កាន់​តែ​តូច​កាន់​តែ​ល្អ​៖ ផ្ទះ​តូចៗ​សម្រាប់​ការ​ស្នាក់​នៅ​រយៈ​ពេល​ខ្លី

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
នៅ​ក្នុង​រូប​ថត​ឯកសារ ដែល​គ្មាន​កាល​បរិច្ឆេទ​មួយ​គឺ​ផ្ទះ Scarlett បាន​រចនា​ជាម៉ូដ​មួយ​សម្រាប់​ផ្ទះ​ជួល​ស្នាក់​នៅ​រយៈពេល​ខ្លី នៅ​កន្លែង​បោះ​ជំរំ​នៅ​រដ្ឋ Oregon ។ Mount Hood Tiny House Village តាម​កាសែត New York Times

បន្ទប់​តូចៗ គឺ​មាន​នៅ​ក្នុង​តំបន់ DNA ដែល​មាន​ស្លាក​យីហោ​នៃ​សណ្ឋាគារ​ថ្មីៗ​មួយ​ចំនួន រួម​បញ្ចូល​ទាំង​សណ្ឋាគារ Moxy និង Marriott និង Vib ក៏ដូចជា​តំបន់ Best Western ដែល​កំពុងតែ​ដេញតាម​និន្នាការ​នៃ​អ្នក​ធ្វើ​ដំណើរ​ក្នុង​សម័យ​សហស្សវត្សរ៍​ថ្មី​នេះ​។

ឥឡូវ​នេះ​ការ​ជួល​ផ្ទះ​បាន​ធ្លាក់​ចុះ ជាមួយ​នឹង​ការ​លេច​ឡើង​នៃ​សណ្ឋាគារ​របៀប​ជា​ផ្ទះ​តូចៗ​។ អ្នក​គាំទ្រ​​ការ​រស់នៅក្នុង​លំហ​បន្ទប់​តូចៗ គឺជា​អ្នក​គាំទ្រ​បរិស្ថាន និង​ប្រសិទ្ធភាព​សេដ្ឋកិច្ច​។

ខណៈ​ពេល​ដែល​មិន​មាន​និយមន័យ​ស្តង់ដារ​ត្រឹម​ត្រូវ​សម្រាប់​ការ​ពិពណ៌នា​អំពី​បន្ទប់​តូចៗ សហគមន៍​ផ្ទះ​តូចៗ (Small House Society) ជា​ក្រុម​ដែល​លើក​ទឹក​ចិត្ត​ឲ្យ​មានការ​រស់នៅ​យ៉ាង​សាមញ្ញ​មួយ​កំណត់​ផ្ទះ​ដែល​មាន​ទំហំ​ក្រោម​ ៥០០​ ហ្វីត​ការ៉េ (​ប្រហែល​ ៤៧​ ម៉ែត្រការ៉េ​)​ ជា​ផ្ទះ​តូច បើ​ទោះ​បី​ជា​ផ្ទះ​តូច​ជាច្រើន​មាន​ទំហំ​តិច​ជាង​ពាក់​កណ្តាល​នៃ​ទំហំ​នោះ​ក៏​ដោយ។

Jenna Spesard អ្នក​សរសេរ​ប្លុក​ដែល​សរសេរ​អំពី​ផ្ទះ​តូចៗ​បាន​និយាយ​ថា​ ៖ «​ផ្ទះ​ទាំង​នោះ​មាន​លក្ខណៈ kitschy ដែល​មនុស្ស​ភាគ​ច្រើន​ស្រឡាញ់​ពេញ​ចិត្ត​»​។ រស់​នៅ​ក្នុង​លំនៅឋាន​ដែល​មាន​ទំហំ​១៦០​ហ្វីត​ការ៉េ និង​ដើរ​តួនាទី​ជា​ម្ចាស់​ផ្ទះ​នៅឯ​ភូមិ​ផ្ទះ​តូច​ដែល​មាន​ឈ្មោះថា Mount Hood Tiny House Village ដែល​ជា​កន្លែង​ប្រមូល​ផ្ដុំ​នៃ​ផ្ទះ​តូចៗ​ចំនួន​ប្រាំ ដើម្បី​ដាក់​ជួល​នៅ​លើ​កន្លែង​បោះជំរំ​នៅ​ភាគ​ខាង​ជើង​រដ្ឋ Oregon​។

នានិទាឃ​រដូវ និង​រដូវក្តៅ​នេះ សណ្ឋាគារ​ផ្ទះ​តូច​ថ្មីៗ​ចំនួន​ប្រាំបី នឹង​បើក​នៅ​ទូទាំង​ប្រទេស ដែល​គ្រប់គ្រង​ដោយ​ក្រុម​ហ៊ុន​ផ្ទះ​តូច Tumbleweed ដែល​មាន​មូលដ្ឋាន​នៅ​រដ្ឋ Colorado ផ្ទះ​ឡាន RV ខ្នាតតូច​គួរ​ឲ្យ​ស្រឡាញ់​ដែល​មើល​ទៅ​ដូច​និវេសនដ្ឋាន​តូច​មួយ ឬក៏​ជា​ខ្ទម​។

ការ​ទាក់​ទាញ​លក្ខណៈ​ធម្មជាតិ​​នៃ​ការ​រចនា​ម៉ូដ រួមផ្សំ​ជាមួយ​ការ​ពិសោធ​សង្គម​នៃ​ការចែក​រំលែក​កន្លែង​រស់​នៅ​ដែល​នៅ​ជិត​គ្នា​នោះបាន​ជំរុញ​ឲ្យ​មាន​ទស្សនីយភាព​ថ្មី​មួយ​នៃ​កម្មវិធី​ទូរទស្សន៍ និង​ខ្សែ​ភាពយន្ត​ឯកសារ ដែល​បាន​ជួយ​ជំរុញ​ឲ្យ​មាន​កំណើន​នៃ​លំនៅ​ផ្ទះ​តូចៗ ជាកន្លែង​ដែល​អ្នក​ធ្វើ​ដំណើរ​អាច​សាក​ល្បង​រស់​នៅ​តាម​បែប​ប្លែកៗ។

Weissmann បាន​ដក​ស្រង់​​ចេញ​​ពី​ខ្សែ​ភាពយន្ត​ឆ្នាំ​ ២០១៣ «​តូច​» (Tiny) ដែល​បាន​ចង​ក្រង ការ​សាងសង់​ផ្ទះ​តូច​ប្រភេទ​បែប​នេះ​ថា ជា​«​ការ​បង្ហាញ​ដ៏​ធំ​មួយ​នៅ​លើ​ផ្ទះ​តូចៗ ពាក្យ​មួយ​ឃ្លា​នេះបាន​ធ្វើ​ឲ្យចរាចរ​លើ​គេហ​ទំព័រ​របស់​យើង​កើន​ឡើង​ទ្វេ​ដង បន្ទាប់​ពី​បង្ហាញ​ខ្លួន​លើក​ដំបូង​មាន​នៅ​លើ Netflix»​។

ផលវិបាក​ជា​អវិជ្ជមាន​នៃ​ការ​រស់​នៅ​ផ្ទះ​តូចៗ​នេះ​គឺជា​ការ​ពិត​ណាស់ លំហ​រស់​នៅ​យ៉ាង​ចង្អៀត ដែល​បាន​ឆ្លុះ​បញ្ចាំង​លើ​រឿង​ភាគ «Portlandia »​។ ប៉ុន្តែ​ក្រុម​អ្នក​គាំទ្រ​បាន​និយាយ​ថា ផ្ទះ​ទាំង​នោះបាន​ផ្តល់​ជូន​នូវ​សេវា​ផ្សេងៗ​រួមមាន​ជា​ផ្ទះបាយ​តូច ដែល​មិន​មាន​នៅ​បន្ទប់​សណ្ឋាគារ​ស្តង់ដារ​​នោះ​ទេ ហើយ​សណ្ឋាគារ​ផ្ទះ​តូចៗ​បែប​នេះ​បាន​ធ្វើ​ឲ្យ​គូស្នេហ៍ និង​ក្រុម​គ្រួសារ​សាក​ល្បង​រស់នៅ​ជាមួយ​គ្នា​នៅ​ក្នុង​ផ្ទះ​ដែល​មាន​លំហ​តូច​បែប​នេះ​។

ផ្ទះ​តូច​ថ្មីៗ​ជាច្រើន​បាន​ផ្តល់​ជូន​នូវ​បន្ទប់​ដក​ដង្ហើម​នៅ​ក្នុង​បរិយាកាស​ដូច​ជា​សួនច្បារ ដែល​បាន​បំពាក់​ដោយ​គ្រឿង​សង្ហា​រិម និង​បរិក្ខារ​ខ្លះ​នៅ​ខាង​ក្រៅ​ដូចជា​តុ​អាហារ និង​រណ្តៅ​ភ្លើង​។

តំបន់ Mount Hood Tiny House Village បាន​ដំឡើង​ការ​រចនា​ម៉ូដ​ផ្ទះ​ទាំង​ប្រាំ​នៃ​ផ្ទះ​តូច ដែល​ពួក​គេ​បាន​ហៅថា « tinies» នៅ​ក្នុង​ខែ​ឧសភា នៅឯ​ទីធ្លា​បោះ​ជំរំ​ដែល​ស្វាគមន៍ ដោយ​ផ្ទះ​ឡាន RVsនិង​ការ​ជួល​ខ្ទម​តូចៗ​សម្រាប់​​ការ​ស្នាក់​នៅ​ផង​ដែរ​។

Atticus ដែលមាន​ទំហំ ១៧៨​​ហ្វីត​ការ៉េ ដោយ​មាន​បន្ទប់​គេង​​មួយ​កន្លែង​ងូត​ទឹក និង​ផ្ទះ​បាយ​មួយ គឺ​មាន​ជញ្ជាំង​ឈើ និង រចនា​នៅក្នុង​ក្បាច់​បុរាណ​តាម​រចនា​ប័ទ្ម​តុបតែង​សាមញ្ញៗ​។ ជាមួយ​នឹង​ប្លង់​ស្រដៀង​គ្នា តែ​មាន​ទំហំ​ថែម​១៨​ហ្វីត​ការ៉េ​ទៀត គឺ​ការ​រចនា​បែប​ក្រមិចក្រ​​មើម ដែល​មាន​​ឈ្មោះថា Zoe មាន​​ជញ្ជាំង​ខៀវ​ស្លេក និង​វាំងនន​ពណ៌​បៃតង​ភ្លឺ​។ តម្លៃ​ជួល​របស់​វា គឺ​ចាប់​ផ្តើម​ពី ១២៩​ ដុល្លារ​ឡើង​ទៅ​។

នៅ​ឆ្នាំ​នេះ​ម្ចាស់​ភូមិ​នៃ​លំនៅឋាន​ទាំង​នេះ ឈ្មោះ​ថា Equity Lifestyle Properties កំពុង​រៀប​ដំឡើង​ផ្ទះ​តូចៗ​សម្រាប់​ជួល​ចំនួន​បី​បន្ថែមទៀត នៅ​កន្លែង​បោះ​ជំរំ។ យូ​នី​ត​ថ្មីៗ​ចំនួន​ពីរ បាន​បើក​នៅក្នុង​ជ្រលង​ភ្នំ Verde នៅ​ជិត Sedona រដ្ឋ Arizona​។

​នៅ​ខែឧសភា ផ្ទះ​ប្រាំ​យូនីត​ផ្សេង​ទៀត​នឹង​បើក​នៅ Leavenworth ជាទី​ក្រុង​បែប Bavaria នៅ​​កណ្តាល​រដ្ឋ​វ៉ាស៊ីនតោន និង​នៅ Tuxbury ភាគ​ខាង​ត្បូង New Hampshire​។

សណ្ឋាគារ​ផ្ទះ​តូចៗ​ឯករាជ្យ​ដទៃ​ទៀត​រួម​មាន getaway ដែល​បាន​បើក​ផ្ទះ​តូច​ចំនួន​ប្រាំពីរ​នៅ​ភាគ​ខាង​ជើង​រដ្ឋ​ញូវយ៉ក​កាលពី​រដូវក្តៅ​មុន​។ អ្នក​ជួល​ទាំង​អស់​នេះ​បាន​រក្សា​ការសម្ងាត់​ពី​ទីតាំង​រហូត​ដល់​អ្នក​ធ្វើ​ដំណើរ​បាន​កក់​ទុក​រួច​រាល់​អស់ ប៉ុន្តែ​នៅ​ទី​បញ្ចប់​ពួក​គេ​បាន​សារភាព​ប្រាប់ថា មាន​ទីតាំង​នៅ​លើដី ២០​ហិក​តា នៅ Catskills ជាមួយ​នឹង​ផ្លូវ​ឡើង​ភ្នំ​មួយ​ចំនួន​នៅ​ក្បែរ​នោះ​ផង​ដែរ​។

ជាមួយ​នឹង​ឈ្មោះ​ដូច Isidore និង Columbia ផ្ទះ​រូបរាង​ស្រដៀង​នឹង​ប្រអប់​ដែល​មាន​ការ​រចនា​បែប Scandinavia ជា​មួយ​នឹង​ជញ្ជាំង knotty pine ឬ plywood មាន​ចង្ក្រាន​ដុត​ពីរ ទូ​ទឹក​កក​តូចៗ​ពីរ គ្រែ​ឃ្វីន​ពីរ និង​បង្គន់​អនាម័យ​អគ្គិសនី​ពីរ គឺមាន​តម្លៃ​ជួល​៨៩​ដុល្លារ​។

ទីតាំង​ដើម​របស់​ក្រុមហ៊ុន​នេះ គឺ​ស្ថិត​ក្នុង​ភាគ​ខាង​ត្បូង​រដ្ឋ New Hampshire បាន​បើក​នៅ​ក្នុង​ឆ្នាំ​២០១៥ ដោយ​មាន​បី​ផ្ទះ ហើយ​តំបន់​ទាំង​ពីរ​កំពុង​តែ​ត្រៀម​ខ្លួន​ដើម្បី​ពង្រីក​នៅក្នុង​ឆ្នាំ​នេះ​៕

Elaine Glusac/The New York Times

Source From: PHNOM PENH POST

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Condominuim For Sale
Tonle Bassak,Chamkarmon
USD 158,000.00
Condominuim For Sale
Tonle Bassak,Chamkarmon
USD 185,000.00
Flat House For Sale
Trapang Krasang,Porsenchey
USD 60,000.00
Land For Sale
Chorm Chao,Porsenchey
USD 140,000.00
Land For Sale
Kakarb,Porsenchey
USD 130,000.00

CVEA MEMBERS