អ្នក​ជំនាញ​និយាយ​ស្រាលៗ​ ទៅ​លើ​ពពុះ​អចលនទ្រព្យ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ស្រ្តី​ម្នាក់​កំពុង​ពិនិត្យ​មើល​គំរូ​នៃ​គម្រោង​សំណង់​លំនៅឋាន​ដែល​ក្រុម​ហ៊ុន​បាន​ដាក់​តាំង​បង្ហាញ​នៅ​ទីក្រុង​បាងកក។ រូបថត បាងកកប៉ុស្តិ៍

ទីផ្សារ​អចលនទ្រព្យ​នៅ​ប្រទេស​ថៃ​ពុំ​ទាន់​មាន​ពពុះ​អចលនទ្រព្យ​នៅ​ឡើយ​ទេ បើ​ទោះ​ជា​តម្លៃ ជា​ពិសេស​នៅ​ក្នុង​វិស័យ​ខុនដូ បាន​កើន​ឡើង​យ៉ាង​គួរ​ឲ្យ​កត់​សម្គាល់​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ​ក៏​ដោយ​។ នេះ​បើ​តាម​សម្តី​របស់​អ្នក​ជំនាញ​មួយ​ចំនួន​។

លោក Surachet Kongcheep នាយករង​មន្ទីរ​ស្រាវជ្រាវ​នៅ​ក្រុមហ៊ុន​ប្រឹក្សា​អចលនទ្រព្យ Colliers International Thailand បាន​ឲ្យ​ដឹង​ថា តម្លៃ​យូនីត​លំនៅឋាន​នៅ​ទីក្រុង​បាងកក​នៅ​មិន​ទាន់​ហួស​លទ្ធភាព​ដែល​អ្នក​ទិញ​ផ្ទះ​អាច​ចំណាយ​បាន​នោះ​ទេ ខណៈ​ពេល​នៅ​មាន​ការ​ផ្គត់ផ្គង់​ជាច្រើន​នៅ​លើ​ទីផ្សារ​។

លោក​បាន​ថ្លែងថា​ ៖ «​ការ​កើន​ឡើង​ជា​មធ្យម​នៃ​តម្លៃ​ខុន​ដូ​នៅ​ទីក្រុង​បាងកក​ក្នុង​រយៈពេល​ប៉ុន្មាន​ឆ្នាំ​នេះ គឺ​ដោយ​សារ​តែ​ចំនួន​យូនីត ដែល​ទើប​នឹង​សម្ពោធ​​ថ្មីៗ​នៅ​ក្នុង​ផ្នែក​យូនីត​មាន​តម្លៃ​ខ្ពស់ៗ​ក្នុង​អំឡុង​ពេល​នោះ​ដោយ​មាន​ចំនួន​ភាគ​ច្រើន​ជា​យូនីត​ដែល​មាន​តម្លៃ​ទាប​»​។

ការ​កើន​ឡើង​នៃ​ចំនួន​យូនីត​ដែល​ទើប​នឹង​សម្ពោធ​ថ្មីៗ​នៅ​ក្នុង​ផ្នែក​យូនីត​ដែល​មាន​តម្លៃ​ថ្លៃ​នោះ គឺ​ដោយ​សារ​តែ​អត្រា​ខ្ពស់​នៃ​ការ​បដិសេធ​មិន​ទទួល​កម្ចី​បង់​រំលស់​ទិញ​ផ្ទះ ក្នុង​ផ្នែក​យូនីត​ដែល​មាន​តម្លៃ​ទាប និង​កណ្តាល ដែល​ធ្វើ​ឲ្យ​វិនិយោគិន​បែរ​មក​វិនិយោគ​នៅ​លើ​ទីផ្សារ​តម្លៃ​ខ្ពស់​វិញ​។

​លោក Surachet បាន​បន្ត​ទៀត​ថា​ការ​កើន​ឡើង​នៃ​តម្លៃ​ខុនដូ​​មួយ​ភាគ​ធំ គឺ​ដោយ​សារ​តែ​តម្លៃ​ដីដែល​បាន​កើន​ឡើង​ជា​មធ្យម​៥​ទៅ​៦​ភាគរយ ក្នុង​មួយ​ឆ្នាំ​។

តម្លៃ​ដី​នៅ​តាម​តំបន់​ជា​មជ្ឈមណ្ឌល​ជំនួញ​កណ្តាល​មាន​ការ​កើន​ឡើង​ជា​មធ្យម​យ៉ាង​ខ្ពស់ ដែល​ហួស​ពី១០​ភាគរយ ក្នុង​ឆ្នាំ​២០១៥ ដល់​២០១៦​។

លោក Prasert Taedullayasatit ប្រធាន​សមាគម​ខុន​ដូ​ថៃ​បាន​ថ្លែង​ថា បញ្ហា​ចម្បង​ដែល​គួរ​ឲ្យ​ព្រួយបារម្ភ​បំផុត​នៅ​ពេល​ឥឡូវ​នេះ​គឺ​នៅ​ជុំវិញ​ការ​អាច​មាន​ការ​ដំឡើង​គោល​ការណ៍​នៃ​អត្រា​ការ​ប្រាក់​របស់​ធនាគារ​កណ្តាល​នៃ​ប្រទេស​ថៃ​ដែល​អាច​មាន​ផល​ប៉ះពាល់​ដល់​តម្រូវ​ការ​លំនៅឋាន។ ផ្នែក​កណ្តាល​ដល់​ផ្នែក​ទាប​នៅ​ផ្នែក​ខាង​ចុង​នៅ​តែ​មាន​បញ្ហា​បំណុល​គ្រួសារ​កម្រិត​ខ្ពស់ ដែល​នេះ​នាំ​ឲ្យ​មាន​ផល​ប៉ះពាល់​ដល់​សមត្ថភាព​របស់​ពួក​គេ​នៅ​ក្នុង​ការ​ទទួល​ប្រាក់​កម្ចី​ទិញ​ផ្ទះ​។

យោង​តាម​មជ្ឈមណ្ឌល​ស៊ើប​ការណ៍​សេដ្ឋកិច្ច​ធនាគារ​ពាណិជ្ជ​កម្ម (EIC) បាន​ឱ្យ​ដឹង​ថា ទោះ​បី​ជា​មាន​ការ​កើន​ឡើង​ក្នុង​តម្លៃ​ផ្ទះ​នៅ​តំបន់ Greater Bangkok ក៏​ដោយ ក៏​មើល​ទៅ​មិន​គួរ​ឲ្យ​មាន​ការ​ព្រួយ​បារម្ភ​អំពី​ការ​អាច​កើត​មាន​ឡើង​នៅ​ពពុះ​អចលនទ្រព្យ​នៅ​ប្រទេស​ថៃ​នោះ​ឡើយ​។

មជ្ឈមណ្ឌល EIC បាន​ឱ្យ​ដឹង​ថា តម្លៃ​អចលនទ្រព្យ​នៅ​ប្រទេស​ថៃ​បាន​កើន​ឡើង​ជា​ចម្បង​ដោយ​សារ​ការ​បន្ត​កើន​ឡើង នៅ​ក្នុង​តម្លៃ​ដី​មិន​មែន​មក​ពី​បរិយាកាស​សេដ្ឋកិច្ច ដូច​ដែល​នៅ​ក្នុង​ទីផ្សារ​ប្រទេស​សិង្ហ​បុរី និង​ប្រទេស​ចិន​។

បើ​យោង​តាម​ធនាគារ​កណ្តាល នៃ​ប្រទេស​ថៃ តម្លៃ​ផ្ទះ​នៅ​តំបន់ Greater Bangkok បាន​កើន​ឡើង​ ជា​បន្ត​បន្ទាប់​រវាង​ឆ្នាំ ២០១៣ និង​ខែ​តុលា​ឆ្នាំ​២០១៦​។

តម្លៃ​ផ្ទះ​ដាច់ៗ​ពីគ្នា និង​ផ្ទះ​ល្វែង​បាន​កើន​ឡើង ៨​ភាគរយ និង១៥​ភាគរយ នៅ​រៀង​គ្នា ក្នុង​ខណៈ​ពេល​ដែល​យូនីត​ដែល​មិន​បាន​លក់​បាន​កើន​ឡើង​តែ​បន្តិច​បន្តួច​តែ​ប៉ុណ្ណោះ ដោយ​សារ​ការ​អភិវឌ្ឍ​នៃ​អគារ​លំនៅឋាន​ទាបៗ ត្រូវ​បាន​បញ្ចប់​តាម​ដំណាក់​កាល​មួយៗ​។

តម្លៃ​ខុន​ដូ​បាន​កើន​ឡើង​៣១​ភាគរយ ដោយ​មាន​យូនីត​ដែល​មិន​បាន​លក់​បាន​កើន​ឡើង​៣៤​ភាគរយ គឺ​ចំនួន​៦៨៨៧៤​យូនីត។ កត្តា​នេះ​បាន​ធ្វើ​ឲ្យ​មាន​ការ​ព្រួយបារម្ភ​ថា តើ​ការ​ឡើង​ថ្លៃ​មក​ពី​តម្រូវ​ការ​ពិត​ប្រាកដ​សម្រាប់​លំនៅឋាន ឬក៏​អត់​?

ប៉ុន្តែ EIC បាន​អះអាង​ឡើង​វិញ​ថា មូលហេតុ​ចម្បង​ដែល​នាំ​ឲ្យ​មាន​ការ​ដំឡើង​ថ្លៃ​នៅ​ក្នុង​ទីផ្សារ​អចលនទ្រព្យ​នៅ​ប្រទេស​ថៃ គឺ​ដោយ​សារ​ការ​កើន​ឡើង​នៃ​តម្លៃ​ដី​ឥត​ឈប់​ឈរ​។

តម្លៃ​ដី​ស្ទុះ​ឡើង​យ៉ាង​ខ្លាំង​មួយ​ផ្នែក​គឺ​បណ្ដាល​មក​ពី​ការ​អភិវឌ្ឍ​នៃ​គម្រោង​ហេដ្ឋា​រចនា​សម្ព័ន្ធ​ធំៗ​ដូច​ជា ការ​តភ្ជាប់​ប្រព័ន្ធ​​ផ្លូវ​ដែក​ទីក្រុង​ទៅ​តំបន់​ជាយ​​ក្រុង ការ​សាង​សង់​ផ្លូវ​ថ្មី ការ​ពង្រីក​ផ្លូវ​ហាយវ៉េ និង​ផ្លូវ​សម្រាប់​ទោ​ចក្រ​យាន​យន្ត​ជាដើម​។​

​ការ​កើន​ឡើង​នៃ​តម្លៃ​ដី​បាន​បង្កើត​ឲ្យ​មាន​គម្រោង​លំនៅឋាន​ថ្មីៗ ដែល​មាន​តម្លៃ​ខ្ពស់​ជាង​មុន។ តម្លៃ​លំនៅឋាន​ថ្មីៗ​នៅក្នុង​តំបន់ Greater Bangkok គឺមាន​តម្លៃ​ខ្ពស់​ជាង​ប្រាក់​ចំណូល​ប្រចាំ​ឆ្នាំ របស់​​អ្នក​រស់​នៅ​ក្នុង​តំបន់​នា​អំឡុង​​ ឆ្នាំ​២០១៥ ដោយ​កើន​ឡើង​ខ្ពស់​ជាង​២២​ដង បើ​ធៀប​នឹង​ចំនួន ១៦ ដង​នៅ​ឆ្នាំ​ ២០១៣​។

កំណើន​ប្រាក់​ចំណូល​យឺត​ជាង​មុន​​បើ​ប្រៀបធៀប​ទៅនឹង​តម្លៃ​អចលន​ទ្រព្យ​បាន​បណ្តាល​ឲ្យ​អំណាច​នៃ​ការ​ទិញ​របស់​ប្រជា​ជនមាន​ការ​ធ្លាក់​ចុះ និង​ជំរុញ​ឱ្យមាន​ការ​ថយចុះ​កាន់​តែ​ទាប​ទៅៗ​​នៃ​យូនីត​លំនៅឋាន ដែល​មាន​តម្លៃ​សមរម្យ​អាច​មាន​សមត្ថភាព​ទិញ​បាន​។

EIC បាន​និយាយ​ថា ខ្លួន​មិន​បាន​ឃើញ​មាន​ភ័ស្តុតាង​អ្វី​ដែល​បង្ហាញ​ថា នឹង​មាន​ពពុះ​លំនៅឋាន​នៅ​តំបន់ Greater Bangkok នោះ​ទេ បើ​សិន​ជា​ធ្វើ​ការ​ពិចារណា​ទៅ​លើ​កម្រិត​ទាប​នៃ​សកម្មភាព​បរិយាកាស​ទីផ្សារ​។ ទោះជា​យ៉ាង​ណា​ក៏​ដោយ​អ្នក​អភិវឌ្ឍន៍​គួរ​តែ​មាន​ភាព​ប្រុង​ប្រយ័ត្ន នៅ​ពេល​ដែល​​កំណត់​តម្លៃ​សម្រាប់​គម្រោង​ថ្មី​។

កំណើន​ដ៏​យឺតយ៉ាវ​នៃ​យូនីត​លក់​មិន​បាន​សម្រេច និង​យូនីត​ថ្មី​ជា​សញ្ញា​មួយ​ដែល​បង្ហាញ​ពី​ពពុះ​លំនៅឋាន ដែល​កំពុង​តែ​ស្ថិត​ក្នុង​ភាព​បង្អាក់​បំផុត​។ ទោះ​ជា​យ៉ាង​ណា​ស្ថាប័ន​ហិរញ្ញវត្ថុ បាន​មាន​ការ​ប្រុង​ប្រយ័ត្ន និង​បាន​អនុវត្ត​គោល​នយោបាយ​ផ្តល់​ប្រាក់​កម្ចី​យ៉ាង​តឹងរ៉ឹង ដែល​នេះ​បាន​ឆ្លុះ​បញ្ចាំង​នៅ​ក្នុង​កំណើន​យឺត​យ៉ាវ​ក្នុង​ការ​ផ្តល់​ប្រាក់​កម្ចី​អចលនទ្រព្យ​ពី​ធនាគារ​ពាណិជ្ជកម្ម​។

កាល​ពី​ខែ​កញ្ញា​ឆ្នាំ​២០១៦ ការ​ផ្តល់​ប្រាក់​កម្ចី​បាន​កើន​ឡើង ៣​ភាគរយ បើ​ធៀប​ទៅ​នឹង​រយៈ​ពេល​ដូច​គ្នា​កាលពី​ឆ្នាំ​ ២០១៥​។ លើស​ពី​នេះ​ទៅ​ទៀត​ប្រាក់​កម្ចី​ដែល​មិន​ទាន់​បាន​បង់​តាម​ពេល​វេលា​ជារួម​មាន​តែ​៤,៤០​ភាគរយ នៃ​ប្រាក់​កម្ចី​អចលនទ្រព្យ​សរុប​នៅ​ចុង​ត្រី​មាស​ទី​បី​កាលពី​ឆ្នាំមុន​ប៉ុណ្ណោះ បើ​ធៀប​នឹង​ចំនួន ​៤,៦​ ភាគរយ នៅក្នុង​ត្រី​មាស​ដូច​គ្នា​កាលពី​ឆ្នាំ​ ២០១៣​។

អ្នក​អភិវឌ្ឍន៍​គួរ​តែ​ពិចារណា​កំណត់​តម្លៃ​គម្រោង​ដែល​ទើប​តែ​ចាប់​ផ្តើម ដោយ​មើល​ឃើញ​ថា តម្លៃ​ដី​នៅ​តាម​តំបន់​មួយ​ចំនួន​បាន​ហក់​ឡើង​ខ្ពស់​។

EIC បាន​ប្រមាណ​ទៀត​ថា ការ​ប្រកួត​ប្រជែង​តម្លៃ​រវាង​ប្រភេទ​គម្រោង​ផ្សេងៗ​គ្នា​ក្នុង​តំបន់​តែ​មួយ ដូចជា​រវាង​ផ្ទះល្វែង និង​ខុនដូ ក៏​អាច​បង្កើន​ចំនួន​នៃ​យូនីត​ដែល​មិន​បាន​លក់​ផង​ដែរ​៕

Source From: PHNOM PENH POST

Latest News

LATEST EXCLUSIVE LISTING

Villa For Sale
Niroth,Meanchey
USD 1,100,000.00
Flat House For Sale
Prek Pra,Meanchey
USD 68,000.00
Flat House For Sale
Dangkao,Dangkao
USD 73,000.00
Flat House For Sale
Boeng Keng Kang III,Chamkarmon
USD 295,000.00
Apartment For Sale
Chrang Chamres 1,Russey Keo
USD 168,000.00

CVEA MEMBERS