ការ​ប្រើប្រាស់ Bitcoin ក្នុង​ការ​ទិញ​លក់​អចលនទ្រព្យ​មាន​សម្ទុះ​កើនឡើង​ខ្លាំង

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
ផ្ទាំង​ទិន្នន័យ​ដែល​បង្ហាញ​ពី​ស្ថានភាព​តម្លៃ​នៃ​ការ​ដោះ​ដូរ Bitcoin កាលពី​ថ្ងៃ​ទី​១៩ ខែធ្នូ ឆ្នាំ​២០១៧។ រូបថត AFP

B​itcoin ឥឡូវនេះ​បាន​ចូល​វាយលុក​ទីផ្សារ​អចលនទ្រព្យ​ របស់​សហ​រដ្ឋ​អាមេរិក​ហើយ​ពិសេស​ក្នុង​រដ្ឋ Florida តែម្តង​ដែល​បាន​បើកឱកាស​ឲ្យ​វិនិយោគិន​បរទេស​អាច​ប្រើ​​វិធី​វិនិយោគ​ផ្សេងៗ​ពី​ការ​គ្រប់គ្រង​រូបិយវត្ថុ​ក្នុងប្រទេស​កំណើត​ខ្លួន ដោយ​ស្រប​តាម​​ច្បាប់​របស់​សហ​រដ្ឋ​អា​មេរិក​។​

កាលពី​ចុង​ឆ្នាំមុន រូបិយវត្ថុ​បែប​ឌីជីថល​នេះ​ត្រូវបាន​គេ​ចាត់​ទៅក្នុង​តារាង​ជា​មធ្យោបាយ​មួយ​ដែល​ត្រូវបាន​ប្រើប្រាស់​ក្នុង​ការ​ទូទាត់​ទិញលក់​អចលនទ្រព្យប្រហែល ​៧៥ ​ភាគរយ ពិសេស​នៅ​រដ្ឋ Florida ភាគខាងត្បូង និង​រដ្ឋ​កាលីហ្វ័រ​ញ៉ា​។ នេះ​បើ​យោងតាម​ក្រុមហ៊ុន​អចលនទ្រព្យ Redfin​។​ «​ការទទួលយក Bitcoin»​នេះ​គឺជា​សារ​មួយ​បង្ហាញថា បច្ចុប្បន្ន​វា​ត្រូវបានគេ​​ដាក់បញ្ចូល​ទៅក្នុង​ផ្នែក​នៃ​ការផ្សាយ​ពាណិជ្ជកម្ម​លក់​ផ្ទះ​នៅ Miami រួចមក​ហើយ។​

មាន​អ្នកលក់​ម្នាក់​ដែល​យក​រឿងនេះ​ជា​ធំ​តែម្តងដោយ​គាត់​បាន​និយាយថា នឹង​​យក​ការទូទាត់​ជា bitcoin តែមួយគត់ សម្រាប់​ខុន​ដូ​នៅ​ទីប្រជុំជន​របស់គាត់​ដែល​​មាន​តម្លៃ​កន្លះ​លាន​ដុល្លារស្ថិត​តំបន់​អគារ​ខ្ពស់ៗ​ក្នុង​រដ្ឋ Florida​។​

Bitcoin មានតម្លៃ​កើនឡើង​ និង​ថយ​ចុះ​​យ៉ាង​គំហុក​នា​រយៈពេល​ចុងក្រោយ​នេះ ដោយ​តម្លៃ​របស់​វា​បាន​កើនឡើង​រហូត​ដល់​ជិត​២​ម៉ឺន​ដុល្លារ​ក្នុង​មួយ bitcoin កាល​ពី​ពាក់កណ្តាល​ខែធ្នូ​កន្លងទៅ មុន​ពេល​ធ្លាក់​ទៅ​វិញ​នៅ​អំឡុង​ថ្ងៃបុណ្យ​គ្រិស្ត​ស្មា​ស់​។

នៅ​ដើម​ឆ្នាំនេះ​ វា​មានតម្លៃ​ប្រហែល​១៤,០០០​ដុល្លារ​។​ ​ការ​ប្រើ​ប្រាស់​រូបិយវត្ថុ​នេះ​ក្នុង​វិស័យ​អចលន​ទ្រព្យ​គឺជា​ការប្រថុយប្រថាន ហើយភ្នាក់ងារ​មាន​ក្តី​ព្រួយបារម្ភ​ដោយ​សារតែ​តម្លៃ​របស់​វា​មិន​មាន​លំនឹង​ច្បាស់​លាស់​។​

លោក Jay Parker អគ្គនាយកក្រុម ហ៊ុន​ភ្នាក់ងារ​អចលនទ្រព្យ Douglas Elliman នៅ Florida បាន​និយាយថា​ ៖​ «​ខ្ញុំ​នឹង​ភ្ញាក់ផ្អើល​យ៉ាងខ្លាំង ប្រសិន​បើ​ក្នុង​​រយៈពេល​១​ឆ្នាំ​ទៀត​យើង​ឃើញ​មាន​អចលនទ្រព្យ​ដាក់លក់​ដោយ​ប្រើ bitcoin»។​

បើទោះជា​យ៉ាងនេះ​ក្តី រូបិយវត្ថុ​ប្រភេទ​នេះ​មាន​អត្ថប្រយោជន៍​យ៉ាងច្រើន​សម្រាប់​​ ជនបរទេស​ដែល​ចង់​មក​វិនិយោគ​នៅ​សហរដ្ឋអាមេរិក តែ​មិន​អាចមក​វិនិយោគ​ផ្ទាល់​បាន​។ នេះ​បើ​យោងតាម​សម្តី​សេដ្ឋ​វិទូ និង​អ្នកជំនាញ bitcoin លោក Charles Evan នៅ​សាកលវិទ្យាល័យ Barry​។​

លោក Evans បាន​ប្រាប់ AFP ថា​ ៖​ «វិនិយោគិន​បរទេស​ដែល​មិន​ចង់​ប្រើ​ធនាគារ និង​មិន​ចង់​ប្រើ​រូបិយវត្ថុ​ក្នុង​ប្រទេស​របស់ខ្លួន​ហាក់​មានការ​ចាប់អារម្មណ៍​នឹង​វា​ខ្លាំងរួមទាំង​អ្នក​ដែល​កំពុងតែ​ជ្រួល​ច្របល់​នឹង​រូបិយវត្ថុ​ឌីជីថល​របស់​អាមេរិក​មួយ​នេះ (Cryptocurrency)»​។​

លោក​បាន​បន្ថែមថា​ ៖ «​រដ្ឋាភិបាល​របស់​ប្រទេស​ទាំងនោះ​ធ្វើការ​កំណត់​ចំនួន​ទឹកប្រាក់​ដែល​ប្រជាជន​ខ្លួន​អាច​ផ្ញើ​ចេញ​ទៅ​​ក្រៅប្រទេស​តាមរយៈ​ប្រព័ន្ធ​ធនាគារ តែ Bitcoin អនុញ្ញាត​ឲ្យ​ពួកគេ​អាច​​ទូទាត់​ប្រាក់​លើសពី​ការកំណត់​ទាំង​នេះ​បាន​»​។​ ​នេះ​អាច​និយាយថាជា​ចំណុច​ទាក់ទាញ​មួយ​សម្រាប់​វិនិយោគិន​ដែល​មាន​​ភាព​​សកម្ម​ក្នុង​ទីផ្សារ​អចលនទ្រព្យ​នៅ​ភាគ​ខាងត្បូង​នៃ​រដ្ឋ Florida​។​

សព្វថ្ងៃនេះ​មាន​អតិថិជន​បរទេស​ជិត​ពាក់​កណ្តាល​ដែល​បាន​ទិញ​អចលនទ្រព្យ​នៅ Florida ខាងត្បូង​ដោយ​ភាគច្រើនមក​​ពី​អាមេរិក​ឡាទីន​។​ ​បើ​យោងតាម​សមាគម​អចលនទ្រព្យ​ជាតិ ឬ National Association of Realtors ក្នុង​រយៈ​ពេល​៥​ឆ្នាំ​កន្លង​មក​នេះ វិនិយោគិន​មកពី​ប្រទេស​វេ​ណេ​​ហ្សុ៊យ​​អេឡា ប្រេ​ស៊ី​ល និង​អា​ហ្ស​ង់​ទីន សុទ្ធ​តែជា​អតិថិជន​កំពូលៗ​ដែល​បាន​ទិញ​អចលនទ្រព្យ​ក្នុង​រដ្ឋ​នេះ។​

លាង​លុយ​?

Bitcoin បើកឱកាស​មួយទៀត​សម្រាប់​ វិនិយោគិន​បរទេស​មួយចំនួន គឺ​អនុញ្ញាត​ឲ្យ​ពួកគេ​អាច​គេច​ចេញពី​ច្បាប់​មួយចំនួន​របស់​អាមេរិក​។​

លោក Evans បាន​លើកយក​ប្រទេស​វេ​ណេ​ហ្សុ​៊យ​អេ​ឡា​ជា​ឧទាហរណ៍ ដែល​វិនិយោគិន​បាន​បំពាន​ទៅលើ​ការ​កំណត់​នៃ​ចំនួន​លំហូរ​សាច់ប្រាក់​ចេញ ហើយ​កំពុងតែ​ប្រឈម​នឹង​កំណើន​ដ៏​ខ្ពស់​ដែល​បាន​កើន​លើសពី ២,៦០០​ភាគរយ កាល​ពី​ឆ្នាំ​២០១៧​។​

លោក Evans បាន​ប្រាប់ទៀតថា ជន​ជាតិ​អុីរ៉ង់​ក៏​ចាប់អារម្មណ៍​ខ្លាំង​នឹង bitcoin នេះដែរ ដោយ​លោក​បាន​លើក​ឡើងថា​បាន​«​វាយលុក​ទ្វេដង​» លើសពី​ច្បាប់​កំណត់​របស់​ប្រទេស​អុីរ៉ង់ និង​របស់​អន្តរជាតិ​។​ ​វា​គឺជា​អាថ៌កំបាំង​មួយ​ដែល​គ្រប់​គ្នា​ដឹង​ថា​ ការលាង​លុយ​មាន​ចំណែក​ក្នុង​ទីផ្សារ​អចលនទ្រព្យ​ក្នុង​រដ្ឋ Florida ភាគ​ខាងត្បូង ប៉ុន្តែ​ជាជាង​ការ​លាក់បាំង​នូវ​អំពើ​នេះ bitcoin អាច​នឹង​ជា​ដំណោះ​ស្រាយ​សម្រាប់​អ្នក​លាង​លុយ​បាន​។​

រូបិយវត្ថុ​ឌីជីថល (cryptocurrency) «​អាចជា​មធ្យោបាយ​ទូទាត់​ប្រាក់​មួយ​សម្រាប់​ការលាង​លុយ​ធំៗ ព្រោះ​រាល់​ការ​ទូទាត់​ដោយ​ប្រើ bitcoin ទាំង​អស់​ត្រូវ​បាន​រក្សា​ទុក​ក្នុង​ប្រព័ន្ធ​កត់ត្រា​ការ​​ទូទាត់​ជា​សាធារណៈ​ក្នុង Blockchain»។ នេះ​បើតាម​លោក Evans​។​

បើទោះបីជា Bitcoin មានការ​ពាក់​ព័ន្ធ​ខ្លះ​នឹង​ការជួញដូរ​គ្រឿងញៀន និងការ​​វាយលុក​តាម​ប្រព័ន្ធ​អន​ឡាញ​ក្តី Blockchain«​បាន​រក្សាទុក​ភ័ស្តុតាង​ជាច្រើន​» នេះ​បើតាម​អតីត​អ្នកតំណាង​ឲ្យ​​រដ្ឋ Florida គឺ​លោក Jose Felix Diaz ដែល​​បាន​ថ្លែងប្រាប់​សារព័ត៌មាន Politico​។​

លោក​និយាយថា​ ៖ «​ដូច្នេះ​ប្រសិន​បើអ្នកធ្វើ​អ្វី​ផ្ទុយ​នឹង​ច្បាប់ រដ្ឋ និង​រដ្ឋាភិបាល​សហព័ន្ធ (federal government) មាននូវ​ភ័ស្តុតាង​ដែល​គេ​បាន​រក្សា​ទុក​ដើម្បី​ចាប់ខ្លួន​អ្នក​បាន​»​។​

កាលពី​ឆ្នាំមុន លោក Diaz បានផ្តល់​ការគាំទ្រ​ដល់​ច្បាប់​កំណត់​រូបិយប័ណ្ណ​មួយ​​ក្នុង​ច្បាប់​របស់​រដ្ឋ Florida ដែល​រួម​មាន​ទាំង Bitcoin ដែរ​សម្រាប់​ការប្រឆាំង​នឹង​ការលាង​លុយ​។​

ភ្នាក់ងារ​អចលនទ្រព្យ Parker ក៏បាន ​ថ្លែងថា ការលាង​លុយ​ដោយ​ប្រើ bitcoin មិន​ងាយ​នឹង​បង្ក​ឲ្យ​មាន​ហា​និ​ភ័យ​នោះទេ ព្រោះ «​ម្ចាស់​អចលនទ្រព្យ​ដែល​ទទួល​ការ​ទូទាត់​ប្រាក់​នោះ​នឹង​តែង​តែ​អាច​ត្រូវ​បាន​គេ​ស្វែង​រកឃើញ​ជានិច្ច​»​។​

លោក Parker បាន​ថ្លែងថា ការ​ពេញ​និ​យម​ក្នុង​ការទិញ​លក់​អចលនទ្រព្យ​ដោយ​​ប្រើ Bitcoin អាច​នឹង​ឆាប់​សាបទៅ​វិញ​ដូចគ្នា​ទៅនឹង bitcoin ខ្លួន​វា​ផ្ទាល់​ផង​ដែរ​។​

លោក Parker បញ្ជាក់ថា​ ៖ «​ខ្ញុំ​គិត​ថា វា​គឺជា​រូបិយវត្ថុ​តំណាង​មួយ​។ វា​មិន​មាន​ហានិភ័យ​ច្រើន​ពេល​នោះទេ​។ ហានិ​ភ័យ​តែមួយគត់​នោះ គឺ​ប្រសិនបើ​វា​ធ្លាក់​ចុះ​ដល់​បាតមុនពេក​អ្នក​ចាយវាយ​»​។

លោក Parker បន្តថា​ ៖ «​ខ្ញុំ​គិត​ជាអ្នកដែល​ កំពុងតែ​ប្រើ bitcoins ដើម្បី​លក់អចលន​ទ្រព្យ​របស់ខ្លួន​នោះ​កំពុងតែ​ព្យាយាម​ប្រើ​គ្រប់​មធ្យោបាយ​ដើម្បីឱ្យ​អ្នកសរសេរ​អំពី​វា និង​ដើម្បី​ឲ្យ​គេ​ដឹង​អំពី​ការលក់​របស់ខ្លួន​កាន់តែច្រើន​»៕

Source From : Property Area

 

Latest News

LATEST EXCLUSIVE LISTING

Villa For Sale
Niroth,Meanchey
USD 1,100,000.00
Flat House For Sale
Prek Pra,Meanchey
USD 68,000.00
Flat House For Sale
Dangkao,Dangkao
USD 73,000.00
Flat House For Sale
Boeng Keng Kang III,Chamkarmon
USD 295,000.00
Apartment For Sale
Chrang Chamres 1,Russey Keo
USD 168,000.00

CVEA MEMBERS