CBRE ៖ តម្លៃ​ខុនដូ​នឹង​ដាំ​ក្បាល​ចុះ​នៅ​ឆ្នាំ​នេះ

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 
សំណង់​ខុនដូ​ដែល​មាន​ការ​រីក​ដុះដាល​ក្នុង​រាជធានី​ភ្នំពេញ​។ ហុង មិនា

ស្រប​ពេល​ដែល​ចំនួន​ខុនដូ​ថ្មីៗ​ចូល​ទីផ្សារ​កាន់តែ​ច្រើន​នោះ ការ​សិក្សា​មួយ​បាន​ព្យាករ​ថា តម្លៃ​ខុនដូ​អាច​នឹង​មាន​ការ​ធ្លាក់​ចុះ​ខ្លះ​នៅ​ឆ្នាំ​ ២០១៨ នេះ​។

នាយិកា​ក្រុមហ៊ុន CBRE Cambodia អ្នកនាង អាន សុធីតា បាន​មាន​ប្រសាសន៍​ឲ្យ​ដឹង​តាម​ទូរស័ព្ទ​កាលពី​ថ្ងៃ​ចន្ទ​ថា តម្លៃ​ខុនដូ​កាលពី​ឆ្នាំ​ ២០១៧ កន្លង​មក​មិន​មាន​អ្វី​ប្រែប្រួល​នោះ​ទេ បើ​ធៀប​នឹង​ឆ្នាំ​ ២០១៦ ប៉ុន្តែ​សម្រាប់​ឆ្នាំ​ ២០១៨ នេះ​ខុនដូ​ដែល​មាន​តម្លៃ​ទាប និង​មធ្យម​អាច​នឹង​ធ្លាក់​ចុះ​ខ្លះ​ដោយសារ​ការ​ប្រកួត​ប្រជែង​ក្នុង​ទីផ្សារ​កើនឡើង​ ខណៈ​ចំនួន​អាផាតមិន​ក៏​កំពុង​កើនឡើង​ច្រើន​ផង​ដែរ​។

របាយការណ៍​នៃ​ការសិក្សា​របស់​ក្រុមហ៊ុន CBRE Cambodia បាន​ព្យាករ​ថា នៅ​ឆ្នាំ​ ២០១៨ នេះ​តម្លៃ​ខុនដូ​ខ្នាត​ទាប អាច​ធ្លាក់​ចុះ​ ១១ ​ភាគរយ ខ្នាត​មធ្យម​អាច​ធ្លាក់​ចុះ​ ៤ ​ភាគរយ ប៉ុន្តែ​តម្លៃ​សម្រាប់​ខុនដូ​ខ្នាត​ខ្ពស់ (Luxury) នឹង​មាន​ការ​កើនឡើង​ចំនួន​ ៣ ​ភាគរយ​។ ការ​សិក្សា​នោះ​ក៏​បាន​រកឃើញ​ផង​ដែរ​ថា នៅ​ក្នុង​ឆ្នាំ​ ២០១៨ នេះ​អត្រា​ជួល​ខុនដូ​នឹង​មាន​ការ​ធ្លាក់​ចុះ​ខ្លះ​ផង​ដែរ​។

អ្នកនាង អាន សុធីតា បាន​អះអាង​ថា៖ «​ខុនដូ​ដែល​បាន​ផ្គត់ផ្គង់​ចូល​ទីផ្សារ​រួច​ហើយ​មាន​ចំនួន​ ៨,៦០០ ​យូនីត និង​នៅ​ឆ្នាំ​នេះ​នឹង​មាន​ខុនដូ​ចំនួន​ ១៧ ​គម្រោង​ដែល​ស្មើ​នឹង​ ១៣,០០០ ​យូនីត​ទៀត នឹង​ត្រូវ​ដាក់ចូល​ទីផ្សារ​បន្ថែម​ទៀត​។ ការ​ធ្លាក់​ចុះ​តម្លៃ​នេះ វា​មាន​ជាប់​ទាក់ទង​នឹង​ការកើនឡើង​នៃ​ការផ្គត់ផ្គង់​»​។

ការសិក្សា​ខាង​លើ​បាន​រកឃើញ​ថា ខុនដូ ប្រណីត នៅ​កម្ពុជា​បច្ចុប្បន្ន​មាន​តម្លៃ​ជា​មធ្យម​ ៣២០០ ​ដុល្លារ​ក្នុង​ ១ ​ម៉ែត្រការ៉េ ខុនដូ​កម្រិត​មធ្យម​ ២៦០០ ​ដុល្លារ និង​ខុនដូ​តម្លៃ​ទាប​មាន​តម្លៃ​មធ្យម​ ១៣៥០ ​ដុល្លារ​។

ប្រធាន​ក្រុមប្រឹក្សា​ភិបាល​នៃ​ក្រុមហ៊ុន WorldBridge Group លោក​ឧកញ៉ា សៀ ឫទ្ធី ដែល​បាន​និង​កំពុង​វិនិយោគ​គម្រោង The Bridge, The PeAk និង​គម្រោង​ជាច្រើន​ទៀត​បាន​ថ្លែង​ថា វា​ហាក់​ឆាប់​ពេក​ក្នុង​ការ​សន្និដ្ឋាន​ថា ការលក់ និង​តម្លៃ​ជួល​ខុនដូ​ក្នុង​ឆ្នាំ​ ២០១៨ នេះ​ធ្លាក់​ចុះ​។ អ្វី​ដែល​សំខាន់​គឺ​គេ​គួរ​ផ្តោត​ថា តើ​ការ​លក់​នា​ឆ្នាំ​នេះ​អាច​បាន​ច្រើន​ដូច​ឆ្នាំមុន ឬ​អត់​? ព្រោះ​គម្រោង​សាងសង់​ថ្មីៗ​នៅក្នុង​ឆ្នាំនេះ​មិន​កើនឡើង​ទេ ប៉ុន្តែ​ក៏​មិន​ថយ​ចុះ​ដែរ​។

លោក​មាន​ប្រសាសន៍​ថា៖ «​ខុនដូ​ភាគច្រើន​វិនិយោគ​ដោយ​ជនជាតិ​ចិន ដូច្នេះ​វា​មិន​សូវ​ពាក់ព័ន្ធ​នឹង​ទីផ្សារ​ក្នុង​ស្រុក​ច្រើន​នោះ​ទេ​»​។

តាម​ការសិក្សា​របស់​ក្រុមហ៊ុន Vtrust Appraisal ដែល​ទើប​បាន​ផ្សព្វផ្សាយ​កាលពី​ពេល​ថ្មីៗ​នេះ​បាន​ឲ្យ​ដឹង​ថា ចំនួន​ខុនដូ​នៅ​រាជធានី​ភ្នំពេញ​មាន​ចំនួន​ ១៦០ ​ទីតាំង​ដែល​ស្មើ​នឹង​ ៦១១៩៩ ​យូនីត​ក្នុង​នោះ​ ៣៣ ​ទីតាំង​បាន​បញ្ចប់ និង​ដាក់​ចូល​ទីផ្សារ​ដែល​ស្មើ​នឹង​ ៨៧៩៣ ​យូនីត​។ ក្រៅពី​រាជធានី​ភ្នំពេញ​នៅ​ខេត្ត​ព្រះសីហនុ​មាន​ខុនដូ​សរុប​កើន​ដល់​ ១៥ ​គម្រោង និង​មាន​ផ្ទះ​ (​យូនីត​) ប្រមាណ​ ៤១៧០ ​យូនីត ដែល​ភាគច្រើន​នៃ​ខុនដូ​ទាំង​នោះ​កំពុង​សាងសង់​។

ភាគ​ហ៊ុនិក​នៃ​ក្រុមហ៊ុន​លំនៅឋាន អ៊ិល កម្ពុជា ភ្នំពេញ លោក ទុយ ប៊ុន ដែល​បាន​និង​កំពុង​វិនិយោគ​ខុនដូ​ចំនួន​ ៦ ​ទីតាំង​បាន​និយាយ​ថា​ការ​លក់​ខុនដូ​នៅ​ឆ្នាំ​ ២០១៨ មាន​សភាព​ធម្មតា​ដោយ​ក្នុង​រយៈពេល​ជាង​មួយ​ខែ​កន្លង​មក​នេះ​ក្រុមហ៊ុន​អាច​លក់​បាន​ចន្លោះ​ពី​ ២០ ​ទៅ​ ៣០ ​យូនីត និង​លក់​ក្នុង​តម្លៃ​ចន្លោះ​ពី​ ៨០០ ​ទៅ​ ១០០០ ​ដុល្លារ​ក្នុង​ ១ ​ម៉ែត្រការ៉េ​។

លោក​បន្ត​ថា៖ «​ដោយសារ​គម្រោង​របស់​ខ្ញុំ​ផ្តោត​លើ​អ្នក​មាន​ចំណូល​មធ្យម ដូច្នេះ​វា​មិន​រង​ផលប៉ះពាល់​ដោយសារ​ការ​ប្រកួតប្រជែង​នោះ​ទេ ព្រោះ​គម្រោង​ខុនដូ​តម្លៃ​បែប​នេះ​មិន​មាន​ច្រើន​ក្នុង​ទីផ្សារ​ប្រទេស​កម្ពុជា​នោះ​ទេ​។ លោក​បាន​បន្តថា ៖ «​មូលហេតុ​ដែល​ក្រុមហ៊ុន​របស់​ខ្ញុំ​ផ្តោត​លើ​ប្រជាជន​មាន​ចំណូល​មធ្យម ដោយសារ​ប្រជាជន​មាន​ជីវភាព​បែប​នេះ​មាន​ចំនួន​ច្រើន ហើយ​គម្រោង​របស់​យើង​លក់​ក្នុង​តម្លៃ​ចាប់ពី​ ២៨,០០០ ​ដល់​ជាង​ ៣០,០០០ ជា​តម្លៃ​ដែល​ប្រជាជន​ខ្មែរ​ភាគច្រើន​មាន​លទ្ធភាព​ទិញ​បាន​»​។

លោក ប៊ុន ប្រាប់​ទៀត​ថា​អតិថិជន​ដែល​ទិញ​បន្ទប់​ស្នាក់នៅ​ក្នុង​ខុនដូ​របស់​លោក​ភាគច្រើន​ជា​ជនជាតិ​ខ្មែរ ប៉ុន្តែ​ក្នុង​ប៉ុន្មាន​ខែ​កន្លង​មក​នេះ​ក៏​មាន​ជនជាតិ​ចិន​មួយ​ចំនួន​បាន​មក​ទិញ​ផង​ដែរ ដែល​ធ្វើឲ្យ​គម្រោង​នេះ​មាន​អតិថិជន​ចម្រុះ​ជាតិ​សាសន៍​៕

Source From : Phnom Penh Post

 

Latest News

ដោយដែន ចែងចាំង ​ភ្នំពេញ: តម្រូវការការងារក្នុងវិស័យសំណង់ និងអចលនទ្រព្យបានកើនឡើងខ្ពស់ស្របពេលការរីកចម្រើនលើវិស័យសំណង់...
ដោយ គង់ សូរិយា ​ភ្នំពេញ: ខេត្តភូមិភាគឥសាន្តប្រទេស...
ដោយវុត្ថា យោងតាមការទិន្ន័យផ្លូវការរបស់មន្ត្រីរដ្ឋាភិបាលចិន បានបង្ហាញនៅថ្ងៃអង្គារិ៍នេះ ថា...

LATEST EXCLUSIVE LISTING

Land For Sale
Chroy Changva,Russey Keo
USD 1,090,000.00
Land For Sale
Prek Leap,Russey Keo
USD 850,000.00
Land For Rent
Prek Leap,Russey Keo
USD 1,600.00/Month
Villa For Sale
Niroth,Meanchey
USD 205,000.00
Villa For Sale
Chroy Changva,Russey Keo
USD 225,800.00

CVEA MEMBERS