តម្លៃ​លំនៅឋាន​នៅក្នុង​ទីក្រុង​ Shenzhen កើន​ឡើងខ្ពស់

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

Sat, 24 January 2015 អត្ថបទ​ដោយ Bloomberg News

4

តម្លៃ​លំនៅឋាន​នៅ​ក្នុង​ទីក្រុង ​Shenzhen បាន​ឡើង​ដល់​​កម្រិត​ខ្ពស់​បំផុត​កាល​ពីខែ​ធ្នូ ឆ្នាំ ​២០១៤ កន្លង​មក ខណៈ​ ធនាគារ​កណ្តាល​ ​ចិន បាន​កាត់​បន្ថយ​អត្រា​ការ​ប្រាក់​ជា​លើក​ដំបូង​ចាប់​តាំង​​ពី​ឆ្នាំ ២០១២​ មក​ដែល​ជំរុញ​ឲ្យ​មាន​តម្រូវការ​កើន​ឡើង​ច្រើន​។

របាយការណ៍​ដែល​បាន​ចេញ​ផ្សាយ​​ កាល​ពី​ដើម​សប្តាហ៍​នេះ ​បាន​ឲ្យ​ដឹង​ថា តម្លៃលំនៅឋាន​ថ្មី​នៅ​ទីក្រុង​ Shenzhen ដែល​ជា​ទីក្រុង​ស្ថិត​នៅ​ជាប់​ទីក្រុង​ហុងកុង ​បាន​កើន​ឡើង​ ១,២ ​ភាគរយ ​ក្នុង​ខែ​ ធ្នូ បើ​ប្រៀប​ធៀប​នឹង​ខែ ​វិច្ឆិកា​ ឆ្នាំ​២០១៤​។ នេះ​ជា​ការ​កើនឡើង​លើក​ដំបូង​គិត​ចាប់​តាំង​ពី​ការ​កើន​ឡើង ​០,២​ ភាគរយ​ កាល​ពី​ខែ​​មេសា។

ទោះ​បី​ជា​យ៉ាង​ណា​តម្លៃ​​លំនៅ​ឋាន​នៅ​ទីក្រុង​ចំនួន​ ៦៥ ​ផ្សេង​ទៀត​នៅ​ក្នុង​ចំណោម​ទីក្រុង​ចំនួន​ ៧០ ​បាន​ធ្លាក់​ចុះ ខណៈ​ទីក្រុង​ចំនួន​ ៤​ ទៀត​មាន​តម្លៃ​នៅ​ថេរ​។​

កាល​ពី​ខែ​វិច្ឆិកា​ តម្លៃ​លំនៅឋាន​នៅ​ទីក្រុង​ចំនួន​៦៧​បាន​ធ្លាក់​ចុះ​។

ក្រុមហ៊ុន​ Barclays Plc បាន​ឲ្យ​ដឹង​ថា ការ​លក់​លំនៅឋាន​ក្នុង​ទីក្រុង​សំខាន់​ៗ​មាន​ភាព​ល្អ​ប្រសើរ​ឡើង​វិញកាល​ពីខែមុន​ បន្ទាប់​ពី​ធនាគារ​កណ្តាល​​កាលពី​ខែវិច្ឆិកា​បានសម្រេច​​កែ​សម្រួល​វិធាការ​​មួយ​ចំនួន​លើ​វិស័យ​ណា​ដែល​ធ្វើឲ្យ​សេដ្ឋកិច្ច​មាន​ការ​យឺតយ៉ាវ។ ​ប្រ​សិន​បើ​សកម្ម​ភាព​នេះ​នៅ​តែ​បន្ត ​ការ​លក់​ផ្ទះ​នៅ​ទូទាំង​ប្រទេស​ចិន​ត្រូវ​បាន​គេ​រំពឹង​ថា ​នឹង​មាន​ការ​កើនឡើង​ពេញ​​ ១ ​ឆ្នាំ ​២០១៥ ​នេះ​តែ​ម្តង​។

លោក​ Jinsong Du អ្នក​វិភាគ​ដែល​មាន​មូលដ្ឋាន​នៅ​ទីក្រុង​ហុងកុង​របស់​ក្រុមហ៊ុន​ Credit Suisse AG បាន​និយាយថា ៖«​ការ​ធ្លាក់​ចុះ​តម្លៃ​លំនៅឋាន​នៅតែ​បន្ត​ ខណៈការ​លក់​កើនឡើង​អាច​ធ្វើ​ឲ្យ​តម្លៃ​​​នៅ​ថេរ»។

ទិន្នន័យ​ខាង​លើ​បានបង្ហាញ​ថា តម្លៃ​លំនៅឋាន​នៅ​ក្នុងទីក្រុង​ប៉េកាំង​ និង​ក្វាងចូវ បាន​ធ្លាក់​ចុះ​ ០,២​ ភាគ​រយ ​បើធៀប​ទៅ​ខែ​វិច្ឆិកា ខណៈ​ទីក្រុង​ស៊ាងហៃ ​ធ្លាក់​ចុះ​ ០,៣ ​ភាគរយ។ ទីក្រុង​ចំនួន​៣ និង​ទីក្រុង​ Shenzhen ត្រូវបាន​ចាត់​ទុកថាជា​ទីក្រុង​ជួរមុខ​ និង​ត្រូវគេ​គិត​ថា​ មាន​តម្រូវការ​លំនៅឋាន​ច្រើន​បំផុត​៕​

 

Source From: Khmer Post   (  24 January 2015 ) 

 

 

 

 

 

 

 

 

 

 

 

 

 

Latest News

LATEST EXCLUSIVE LISTING

Villa For Sale
Niroth,Meanchey
USD 1,100,000.00
Flat House For Sale
Prek Pra,Meanchey
USD 68,000.00
Flat House For Sale
Dangkao,Dangkao
USD 73,000.00
Flat House For Sale
Boeng Keng Kang III,Chamkarmon
USD 295,000.00
Apartment For Sale
Chrang Chamres 1,Russey Keo
USD 168,000.00

CVEA MEMBERS