វិភាគ៖ ការសាងសង់អាគារកំពស់ ៦០០ម៉ែត្រនឹងជាមោទនភាពរបស់កម្ពុជា

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 

ភ្នំពេញជាមួយនឹងការដើរចេញពីប្រទេសក្រីក្រ មកកាន់ប្រទេសមានប្រាក់​ចំណូមមធ្យមកម្រិតទាប និងឆ្ពោះទៅកាន់ប្រទេសមានប្រាក់ចំណូលមធ្យមកម្រិ​តខ្ពស់នាឆ្នាំ២០៣០ កម្ពុជាក៏បាននិងកំពុងបង្ហាញកិត្យានុភាពបន្ថែមទៀត តាមរយៈគម្រោងសាងសង់ អាគារកប់ពពកលំដាប់ពិភពលោក ដើម្បីបង្ហាញកិត្យា​នុភាពនៃដែនដីដែលធ្លាប់ធ្លាក់ក្នុងឳនភាពនេះ មកជាប្រទេសថ្មីមួយដែលមានភាព ស៊ីវិល័យ និងអរិ​យធ៌ម។

គម្រោងមហិមា

Royal Group និងក្រុមហ៊ុន Thai Bunrong កំពុងបង្ហាញមហិច្ឆតាប្រែក្លាយជាក្រុមហ៊ុនយក្សនៅកម្ពុជា ដោយកាលពីពេលថ្មីៗនេះ មន្រ្តីជាន់ខ្ពស់ក្រសួងដែនដីបានបង្ហើបថា ក្រុមហ៊ុន រ៉ូយ៉ាល់ គ្រុបបានស្នើសុំការសាងសង់ អាគារពាណិ​ជ្ជកម្មកំពស់៦០០ម៉ែត្រ នៅទីតាំងសណ្ឋា​គារកាំបូឌីយ៉ាណាសព្វថ្ងៃនេះ ជាដំណឹ​ងដ៏គួរឲ្យភ្ញាក់ផ្អើលមួយ ខណៈអាគារពា​ណិ​ជ្ជកម្មភ្លោះ Thai Bunrong Twin Tower កំពស់៥៦០ម៉ែត្រ ដែលគ្រោងសាងសង់នៅក្បែរនោះហាក់ស្ងៀមស្ងាត់ មិនទាន់មានព៌តមានអ្វីនៅឡើយ ទាក់ទងនឹងពេលវេលាសាងសង់ជាក់លាក់។

អ្នក​នាំ​ពាក្យ​ក្រសួង​រៀបចំ​ដែនដី នគរូបនីយកម្ម និង​សំណង់ លោក សេង ឡូត បាន​មានប្រសាសន៍ឲ្យដឹងកាលពីពេលថ្មីៗនេះ​ថា ក្រុមហ៊ុនរ៉ូយ៉ាល់ គ្រុប របស់​អ្នកឧកញ៉ាគិត ម៉េង គ្រោង​នឹង​ឈូស​សណ្ឋាគារ​កាំបូឌីយ៉ាណា ដើម្បី​ត្រួស​ត្រាយ​ផ្លូវ​សម្រាប់​សាងសង់​ អគារ​មួយ​ដែល​មាន​កម្ពស់​៦០០​ម៉ែត្រ​។

លោក​ថ្លែង​បន្តថា «​ ​វា​គ្រាន់​តែ​ជា​ផែនការ​ប៉ុណ្ណោះ ក្រុមហ៊ុនរ៉ូយ៉ាល់ គ្រុប បាន​ស្នើសុំ​រដ្ឋាភិបាល​នូវ​សិទ្ធិ​សម្រាប់​គម្រោង​នេះ​»​។ លោក​បន្ត​ថា​ តាមគំរោង​ក្រុមហ៊ុន Royal Group គ្រោងវាយកម្ទេស​សណ្ឋាគារ​កាំបូឌីយ៉ាណា​ ហើយ​ក្រុមហ៊ុន​នេះ​នឹង​សាងសង់​អគារ​កម្ពស់​ ៦០០ ​ម៉ែត្រ​​នៅ​ទី​នោះ​»​។

ពេលវេលានឹងបង្ហាញ

ជាមួយគ្នានេះដែរ ​ក្រុមហ៊ុន ថៃ ប៊ុនរ៉ុង ដែល​បាន​ចាប់​ដៃ​គ្នា​ជាមួយ​ក្រុមហ៊ុន Sun Kian Ip Group របស់​ប្រទេស​ចិន​ក៏​បាន​ប្រកាស​ពី​ផែនការ​ក្នុង​ការ​សាងសង់​អគារ​មួយ​ដែល​ មាន​កម្ពស់​៥៦០​ម៉ែត្រ​នៅ​ទីតាំង​ជិត​នោះ​ផង​ដែរ។

លោកសាស្រ្តាចារ្យទួស សាភឿនស្ថាបត្យករ ដែលចូលរួមរចនាប្លង់ស្ថាប​ ត្យកម្មអាគារពាណិជ្ជកម្ម THai Bunrong Twin Tower ធ្លាប់បានថ្លែងឲ្យដឹងកាលពី ពេលថ្មីៗនេះថា ការសាងសង់អាគារពាណិជ្ជកម្មលំដាប់ពិភពលោកនេះ នឹងមិន​មានការផ្លាស់ប្តូរនោះទេ ដោយសារបច្ចុប្បន្ននេះក្រុមហ៊ុនមានមូលដ្ឋានលុយរ៉ឹង​មាំ និងបានត្រៀមទុនរួចហើយ ដើម្បីសាងសង់អាគារនេះឲ្យទទួលបានជោគ​ជ័យតាមការគ្រោងទុក។

លោកបន្តថា “បច្ចុប្បន្នក្រុមហ៊ុនកំពុងរៀបចំ ឌីសាញប្លង់អាគារនេះឡើងវិញ ដោយមានការចូលរួមពីស្ថាបត្យករ វិស្វករលំដាប់ពិភពលោក ដែលមានបទពិសោធន៍សាងសង់អាគារខ្ពស់ៗចូលរួម រចនាគំរោងនេះ”។លោកបន្តថា “នៅពេ​លអាគារនេះសាងសង់ហើយ វានឹងជា Landmark មួយសម្រាប់រាជធានីភ្នំពេញ ហើយនឹងធ្វើឲ្យកម្ពុជា កាន់តែទាក់ទាញបាននូវអ្នកវិនិយោគអន្តរជាតិ ក៏ដូចជាក្រុមហ៊ុនធំៗលំដាប់ពិភពលោក មកតាំងការិយាល័យកណ្តាលនៅទីក្រុងភ្នំពេញកាន់តែច្រើនថែមទៀត”។

តាមគម្រោងអាគារពាណិជ្ជកម្មលំដាប់ពិភពលោក Thai Bunrong Twin Towerគ្រោងនឹងប្រើប្រាស់ចម្រុះដូចជា ផ្សារទំនើបលំដាប់អន្តរជាតិ សណ្ឋាគារ​កម្រិតផ្កាយ៦ អាផាតម៉ិនសម្រាប់អភិជន ខុនដូប្រណីត ភោជនីយដ្ឋាន ការិយាល័​យលំដាប់ពិភពលោកជាដើម។នេះបើតាមលោកទួស សាភឿនបញ្ជាក់ឲ្យដឹង។

លោកបន្តថា ក្រោយពេលសាងសង់ចប់ ក្រុមហ៊ុនគ្រោងចំណាយទុន​៣០០០លានដុល្លារថែមទៀត ដើម្បីធ្វើឲ្យមជ្ឈមណ្ឌលពាណិជ្ជកម្មនេះដំណើរកា​រដោយរសរវើក និងទទួលបានជោគជ័យ។

មហិច្ឆតាយក្ស

ជាមួយគ្នានេះដែរ កម្ពុជាក៏គ្រោងសាងសង់មជ្ឈមណ្ឌលពាណិជ្ជកម្មកំពស់​៦០០ម៉ែត្រ ស្ថិតនៅភាគខាងជើងរាជធានីភ្នំពេញផងដែរ ដោយគំរោងនេះស្ថិតនៅក្នុងទីក្រុងនាគរាជសម្តេចតេជោហ៊ុន សែន ដែលស្ថិតនៅស្របតាមបណ្តោយ​ផ្លូវជាតិលេខ៦អា និងផ្លូវជាតិលេខ៥ ស្របគ្នានឹងដងទន្លេមេគង្គនិងទន្លេសាប។

គំរោងទីក្រុងនេះគ្រោងចំណាយប្រាក់៨០ពាន់លានដុល្លារអាមេរិក ប៉ុន្តែគំ​រោងនេះស្ថិតនៅក្នុងផែនការនៅឡើយ ដោយសាររដ្ឋាភិបាលកំពុងរង់ចាំដៃគូវិនិយោគអន្តរជាតិនានា ពិសេសប្រទេសចិន។

លោកភឿង សុភ័ណ្ឌរដ្ឋលេខាធិការក្រសួងរៀបចំដែនដី នគរូបនីយកម្មនិងសំណង់ធ្លាប់បានថ្លែងថា គំរោងនេះលោកបានដាក់ឆ្លងសម្តេចតេជោរួចហើយៗ សម្តេចតេជោបានស្នើសុំឲ្យមានការសិក្សាលំអិតបន្ថែមទៀត មុនពេលគំរោងនេះ​ទទួលបានការយល់ព្រមពីសម្តេចតេជោហ៊ុន សែននាយករដ្ឋមន្រ្តីកម្ពុជា។លោក​បន្តថា ទីក្រុងនាគរាជសម្តេចតេជោ ស្ថិតនៅលើផ្ទៃដីជាង៣០០០០ហិកតា ជាទីក្រុងមួយដែលសាងសង់ឡើង ដើម្បីដឹងគុណដល់សម្តេចដែលហ៊ានពលីជីវិត ដើម្បីនាំមកនូវសុខសន្តិភាព និងអភិវឌ្ឍន៍ជាតិ។

លោកបន្តថា “កម្ពុជាខកខានសាងសង់ទីក្រុង៥៨០ឆ្នាំមកហើយ ហេតុនេះកម្ពុជាគួរតែសាងសង់ទីក្រុងថ្មី ដោយសារទីក្រុងភ្នំពេញជាទីក្រុងចាស់ និងមាន​មនុស្សរស់នៅកកកុញរួចទៅហើយ”។លោកបន្តថា“ហេដ្ឋារចនាសម្ព័ន្ឋទីក្រុងនេះ​មានទាំងផ្លូវក្រោមដី ផ្លួវទឹក ផ្លូវគោក និងផ្លូវអាកាសដែលអាចដោះស្រាយបញ្ហាចរាចរណ៍បានរាប់រយឆ្នាំ”។

រដ្ឋលេខាធិការរូបនេះបានស្នើសុំរដ្ឋាភិបាលចិន និងអ្នកវិនិយោគចិនគាំទ្រគំរោងនេះ ព្រោះសម្តេចតេជោតែងតែគាំទ្រចិននៅលើឆាកអន្តរជាតិ និងប្រកាន់​យកគោលនយោបាយចិនតែមួយ ជាអ្វីដែលសម្តេចបានខិតខំពូនជ្រុំនូវទំនាក់ទំ​នង និងផលប្រយោជន៍សម្រាប់ប្រជាជាតិទាំងពីរ។

មូលដ្ឋានសេដ្ឋកិច្ចរ៉ឹងមាំ

ជាមួយនឹងផែនការ និងគោលនយោបាយច្បាស់លាស់ កម្ពុជាបានក្លាយជា​ដែនដីនៃការវិនិយោគ ដោយសារកំនើនប្រាក់ចំណូលរបស់ប្រជាពលរដ្ឋពីមួយ​ឆ្នាំទៅមួយឆ្នាំ តាមរយៈកំនើនសេដ្ឋកិច្ចជាង៧ភាគរយប្រចាំឆ្នាំ ក្នុងរយៈពេលជាងពីរទសវត្សរ៍ ដែលធ្វើឲ្យធនាគារអភិវឌ្ឍន៍អាស៊ីប្រសិទ្ឋិនាមកម្ពុជា “ជាខ្លាសេដ្ឋកិច្ច”ថ្មីមូយនៅក្នុងតំបន់នេះកាលពីឆ្នាំមុន។ ស្របពេលជាមួយគ្នានេះកម្ពុជាកំពុងប្រែក្លាយពី​ប្រទេស មានប្រាក់ចំណូលមធ្យមកម្រិតខ្ពស់នៅឆ្នាំ២០៣០ សំដៅប្រទេសដែល​ប្រជាជនម្នាក់ៗ មានប្រាក់ចំណូលចាប់ពីជាង៤,៨០០ ដល់១២,០០០ដុល្លារអាមេរិកក្នុងមួយឆ្នាំ។

ការកើនឡើងនូវប្រាក់ចំណូលជារៀងរាល់ឆ្នាំ និងកំណើនសេដ្ឋកិច្ច ពិសេ

សការក្លាយជាប្រទេសមានប្រាក់ចំណូលមធ្យមកម្រិតខ្ពស់ នឹងធ្វើឲ្យកម្ពុជាកាន់​តែរំលេចខ្លួន និងក្លាយជាប្រទេសដែលមានភាពទាក់ទាញ អ្នកវិនិយោគអន្តរជាតិបន្ថែមទៀត តាមរយៈកំនើននៃកំលាំងទិញកើនឡើង ដែលធ្វើឲ្យសកម្មភាពពាណិជ្ជកម្មកាន់តែរសរវើក។

ប្រធាននាយកប្រតិបត្តិធនាគារអេស៊ីលីដា ភីអ៊ិលស៊ីលោកអ៊ិន ចាន់នីបាន​ថ្លែងថា ការក្លាយជាប្រទេសមានប្រាក់ចំណូលមធ្យម នឹងធ្វើឲ្យកម្ពុជាកាន់តែទាក់ទាញអ្នកវិនិយោគអន្តរជាតិថ្មីៗបន្ថែមទៀត ព្រោះកំលាំងទិញមានការកើនឡើង ហើយអ្នកវិនិយោគមុនទៅកាន់ប្រទេសណាមួយ ពួកគេតែងតែមើលពីសក្តានុព​លសេដ្ឋកិច្ច ស្ថិរភាពនយោបាយរបស់ប្រទេសនោះ។

លោកបន្តថា “បើប្រទេសណាមួយក្រីក្រ ពួកគេមិនអាចរកប្រាក់ចំណេញបាន ពួកគេនឹងសម្លឹងទៅកាន់​ប្រទេសមានប្រាក់ចំណូលកើនឡើង ព្រោះពួកគេ​អាចលក់ទំនិញដាច់ ហើយការវិនិយោគរបស់ពួកគេទទួលបានផលចំណេញ”។​លោកបន្តថា “ការក្លាយជាប្រទេសមានប្រាក់ចំណូលមធ្យម ធ្វើឲ្យកម្ពុជាឈរនៅទីតាំងថ្មីមួយ ដែលអ្នកវិនិយោគចាប់អារម្មណ៍ និងមកបោះទុនវិនិយោគ”។

ហេតុនេះការសាងសង់អាគារខ្ពស់ៗ នៅក្នុងស្ថានភាពទីផ្សារនិងសេដ្ឋកិច្ច​ល្អប្រសើរបែបនេះ ទំហំសេដ្ឋកិច្ចកម្ពុជានៅតូចបែបនេះ តើការសាងសង់អាគារទាំងនោះ អាចលើសតម្រូវការដែរឬទេ? ចម្លើយវាអាស្រ័យ​លើអ្នកឈរនៅលើមូលដ្ឋានអ្វី? ក្នុងការវិភាគពិចារណា ប៉ុន្តែយើងសូមលើកយកមូលដ្ឋានសម្រាប់ពិ​ចារណាលើពីរចំណុច។

ទី១ រង់ចាំពេលមានតម្រូវការ

ប្រសិនជារង់ចាំពេលមានតម្រូវការទើបសាងសង់ ពេលអ្នកវិនិយោគចូល​មកពួកគេមិនមានសេវាកម្ម និងសេវាស្នាក់នៅ ប៉ុន្តែកម្ពុជាមិនមានអ្វីដើម្បីឆ្លើយ​តបនឹងតម្រូវការរបស់ពួកគេ តើពួកគេនឹងរង់ចាំឬពួកគេបង្វែរទៅកាន់ទីផ្សារដទៃទៀត ដែលប្រទេសបណ្តាប្រទេសនានាកំពុងព្យាយាមទាក់ទាញយក?។

នៅក្នុងវដ្តនៃវិស័យអចលនទ្រព្យ វាមានសណ្ឋានដូចទឹករលក មានឡើង​ចុះជារឿងធម្មតា ប៉ុន្តែបើផ្អែកលើកត្តាសន្តិភាព ស្ថិរភាពនយោបាយ និងកំណើន​សេដ្ឋកិច្ចរយៈពេលវែងនៅកម្ពុជា ការវិនិយោគលើអាគារកំពស់រាប់រយម៉ែត្របែប​នេះ ទំនងជាគ្មានបញ្ហាក្នុងទីផ្សារនោះទេ។

ទី២ ផ្គត់ផ្គង់រង់ចាំតម្រូវការ

នៅក្នុងទស្សនវិស័យ ប្រកបដោយសុទិដ្ឋិនិយមរបស់បុគ្គលជោគជ័យ ក្នុងវិស័យអចលនទ្រព្យ និងជំនួនដទៃទៀត ពួកគេតែងតែលើកឡើងថា “នៅពេល​មានការផ្គត់ផ្គង់តម្រូវការនឹងកើតមានជាស្វ័យប្រវត្តិ”។

ពិតហើយនៅពេលកម្ពុជា មានវត្តមានអាគារខ្ពស់ៗកំពស់៥០០ទៅ៦០០ម៉ែត្រ ពិភពលោកនឹងភ្ញាក់ផ្អើល។ អ្នកវិនិយោគនានានឹងសម្លឹងមកកម្ពុជា ហើយ​នឹងឈានជើងមកកាន់ទីផ្សារនេះកាន់តែច្រើន ខណៈបច្ចុប្បន្នកម្ពុជាមានក្រុមហ៊ុនយក្សប្រមាណ១០០ហើយ ក្នុងចំណោមក្រុមហ៊ុនយក្សទាំង៥០០ដែលបាន​មកវិនិយោគនៅកម្ពុជា។

អ្វីៗរង់ចាំតែពេលវេលាប៉ុណ្ណោះថា តើពេលណាអាគារទាំងពីរ ទាំងបីនឹង​សាងសង់ និងបញ្ចប់ដោយជោគជ័យយ៉ាងដូចម្តេច?។ ការបញ្ចប់ការសាងសង់ដោយជោគជ័យ កម្ពុជានឹងក្លាយជាដែកឆក់ដ៏ខ្លាំងមួយ ដើម្បីបង្ហាញពីអំណាចនៃ​សេដ្ឋកិច្ចរបស់ខ្លួន ដើម្បីបង្ហាញនិងបង្អួតពិភពលោកថា កម្ពុជាពិតជាខ្លាសេដ្ឋកិច្ច​ដ៏រ៉ឹងមាំមួយ កម្ពុជាមិនស្ថិតក្នុងអន្ឋកាលដូចពីមុននោះទេ។

ពិភពលោកនឹងមើលមកកម្ពុជា ក្នុងរូបភាពជាប្រទេសមួយថ្មី ដែលមានភាពស៊ីវិល័យ និងអនាគតរ៉ុងរឿងមួយ៕

Source From : Property Area

 

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Villa For Rent
Niroth,Meanchey
USD 600.00/Month
Shop For Rent
Niroth,Meanchey
USD 700.00/Month
Land For Sale
Chroy Changva,Russey Keo
USD 1,090,000.00
Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month

CVEA MEMBERS