សណ្ឋាគារ Sheraton នឹងបើក​ដំណើរការ​នៅ ២ ឆ្នាំ​ខាង​មុខ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

Thu, 4 June 2015 Bangkok Post

5

ក្រុមហ៊ុន Starwood Hotels & Resorts Worldwide ដែល​បាន​បោះទុន​លើ​សណ្ឋាគារ Sheraton បានប្រកាស​គម្រោង​ដំបូង​របស់ខ្លួន​ក្នុងប្រទេស​មីយ៉ាន់ម៉ា​ដោយ​គម្រោង​នឹង​បើក​ដំណើរការ​នៅ​ ២០១៧​ ខាងមុខ​។​

​សណ្ឋាគារ ​Sheraton Yangon គឺ​សណ្ឋាគារ​ប្រណីត​ដំបូង​ក្នុងប្រទេស​នេះ ខណៈ​កាលពី​អតីតកាល ការដាក់​ទារុណកម្ម របស់​សហរដ្ឋអាមេរិក​បានធ្វើ​ឲ្យ​ក្រុមហ៊ុន ​Starwood មិនអាច​ចូលធ្វើ​ជំនួញ​ក្នុង​ប្រទេស​មីយ៉ានម៉ាបាន​។​

​យោង​តាម​ក្រុមហ៊ុន​ខាងលើ​បាន​ឲ្យ​ដឹងថា ការ​សាងសង់​សណ្ឋាគារ ដែល​រួមបញ្ចូល​ទាំង​តម្លៃ​ដី នៅតាម​ដងផ្លូវ​ U Htun Myat ក្បែរ​បឹង​Kandawgyi នឹងមាន​ទឹកប្រាក់​ប្រមាណ​ជា​ ៥០​ លានដុល្លារ​ដែល​ផ្តល់​ទាំងស្រុង​ដោយ​ក្រុមហ៊ុន Family Business Group Hotel Limited​។ ស្របពេល ក្រុមហ៊ុន​ Starwood ប្រចាំ​តំបន់​អាស៊ី​ប៉ាស៊ីហ្វិក​បាន​ចុះ​កិច្ចព្រមព្រៀង​កាលពី​ខែ​មករា ក្រុមហ៊ុន​ក្នុងស្រុក​មួយ​នៅ​ប្រទេស​មីយ៉ាន់ម៉ា​កំពុង​សាងសង់ និង​ដំណើរការ​សណ្ឋាគារ​នេះ​។

​លោក U Ko Ko Latt បាន​ឲ្យ​ដឹងថា ក្រុមហ៊ុន Family Business Group Hotel Limited បាន​សង់​គ្រឹះ​អចលនទ្រព្យ​របស់ខ្លួន​នៅលើ​ផ្លូវ U Htun Myat កាលពី​ឆ្នាំ​២០១១​មកម៉្លេះ​។​

​លោក U Ko Ko Latt បាន​និយាយថា ទោះបីជា​យ៉ាង​ណា​ក៏ដោយ ក្រុមហ៊ុន​បាន​ព្យាយាម​ស្វែងរក​ដៃគូ​អភិវឌ្ឍន៍​សម្រាប់​សណ្ឋាគា​រនា​ពេលអនាគត​។

ក្រុមហ៊ុន​បាន​សង្ឃឹមថានឹង​ធ្វើជា​ដៃគូ​ជាមួយ​ក្រុមហ៊ុន Starwood ប៉ុន្តែ​ក្រុមហ៊ុន​ដែលមាន​មូលដ្ឋាន​នៅ​ប្រទេស​សហរដ្ឋអាមេរិក​មិន​អាច​ឈានចូល​ប្រទេស​មីយ៉ាន់ម៉ា​បានទេ ដោយសារ​មានការ​ដាក់​ទារុណកម្ម​។ ដោយឡែក បច្ចុប្បន្ន ស្ថានភាព​បាន​ផ្លាស់ប្តូរ ដោយ​ការដាក់​កំហិត​ត្រូវបាន​បន្ធូរបន្ថយ ហើយ​ក្រុមហ៊ុន Starwood កាន់​តែមាន​ភាពងាយស្រួល​ក្នុងការ​សហការ​ជា​ដៃគូ។​

​លោក បាន​អះអាង​ថា ៖«​ក្រុមហ៊ុន Starwood ចង់ដឹង​ពី​ជីវប្រវត្តិ​របស់​ប្រធាន​ក្រុមហ៊ុន​។ គាត់​ជា​អ្នកណា​? ជា​អតីត​មន្ត្រី​រដ្ឋាភិបាល ឬក៏​ជា​អ្វី? ក្រុមហ៊ុន​ត្រួតពិនិត្យ​មក​លើ​ជីវប្រវត្តិ ហើយ​បន្ទាប់មក ពួកគេ​គាំទ្រ​គម្រោង​របស់​យើង​»​។​

​កាលពី​ខែ មករា​កន្លងមក ក្រុមហ៊ុន Starwood និង​ក្រុមហ៊ុន Family Business Group Hotel Limited បាន​ចុះ​កិច្ចព្រមព្រៀង​មួយ​នៅ​ប្រទេស​សិង្ហបុរី ដែល​តែងតាំង​ក្រុមហ៊ុន​ Starwood ជា​អ្នកគ្រប់គ្រង​សណ្ឋាគារ​។

ក្រុមហ៊ុន​ ​Starwood នឹង​ទទួល​បាន​ប្រាក់​ឈ្នួល​ក្នុង​នាមជា​អ្នក​ប្រតិបត្តិការ ប៉ុន្តែ​គ្មាន​ភាគហ៊ុន​នៅ​សណ្ឋាគារ​នេះ​ទេ​។​

​យោងតាម​គេហទំព័រ​របស់ខ្លួន​ដែល​បានចេញ​ផ្សាយ បាន​ឲ្យ​ដឹងថា ការសាងសង់​កំពុង​ដំណើរការ ហើយនឹង​បញ្ចប់​ក្នុង​ខែ មករា ឆ្នាំ ២០១៧​ ។ សណ្ឋាគារ​នេះ​នឹង​បើក​ដំណើរការ​នៅ​ ៦​ ខែ​បន្ទាប់​ការបញ្ចប់​ការសាងសង់​។​

​លោក U Ko Ko Latt បាន​ឲ្យ​ដឹងថា សណ្ឋាគារ​ផ្កាយ​ ៥ ដែលមាន​ ១៦​ ជាន់​នឹងមាន​បន្ទប់​ចំនួន ៣៧៥ ភោជនីយដ្ឋាន​ចំនួន ២ និង​បារ៍​ចំនួន ១ ហើយ​ជាធម្មតា​ផ្តោតលើ​ភ្ញៀវ​ដែល​ជាអ្នកធ្វើដំណើរ​លក្ខណៈ​ជំនួញ​ពី​អឺរ៉ុប​។​

​យោងតាម​សេចក្តីប្រកាស​ព័ត៌មាន​របស់​ក្រុមហ៊ុន​ Starwood បាន​ឲ្យ​ដឹងថា ប្រកាស​របស់​ក្រុមហ៊ុន​លេចឡើង ស្របពេល​ប្រទេស​មីយ៉ាន់​ម៉ា ​មាន​រីកចម្រើន​ក្នុង​វិស័យ​ទេសចរ​។ មាន​ភ្ញៀវ​ទេសចរណ៍​ចំនួន​ ៤​ លាន​នាក់​បាន​ទស្សនា​ប្រទេស​នេះ​។​

​សេចក្តីប្រកាស​ព័ត៌មាន​ដដែល​នេះ​បាន​ឲ្យ​ដឹងថា ក្រុមហ៊ុន​ចាត់ទុក​ប្រទេស​មីយ៉ាន់ម៉ា​ជាទី​ផ្សារ​ដែល​មានស្ថានភាព​ល្អ ដោយ​អាច​ផ្តល់ប្រាក់​ចំណូល​បាន​ច្រើន​។ ក្រុមហ៊ុន Starwood មាន​សណ្ឋាគារ​ចំនួន​ ៧៣ និង​កន្លែង​លម្ហែកាយ​ចំនួន​ ៣៧ កន្លែង​។​

​លោក Lothar Pehl នាយករង​ជាន់ខ្ពស់​នៃ​ក្រុមហ៊ុន Starwood Hotels & Resorts ប្រចាំ​តំបន់​អាស៊ីប៉ាស៊ីហ្វិក បាន​ថ្លែង​ក្នុង​សេចក្តីប្រកាស​ព័ត៌មាន​ថា៖«​ប្រទេស​មីយ៉ាន់ម៉ា​បង្ហាញ​ពី​សក្តានុពល​យ៉ាងខ្លាំង​សម្រាប់​ការរីកចម្រើន​នាពេល​បច្ចុប្បន្ន​»​។

លោក​បាន​បន្តថា ៖«​វិនិយោគិន​ជាច្រើន​នឹងមាន​ទំនុកចិត្ត ដោយ​សារ​ក្រុមហ៊ុន​ Starwood មាន​វត្តមាន​ក្នុង​ទីក្រុង​យាំងហ្គោន​។ ពួកគេ​នឹង​និយាយថា សណ្ឋាគារ​ Sheraton​ នៅទីនេះ ហើយ​ហេតុអ្វី​បានជា​ពួកគេ​មិន​ទៅនោះ​? ដូច្នេះ​វា​ជា​កត្តា​មួយ​ប្រើសម្រាប់​ប្រទេស​នេះ​»​៕

Source From: Phnom Penh Post

Latest News

LATEST EXCLUSIVE LISTING

Villa For Sale
Niroth,Meanchey
USD 1,100,000.00
Flat House For Sale
Prek Pra,Meanchey
USD 68,000.00
Flat House For Sale
Dangkao,Dangkao
USD 73,000.00
Flat House For Sale
Boeng Keng Kang III,Chamkarmon
USD 295,000.00
Apartment For Sale
Chrang Chamres 1,Russey Keo
USD 168,000.00

CVEA MEMBERS