»​។​

​លោក U Kyaw Aye ឈ្មួញ​រកស៊ី​អង្ករ បាន​ឲ្យ​ដឹងថា ៖«​ជាក់ស្តែង​ណាស់ ដី​កសិកម្ម​ក្នុង​ទីក្រុង​យុំាងហ្គោន​គឺ​ពិតជា​មានការ​រួម​តូច​។ ការផលិត​អង្ករ​បាន​ធ្លាក់ចុះ​នៅក្នុង​រយៈពេល​ ៤​ ឆ្នាំ​ចុង​ក្រោយ នេះ​។ ដី​កសិកកម្ម​មាន​តិច ហើយ​ការផលិត​តិច​ដែល​ធ្វើ​ឲ្យ​តម្លៃ​អង្ករ​កើនឡើង​។ វា​មិនមាន​ផល​ល្អ​សម្រាប់​អនាគត​ទេ​»​។​

​លោក U Kyaw Aye បាន​និយាយថា ៖«​តម្លៃ​ផលិតផល​កសិកម្ម​ក្នុង​តំបន់​យុំាងហ្គោន​ទំនងជា​ឡើងថ្លៃ ​ប្រសិនបើ​ដី​កសិកម្ម​នៅ​ប្រើប្រាស់​ក្នុង​គោលដៅ​ផ្សេង​។ កសិករ​ជាច្រើន​កំពុង​លក់ដី​របស់​ពួកគេ​ជា​បណ្តើរៗ ដោយសារ​មុខរបរ​របស់​ពួកគេ​មិនមាន​ដំណើរ​ល្អ ហើយ​រដ្ឋាភិបាល​កំពុង​រឹប​អូស​ដី​កសិកម្ម​។ ច្បាប់​បច្ចុប្បន្ន​ មិនមាន​ប្រសិទ្ធភាព​ក្នុងការ​ការពារ​ពីការ​រឹបអូស​ដី​នោះទេ​។ យើង​ត្រូវ​ការច្បាប់​ថ្មី​ដែល​ផ្តល់​ការការពារ​រឹង​មាំ​មួយ​»​។​

​ដី​កសិកម្ម​ត្រូវយក​ទៅប្រើប្រាស់​ជា​តំបន់​ឧស្សាហកម្ម​ក្នុង​ទីក្រុង​យុំាងហ្គោន​។ លើសពីនេះទៅទៀត មាន​គម្រោង​មួយ​ដែល​ព្រាង​ដោយ​អង្គការ​ JICA ​ដែលមាន​ការ​សហការ​ជាមួយនឹង​គណៈកម្មការ​អភិវឌ្ឍន៍​ទីក្រុង​យ៉ាំងហ្គោន​ដើម្បី​ពង្រីក​ទីក្រុង​អាច​នឹង​ប្រែក្លាយ​ដី​កសិកម្ម​ជាច្រើន​ក្នុង​តំបន់ Thanlyin តំបន់ Kyauktan តំបន់ Hlegu និង តំបន់ Htantabin ឲ្យ​ទៅជា​ប្រភេទ​ដី​ផ្សេងទៀត​។

​មាន​តំបន់​ជាច្រើន​ក្នុង​ទីក្រុង​យុំាងហ្គោន​ដែល​នៅ​ជាដី​កសិកម្ម​រួមមាន​តំបន់ Thaketa តំបន់ Dala តំបន់ Kyeemyindaing តំបន់​​ Mingalardon​ តំបន់​ HlaingTharyar តំបន់​Thanlyin​ និង​ តំបន់ Dagon​។​

​ម្យ៉ាងវិញទៀត អ្នកជំនាញ​មួយ ចំនួន​ជឿថា អគារ​ខ្ពស់ៗ​ដែលមាន​តម្លៃ​សមរម្យ និង​ទាប​គួរតែ​សាងសង់​នៅ​ជាយ​ទីក្រុង​យុំាងហ្គោន​ដែលមាន​ដី​ធំៗ និង​ជា​ដី​កសិកម្ម​នៅ​ទំនេរ ខណៈ​វា​នឹង​ជួយ​ដោះស្រាយ​បញ្ហា​លំនៅឋាន​នៅ​ទីក្រុង ខណៈ​ចំនួន​ប្រជាជន​កើនឡើង​។

​លោក Daw Hlaing Maw Oo ជំនួយការ​នាយក​នៃ​នាយកដ្ឋាន​លំនៅឋាន បាន​ឲ្យ​ដឹងថា ៖«​ប្រសិនបើ​យើង​សាងសង់​អគារ​ខ្ពស់ៗ​នៅក្នុង​ទីក្រុង តំបន់​កេរដំណែល និង​អគារ​អាណានិគម​នឹងរង​ផល​ប៉ះពាល់ ដូច្នេះ​យើង​ត្រូវតែ​សាងសង់អគារ​ទាំងនេះ​នៅ​ជាយក្រុង​ជំនួស​វិញ​ដែលជា​កន្លែង​មានតម្លៃ​សមរម្យ​»​។​

​យោងតាម​ការស្រាវជ្រាវ​ដោយ World Bank កាលពី​ឆ្នាំ ២០១២ ១៩.៣​ ភាគរយ​នៃ​ផ្ទៃដី​របស់​ប្រទេស​មីយ៉ាន់ម៉ា​គឺ​ដី​កសិកម្ម បើទោះជា​គា្មន​សិ្ថតិ​ពី​ទីក្រុង​យុំាងហ្គោន​ក៏ដោយ​។​

​កសិកម្ម​គឺ​វិស័យ​សំខាន់​មួយ​របស់​សេដ្ឋកិច្ច​ប្រទេស​មីយ៉ាន់ម៉ា​។ វិស័យ​កសិកម្ម​ដែល​រួមមាន សត្វចិញ្ចឹ​ម និង​ត្រី​មាន ៣២.៨​ ភាគរយ​នៃ​ផលិតផល​សរុប​ក្នុងស្រុក សេវាកម្ម​មាន​ ៤៦.២ ​ភាគរយ និង​ឧស្សាហកម្ម​មាន ​២១.០ ភាគរយ​។ នេះ​បើតាមក្រសួងកសិកម្ម និង​ធនធានទឹក​របស់​មីយ៉ាន់ម៉ា​។​

​ក្រសួងកសិកម្ម និង​ធនធានទឹក​របស់​មីយ៉ាន់ម៉ា បាន​ឲ្យ​ដឹងថា ៖«​សមាមាត្រ​នៃ​ឧស្សាហកម្ម​គឺមាន​ការទាក់ទង​ផ្ទាល់ និង​ប្រយោល​ជាមួយនឹង​កសិកម្ម​។ ក្នុង​ឆ្នាំ​ ២០១៤ តម្លៃ​នាំចេញ​កសិកម្ម​មាន ៣១.៨​ ភាគរយ​។ ទាក់ទង​អត្រា​ការងារ ប្រហែលជា ៦១.២​ ភាគរយ​នៃ​កម្លាំង​ពលកម្ម​ផ្សារភ្ជាប់​ជាមួយនឹង​កសិកម្ម​»​។​

​យោងតាម​ទិនុ្នន័យ​ពី​ធនាគារ​អភិវឌ្ឍន៍អាស៊ី បាន​ឲ្យ​ដឹងថា ទោះបីជា​យ៉ាងណាក៏ដោយ ក៏​កាលពី​ឆ្នាំ ២០០១ កសិកម្ម​មាន​ ៥៧​ ភាគរយ​នៃ​ផលិតផល​ក្នុងស្រុក​សរុប​ខណៈ​ធ្លាក់​មកដល់ ៣៦​ ភាគរយ​ក្នុង​ឆ្នាំ ​២០១០៕

Source From: Phnom Penh Post

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Chroy Changva,Russey Keo
USD 1,090,000.00
Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month
Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00

CVEA MEMBERS