តម្លៃ​អចលនទ្រព្យ​នៅ​ក្រុង ​បាងកក​ រំពឹង​ថា ​នឹង​បន្ត​ឡើង​ថ្លៃ​ខ្ពស់

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
​ទន្លេ Chao Phraya​ ដែល​សម្បូរ​ដោយ​ខុន​ដូ​ប្រណីតៗ​ជាច្រើន​។ តម្លៃ​អចលនទ្រព្យ​នៅ​ទីក្រុង​បាងកក​ត្រូវបាន​គេ​រំពឹងថា នឹង​កើនឡើង​នៅ​ឆ្នាំក្រោយ​។ PANUMAS SANGUANWONG

ទោះបីជា​មានការ​ពន្យារ​ពេល​នៃ​ការ​បង់ពន្ធ​ដី និង​អគារ​សម្រាប់​មួយ​ឆ្នាំ​ក្តី តម្លៃ​ដី​ជា​ទូទៅ​នៅ​ទីក្រុង​បាងកក​ត្រូវ​បាន​គេ​រំពឹងថា នឹង​កើន​ឡើង​១០-៣០​ភាគរយ នៅ​ឆ្នាំ​២០១៧​ខាង​មុខ​នេះ ដែល​ជម្រុញ​ឲ្យ​អគារ​ខុនដូ​មាន​តម្លៃ​មធ្យម នៅ​ក្នុង​តំបន់ Greater Bangkok កើន​ឡើង ៦-៧​ភាគរយ ជា​កំណើន​ខ្ពស់​បំផុត នៅ​តាម​តំបន់​នានា​ក្នុង​ទីក្រុង​កើន​ខ្ពស់​បំផុត​តាម​ការ​រំពឹង​ទុក​។

អ្នក​នាង Nalinrat Chareonsuphong នាយក​គ្រប់គ្រង​នៃ​ក្រុមហ៊ុន​ពិគ្រោះ​យោបល់​ផ្នែក​អចលនទ្រព្យ Nexus Property Marketing បាន​និយាយ​ថា ការ​កើន​ឡើង​ជា​មធ្យម​នៃ​តម្លៃ​ដី​ក្នុង​ឆ្នាំ ២០១៧ គឺ​មាន​ការ​កើន​ឡើង​ខ្ពស់​ជាង​កាល​នៅ​ចន្លោះ​ឆ្នាំ​២០១៥-២០១៦​ទៅ​ទៀត ដែល​ក្នុង​អំឡុង​ពេល​នោះ​បាន​កើន​ឡើង​ត្រឹម​តែ ៥-១០​ភាគរយ​ប៉ុណ្ណោះ ។​

អ្នក​នាង​បាន​ថ្លែង​ថា​ ៖ «​ការ​កើន​ឡើង​ជា​មធ្យម​នៃ​តម្លៃ​ដី​នៅ​ក្នុង​ឆ្នាំ​នេះ​បាន​ស្ងប់ស្ងាត់​បន្តិច​ហើយ​បើ​ប្រៀបធៀប​ទៅ​នឹង​ការ​កើន​ឡើង​មិន​គួរ​ឱ្យ​ជឿ​កាលពី​ឆ្នាំ​២០១៥»​។

អ្នក​នាង​បាន​បន្ត​ទៀត​ថា ​៖ «​មិន​មាន​កំណត់ត្រា​កម្រិត​ខ្ពស់​ថ្មីៗ​ដែល​គួរ​ឲ្យ​កត់​សម្គាល់​នោះ​ទេ ចំពោះ​តម្លៃ​ដី​នៅ​ក្រុង​បាងកក​នៅ​ឆ្នាំ​នេះ​បន្ទាប់​ពី​តួ​លេខ​បាន​កើន​ឡើង​ដល់​១,៩១​លាន​បាត​ក្នុង​មួយ​វ៉ា​ការ៉េ [​គឺ​ថ្លៃ​ស្មើ​នឹង​៤​ម៉ែត្រ​ការ៉េ​] កាលពី​ឆ្នាំ​មុន​»​។

កំណត់ត្រា​ខ្ពស់​ថ្មី​នេះ​ទំនង​នឹង​កើត​ឡើង​នៅ​ឆ្នាំ​ក្រោយ ប្រសិន​បើ​ដី​មួយ​ឡូត៍​ស្ថិត​នៅ​លើ​ផ្លូវ​ឥត​ខ្សែ (Wireless Road) ដែល​គ្រប់គ្រង​ដោយ​ស្ថាន​ទូត​អង់គ្លេស ត្រូវ​បាន​លក់​រួច​ទៅ​ហើយ​។ ដី​មួយ​ដុំ​នេះ មាន​ទីតាំង​ស្ថិត​នៅ​លើ​ផ្លូវ Chidlom ដែល​ត្រូវ​បាន​ទិញ​ដោយ​ក្រុមហ៊ុន SC Asset Corporation Plc. គឺ​ស្ថិត​នៅ​មិន​ឆ្ងាយ​ពី​ដី​ដែល​មាន​តម្លៃ​ខ្ពស់​បំផុត​នោះ​ទេ​។

អ្នក​នាង Nalinrat បាន​ថ្លែង​ថា កង្វះ​ខាត​នៃ​ដី និង​ការ​កើន​ឡើង​នៃ​តម្លៃ​ដីធ្លី​នឹង​បណ្តាល​ឲ្យ​​មាន​ការ​កើន​ឡើង​ខ្ពស់​បំផុត​លើ​តម្លៃ​ខុន​ដូ​នៅ​តំបន់​ក្នុង​ទីក្រុង​នៅ​ឆ្នាំ​ក្រោយ​គឺ​អាច​កើន​ឡើង ៩-១០​ភាគរយ​។

អ្នក​នាង​បាន​ថ្លែង​ថា ​៖ «​តម្លៃ​មធ្យម​នៃ​ខុនដូ​ថ្មីៗ​ដែល​បាន​បើក​ដំណើរការ​នៅ​ទីក្រុង​បាងកក​នៅ​ក្នុង​ឆ្នាំ​នេះ​ក៏​បាន​កើន​ឡើង​ខ្ពស់​ផង​ដែរ ដែល​នេះ​គឺជា​លទ្ធផល​នៃ​តម្លៃ​ដី​នៅ​ឆ្នាំ​២០១៥»​។

តម្លៃ​មធ្យម​នៃ​ខុន​ដូ​នៅ​ឆ្នាំ​នេះ​បាន​កើន​ឡើង​១៤​ភាគរយ គឺ​ឡើង​ដល់​ ១២១,០០០​ បាត​ក្នុង​មួយ​ម៉ែត្រ​ការ៉េ ពី​តម្លៃ​ ១០៦,០០០ ​បាត​ក្នុង​មួយ​ម៉ែត្រ​ការ៉េ​នៅ​ក្នុង​ឆ្នាំ​២០១៥​។ ការ​កើន​ឡើង​នេះ​គឺ​ខ្ពស់​ជាង​ការ​កើន​ឡើង​ជា​មធ្យម​ត្រឹម៨​ភាគរយ​ក្នុង​មួយ​ឆ្នាំ​ក្នុង​អំឡុង​ពេល​ប្រាំ​ឆ្នាំ​កន្លង​មក​ហើយ។

ក្រុមហ៊ុន​អភិវឌ្ឍន៍​គួរ​តែ​មាន​ការ​ប្រុង​ប្រយ័ត្ន​នៅ​ពេល​ដែល​ពួក​គេ​ធ្វើ​ការ​វិនិយោគ​ទៅ​លើ​ដី​នៅ​ខាង ​ក្រៅ​ទីក្រុង​បាងកក​ក្នុង​គោល​បំណង​អភិវឌ្ឍ​គម្រោង​ខុនដូ ព្រោះ​អ្នក​ទិញ​គោលដៅ​អាច​នឹង​មិន​មាន​លទ្ធភាព​ទិញ​នៅ​ក្នុង​តម្លៃ​នោះ​ទេ​។ តម្លៃ​លក់​នៃ​ខុនដូ​នៅ​ខាង​ក្រៅ​ទីក្រុង​បាងកក មិន​គួរ​ដាក់​ឲ្យ​ខ្ពស់​ជាង ១០០,០០០​បាត​ក្នុង​មួយ​ម៉ែត្រ​ការ៉េ​នោះ​ទេ​។​

​យោង​តាម​ការ​ស្រាវជ្រាវ​របស់​ក្រុមហ៊ុន​នេះ បាន​បង្ហាញ​ថា ចំនួន​​នៃ​ខុន​ដូ​ថ្មីៗ​ដែល​បើក​ដំ​ណើរ​ការ​នៅ​ទីក្រុង​បាងកក​នៅ​ក្នុង​ឆ្នាំនេះ​មាន​ចំនួន​សរុប ៤០,០០០​យូនីត ក្នុង​ចំណោម​គម្រោង​៩៤ ដែល​ជា​ការ​ថយ​ចុះ ២៥​​ភាគរយ ពី​ចំនួន ៥៣,០០០​យូនីត ខុនដូ​កាលពី​ឆ្នាំ​មុន​។

ប្រហែល​ជាមាន​ចំនួន​៥,០០០​ ​ខុន​ដូដែល​អ្នក​អភិវឌ្ឍន៍​មួយ​ចំនួន​គ្រោង​នឹង​បើក​ដំណើរការ​នៅ​ត្រីមាស​ទី​បួន​នៃ​ឆ្នាំ​នេះ ប៉ុន្តែ​បាន​ពន្យារ​ពេល​ទៅ​បើក​ដំណើរការ​នៅ​ត្រី​មាស​ដំបូង​ឆ្នាំ​ក្រោយ​វិញ​ដោយ​សារតែ​ការ​កាន់​ទុក្ខ​ការ​សោយ​​ទិវង្គត់​របស់​ព្រះមហាក្សត្រ ភូមិបុល​អា​ឌុល​យ៉ា​ដេត​។

អ្នក​នាង​បាន​បន្ថែម​ថា ទោះ​បី​ជា​មាន​ការ​ពន្យារ​ពេល​នៃ​ការ​បើក​សម្ភោធ​ក៏​ដោយ ក៏ ៧០​ភាគរយ នៃ​ការ​ផ្គត់ផ្គង់​ថ្មី​នេះ​ត្រូវ​បាន​បើក​ឲ្យ​ដំណើរការ​នៅ​ក្នុង​ឆមាស​ទី​២ ដែល​បង្ហាញ​ពី​ទំនុក​ចិត្ត​របស់​ក្រុមហ៊ុន​អភិវឌ្ឍន៍ ទៅ​លើ​កំណើន​ទីផ្សារ​អចលនទ្រព្យ​នៅ​ក្នុង​ទីក្រុង​បាងកក។

ទីតាំង​ដែល​នឹង​មាន​ការ​បើក​សម្ពោធ​ខុនដូ​ថ្មីៗ​ច្រើន​បំផុត គឺ​នៅ PhraKhanong និង SuanLuang រួម​មាន​ចំនួន ១០,៧០០​យូនីត Phaya Thai និង Ratchadaphisek រួម​មាន​៩,២០០​យូនីត រួម​ទាំង Ngamwongwan និង Tiwanon រួម​មាន​៦,៩០០​យូនីត​។

ការ​ផ្គត់ផ្គង់​ខុនដូ​ដ៏​គួរ​ឲ្យ​កត់​សម្គាល់​នៅ Greater Bangkok គឺ​មាន​ចំនួន ៤៨៧,០០០​យូនីត ហើយ​ត្រូវ​បាន​លក់​អស់​ចំនួន​៩០​ភាគ​រយ​។

ចំនួន​នៃ​យូនីត​មិន​ទាន់​លក់​ចេញ​​មាន​ចំនួន​សរុប​ប្រហែល​៤៨,០០០ ដែល​បាន​ធ្លាក់​ចុះ​ពី​៥៤,០០០​យូនីត​កាលពី​ឆ្នាំ​មុន។

កាលពី​ម្សិលមិញ​អ្នក​ពិគ្រោះ​យោបល់​ផ្នែក​អចលនទ្រព្យ CBRE បាន​រាយការណ៍​ពី​ការ​កើន​ឡើង ៤,៧​ភាគរយ នៅ​ក្នុង​ការ​ស្នើ​សុំ​តម្លៃ​នៃ​ខុនដូ​លំដាប់​ខ្ពស់​ដែល​មិន​ទាន់​សាងសង់​រួច​នៅ​តំបន់​ពាណិជ្ជកម្ម​មមា​ញឹក​បំផុត​នៃ​ក្រុង​បាងកក នៅ​ឆ្នាំ​នេះ គឺជា​មធ្យម​តម្លៃ ២១៩,០០០​បាត​ក្នុង​មួយ​ម៉ែត្រ​ការ៉េ​។

ក្រុមហ៊ុន CBRE នៅតែ​បន្ត​មើល​ឃើញ​ចំណង់​ពី​អ្នក​វិនិយោគ​ទៅ​លើ​គម្រោង​ដែល​មាន​ទីតាំង​ស្ថិត​នៅ​ក្នុង​តំបន់​លំនៅឋាន​កំពូលៗ​នៃ​ទីក្រុង​បាងកក ដែល​អ្នក​ទិញ​សម្បូរ​ប្រាក់​ច្រើន​ផ្តោត​លើ​តំបន់ Sukhumvit Sathorn និង CentralLumpini​។​

CBRE គិត​ថា ខុន​ដូ​ប្រណីត និង​ទីផ្សារ​លំនៅឋាន​ប្រណីត​កម្រិត​ទាបៗ នៅ​ទីក្រុង​បាងកក នឹង​មាន​ភាព​ជោគ​ជ័យ​លើ​គម្រោង​​ ដែល​មាន​តម្លៃ​ពី​មធ្យម ទៅ​តម្លៃ​ទាប​នៅ​អំឡុង​ឆ្នាំ​២០១៧ ដោយ​អ្នក​ទិញ​មិន​សូវ​មាន​ភាព​លំបាក​ក្នុង​ការ​ស្វែងរក​កម្ចី​ទិញ​ផ្ទះ ដែល​នេះ​នឹង​ធ្វើ​ឲ្យ​មាន​ការ​ថមថយ​ក្នុង​វិស័យ​លំនៅឋាន​ទូទៅ​៕

KANANA KATHARANGSIPORN

Source From: PHNOM PENH POST

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month
Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00
Villa For Sale
Chroy Changva,Russey Keo
USD 355,000.00

CVEA MEMBERS