ចិន​ នឹង​ប្រើ​វិធាន​ការ​ ដើម្បី​ធ្វើ​ឱ្យ​ទីផ្សារ​អចលនទ្រព្យ​មាន​ស្ថិរភាព

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
អគារ​លំនៅ​ឋាន​ប្រជាជន​ដែល​ស្ថិត​នៅ​ក្នុង​ទីក្រុង ប៉េកាំង ប្រទេស​ចិន​៕​ រូបថត The Washington Post

ប្រធានាធិបតី​ចិន លោក Xi Jinping បាន​ដាក់​ចេញ​នូវ​វិធានការ​ដ៏​ធំ​មួយ​ក្នុង​គោល​បំណង​ដើម្បី​តម្រង់​ទិស​ទៅ​រក​ការ​បង្ក្រាប​តម្លៃ​អចលនទ្រព្យ​ដែល​មិន មាន​ភាព​ស្ថិតស្ថេរ​នៅ​ក្នុង​ប្រទេស​របស់​ខ្លួន​។

លោក Shen Jianguang ប្រធាន​ផ្នែក​សេដ្ឋកិច្ច​ប្រចាំ​តំបន់​អាស៊ី​នៃ​ក្រុមហ៊ុន Mizuho Securities Asia ដែល​មាន​ទីស្នាក់ការ​នៅ​ទីក្រុង​ហុងកុង បាន​និយាយ​ថា​ ៖ “​ទីផ្សារ​អចលនទ្រព្យ​ប្រទេស​ចិន​ជិត​ទទួល​រង​នូវ​ការ​ផ្លាស់​ប្តូរ​ដ៏​ធំ​មួយ​។ នោះ​គឺ​ទាក់ទង​នឹង​ការ​ជួល​អចលនទ្រព្យ​»​។

បច្ចុប្បន្ន លោក Xi កំពុង​ប្រើប្រាស់​អំណាច​ដ៏​ខ្លាំងក្លា​របស់​គាត់​ក្នុង​ការ​ព្យាយាម​ដោះស្រាយ​បញ្ហា​ដែល​អ្នក បង្កើត​គោល​នយោបាយ​ជុំវិញ​ពិភពលោក​មិន​អាច​សម្រេច​បាន​នោះ គឺ​កំណើន​នៃ​តម្លៃ​អចលនទ្រព្យ​នៅ​ក្នុង​តំបន់​ក្រុង​ធំៗ ដែល​បង្កើន​នូវ​ជម្លោះ​ទាក់ទិន​នឹង​វិសមភាព​។ គោល​បំណង​របស់​លោក Xi ទំនង​ជា​ទាក់ទិន​នឹង​គំរូ​ទីផ្សារ​ថ្មី​មួយ​ដែល​ស្ថិតនៅ​ចន្លោះ​រវាង​ភាព​ចលាចល​បែប​មូលធន​និយម ដែល​ធ្វើឱ្យ​តម្លៃ​ផ្ទះ​នៅ​ក្នុង​ទីក្រុង​ស៊ាង​ហៃ និង​ប៉េកាំង កើន ឡើង​ខ្ពស់​ខ្លាំង​។

លោក Xi Jinping ក៏​កំពុង​តែ​ព្យាយាម​កែប្រែ​នូវ​ជំនឿ​ដ៏​ពេញ​និយម​មួយ​ដែល​ថា អចលនទ្រព្យ​គឺជា​ការ​ភ្នាល់​ដែល​មាន​តែ​ឈ្នះ​ប៉ុណ្ណោះ ដោយ​ហេតុ​ថា​ការ​ថយ​ចុះ​នៃ​តម្លៃ​នៅ​ក្នុង​រយៈពេល​ខ្លី​ណា​មួយ​គឺ​ចៀស​មិន​ផុត តែ​វា​នឹង​កើន​ឡើង​យ៉ាង​លឿន​បន្ទាប់​ពី​នោះ​។

ការ​បង្កើត​នូវ​ទីផ្សារ​អចលនទ្រព្យ​ជួល​ដ៏​រស់​រវើក​មួយ នឹង​ជួយ​កាត់​បន្ថយ​នូវ​ភាព​តានតឹង និង​ហានិភ័យ​ពី​តម្លៃ​អចលនទ្រព្យ​។ នេះ​បើ​តាម​លោក Yongheng នៃ​សាកល​វិទ្យាល័យ Wisconsin​។

ការ​សិក្សា​ស្រាវជ្រាវ​មួយ​ដែល​បង្ហាញ​ថា អចលនទ្រព្យ​នៅ​ទីក្រុង​ប៉េកាំង បាន​កើន​ឡើង​យ៉ាង​ច្រើន​ចន្លោះ​ពី​ឆ្នាំ​ ២០០៤ ដល់​ឆ្នាំ ​២០១៦​។

នៅ​ទូទាំង​ប្រទេស​ចិន ការ​សាងសង់​នូវ​អគារ​ដ៏​ធំៗ​សម្រាប់​ដាក់​ជួល​បាន​ផ្តុំ​គ្នា​ជាច្រើន​ទាំង​អគារ​ដែល​សាងសង់​រួចរាល់ កំពុង​សាងសង់ និង​ស្ថិត​ក្នុង​គម្រោង​សាងសង់​។ ការ​ផ្លាស់​ប្តូរ​ទាំង​នេះ​អាច​ធ្វើ​ឱ្យ​មាន​ការ​ផ្លាស់​ប្តូរ និង​រង្គោះរង្គើ​ដល់​ចំណូល​រដ្ឋ​ផង​ដែរ​។

ទន្ទឹម​នឹង​នេះ​ក៏​មាន​អ្នក​វិភាគ​មួយ​ចំនួន​បាន​និយាយ​ថា វា​អាច​នឹង​ត្រូវ​ការ​រយៈពេល​ជាច្រើន​ឆ្នាំ​ដើម្បី​ឲ្យ​ការ​ផ្លាស់​ប្តូរ​នេះ​អាច​ធ្វើ​ទៅ​បាន​៕

Source From : Phnom Penh Post

 

Latest News

LATEST EXCLUSIVE LISTING

Villa For Sale
Niroth,Meanchey
USD 1,100,000.00
Flat House For Sale
Prek Pra,Meanchey
USD 68,000.00
Flat House For Sale
Dangkao,Dangkao
USD 73,000.00
Flat House For Sale
Boeng Keng Kang III,Chamkarmon
USD 295,000.00
Apartment For Sale
Chrang Chamres 1,Russey Keo
USD 168,000.00

CVEA MEMBERS