«​ឪពុក​ធម៌​នៃ​អចលនទ្រព្យ​»​ របស់​​ចិន ​ណែនាំ​គោល​ការណ៍​ កម្ចី​បញ្ច្រាស​ (​និក្ខេប​) ​​ឱ្យ​ប្រជាជន​ចាស់ៗ​ដែល​មិន​មាន​ជំនឿ​ទុក​ចិត្ត

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ក្រុម​និវត្តជន​អង្គុយ​លេង Mahjong នៅ​បរិវេណ​ខាង​ក្រៅ​នៃ​លំនៅឋាន​មួយ​ក្នុង​ទីក្រុង​ប៉េកាំង កាលពី​ថ្ងៃទី​១១ ​ខែ​វិច្ឆិកា​កន្លង​មក​ថ្មីៗ​នេះ​។ ខណៈ​ពេល​ចំនួន​ប្រជាជន​ចាស់​បាន​កើន​ឡើង​យ៉ាង​ឆាប់​រហ័ស​កំពុង​បង្ក​ការ​ព្រួយ​បារម្ភ​អំពី​ការ​ធ្លាក់​ចុះ​ប្រាក់​សោធន​និវត្តន៍​ ​តួអង្គ​ដ៏​សំខាន់​នៅ​ក្នុង​អាជីវកម្ម​អចលនទ្រព្យ​បាន​លើក​ឡើង​នូវ​ដំណោះស្រាយ​ដ៏​ចម្រូង​ចម្រាស​មួយ​។ GillesSabrie/ កាសែត New York Times

លោក​ត្រូវ​បាន​គេ​ស្គាល់​នៅ​ក្នុង​ប្រទេស​ចិន​ថា ជា «​ឪពុក​ធម៌​នៃ​អចលនទ្រព្យ​» ដែល​លោក​បាន​ជួយ​ជ្រោមជ្រែង​ផ្តល់​ជា​មូល​ដ្ឋាន​គ្រឹះ​ដល់​ម្ចាស់​ផ្ទះ​ឯកជន​ជាច្រើន​នៅ​ក្នុង​ប្រទេស​ចិន ការ​ផ្លាស់​ប្តូរ​នេះ​គឺជា​ជំហាន​មួយ​ដែល​បាន​ធ្វើ​ឲ្យ​មនុស្ស​រាប់លាន​នាក់​ក្លាយ​ជា​អ្នក​មាន ហើយក៏​បាន​ផ្តល់​ជា​មូលដ្ឋាន​គ្រឹះ​សម្រាប់​ប្រជាជន​ថ្នាក់​កណ្តាល​ដែល​កំពុង​រីក​លូតលាស់​យ៉ាង​រស់​រវើក​នៅ​ប្រទេស​ចិន​។​

ឥឡូវ​នេះ​លោក Meng Xiaosu ចង់​ឲ្យ​ប្រជាជន​ចិន ជា​ពិសេស​មនុស្ស​ចាស់ៗ​ឲ្យ​ចំណាយ​លុយ​របស់​ពួក​គាត់​។ លោក Meng បាន​បញ្ចេញ​មតិ​ថា ប្រជាជន​ចាស់​ជរា​ត្រូវ​បញ្ចាំ​ផ្ទះ​របស់​ពួក​គាត់​ដើម្បី​ដោះស្រាយ​បញ្ហា​ប្រជាសាស្ត្រ​ធ្លាក់​ចុះ​របស់​ប្រទេស​ចិន ដែល​នឹង​កើត​មាន​ឡើង​នៅ​ពេល​ខាង​មុខ​នេះ​។

ដោយ​សារ​តែ​គោល​នយោបាយ​កូន​មួយ​របស់​រដ្ឋាភិបាល​ចិន ដែល​ជា​គោល​នយោបាយ​ត្រូវ​បាន​លះបង់​ចោល​ហើយ រួម​ជាមួយ​នឹង​និន្នាការ​សង្គម​ផ្សេងៗ​ទៀត​។ ប្រទេស​នេះ​មាន​ចំនួន​ប្រជាជន​កាន់​តែ​ចាស់​ឡើងៗ​យ៉ាង​ឆាប់​រហ័ស ហើយ​ថ្ងៃ​ណា​មួយ​ប្រជាជន​ទាំង​អស់​នេះ​នឹង​ធ្វើ​ឲ្យ​រដ្ឋាភិបាល​មាន​ការ​លំបាក​ក្នុង​ការ​ចិញ្ចឹម​ដោយ​មាន​ចំនួន​ច្រើន​ពេក​ហើយ​ត្រូវ​ចំណាយ​ប្រាក់​ច្រើន​។​

​ដំណោះស្រាយ​ដែល​បាន​ស្នើ​ឡើង​ដោយ លោក Meng គឺ​ការ​នាំ​យក​នូវ​គោលការណ៍​កម្ចី​បញ្ច្រាស​ចូល​មក​ក្នុង​ប្រទេស​ចិន។ ដែល​គេ​ហៅ​ថា ផែនការ​ផ្ទះ​សម្រាប់​ប្រាក់​សោធននិវត្តន៍​នៅ​ប្រទេស​ចិន ជា​គោល​ការណ៍​អ៊ីប៉ូតែក​បញ្ច្រាស ដែល​អាច​ឲ្យ​ម្ចាស់​ផ្ទះ​ទាញ​យក​ប្រាក់​កម្រៃ​ពី​ផ្ទះ​របស់​ពួក​គេ​ដោយ​ធ្វើ​កម្ចី​ប្រាក់​ទៅ​លើ​តម្លៃ​ផ្ទះ​ពិត​ប្រាកដ​។

ទឡ្ហីករណ៍​របស់​លោក​ប្រឈម​នឹង​ការ​ប្រឆាំង​ដ៏​ខ្លាំងក្លា​ពី​ផ្នែក​អាជីវកម្ម និង វប្បធម៌​ការ​បញ្ចាំ​ផ្ទះ​គឺជា​គោលការណ៍​ពិបាក​ក្នុង​ការ​ដំណើរ​ការ​នៅ​ក្នុង​ប្រទេស​មួយ​មាន​ប្រពៃណី​​ក្នុង​ការ​ឱ្យ​ឪពុក​ម្តាយ​ផ្តល់​ផ្ទះ​ទៅ​ឱ្យ​កូន​របស់​ពួក​គេ​ហើយ​មាន​តែ​ប្រជា​ជន​មួយ​ចំនួន​តិច​ទេ ដែល​បាន​ចុះ​ឈ្មោះ​រហូត​មក​ដល់​ពេល​នេះ។ ប៉ុន្តែ​លោក​បាន​អះអាង​ថា ប្រទេស​ចិន​អាច​មាន​ជម្រើស​តិច​តួច​បំផុត។

លោក Meng ដែល​ទទួល​បាន​ការ​បំផុស​គំនិត​ទៅ​លើ​ទីផ្សារ​អចលនទ្រព្យ​របស់​ចិន ពី​ការ​បំពេញ​បេសកកម្ម​សិក្សា​នៅ​សហរដ្ឋ​អាមេរិក បាន​ថ្លែង​ថា​ ៖ «មនុស្ស​ចាស់​នៅ​ប្រទេស​ចិន​មិន​មាន​ប្រាក់​ច្រើន​នោះ​ទេ ប៉ុន្តែ​ពួក​គេ​មាន​ផ្ទះ​ដែល​មាន​តម្លៃ​»​។

ប្រទេស​ចិន​កំពុង​រិះគិត​អំពី​សំណួរ​លំបាកៗ​ស្រប​ពេល​ដែល​ពួក​គេ​សម្លឹង​មើល​ទៅ​អនាគត​ដែល​ពោរ​ពេញ​ដោយ​ប្រជារាស្ត្រ​ចាស់ៗ​។ ឥឡូវ​នេះ​ប្រជាជន​ដែល​មាន​វ័យ​ចំណាស់​មាន​ចំនួន ២១៥​លាន​នាក់ នៅ​ប្រទេស​ចិន​គឺ​មាន​ចំនួន​១៥​ភាគរយ នៃ​ចំនួន​ប្រជាជន​សរុប​។ នៅ​ត្រឹម​ឆ្នាំ​២០៥០ ចំនួន​នេះ​ត្រូវ​បាន​គេ​រំពឹង​ថា នឹង​កើន​ឡើង​ដល់​៣៥០​លាន​នាក់​ជិត​មួយ​ភាគ​បួន​នៃ​ចំនួន​ប្រជាជន​សរុប​។​

ការ​ព្យាករ​នេះ​បាន​ធ្វើ​ឲ្យ​ប្រទេស​ចិន​ប្រវេប្រវា​ក្នុង​ការ​ស្វែងរក​ប្រព័ន្ធ​សោធន​និវត្តន៍​មួយ​ដែល​ប្រកប​ដោយ​និរន្តរភាព​ជាង​មុន​សម្រាប់​ប្រជាជន​របស់​ខ្លួន​។

នៅ​ក្នុង​ឆ្នាំ​១៩៩០ រដ្ឋាភិបាល​បាន​រុះរើ​ប្រព័ន្ធ​សុខុមាលភាព «​ពី​អង្រឹង​ទៅ​ផ្នូរ​» ដែល​ខ្ចី​ប្រាក់​ពី​កម្មករ​​ដែលមាន​អាយុ​តិច​ដើម្បី​បង់​​ឲ្យ​កម្មករ​ដែល​មាន​វ័យ​ចំណាស់ៗ​។ មូលនិធិ​សោធន​របស់​ប្រទេស​នេះ​នឹង​មាន​បំណុល ១១៦​ពាន់​លាន​ដុល្លារ​អាមេរិក នៅ​ឆ្នាំ​២០៥០​នេះ​បើ​យោង​តាម​បណ្ឌិត្យសភា​វិទ្យាសាស្ត្រ​សង្គម​របស់​ចិន ដែល​ជា​ស្ថាប័ន​វិនិច្ឆ័យ​កំពូល​របស់​រដ្ឋាភិបាល​។​

អំពី​លោក Meng

ពី​អតីត​ការិយាធិបតេយ្យ​ដែល​ក្លាយ​ទៅ​ជា​អ្នក​ជំនួញ ដែល​ឥឡូវ​នេះ​គ្រប់គ្រង​ក្រុមហ៊ុន​មូលនិធិ​ទុន​ឯកជន​មួយ​របស់​ចិន លោក​បាន​អះអាង​ថា វា​មិន​មាន​ប្រយោជន៍​អ្វី​សោះឡើយ​នៅពេល​ដែល​អ្នក​ចូលនិវត្តន៍​រស់នៅ​លើ​ការ​រីក​លូតលាស់​ដ៏​យឺតយ៉ាវ​នៃ​សោធន​និវត្តន៍​ខណៈ​ដែល​តម្លៃ​ផ្ទះ​បាន​ស្ទុះ​ឡើង​ក្នុង​រយៈពេល​ពីរ​ទសវត្ស​នេះ​។​

​លោក​បាន​ថ្លែង​ថា​ ៖ «​ក្រោម​កាលៈទេសៈ​នេះ ការ​ចូលរួម​នៅ​ក្នុង​ផែនការ​ផ្ទះ​សម្រាប់​ប្រាក់​សោធន​និវត្តន៍​អាច​ចាត់​ទុក​បាន​ថា ជា​ជម្រើស​មួយ​យ៉ាង​សំខាន់​សម្រាប់​មនុស្ស​វ័យ​ចំណាស់​របស់​ប្រទេស​ចិន ដើម្បី​ជួយ​កែលម្អ​លក្ខខណ្ឌ​រស់នៅ​របស់​ពួក​គាត់ ដើម្បី​ឲ្យ​ពួក​គាត់​រស់នៅ​កាន់​តែ​ប្រសើរ​ឡើង​នៅក្នុង​រយៈពេល​ចុង​ក្រោយ​របស់​ពួកគាត់​»​។

លោក Meng បាន​បន្ថែម​ ថា ៖ «​ប្រសិន​បើ​មនុស្ស​ចាស់​នៅ​ប្រទេស​ចិន​មានការ​ធានារ៉ាប់រង​ច្រើន ឬ​អត្រា​សន្សំ​ប្រាក់​ខ្ពស់​ដូច​នៅក្នុង​ប្រទេស​ជប៉ុន ពួកគេ​មិនចាំបាច់​ចូលរួម​ក្នុង​ផែនការ​ផ្ទះ​សម្រាប់​ប្រាក់​សោធន​និវត្តន៍​នោះទេ​។ ប៉ុន្តែ​ពួកគេ​មិន​មាន​ទាំងពីរ​»​។​

​កម្ចី​បញ្ច្រាស់់​បានធ្វើ​ឲ្យ​មាន​ភាព​សង្ស័យ​នៅ​ក្នុង​សហរដ្ឋ​អាមេរិក​ផងដែរ​។ ប៉ុន្តែ​នៅក្នុង​ប្រទេស​ចិន គោល​ការណ៍​នេះ​ប្រឆាំង​នឹង​ឥរិយាបថ​បែប​ប្រពៃណី​អំពី​គ្រួសារ​។

លោក​ស្រី Yu Yue ដែលជា​ស្ត្រី​មេម៉ាយ និង​អតីត​កម្មការិនី​រោងចក្រ​អាយុ ៦១​ឆ្នាំ នៅ​ទីក្រុង​ប៉េកាំង កំពុង​ពិចារណា​ផែនការ​នេះ​។ លោក​ស្រី​រស់​នៅ​ពី​មួយ​ថ្ងៃ​ទៅ​មួយ​ថ្ងៃ​យ៉ាង​លំបាក​ដោយ​អាស្រ័យ​លើ​ប្រាក់​កម្រៃ​៤៣៤​ដុល្លារ​ក្នុង​មួយ​ខែ ពី​ប្រាក់​សោធន​និវត្តន៍ ហើយ​កូន​ប្រុស​របស់​គាត់​បាន​ផ្ដល់​ឱ្យ​លោក​ស្រី​នូវ​​ចំនួន​ទឹក​ប្រាក់​ដូច​គ្នា​ជា​ប្រចាំ​ខែ​។

លោក​ស្រី Yu បាន​និយាយ​ថា ​៖ «​ខ្ញុំ​ចង់​ផ្តល់​អាផាតមិន​របស់​ខ្ញុំ​ឱ្យ​ដល់​កូន​របស់​ខ្ញុំ​។ ប៉ុន្តែ​ខ្ញុំ​ពិតជា​អស់​សង្ឃឹម​។ ខ្ញុំ​ត្រូវ​ការ​សំណាញ់​សុវត្ថិភាព​បែប​ណា​មួយ»​។

ក្រុមហ៊ុន​ធានា​រ៉ាប់រង​បាន​និយាយ​ថា ពួក​គេ​មាន​ការ​ព្រួយ​បារម្ភ​អំពី​លទ្ធភាព​នៃ​ការ​គាំង​អចលនទ្រព្យ​ព្រម​ទាំង ការ​កើន​ឡើង​នៃ​អាយុ​កាល​ដែល​វែង​នៅ​ក្នុង​បណ្តា​ជនជាតិ​ចិន​។

លោក Hu Jiye សាស្ត្រាចារ្យ​ដែល​បាន​សិក្សា​ពី​ហិរញ្ញវត្ថុ​ប្រាក់​សោធន​និវត្តន៍​នៅ​សាកល​វិទ្យាល័យ​វិទ្យាសាស្ត្រ​នយោបាយ និង​ច្បាប់​របស់​ប្រទេស​ចិន បាន​និយាយ​ថា​ប្រទេស​ចិន​មាន​កង្វះ​ខាត​ក្រប​ខ័ណ្ឌ​ច្បាប់​ជា​មូលដ្ឋាន​ដើម្បី​គ្រប់គ្រង​កម្មវិធី​នេះ​។​

​លោក​បាន​ថ្លែង​ថា​ ៖ «Meng Xiaosu ជា​អ្នក​ស្នើ​ផែនការ​ផ្ទះ​ដើម្បី​ប្រាក់​សោធន​និវត្តន៍ ដូច​នេះ​លោក​មាន​ឆន្ទៈ​ក្នុង​ការ​ដើរ​ទៅ​មុខ​ជាមួយ​នឹង​វា​ទោះ​បី​ជា​វា​ជា​ផែន​ការ​ខាតបង់​ថវិកា​ក៏​ដោយ​»​។ «ប៉ុន្តែ​បរិស្ថាន​វប្បធម៌​មិន​គាំទ្រ​ផែន​ការ​នេះ​ទេ​។ បរិស្ថាន​ផ្លូវ​ច្បាប់​ក៏​មិន​គាំទ្រ​ដែរ​»​។

លោក Meng បាន​ច្រាន​ចោល​ការ​ព្រួយ​បារម្ភ​អំពី​បញ្ហា​ច្បាប់​។ ទាក់ទង​នឹង​ការ​ព្រួយ​បារម្ភ​របស់​វិស័យ​ធានា​រ៉ាប់រង​អំពី​ការ​ធ្លាក់​ចុះ​នៃ​វិស័យ​លំនៅដ្ឋាន​។

លោក​បាន​និយាយ​ថា​ ៖ «​ខ្ញុំ​បាន​ប្រាប់​ពួក​គេ​ថា​៖ ឈប់​សួរ​សំណួរ​អគតិ​នេះ​មក​ខ្ញុំ​ទៀត​ទៅ​។ វា​នឹង​មិន​កើត​ឡើង​នោះ​ទេ​។ វា​មិន​ដែល​ធ្លាក់​ចុះ​សូម្បី​ម្តង​គត់​ក្នុង​មួយ​ឆ្នាំ។ តើ​ស្ថានភាព​ដែល​ស្អាត​មួយ​អាច​នឹង​​គ្មាន​ស្ថិរភាព​ដោយ​របៀប​ណា​ទៅ​»?

​លោក Meng ជួយ​បង្កើត​កម្មវិធី​ដែល​ត្រូវ​បាន​ផ្តល់​ជូន​នៅ​ក្នុង​ទីក្រុង​ប៉េកាំង ស៊ាងហៃ និង​ទីក្រុង​ចិន​ពីរ​ផ្សេង​ទៀត​។ នៅ​ចុង​ខែ​តុលា​នេះ​មាន​តែ​មនុស្ស​ចំនួន ៨៩​នាក់​ទេ ដែល​បាន​ចូល​រួម នេះ​បើ​យោង​តាម​ក្រុមហ៊ុន​ធានា​រ៉ាប់រង Happy Life Insurance បង្កើត​ឡើង​ដោយ លោក Meng ដោយ​សារ​លោក​ចង់​ផ្តល់​នូវ​គោលនយោបាយ​នេះ​ហើយ បច្ចុប្បន្ន​​មាន​តែ​ក្រុមហ៊ុន​ធានា​រ៉ាប់រង​មួយ​ទៀត​ទេ ដែល​ផ្តល់​នូវ​គោល​នយោបាយ​នេះ​។

ប៉ុន្តែ​រដ្ឋាភិបាល​ចិន​បាន​ឱ្យ​ដឹង​កាលពី​ខែ​កក្កដា​ថា ខ្លួន​នឹង​ពង្រីក​​ផែនការ​សាក​ល្បង​ដំបូង​បំផុត​នេះ​ទៅ​រាប់​សិប​ទីក្រុង​នានា ដែល​លោក Meng បាន​ប៉ាន់​ប្រមាណ​ថា ៦០​ទីក្រុង រយៈពេល​ពីរ​ឆ្នាំ​បន្ទាប់ ហើយ​ក្រុមហ៊ុន People’s Insurance Co. (គ្រុប​) នៃ​ប្រទេស​ចិន ដែលជា​ក្រុមហ៊ុន​ធានា​រ៉ាប់រង​ធំ​មួយ​បាន​ឱ្យ​ដឹង​ថា ខ្លួន​បាន​ចាប់​ផ្តើម​ផ្តល់​ជូន​ផែនការ​នេះ​នៅ​ខែ​តុលា​។

​នៅ​ក្នុង​ការិយាល័យ​របស់​លោក Meng មាន​រូបថត​ដាក់​ស៊ុម​ជាច្រើន​របស់​លោក​ដែល​បង្ហាញ​អំពី​រូបលោក​ជាមួយ​នឹង​អ្នក​នយោបាយ​ជាន់​ខ្ពស់​នៃ​ប្រទេស​ចិន​ផ្សេង​ទៀត ក៏​ដូច​ជា​លោក Bill Clinton ដែល​លោក​បាន​ហៅ​ថា​ជា​«​មិត្ត​ជិតស្និទ្ធ​»​។ «​ជា​ដំបូង​ខ្ញុំ​បាន​គិត​ថា នឹង​ផ្ញើ​សំបុត្រ​ចូលរួម​សោកស្តាយ​ទៅ​លោក​ស្រី Hillary ប៉ុន្តែ​មិនបាន​ផ្ញើ​»​។ លោក​បន្តថា​៖ «​នៅ​ទីបញ្ចប់​ខ្ញុំ​គិតថា បើ​សិន​ជា​មហា​សេដ្ឋី​អចលនទ្រព្យ ជា​ប្រធានាធិបតី​នោះ ​យើង​នឹង​មាន​ឥទ្ធិពល​ធំ​ជាង។ តើ​មហា​សេដ្ឋី​អចលនទ្រព្យ​អាមេរិក ដែល​បាន​ក្លាយជា​ប្រធានាធិបតី​មាន​ឆន្ទៈ​ក្នុង​ការ​និយាយ​ជាមួយ​ឪពុកធម៌​នៃ​អចលនទ្រព្យ​របស់​ប្រទេស​ចិន​នោះទេ​?»

​នៅ​ឆ្នាំ​១៩៩៥ លោក Meng បាន​ធ្វើ​ដំណើរ​ទៅ​កាន់​សហរដ្ឋ​អាមេរិក ក្នុង​នាម​ជា​អ្នកប្រាជ្ញ​មក​ទស្សនា​ដើម្បី​សិក្សា​សេដ្ឋកិច្ច និង​អចលនទ្រព្យ​សម្រាប់​រយៈពេល​ប្រាំ​មួយខែ​នៅ​វិទ្យាស្ថាន​បច្ចេកវិទ្យា Massachusetts (Massachusetts Institute of Technology) នៃ​សាកល​វិទ្យាល័យ​កាលី​ហ្វ័រញ៉ា (the University of California) ប៊ើឃើលី​(Berkeley) និង​សាកល​វិទ្យាល័យ​រដ្ឋ Indiana​។ បទ​ពិសោធ​នេះ​មាន​ផល​ប៉ះពាល់​យ៉ាង​ខ្លាំង​ទៅ​លើ​លោក Meng និង ប្រជាជន​វណ្ណៈ​កណ្តាល​របស់​ប្រទេស​ចិន​។ វា​បាន​នាំ​ឲ្យ​គាត់​ជឿជាក់ថា ប្រជាជន​ចិន​ក៏​អាច​មាន​ក្តី​សុបិន្ត​អំពី​អាមេរិក​របស់​ពួក​គេ​ដែរ គឺ​ «​ផ្ទះ​មួយ​រថយន្ត​មួយ»​ ដូច​ដែល​គាត់​បាន​ហៅ​វា។

នៅ​ពេល​ដែល​លោក​មក​ដល់​ផ្ទះ​វិញ លោក​បាន​បញ្ចុះ​បញ្ចូល​ធនាគារ​ដែល​មាន​ការ​សង្ស័យ​ថា ប្រជាជន​ចិន​នឹង​បង់​ប្រាក់​កម្ចី​ទិញ​ផ្ទះ​របស់​ពួក​គេ​ត្រឡប់​មក​វិញ​។ ទាំង​នេះ​បាន​ជួយ​ណែនាំ​ទីផ្សារ​លំនៅដ្ឋាន​មួយ​ដែល​នៅ​ក្នុងនោះ​តម្លៃ​ត្រូវ​បាន​គ្រប់គ្រង​ដោយ​ទីផ្សារ​មិនមែន​រដ្ឋាភិបាល​ទេ នាំ​ឱ្យ​មាន​ការ​ផ្តោត​សំខាន់​លើ​តម្លៃ ហើយ​នេះ​បានធ្វើ​ឲ្យ​គ្រួសារ​ចិន​រាប់​លាន​នាក់​ក្លាយជា​អ្នក​មាន​។

លោក​បាន​ថ្លែង​ថា​ ៖ «​ផលិតផល​ទាំង​អស់​នេះ គឺ​ខ្ញុំ​បាន​ណែនាំ​មកពី​ក្រៅ​ប្រទេស​ពិសេស​ពី​សហរដ្ឋ​អាមេរិក​»​៕

Sui Lee Wee/ The New York Times

Source From: PHNOM PENH POST

CVEA MEMBERS