គំនូរ​លើ​ជញ្ជាំង​ធ្វើ​ឲ្យ​ដង​វិថី​នៅ​ជាយក្រុង Beirut កាន់​តែ​ស្រស់​បំព្រង

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ហាវិថី​នៅ​ជាយក្រុង Beirut ក្នុង​ប្រទេស Lebanon ប្លុក Ouzai

មើល​តាម​ដង​មហាវិថី​នៅ​ជាយក្រុង Beirut ក្នុង​ប្រទេស Lebanon ប្លុក Ouzai គឺជា​តំបន់​សំណង់​ចម្រុះ​មួយ ប៉ុន្តែ​សម្បូរ​ទៅ​ដោយ​អគារ​ទាបៗ​ដែល មាន​ជញ្ជាំង​រចនា​ជាមួយ​នឹង​រូប​គំនូរ​សិល្បៈ​យ៉ាង​ស្រស់​ស្អាត​។

វិចិត្រករ​ដែល​បាន​ចូលរួម​ក្នុង​គម្រោង «Ouzville» បាន​គូរ​លើ​ផ្ទៃ​ជញ្ជាំង​ជាមួយ​នឹង​ពណ៌​ខៀវ​ខ្ចី ពណ៌​ក្រហម ពណ៌​លឿង និង​បៃតង​យ៉ាង​ស្រស់​ស្អាត​ទាក់​ភ្នែក​ជាមួយ​នឹង​គំនូរ​គ្រវាស​ទាំង​បែប doodles និង​បែប​តួអង្គ​តុក្កតា​។

គម្រោង​នេះ​ផ្តល់​នូវ​សោភ័ណភាព​គួរ​ជាទី​គយគន់​សម្រាប់ Ouzai ដែល​ជា​ផ្លូវ​លំ​ចូល​ទៅ​ក្នុង និង​មាន​ប្រជាជន​រស់នៅ​បែប​ចម្រុះ​លាយឡំ​គ្នា​នៅ​តំបន់​ឆ្នេរ​សមុទ្រ​មេឌីទែរ៉ាណេ​ភាគ​ខាង​ត្បូង​នៃ​ទីក្រុង Beirut​។

ទីកន្លែង​នេះ​ធ្លាប់​ជា​ភូមិ​ស្ងាត់​ជ្រងំ​មួយ​ដែល​មាន​ឆ្នេរ​សមុទ្រ​លាត​សន្ធឹង​យ៉ាង​វែង​ហើយ​មាន​អ្នក​មក​ដេក​សំដិល​ហាល​ថ្ងៃ​កម្សាន្ត​ដែល​ធ្វើ​ដំណើរ​មក​ពី​ទី​ឆ្ងាយ​។

យ៉ាង​ណា​មិញ​ក្នុង​អំឡុង​សង្គ្រាម​ស៊ីវិល​ចន្លោះ​ឆ្នាំ​១៩៧៥​ដល់​១៩៩០ មាន​ប្រជាជន​ភៀស​ខ្លួន​ពី​កន្លែង​ផ្សេង​យ៉ាង​ច្រើន​មក​រស់នៅ​តំបន់​នេះ​ហើយ​បាន​ធ្វើ​ផ្ទះ​ទាន់ហន់​ដោយ​ពុំ​មាន​ការ​អនុញ្ញាត​អ្វី​នោះ​ឡើយ ព្រោះ​ដើម្បី​បំពេញ​តម្រូវ​ការ​រស់​នៅ​ប្រចាំ​ថ្ងៃ​របស់​ពួក​គេ​ជា​ចាំបាច់​។

អស់​រយៈពេល​ជាច្រើន​ទសវត្សរ៍​សំណង់ អគារ​អានាធិបតេយ្យ​ក្នុង​តំបន់​នេះ​ព្រម​ទាំង​ខ្សែភ្លើង​ខ្វាត់​ខ្វែង​ស្អេកស្កះ​ទាំងនេះ​គឺ អាច​មើល​ឃើញ​បាន​ពីលើ​យន្តហោះ​ដែល ចុះចត​នៅ​អាកាស​យានដ្ឋាន Beirut​។

Ayad Nasser ម្ចាស់​គម្រោង Ouzville នេះ​បាន​កើត​ក្នុង​ឆ្នាំ​១៩៧០ នៅ​តំបន់ Ouzai ប៉ុន្តែ​បាន​ផ្លាស់​ទៅ​រស់នៅ​បរទេស​នៅ​ពេល​កើត​សង្គ្រាម​ស៊ីវិល​។

លោក​ថ្លែង​ថា រាល់​ពេល​ដែល​លោក​ជិះ​យន្តហោះ​មក​ចុះ​ចត​ក្បែរ​អាកាស​យានដ្ឋាន​នេះ​វា​រំឭក​នូវ​អនុស្សាវរីយ៍​ដ៏​ឈឺចាប់​នៅ​ពេល​ដែល​ប្រជាជន​នៅ​តំបន់​នេះ​បែកបាក់​ខ្ចាត់ខ្ចាយ​ដោយ​សារ​សង្គ្រាម​។

លោក​ថ្លែង​ប្រាប់ AFP ថា​៖ «​រាល់​ពេល​ដែល​ខ្ញុំ​មាន​អារម្មណ៍​លំបាក​ក្នុង​ចិត្ត​អំឡុង​ពេល​ចុះ​ចត ខ្ញុំ​តែងតែ​និយាយ​ថា ខ្ញុំ​នឹង​មើល​ថែ Ouzai ជានិច្ច​»​។

លោក Nasser បាន​ចាប់​ផ្តើម​គម្រោង របស់​លោក​អស់​រយៈពេល​១៨​ខែ មក​ហើយ​ដោយ​អញ្ជើញ​វិចិត្រករ​គំនូរ​លើ​ដង​ផ្លូវ​ទាំង​ជនជាតិ​ឡេបានីស និង​អន្តរជាតិ​ទាំង​អស់​មក​កែលម្អ​សោភ័ណភាព​របស់​ទីក្រុង Beirut ពិសេស​គឺ​តំបន់ Ouzai តែ​ម្តង​។

លោក​ថ្លែងថា «​ខ្ញុំ​មាន​អារម្មណ៍​ថា តំបន់​ដែល​គេ​បោះបង់​ខ្លាំង​ជាង​គេ​នៅ​ប្រទេស​Lebanon គឺ​Ouzai តែ​ម្តង​»​។

«​អស់​រយៈពេល​៤០​ឆ្នាំ​មក​ហើយ​ដែល គ្មាន​នរណា​ម្នាក់​អើពើ​នឹង​តំបន់​នេះ​មិន​ថា​តែ​រដ្ឋាភិបាល គណបក្ស​នយោបាយ​ជាតិ​ឬ​ប្រជាជន​ក្នុង​តំបន់​នេះ​នោះ​ទេ​»​។

លោក​ធ្វើ​ការ​ជាមួយ​ប្រជាជន​នៅ Ouzai ដើម្បី​ស្វែងរក​ផ្លូវ និង​អគារ​ដែល​ត្រូវ​កែលម្អ​សោភ័ណភាព​របស់​វា​ជាមួយ​នឹង​ពណ៌​ចម្រុះ​ទាក់​ភ្នែក​។ រហូត​មក​ដល់​ពេល​នេះ ក្រុម​លោក​បាន​លាប​ពណ៌​អគារ​អស់​ជាង​១៤០​ខ្នង​មក​ហើយ​។

មើល​ពី​ផ្លូវ​ខាង​ក្រោម​ផ្ទះ​ជាន់​ផ្ទាល់​ដី​របស់​នាង​គេ​ឃើញ​Jumana Yunis​តាម​បង្អួច​នៃ​ផ្ទះ​ដែល​ផ្ទៃ​ជញ្ជាំង​ពណ៌​លឿងខ្ចី​ដែល​នាង​កំពុង​តែ​រៀបចំ​សណ្តែក​បៃតង​សម្រាប់​អាហារ​ថ្ងៃ​ត្រង់​។

ខាង​ក្រោម​បង្អួច គឺជា​រូប​ដ៏​ធំ​នៃ​ផ្ទៃ​មុខ​របស់​នារី​ម្នាក់​ដែល​មាន​លាយ​ឡំ​ប្រដេញ​ពណ៌​ផ្ទៃ​មេឃ និង​ពណ៌​ខៀវ​ខ្ចី​។

ថ្លែង​ក្នុង​វ័យ​៣៨​ឆ្នាំ​Yunis បាន​ចំណាយ​ពេល​ពេញ​មួយ​ជីវិត​របស់​ខ្លួន​នៅ Ouzai​ដោយ​មាន​កូន​៤​នាក់​ក្នុង​ផ្ទះ​ដែល​នាង​ចាប់​កំណើត​។

សម្រាប់​នាង​Ouzville គឺជា​គម្រោង​ដែល​នាំ​មក​នូវ​«​ភាព​សប្បាយ​រីករាយ​» ដល់​អ្នក​ជិត​ខាង​ដែល​នាង​ស្រឡាញ់​។

នាង​ថ្លែង​ប្រាប់​AFP​ថា «​អ្នក​រីករាយ​នៅ​ពេល​ដែល​អ្នក​ចេញ​ទៅ​ក្រៅ​ហើយ​ឃើញ​ពណ៌​ចម្រុះ​គ្នា ហើយ​ពេល​ខ្លះ​មើល​ទៅ​ចម្លែក​ផង​ដែរ​។ អ្នក​មាន​អារម្មណ៍​ថា​តំបន់​នេះ​ហាក់​បី​ដូច​ជា​កន្លែង​ថ្មី​មួយ​»​។

«​មនុស្ស​ជាច្រើន​បាន​មក​លេង​នៅ​តំបន់​នេះហើយ​យើង​បាន​រាប់​អាន​មនុស្ស​ថ្មីៗ​ជាច្រើន​។ ពណ៌​ទាំងនេះ​បាន​ធ្វើ​ឲ្យ​តំបន់​នេះ​គួរ​ឲ្យ​ទាក់ទាញ​និង​គួរ​ឲ្យ​ស្រឡាញ់​មែន​ទែន​។​»

​លោក Nasser ថ្លែងថា ផ្នែក​មួយ​នៃ​គោលដៅ​របស់​គម្រោង​នេះ​គឺ​ដើម្បី «​បំបែក​ពាក្យ​មិនល្អ​» ដែល​គេ​ធ្លាប់​និយាយ​មក​កាន់ Ouzai​ដែល​មនុស្ស​ជាច្រើន​នៅ​ប្រទេស​Lebanon ចាត់​ទុក​ថា​ជា​តំបន់​អានាធិបតេយ្យ​ស្មោក​គ្រោក​ដែល​ត្រូវ​ចៀសវាង​។

ទឹក​ប្រាក់​មួយ​ភាគ​ធំ​នៃ​ទឹក​ប្រាក់​សរុប​១៤០០០០​ដុល្លារ​សហរដ្ឋ​អាមេរិក​ត្រូវ​បាន​ចំណាយ​ទៅ​លើ​ការ​ជួល​មនុស្ស​ពី​ប្រទេស​Lebanon ផ្ទាល់ និង​មក​ពី​បរទេស​ឲ្យ​មក​កាន់​ហាង​លក់​ត្រី​ក្នុងស្រុក​មួយ​ដើម្បី​ជំរុញ​ឲ្យ​ពួក​គេ​ស្គាល់​ប្រជាជន​នៅ​Ouzai កាន់​តែ​ច្រើន​។

Rania al-Halabi​ដែលជា​វិចិត្រករ​មិន​រក​ប្រាក់​កម្រៃ​មួយរូប​ក្នុង​គម្រោង​នេះ​បាន​ថ្លែង​ថា​Ouzai «​គឺជា​តំបន់​មួយ​ដែល​យើង​ជា​ធម្មតា​ជិះ​រថយន្ត​ចូល​ទៅ​តាម​កាលៈទេសៈ​ណា​ដែល​ល្អ​បំផុត​។

ប៉ុន្តែ​នាង​ថ្លែងថា គម្រោង​នេះ​បាន​ជំរុញ​ទឹក​ចិត្ត​របស់​នាង​។

នាង​ថ្លែង​ខណៈ​ដែល​នាង​ឈោង​លាប​ពណ៌​បៃតង​ទៅ​លើ​ផ្ទៃ​មុខ​លើ​ជញ្ជាំង​កម្ពស់​ពីរ​បី​ម៉ែត្រ​ថា «​ពណ៌​អាច​ធ្វើ​ឲ្យ​អ្វីៗ​គ្រប់យ៉ាង​ក្នុង​ជីវិត​របស់​យើង​ស្រស់​បំព្រង​ហើយ​នេះ​ជា​អ្វីមួយ​ដែល​នឹង​ផ្លាស់​ប្តូរ​ជីវិត​របស់​អ្នក​គ្រប់គ្នា​»​។ ខណៈ​ដែល​ប្រជាជន​ក្នុង​តំបន់​នេះ​ស្វាគមន៍​ចំពោះ​ការផ្តួចផ្តើម​របស់​Nasser ពួក​គេ​បាន​លើក​ឡើង​ពី​កង្វះខាត​សេវា​ក្នុង​តំបន់​បើទោះបីជា​កម្មករ​របស់​អាជ្ញាធរ​ក្នុង​តំបន់​កំពុង​តែ​ជីក​ផ្លូវ​នៅ​ពេល​ដែល​អ្នក​សារព័ត៌មាន​ចុះទៅ​កាន់​តែ​តំបន់​នេះ​កាលពី​ពេល​ថ្មីៗ​កន្លង​ទៅ​នេះ​ក្តី​។

លោក​Zakaria Kobrosly​ជា​អ្នក​នេសាទ​អាយុ​៥៧​ឆ្នាំ​ហើយ​រស់នៅ​ផ្ទះ​ដែល​ស្ថិត​នៅ​ប៉ុន្មាន​ម៉ែត្រ​ពី​ឆ្នេរ​ថ្លែងថា «​វា​គួរ​តែ​ភារកិច្ច​របស់​អាជ្ញាធរ​តំបន់​នេះ​ដែល​ត្រូវ​ធ្វើ​លើ​រឿង​នេះ​មិន​មែន​តែ​នៅ​តំបន់​នេះ​នោះ​ទេ​»​។

អនាគត​នៃ​គម្រោង​នេះ នឹង​ត្រូវ​ពឹង​ផ្អែក​ទៅ​លើ​ការ​ប្តេជ្ញា​របស់​អ្នក​រស់​នៅ​ក្នុង​តំបន់​នេះ​ដើម្បី​បន្ត​ការងារ​នេះ​។

Nasser គ្រោង​នឹង​អនុវត្ត​គម្រោង​របស់​ខ្លួន​ក្រោយ​ពេល​លោក​សម្ភោធ​នូវ​យុទ្ធនាការ​ស្វែងរក​ថវិកា​មួយ​ឲ្យ​បាន​ចំនួន​៣៥០០០​ដុល្លារ​ដើម្បី​បន្ត​គម្រោង​នេះ​។

Kobrosly បាន​ថ្លែង​ថា​គម្រោង​នេះ​បាន​បង្កើន​នូវ​ការ​ផ្សារ​ភ្ជាប់​ទំនាក់​ទំនង​រវាង​ប្រជាជន​នៅ​តំបន់​នេះ​កាន់​តែ​ល្អ​ប្រសើរ​។

លោក​បន្ត​ថា «​ប្រជាជន​នៅទីនេះ​ធ្លាប់​តែ​និយាយ​ប្រាស្រ័យ​ទាក់ទង​គ្នា​ក្នុង​ផ្ទះ ប៉ុន្តែ​ឥឡូវ​ពួកគេ​ចេញ​ទៅ​និយាយ​គ្នា​ខាង​ក្រៅ​តាម​ដង​ផ្លូវ​ដែរ​»​។

«​វា​បាន​ជួយ​ឲ្យ​អារម្មណ៍​របស់​មនុស្ស​ទាំង​អស់​គ្នា​នៅទីនេះ​ស្រស់​ស្រាយ ហើយ​ពួក​គេ​បាន​ចាប់​ផ្តើម​ស្គាល់​គ្នា​ជា​បណ្តើរៗ​ហើយ​»​។

លោក​ថ្លែងថា ទេសភាព​ដែល​គួរ​ឲ្យ​គយគន់​បំផុត​របស់ Ouzai​គឺ​នៅ​ពេល​ដែល​មើល​ពី​ទូក​នេសាទ​ពី​សមុទ្រ​មេឌីទែរ៉ាណេ​។

«​អ្នក​អាច​មើល​ឃើញ​តំបន់​នេះ​ទាំងមូល​ជាមួយ​ពណ៌​ចម្រុះ​គ្នា​ទាំង​អស់​តែ​ម្តង​។ មើលទៅ​ដូចជា​Disneyland អី​អ៊ីចឹង​ណា៎​!»៕

Sara Hussein/AFP

Source From : Phnom Penh Post  

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Ou Saray,Tram Kak
USD 18.00/SQM
Land For Sale
Chorm Chao,Porsenchey
USD 470,000.00
Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00

CVEA MEMBERS