ស្រ្តីជើងខ្លាំងពីររូប លើកឡើងពីស្ថានភាពអចលនទ្រព្យឆ្នាំ២០១៨

Languages

banner realestate

 Axis Residences

KHMER CAPITAL MICROFINANCE INSTITUTION PLC

vtrust

SurinPhumi – Eco-Green Community

 

ភ្នំពេញ៖ ឆ្នាំ២០១៨ជាឆ្នាំនៃការបោះឆ្នោត និងជាវដ្តនៃវិបត្តិសេដ្ឋកិច្ចផងដែរ ប៉ុន្តែឆ្នាំ២០១៨នៅកម្ពុជា ទំនងជាមិនមានអ្វីកើតឡើងក្នុងវិស័យសំណង់និងអចលនវត្ថុនៅកម្ពុជានោះទេ។

ស្រ្តីជើងខ្លាំងពីររូបដែលធ្វើការងារយ៉ាងសកម្មទាក់ទងការទិញ លក់ ជួល​ក្នុងវិស័យអចលនទ្រព្យ បានលើកឡើងពីការយល់ឃើញរបស់ខ្លួន ជាមួយស្ថានិកនៃគេហទំព័រអចលនទ្រព្យ Propertyarea.asia ទាក់ទងនឹងស្ថានភាពអចលទ្រព្យឆ្នាំនេះ។

នាយិកាប្រចាំប្រទេស នៃក្រុមហ៊ុនអចលនទ្រព្យលំដាប់អន្តរជាតិ CBRE Cambodia អ្នកនាង អាន សុធីតា បានមានប្រសាសន៍ឲ្យដឹងតាមទូរស័ព្ទនៅថ្ងៃទី២ មករានេះថា ឆ្នាំ២០១៨មានវិស័យមួ​យ​​ចំនួននឹងកើនឡើងនូវការផ្គត់ផ្គង់ និងប្រកួតប្រជែងកាន់តែខ្លាំង ដោយចំនួនខុនដូ១៣០០០យូនីត នឹងដាក់ចូលទីផ្សារនៅឆ្នាំនេះ ដែលធ្វើឲ្យទីផ្សារជួលកើន ឡើង។ចំណែកតម្រូវការអាគារការិយា​ល័យនៅតែល្អប្រសើរ ដោយអាគារកម្រិត B និងC មានតម្រូវការខ្ពស់ ខណៈផ្សារទំនើបក៏កំពុងមានការប្រែប្រួលខ្លាំងផងដែរ ដោយសារផ្សារទំនើបលំដាប់អន្តរជាតិ២ទៀតនឹង បើកដំណើរការក្នុងឆ្នាំនេះ។

អ្នកនាងបន្តថា “ខ្ញុំគិតថាលំហូរ FDI នៅតែមានស្ថិរភាព មិនធ្លាក់ចុះនោះទេ ហើយទីផ្សារនេះ កំពុងមានតម្រូវការស្រូបយកច្រើន ដែលធ្វើឲ្យការទិញលក់បុរីនៅតែល្អប្រសើរ”។ អ្នកនាងបន្តថា “ទីផ្សារបុរីបានងាកមកកាន់តម្លៃសមរម្យ ហើ​យកំលាំងទិញនៅតែខ្លាំង ព្រោះបុរីផ្តោតលើប្រជាជនក្នុងស្រុក”។

ចំណែកនាយិកាប្រតិបត្តិ នៃក្រុមហ៊ុនអចលនទ្រព្យលំដាប់ពិភពលោក Century21 Cambodia អ្នកនាង Grace Rachny Fong បានមានប្រសាសន៍ឲ្យដឹងផងដែរថា ស្ថានភាពអចលនទ្រព្យនឹងមិនប្រែប្រួលខ្លាំងនោះទេ ព្រោះចុងឆ្នាំ២០១៧មានគំរោងធំ២បានបើកសម្ភោធជាអ្វីដែលផ្តល់ទំនុកចិត្តដល់ទីផ្សារនេះ។ ជាមួយនេះសកម្មភាពនៃការទិញលក់ ជួលនៅក្នុងក្រុមហ៊ុនរបស់យើង នៅតែមានភាពសកម្មទាំងនៅរាជធានីភ្នំពេញ និងតាមបណ្តាខេត្ត។

អ្នកនាងបន្តថា ចំនែកទីផ្សារខុនដូនៅតែមានសក្តានុពល ដោយគំរោង ដែលបានសាងសង់កាលពីមុនបានបញ្ចប់ច្រើន ហើយការលក់នៅ​តែល្អ សម្រាប់គំរោងដែលមានតម្លៃសមរម្យ ប៉ុន្តែខុនដូតម្លៃខ្ពស់ និងស្ថិតនៅទីតាំងមិនអំណោ​យផល ជួបការលំបាកបន្តិច។អ្នកនាងបន្តថា ខុនដូមួយចំនួនដែលបានបញ្ចប់ការ​សាងសង់បានប្តូររូបភាពទៅជាសណ្ឋាគារ និងសេវាអាផាតម៉ិន ដើម្បីធ្វើពិពិធកម្ម​ទីផ្សាររបស់ខ្លួន ខណៈការប្រកួតប្រជែងបន្តកើនឡើងក្នុងទីផ្សារនេះ។

អ្នកនាងបន្តថា “បើសិនជាពិនិត្យមើលលំហូរ FDI វិញ ខ្ញុំគិតថាអាចស្ថិតក្នុងសភាពទ្រឹង ឬអាចធ្លាក់ចុះតិចតួច ព្រោះអ្នកវិនិយោគពីអឺរ៉ុបមានការបារម្ភ ប៉ុន្តែអ្នកវិនិយោគក្នុងតំបន់អាស៊ី ពួកគេនៅតែចូលមកកាន់ទីនេះ”៕

Source From : Property Area

 

Latest News

LATEST EXCLUSIVE LISTING

Flat House For Sale
Phnom Penh Thmei,Sen Sok
USD 159,000.00
Flat House For Sale
Boeng Trabek,Chamkarmon
USD 830,000.00
Flat House For Sale
Prek Pra,Meanchey
USD 170,000.00
Villa For Sale
Phnom Penh Thmei,Sen Sok
USD 310,000.00
Villa For Sale
Chroy Changva,Russey Keo
USD 255,000.00

CVEA MEMBERS