គម្រោង​ខុនដូ​នៅ​ប្រទេស​ថៃ ​ទាក់ទាញ​ការ​វិនិយោគ​ធំ

Languages

banner realestate

CVEA-Website-homepage-ad

591

vtrust

premuim housing

 
ក្រុមហ៊ុន​វិនិយោគ​បរទេស​ភាគ​ច្រើន​ហូរ​ចូល​មក​ក្នុង​ទីផ្សារ​អចលនទ្រព្យ​ប្រទេស​ថៃ ដោយ​ផ្តោតលើ​គម្រោង​ខុនដូ ដែល​ស្ថិត​នៅ​ក្បែរ​ស្ថានីយ៍​ដឹក​អ្នក​ដំណើរ​ដែល​មាន​តម្រូវ​ការ​ស្នាក់​អាស្រ័យ​ច្រើន​៕ រូបថត PORNCHAI KITTIWONGSAKUL/AFP

ក្រុមហ៊ុន​អចលនទ្រព្យ​ពី​ប្រទេស​ជប៉ុន សិង្ហ​បុរី ហុងកុង និង​ចិន​ដី​គោក​បាន​ពង្រីក​ទុនវិនិយោគ​របស់​ខ្លួន​មក​ក្នុង​ទីផ្សារ​អចលនទ្រព្យ​ប្រទេស​ថៃ ដោយ​ផ្តោត​លើ​គម្រោង​ខុនដូ នៅ​តាម​ទីតាំង​ក្បែរៗ​ហេដ្ឋា​រចនា​សម្ព័ន្ធ​មធ្យោបាយ​ធ្វើ​ដំណើរ​សំខាន់ៗ​ដែល​អ្នក​ធ្វើ​ដំណើរ​ត្រូវ​ការ​ស្នាក់​អាស្រ័យ​។

ការ​វិនិយោគ​ទាំង​នេះ​កំពុង​តែ​កើត​មាន​ឡើង​ស្រប​ពេល​ដែល​រដ្ឋាភិបាល​ថៃ​គ្រោង​នឹង​ពង្រីក​គម្រោង​ហេដ្ឋា​រចនា​សម្ព័ន្ធ​ដែល​នឹង​មាន​តម្លៃ​រាប់ពាន់​លាន​កោដិ​បាត​ក្នុង​រយៈពេល​៥​ឆ្នាំ​ទៀត​។

បើ​យោង​តាម​លោក Toshiyuki Hoshino នាយក​ប្រតិបត្តិ​ជាន់​ខ្ពស់ និង​នាយក​ប្រតិបត្តិ​គ្រប់គ្រង​ទូទៅ​នៃ​ការិយាល័យ​កណ្តាល International Business Headquarters របស់​ក្រុមហ៊ុន​ Tokyu Corp បាន​ឲ្យ​ដឹង​ថា​៖ «​ប្រទេស​ថៃ​មាន​គម្រោង ដែល​ជួយ​បង្កើន​ខឿន​សេដ្ឋកិច្ច​យ៉ាង​ច្រើន ហើយ​ប្រទេស​នេះ​ត្រូវបាន​គេ​ចាត់​ទុក​ថា​ជា​ប្រទេស​បណ្តុំ​សេដ្ឋកិច្ច​ពាណិជ្ជកម្ម​ក្នុង​បណ្តា​ប្រទេស​នៅតាម​បណ្តោយ​ទន្លេ​មេគង្គ​ខណៈ​ពេល​ដែល​ទីក្រុង​បាងកក បាន​បន្ត​ទាក់ទាញ​វិនិយោគិន​ជាច្រើន​ក្នុង​នាម​ជា​ប្រទេស​សេដ្ឋកិច្ច​នាំ​មុខ​គេ​មួយ​»​។

លោក​ថ្លែងថា កត្តា​ទាំង​អស់​នោះ​«​នាំ​មក​នូវ​តម្រូវការ​លំនៅឋាន​ដែល​មាន​និរន្តរភាព និង​ជា​លទ្ធផល​យើង​បាន​ពង្រីក​ទុនវិនិយោគ​របស់​ខ្លួន​ក្នុង​ប្រទេស​ថៃ​ចាប់​តាំង​ពី​ឆ្នាំ​២០១៤ ហើយ​បាន​សម្រេច​ចិត្ត​សហការ​ជាមួយ Sansiri Plc. ដើម្បី​អភិវឌ្ឍ​គម្រោង​លំនៅឋាន​នៅ​ទីក្រុង​បាងកក​»​។

Tokyu Corp មិន​មែន​ជា​ក្រុមហ៊ុន​ជប៉ុន​តែ​មួយ​នោះទេ ដែល​បាន​ពង្រីក​ទុន​វិនិយោគ​របស់​ខ្លួន​ក្នុង​ទីផ្សារ​អចលនទ្រព្យ​ប្រទេស​ថៃ​។

ក្រុមហ៊ុន​ផ្សេង​ទៀត​បាន​ធ្វើ​ដូច​គ្នា​នេះ​ដែរ​ចាប់​តាំង​ពី​ឆ្នាំ​២០១៣​មក​ម្ល៉េះ ហើយ​ពួក​គេ​ភាគ​ច្រើន​ពង្រីក​មុខ​ជំនួញ​របស់​ខ្លួន​ក្នុង​ទីផ្សារ​អចលនទ្រព្យ​តាម​រយៈ​ការ​សហការ​ចាប់​ដៃ​គ្នា​ជាមួយ​វិនិយោគិន​អចលនទ្រព្យ​ថៃ​។

លោក Hiroki Mitsumata ប្រធាន​ការិយាល័យ​ប្រចាំ​ទីក្រុង​បាងកក​របស់​ក្រុមហ៊ុន Japan External Trade Organisation បាន​ថ្លែង​ កាល​ពី​ពេល​ថ្មីៗ​កន្លង​ទៅ​នេះ​ថា វិនិយោគិន​ជប៉ុន​ចាប់​អារម្មណ៍​លើ​ការ​ពង្រីក​វិនិយោគទុន​របស់​ខ្លួន​ក្នុង​ប្រទេស​ថៃ​ពិសេស​លើ​ផ្នែក​បដិ​សណ្ឋារកិច្ច​អចលនទ្រព្យ ឱសថ​លក់​រាយ វិស័យ​ឌីជីថល និង​បច្ចេកវិទ្យា​ខ្ពស់​ផង​ដែរ​។

ជាក់​ស្តែង​ប្រទេស​ថៃ បាន​ក្លាយជា​ប្រទេស​គោលដៅ​ដ៏​ធំ​បំផុត​ទី​២ របស់​ជប៉ុន សម្រាប់​ការ​វិនិយោគ​ក្នុង​បណ្តា​ប្រទេស​អាស៊ាន​ បន្ទាប់ពី​ សិង្ហ​បុរី ចាប់​តាំង​ពី​ចុង​ឆ្នាំ​ ២០១៥​ កន្លង​មក នេះ​បើ​យោង​តាម​ក្រសួង​ហិរញ្ញវត្ថុ​របស់​ប្រទេស​ជប៉ុន​។ ដើមទុន​សរុប​ចូល​គ្នា​របស់​ជប៉ុន ចូល​មក​ក្នុង​ទីផ្សារ​ប្រទេស​ថៃ​មាន​ចំនួន ៥៥​កោដិ​ដុល្លារ​។

ក្រុមហ៊ុន Board of Investment (BOI) បាន​រាយការណ៍​ថា ប្រទេស​ជប៉ុន គឺជា​ប្រទេស​ដែល​ធ្វើ​ការ​វិនិយោគ​ផ្ទាល់​ធំ​ជាង​គេ​របស់​ប្រទេស​ថៃ (Foreign direct investor-FDI) ដែល​មាន​ចំណែក​ដល់​ទៅ ៣៩​ ភាគរយ នៃ​ទុនវិនិយោគ​ផ្ទាល់​សរុប បន្ទាប់​មក​គឺ​ប្រទេស​សិង្ហ​បុរី​មាន​ចំនួន ​១២​ ភាគរយ ចិន​ដី​គោក ៧​ ភាគរយ ហុងកុង​ ៦​ ភាគរយ តៃវ៉ាន់​ ៥​ ភាគរយ និង​ប្រទេស​ផ្សេងៗ​ទៀត ​៣៦ ​ភាគរយ​។

ក្រុមហ៊ុន​មកពី​បណ្តា​ប្រទេស​ផ្សេង​ទៀត​រួមទាំង​ហុងកុង សិង្ហ​បុរី និង​ចិន​ដី​គោក​ផង​នោះ ក៏បាន​ពង្រីក​ទុនវិនិយោគ​របស់​ខ្លួន​ក្នុង​ទីផ្សារ​អចលនទ្រព្យ​ប្រទេស​ថៃ​។ ភាគ​ច្រើន​គឺ​គេ​ផ្តោត​លើ​គម្រោង​អភិវឌ្ឍន៍​ខុនដូ​ដែល​ស្ថិត​នៅ​ជិត​ស្ថានីយ​ដឹក​អ្នក​ដំណើរ​ធំៗ​ដែល​គេ​មើល​ឃើញ​ពី​តម្រូវ​ការ​ទីផ្សារ​ខ្ពស់​។

ក្រុមហ៊ុន​ថៃ​ ស្វាគមន៍​រាល់​ការ​វិនិយោគ​ទាំង​អស់​។

លោក Pairoj Watanavarodom ដែល​ជា​នាយក​គ្រប់គ្រង​ក្រុមហ៊ុន WJSP Property Plc.បាន​ថ្លែង​កាល​ពី​ពេល​ថ្មីៗ​កន្លង​ទៅ​នេះ​ថា ៖ «​យើង​ចាប់​ដៃគូ​សហការ​ជាមួយ​ក្រុមហ៊ុន​ចិន​នៅ​ពេល​ដែល​យើង​មើល​ឃើញ​នូវ​ឱកាស​ល្អ​ក្នុង ការ​ផ្សព្វផ្សាយ​ផលិតផល​របស់​យើង​ទៅ​កាន់​តែ​ជិត​ប្រជាជន​ចិន ដែល​ចាប់​អារម្មណ៍ ចង់​ទិញ​លំនៅឋាន​ក្នុង​ប្រទេស ​ថៃ ក៏​ព្រោះតែ​ដៃគូ​របស់ យើង​នឹង​នៅ​តែ​បន្ត​គាំទ្រ​ទាំង​ផ្នែក​ទីផ្សារ និង​ទុនវិនិយោគ​»​។

ក្រុមហ៊ុន​អចលន​ទ្រព្យ​ក្នុង​ស្រុក​ត្រូវ​តែ​ផ្លាស់​ប្តូរ​យុទ្ធសាស្ត្រ​របស់​ខ្លួន​ដើម្បី​ជោគជ័យ​ក្នុង​ទីផ្សារ​ថ្មី​នេះ​បាន ក៏​ដោយ​សារ​បច្ចុប្បន្ន​អចលនទ្រព្យ​មាន​តម្លៃ​ខ្ពស់ និង​មាន​ហានិភ័យ​ខ្ពស់​។

លោក Prasert Taedullayasatis ប្រធាន​សមាគម​ខុនដូ​ថៃ (Thai Condominium Association) និង​នាយក​ប្រតិបត្តិ​នៃ​ក្រុមហ៊ុន Pruksa Real Estate Plc បាន​ថ្លែង​ថា ៖ «​ក្រុមហ៊ុន​អចលនទ្រព្យ​ថៃ​ត្រូវ​តែ​ផ្លាស់​ប្តូរ​យុទ្ធសាស្ត្រ​របស់​ខ្លួន​ដើម្បី​ចូលរួម​សហការ​ជាមួយ​ក្រុមហ៊ុន​បរទេស​ហើយ​ក៏​ចូលរួម​ជាមួយ​ក្រុមហ៊ុន​ដៃគូ​ប្រទេស​ ថៃ​ ដើម្បី​អភិវឌ្ឍ​គម្រោង​លំនៅឋាន​របស់​ពួក​គេ​បន្ថែម​»​។

លោក Prasert ថ្លែង​បន្ត​ថា ពួកគេ​ត្រូវការ​ថវិកា​កាន់​តែ​ច្រើន​ថែម​ទៀត​ដើម្បី​នាំ​គម្រោង​ទៅ​កាន់​ទីផ្សារ​បាន​គឺ​ត្រូវការ​ដើមទុន​កាន់​តែ​ច្រើន និង​ការ​សហការ​ផ្នែក​ទីផ្សារ​ដើម្បី​បង្កើន​ការ​រីក​ចម្រើន​មុខ​ជំនួញ​របស់​ខ្លួន​។ «​ហានិភ័យ​ចំពោះ​ការ​រក​ស៊ី​មាន​ការ​កើន​ឡើង​ខ្ពស់​ជាង​មុន​រួមទាំង​ការ​រឹត​បន្តឹង​តាម​ធនាគារ​លើ​ការ​ផ្តល់​ឥណទាន​រំលស់​ផ្ទះ និង​ការ​ប្រកួត​ប្រជែង​កាន់តែ​ខ្ពស់​ក្នុង​ទីផ្សារ​នេះ​។

តាម​ការស្រាវជ្រាវ​របស់​ក្រុមហ៊ុន​ឈ្មួញ​កណ្តាល JLL បាន​រក​ឃើញ​ថា វិនិយោគិន​អាស៊ី​បាន​ពង្រីក​ដើមទុន​របស់​ខ្លួន​នៅក្រៅ​ប្រទេស ដែលជា​អ្នក​ចំណាយ​ដើមទុន​ធំ​បំផុត​ចំនួន​ ៥ ក្នុង​ចំណោម​ ១០​ នាក់​។

ការ​វិនិយោគ​ជា​លក្ខណៈ​អន្តរ​តំបន់​បាន​កើន​ឡើង​ដល់ ​១៩,៥០ ​កោដិ​ដុល្លារ ក្នុង​ត្រីមាស​ទី ​២ ក្នុង​ឆ្នាំ ​២០១៧​ នេះ ដែលជា​ចំនួន​កើន ៧១ ​ភាគរយ ធៀប​នឹង​រយៈពេល​ដូច​គ្នា​កាលពី​ឆ្នាំមុន​។

នៅ​អាស៊ី​បាស៊ីហ្វិក ចរន្ត​ប្រាក់​បាន​កើន​ឡើង​ដល់ ៣១ ​កោដិ​ដុល្លារ ក្នុង​ត្រី​មាស​ទី​ ២ ក្នុង​ឆ្នាំ​នេះ ដែល​ជា​ចំនួន​កំណើន ៦​ ភាគរយ ​គិតពី​ត្រីមាស​ទី​១​នេះ​។ ចំនួន​ដើម​ទុន​វិនិយោគ​ឆ្លង​តំបន់​បាន​កើន​ឡើង ៦១​ កោដិ​ដុល្លារ គិត​ត្រឹម​ដំណាច់​ឆមាស​ទី​១​ក្នុង​ឆ្នាំ​នេះ​៕

Somluck Srimalee/The Nation

Source From : Phnom Penh Post  

LATEST EXCLUSIVE LISTING

Land For Sale
Sangkat Pir,Mittakpheap
USD 2,300,000.00
Land For Sale
Preaek Pnov,Ponhea Leu
USD 290.00/SQM
Land For Sale
Krang Thnong,Porsenchey
USD 428,888.00
Land For Sale
Chorm Chao,Porsenchey
USD 128,888.00
Flat House For Sale
Boeng Keng Kang I,Chamkarmon
USD 698,800.00

CVEA MEMBERS