ទីផ្សារ​អចលនទ្រព្យ​នៅ Mandalay មាន​ភាព​ល្អប្រសើរ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

ទិដ្ឋភាព​នៃ​ទីក្រុង Mandalay របស់​ប្រទេស​មីយ៉ាន់ម៉ា​។ The Myanmar Times
 

ទីផ្សារ​អចលនទ្រព្យ​នៅ​ទីក្រុង Mandalay នាពេល​នេះ​គឺ​កំពុង​មាន​ការ​រីកចម្រើន​ខ្លាំង​ជាង​គេ​ក្នុង​ចំណោម​ទីក្រុង​ទំនើបៗ​របស់​ប្រទេស​មីយ៉ាន់ម៉ា​។ នេះ​បើ​តាម​របាយការណ៍​ប្រចាំ​ឆ្នាំ​របស់​ក្រុមហ៊ុន Colliers International​។

ក្រុមហ៊ុន Colliers International បាន​ព្យាករ​ថា​នឹង​មាន​អ្នក​អភិវឌ្ឍន៍​ជាច្រើន​ចូលរួម​ក្នុង​ការ​រៀបចំ​ប្លង់​មេ​នៅ​ទី​នោះ ដែល​នឹង​រឹត​តែ​ធ្វើឲ្យ​អ្វីៗ​កាន់តែ​ល្អប្រសើរ​បន្ថែម​ទៀត​។

ក្រុមហ៊ុន​នេះ​ក៏​បាន​ផ្តល់​ដំបូន្មាន​ដល់​ក្រុមហ៊ុន​អភិវឌ្ឍន៍​នានា​ឲ្យ​ចូលរួម​ពង្រឹង និង​កែលម្អ​គុណភាព​នៃ​ការ​រស់នៅ និង​លំនៅឋាន​សម្រាប់​ប្រជាជន​ក្នុង​តំបន់​ផង​ដែរ​។

បច្ចុប្បន្ន​កំណើន​នៃ​ជើង​ហោះហើរ​ក៏​ដូចជា​ជនបរទេស​នៅ​ក្នុង​ទីក្រុង​នេះ​ក៏​បាន​បង្ហាញ​នូវ​សញ្ញា​វិជ្ជមាន​ផង​ដែរ​សម្រាប់​វិស័យ​ឧស្សាហកម្ម​បដិសណ្ឋារកិច្ច និង​ទេសចរណ៍​។

Colliers International ក៏​បាន​ផ្តល់​អនុសាសន៍​ឲ្យ​បណ្តា​សណ្ឋាគារ​ទាំងអស់​គួរ​រៀបចំ​ឱ្យ​មាន​កញ្ចប់​ពិសេស​សម្រាប់​បម្រើ​ដល់​វិស័យ​ទេសចរណ៍ ដើម្បី​ទាញ​យក​អត្ថប្រយោជន៍​ពី​កត្តា​ប្រវត្តិសាស្ត្រ និង​សក្តានុពល​ទេសចរណ៍​ធម្មជាតិ​នៅ​ក្នុង​តំបន់​។

មាន​ការ​រំពឹង​ថា ដី​ទំនេរ​ដែល​មាន​ទំហំ​ធំៗ​នឹង​បន្ត​ពង្រឹង​សក្តានុពល​វិស័យ​អចលនទ្រព្យ​ក្នុង​ក្រុង Mandalay ​ឲ្យ​កាន់​តែ​ប្រសើរ​ឡើង​បន្ថែម​ទៀត​។

កាលពី​ឆ្នាំ​ ២០១៧ មាន​បន្ទប់​ស្នាក់នៅ​ (​ខុនដូ​) ​ចំនួន​ជាង​ ៥០០ ​យូនីត​បាន​ដាក់​ចូល​ក្នុង​ទីផ្សារ​។ ការ​កើនឡើង​នេះ គឺ​ដោយសារ​មាន​គម្រោង​មួយ​ចំនួន​បាន​បញ្ចប់​ដែល​មាន​ដូចជា គម្រោង Khayay Condominium របស់​ក្រុមហ៊ុន Asia Bright Land និង​គម្រោង Sky Villa Condominium របស់ NTL Construction Group ជាដើម​។ តម្លៃ​ជា​មធ្យម​របស់​ខុនដូ​នៅ​ទីក្រុង Mandalay គឺ​ ១៤០០ ​ដុល្លារ​ក្នុង​ ១ ​ម៉ែត្រការ៉េ​។

ក្នុង​រយៈពេល​ ២ ​ឆ្នាំ​ខាង​មុខ​ទីក្រុង​នេះ​នឹង​មាន​អគារ​ការិយាល័យ​ពាណិជ្ជកម្ម ធំៗ​ចំនួន​ ២ លេចឡើង​គឺ Mingalar Mandalay និង Mandalay Convention Center & Commercial Complex​។

Mandalay គឺជា​ទីក្រុង​ធំ​ទី​ ២ របស់​ប្រទេស​មីយ៉ាន់ម៉ា​ដែល​មាន​ប្រជាជន​រស់នៅ​ជាង​ ១,២ ​លាន​នាក់​។ ការ​កើនឡើង​នៃ​កម្រិត​ជីវភាព​របស់​ប្រជាជន​នៅ​ទី​នោះ​បាន​ធ្វើឲ្យ​ការ​ចំណាយ​ទៅ​លើ​ការ​ទិញ​ទំនិញ​ផ្សេងៗ​កើន​ឡើង​ជា​លំដាប់​៕

Source From : Property Area

 

Latest News

LATEST EXCLUSIVE LISTING

Villa For Sale
Niroth,Meanchey
USD 1,100,000.00
Flat House For Sale
Prek Pra,Meanchey
USD 68,000.00
Flat House For Sale
Dangkao,Dangkao
USD 73,000.00
Flat House For Sale
Boeng Keng Kang III,Chamkarmon
USD 295,000.00
Apartment For Sale
Chrang Chamres 1,Russey Keo
USD 168,000.00

CVEA MEMBERS